Saturday, November 21, 2026

విద్యావేత్త చుక్కా రామయ్యకు శతవసంతాల శుభాకాంక్షలు - సీఎం రేవంత్ రెడ్డి_

*విద్యావేత్త చుక్కా రామయ్యకు శతవసంతాల శుభాకాంక్షలు - సీఎం రేవంత్ రెడ్డి*

బాపట్ల కృష్ణమోహన్ హైదరాబాద్ బ్యూరో, మీడియా టుడే, నవంబర్ 20:

ప్రముఖ విద్యావేత్త చుక్కా రామయ్య శతవసంతాలు పూర్తి చేసుకుని కొత్త వసంతంలోకి అడుగుపెట్టిన సందర్భంగా ముఖ్యమంత్రి ఎ. రేవంత్ రెడ్డి ఆయన నివాసానికి వెళ్లి జన్మదిన శుభాకాంక్షలు తెలిపారు.చుక్కా రామయ్య జన్మదినోత్సవం తెలంగాణ ప్రజలకు, విద్యా వ్యవస్థకు గొప్ప పర్వదినమని ఈ సందర్భంగా ముఖ్యమంత్రి వ్యాఖ్యానించారు.
స్వాతంత్య్ర ఉద్యమం, తెలంగాణ ఉద్యమంలో క్రియాశీలక పాత్ర పోషించిన రామయ్య ఐఐటీ అనే పదాన్ని ప్రజలకు, విద్యార్థులకు పరిచయం చేసిన గొప్ప విద్యావేత్త అని కొనియాడారు. విద్యావేత్తగానే కాకుండా శాసనమండలిలో సభ్యుడిగా కూడా ఈ ప్రాంతంపై తనదైన ముద్రను వేశారని అన్నారు.
చుక్కా రామయ్య , ప్రొ. నాగేశ్వర్ లాంటి వారితో కలిసి పనిచేశానని గుర్తుచేస్తూ ఆ విషయాన్ని తాను గొప్పగా చెప్పుకుంటానని, అదృష్టంగా భావిస్తానని అన్నారు. శాసనమండలిలో సామాజిక సమస్యలు, ప్రజా సమస్యలపై ప్రభుత్వాన్ని నిలదీయడమే కాకుండా సమస్యలకు పరిష్కారం కూడా సూచించే వారని గుర్తుచేశారు.చుక్కా రామయ్య శాసనమండలిలో ప్రస్తావన చేసేంత వరకు ఉమ్మడి రంగారెడ్డి జిల్లాలో డిగ్రీ కాలేజీ లేదన్న విషయం ఎవరికీ తెలియదని, వారు ప్రస్తావించిన తర్వాత ప్రభుత్వం ఒక నిర్ణయం తీసుకున్నదని చెప్పారు. కాలానికి, రాజకీయాలకు చుక్కా రామయ్య లాంటి వారు అతీతులని, వారు ఆయురారోగ్యాలతో అందరికీ స్ఫూర్తినివ్వాలని ముఖ్యమంత్రి కోరుకున్నారు. చుక్కా రామయ్య ఆలోచనలు, సూచనలు, సలహాల మేరకు ప్రభుత్వం ముందుకు వెళుతోందని ముఖ్యమంత్రి అన్నారు.
ముఖ్యమంత్రితో పాటు ఎంపీ అనిల్ కుమార్ యాదవ్ , ఎమ్మెల్సీ ప్రొ కోదండరాం , ఎమ్మెల్యే కూనంనేని సాంబశివ రావు , జస్టిస్ సుదర్శన్ రెడ్డి , ప్రొ. హరగోపాల్ , సీనియర్ జర్నలిస్టు రామచంద్రమూర్తితో పాటు పలువురు ప్రముఖులు చుక్కా రామయ్యకు జన్మదిన శుభాకాంక్షలు తెలిపారు.

