బిగ్ వ్యాక్సినేషన్ డ్రైవ్.. సర్వం సిద్ధం

హైదరాబాద్ : 22/08/2021

బిగ్ వ్యాక్సినేషన్ డ్రైవ్.. సర్వం సిద్ధం

తొలివెలుగు మీడియా ట్విట్టర్ సౌజన్యంతో 

జీహెచ్ఎంసీ, కంటోన్మెంట్ పరిధిలో స్పెషల్ వ్యాక్సినేషన్ డ్రైవ్ నిర్వహిస్తున్నారు అధికారులు. ఇంటింటికి తిరిగి టీకాలు అందించనున్నారు. సోమవారం నుంచి 15 రోజుల పాటు ఈ డ్రైవ్ కొనసాగుతుంది. నగరంలోని 4,846 కాలనీలు, మురికివాడలతో పాటు కంటోన్మెంట్ జోన్‌ లోని 360 ప్రాంతాల్లో టీకాలు వేయనున్నారు.

ఇప్పటి వరకు వ్యాక్సిన్ తీసుకోని వారితో పాటు, రెండో డోసు వేసుకోవాల్సిన వారికి టీకా అందించనున్నారు అధికారులు. ఈ డ్రైవ్ తో హైదరాబాద్ లో వంద శాతం టీకా పంపిణీ చేస్తామని చెబుతున్నారు. జీహెచ్ఎంసీ పరిధిలో 175, కంటోన్మెంట్‌ లో 25 మొబైల్ వ్యాక్సిన్ వాహనాలను కూడా సిద్ధం చేశారు. ప్రతీ వాహనంలో ఇద్దరు సిబ్బందితోపాటు ఓ డేటా ఎంట్రీ ఆపరేటర్ ఉంటారు. ఈ 15 రోజులు ప్రతీ కాలనీకి వెళ్లి ఇంటింటికీ వ్యాక్సిన్ అందిస్తారు.