హైదరాబాద్‌లోని ముషీరాబాద్‌లో విద్యుత్ షాక్‌తో ఒక విద్యార్థి మృతి చెందడం, మరో విద్యార్థికి గాయాలవడం అత్యంత బాధాకరం_

*విద్యాసంస్థల్లో విద్యార్థుల భద్రత ఎక్కడ?*

*హైదరాబాద్‌లోని ముషీరాబాద్‌లో విద్యుత్ షాక్‌తో ఒక విద్యార్థి మృతి చెందడం, మరో విద్యార్థికి గాయాలవడం అత్యంత బాధాకరం*

*అనురాధ రావు అధ్యక్షురాలు - బాలల హక్కుల సంఘం*

బాపట్ల కృష్ణమోహన్ హైదరాబాద్ బ్యూరో, మీడియా టుడే, నవంబర్ 20:

హైదరాబాద్‌లోని ముషీరాబాద్‌లో విద్యుత్ షాక్‌తో ఒక విద్యార్థి మృతి చెందడం, మరో విద్యార్థికి గాయాలవడం అత్యంత బాధాకరం అని బాలల హక్కుల సంఘం అధ్యక్షురాలు అనురాధ రావు అన్నారు.విద్యార్థులకు విద్యాబుద్ధులు నేర్పించాల్సిన పాఠశాలలు, హాస్టళ్లు వారి ప్రాణాలకు ముప్పుగా మారకూడదు.పాఠశాలలు, హాస్టళ్లలో విద్యుత్ వైర్లు, భవనాలు, గేట్లు, రక్షణ ఏర్పాట్లపై అధికారులు తక్షణమే తనిఖీలు నిర్వహించాలి.ఈ ఘటనపై బాలల హక్కుల సంఘం తరఫున తెలంగాణ రాష్ట్ర మానవ హక్కుల కమిషన్ HRC లో అధికారికంగా ఫిర్యాదు నమోదు చేశాము అని తెలిపారు.విద్యుత్ షాక్‌తో మరణించిన బాలిక తల్లిదండ్రులు జంపన్న, శ్రీలతలకు ప్రభుత్వం రూ.8 లక్షల ఎక్స్‌గ్రేషియా అందించాలని ఫిర్యాదులో కోరాము అని తెలిపారు.
TGSPDCL ఉత్తర్వులు S.P.O.O.JS IR అండ్ L, ఎమ్ ఎస్ . నెంబర్ .1431, తేదీ 28-07-2026 ప్రకారం విద్యుత్ ప్రమాదాల్లో మరణించిన వారికి చెల్లించే ఎక్స్‌గ్రేషియాను రూ.5 లక్షల నుంచి రూ.8 లక్షలకు పెంచిన విషయాన్ని కూడా ప్రస్తావించాము. ఈ ఉత్తర్వులు ఈ ఘటనకు వర్తించేలా పరిహారం అందించాలని కోరాము అని అన్నారు.ఈ ఘటనపై సమగ్ర విచారణ జరిపి బాధ్యులపై చర్యలు తీసుకోవాలని, బాధిత కుటుంబానికి న్యాయం చేయాలని, ఇలాంటి ఘటనలు పునరావృతం కాకుండా అన్ని విద్యాసంస్థల్లో భద్రతా ప్రమాణాలను తప్పనిసరిగా అమలు చేయాలని కోరుతున్నాము.పిల్లల భద్రత ప్రభుత్వానికి, విద్యాసంస్థలకు అత్యంత ప్రాధాన్యత కావాలి.

విద్యావేత్త చుక్కా రామయ్యకు జన్మదిన శుభాకాంక్షలు తెలిపిన చంద్రబాబు నాయుడు_

*విద్యావేత్త చుక్కా రామయ్యకు  జన్మదిన శుభాకాంక్షలు తెలిపిన చంద్రబాబు నాయుడు*

హైదరాబాద్ / విజయవాడ, బాపట్ల కృష్ణమోహన్)నవంబర్ 20:

'ఐఐటీ రామయ్య'గా తెలుగు ప్రజలకు సుపరిచితులైన ప్రముఖ విద్యావేత్త చుక్కా రామయ్యకు హృదయపూర్వక జన్మదిన శుభాకాంక్షలు తెలిపిన ఆంధ్రప్రదేశ్ ముఖ్యమంత్రి చంద్రబాబు నాయుడు. క్రమశిక్షణ, అత్యుత్తమ శిక్షణతో ఐఐటీల్లో సీట్లు పొందేందుకు వేలాది మంది విద్యార్థులకు రామయ్య మార్గం చూపారు అని అన్నారు.ఆయన తీర్చిదిద్దిన విద్యార్థులు నేడు ప్రపంచవ్యాప్తంగా వివిధ రంగాల్లో గొప్ప గొప్ప హోదాల్లో పనిచేస్తున్నారు.చుక్కా రామయ్యతో నాకు ఎంతో కాలంగా ఆత్మీయ అనుబంధం ఉంది. విద్యార్థుల పట్ల ఆయనకు ఉన్న అంకితభావాన్ని నేను దగ్గరగా చూశాను. నిండు నూరేళ్ళు పూర్తి చేసుకున్న రామయ్య గారు సంపూర్ణ ఆయురారోగ్యాలతో, ఆనందంగా మరెన్నో పుట్టినరోజులు జరుపుకోవాలని మనస్ఫూర్తిగా కోరుకుంటున్నాను అని అన్నారు.

ఆకునూరి మురళి రిటైర్డ్ ఐఏఎస్ IAS అధికారి సంచలన వ్యాఖ్యలు_

*85 శాతం అధికారులు, ఉద్యోగులు, 90 శాతం మంత్రులు ఎమ్మెల్యే లు లంచగొండులు*

*ఆకునూరి మురళి రిటైర్డ్ ఐఏఎస్ IAS అధికారి సంచలన వ్యాఖ్యలు*

బాపట్ల కృష్ణమోహన్, మీడియా టుడే హైదరాబాద్ బ్యూరో, నవంబర్ 20:

ఎక్కడ చూసినా లంచగొండులు. 85 శాతం అధికారులు,  ఉద్యోగులు, 90 శాతం మంత్రులు ఎమ్మెల్యే లు ఇందులో ఉన్నారు.అందరూ కలిసి సమాజాన్ని భ్రష్టు పట్టిస్తున్నారు అని ఆకునూరి మురళి రిటైర్డ్ ఐఏఎస్  అధికారి ట్విట్టర్ ఎక్స్ వేదికగా సంచలన వ్యాఖ్యలు చేశారు.అవినీతి చేస్తే ఉద్యోగం పోతుంది, ఎమ్మెల్యే గిరి పోతుంది , శిక్షలు ఉంటాయి అనే భయం ఉందా అసలు ? ఎమ్మెల్యే గారు ఏం చేద్దాం ? ముఖ్యమంత్రికి మీకు అంటే అందరూ ఎమ్మెల్యే లకు చిత్త శుద్ధి ఉంటే గట్టి అవినీతి నిరోధక చట్టం తెద్దాము అని ప్రశ్నించారు.ఈ చట్టం పరిధిలోకి ఐఏఎస్ , ఐపీఎస్ , అందరూ అధికారులను,ఎమ్మెల్యే లను, మంత్రులను, ఎంపీ లను, జడ్జీలను, కాంట్రాక్టర్లను కూడా తీసుకొద్దాము అని అన్నారు.పది స్పెషల్ కోర్టులు పెడదాము. రాజకీయాలకు అతీతంగా ఒక స్వతంత్ర చట్టబద్ధమైన చట్టబద్ధమైన కమిషన్ పెడదాము. మెజిస్టీరియల్ పవర్స్ ఇద్దాము అని సూచించారు. ఏసీబీ ని కూడా కమిషన్ పరిధి లోకి తీసుకొద్దాము. నెల రోజులలో శిక్షలు పడేటట్లు, శిక్షలు గట్టిగా ఉండేటట్లు, అవినీతి జరుగకుండా ముందే అరికట్టేటట్లు గట్టి చట్టాన్ని రూపొందిద్దాము. 
మీరు చెయ్యరు ఎందుకంటే మీరందరూ అందులో భాగం. ఏదో చిన్న చిన్న ఉద్యోగులను పట్టుకొని ఏదో చేస్తున్నట్లు మొక్కుబడి పనులు చేస్తారు.  కెసిఆర్ ఆ మొక్కుబడి పనులు కూడా చెయ్యలేదు మహానుభావుడు 
రోజు రోజు కు అవినీతి విస్తరిస్తుంది. సమాజం నాశనం అవుతుంది. కోట్ల మంది డైరెక్ట్ గా గా ఇండైరెక్టుగా కష్టాలను, పేదరికాన్ని , అవమానాలను అనుభవిస్తున్నారు అని తెలిపారు.

సంగారెడ్డిలో ఘనంగా డీజేయఫ్ DJF 11వ రాష్ట్ర మహాసభలు_

*అంబేడ్కర్ ఆశయాలే అజెండా.. జర్నలిస్టుల హక్కులే లక్ష్యం.*

*సంగారెడ్డిలో ఘనంగా డీజేయఫ్  DJF 11వ రాష్ట్ర మహాసభలు*
 
• ఐక్యత,చైతన్యం,పోరాటానికి పిలుపు.

• బోధించు | సమీకరించు |పోరాడు.

హైదరాబాద్ /సంగారెడ్డి (మీడియా టుడే హైదరాబాద్ బ్యూరో బాపట్ల కృష్ణమోహన్ ),నవంబర్ 19:

దళిత జర్నలిస్టుల హక్కుల పరిరక్షణ, సామాజిక సమానత్వం,రాజ్యాంగ హక్కుల సాధన, పాత్రికేయ రంగంలో కొనసాగుతున్న వివక్షకు వ్యతిరేకంగా ఐక్య ఉద్యమ నిర్మాణమే లక్ష్యంగా దళిత జర్నలిస్టుల ఫోరమ్ డీజేయఫ్ 11వ రాష్ట్ర మహాసభలు సంగారెడ్డి జిల్లా పరిషత్ హాల్‌లో నిర్వహించారు. ఫోరమ్ వ్యవస్థాపక అధ్యక్షులు కాసపోగు జాన్ నాయకత్వంలో జరిగిన ఈ మహాసభలకు వివిధ ప్రాంతాల నుంచి జర్నలిస్టులు,సంఘ నాయకులు, ప్రముఖులు,దాతలు,సహాయకులు హాజరై సంఘీభావం ప్రకటించారు.మహాసభకు హాజరైన పాత్రికేయుల సంఖ్య పరిమితంగానే ఉన్నప్పటికీ,ఫోరమ్ వ్యవస్థాపక నాయకత్వం,జాతీయ స్థాయి ప్రతినిధులు,రాష్ట్ర నాయకులు, దాతలు,సహకరించిన వ్యక్తుల కృషి సభలో ప్రత్యేక చైతన్యాన్ని నింపింది.అంబేడ్కర్ ఆశయాలను ఆచరణలోకి తీసుకురావడంతో పాటు జర్నలిస్టుల హక్కుల కోసం ఐక్యంగా పోరాడాలనే సందేశాన్ని నాయకులు బలంగా వినిపించారు.సభ ప్రారంభంలో భారత రాజ్యాంగ నిర్మాత డాక్టర్ బి.ఆర్. అంబేడ్కర్ చిత్రపటానికి డీజేయఫ్ వ్యవస్థాపక అధ్యక్షులు కాసపోగు జాన్,జాతీయ ప్రధాన కార్యదర్శి, 10 టీవీ స్టాఫర్ ఎ.డేవిడ్,సీనియర్ జర్నలిస్ట్ విజయసంకల్పం ప్రసాద్,మీడియా టుడే హైదరాబాద్ బ్యూరో బాపట్ల కృష్ణమోహన్,దళిత ఫోరమ్ వైస్ ప్రెసిడెంట్ ఎల్లేష్,సంగారెడ్డి దళిత జర్నలిస్ట్ ఫోరమ్ జిల్లా అధ్యక్షులు రామని అశోక్,జిల్లా ప్రధాన కార్యదర్శి కె.నవీన్ కుమార్,వైబ్ న్యూస్ బ్యూరో శ్రీధర్ యాలాల తదితరులు పూలమాలలు వేసి ఘనంగా నివాళులర్పించారు.ఈ సందర్భంగా  వ్యవస్థాపక అధ్యక్షులు కాసపోగు జాన్ మాట్లాడుతూ దళిత జర్నలిస్టుల హక్కుల సాధన కోసం ఫోరమ్ ఆవిర్భవించిందని,సంఘటిత శక్తితోనే సామాజిక వివక్షను ఎదుర్కొని న్యాయమైన హక్కులను సాధించగలమని స్పష్టం చేశారు.జర్నలిస్టుల సమస్యల పరిష్కారానికి సంఘం నిరంతరం కృషి చేస్తుందని పేర్కొన్నారు.
రాష్ట్ర ప్రధాన కార్యదర్శి ఎ.డేవిడ్ మాట్లాడుతూ జర్నలిస్టుల సమస్యలు వ్యక్తిగత సమస్యలుగా కాకుండా వృత్తిపరమైన హక్కుల అంశాలుగా చూడాలని,దళిత జర్నలిస్టులపై జరుగుతున్న వివక్ష, దాడులకు వ్యతిరేకంగా సమష్టి కార్యాచరణ అవసరమని పిలుపునిచ్చారు.తెలంగాణ, ఆంధ్రప్రదేశ్ వర్కింగ్ ప్రెసిడెంట్ లక్కాకుల రత్నకుమార్ మాట్లాడుతూ రెండు తెలుగు రాష్ట్రాల్లోని దళిత జర్నలిస్టులను ఒకే వేదికపైకి తీసుకొచ్చి హక్కుల సాధన కోసం బలమైన ఉద్యమాన్ని నిర్మించాల్సిన అవసరం ఉందన్నారు.తెలంగాణ రాష్ట్ర అధ్యక్షులు యాదగిరి మాట్లాడుతూ అంబేడ్కర్ చూపిన విద్య,సంఘటితం,పోరాటం అనే మార్గంలో జర్నలిస్టులు ముందుకు సాగాలని,ఐకమత్యమే మహాబలమనే స్ఫూర్తిని ప్రతి ఒక్కరూ అలవర్చుకోవాలని అన్నారు.డీజేయఫ్ ఉపాధ్యక్షులు మీసాల ఎల్లేష్ మాట్లాడుతూ జర్నలిస్టుల హక్కుల పరిరక్షణలో ఐక్యత కీలకమని,కుల,ప్రాంత,సంస్థాగత భేదాలకు అతీతంగా పాత్రికేయులంతా ఒకే గొంతుకగా నిలవాలని పిలుపునిచ్చారు.జర్నలిస్టులపై దాడులు,వివక్ష,వృత్తిపరమైన ఇబ్బందులపై సంఘటితంగా స్పందించాలని సూచించారు.
సీనియర్ ఫ్రీలాన్స్ పొయెట్ జర్నలిస్ట్, సెంట్రల్ మీడియా భవన్ కార్యసాధకుడు,ఎడిటర్,జర్నలిస్ట్ జాతీయ అవార్డు గ్రహీత,ఉత్తమ కలం యోధ అవార్డు గ్రహీత,సోషల్ ఫైటర్ విజయసంకల్పం ప్రసాద్ మాట్లాడుతూ అంబేడ్కర్ ఆశయాలు పుస్తకాలకే పరిమితం కాకుండా ప్రతి జర్నలిస్టు ఆలోచనలో,ఆచరణలో ప్రతిబింబించాలని అన్నారు. జర్నలిజం అనేది కేవలం వార్తల సేకరణ, ప్రచురణ మాత్రమే కాదని,సమాజంలోని అణగారిన వర్గాల గొంతుకగా నిలబడి అన్యాయాన్ని ప్రశ్నించే బాధ్యత అని పేర్కొన్నారు.దళిత జర్నలిస్టుల హక్కుల సాధనతో పాటు మహిళా పాత్రికేయులు కూడా స్వచ్ఛందంగా ఈ ఉద్యమంలో భాగస్వాములై ముందుకు రావాలని పిలుపునిచ్చారు.కేంద్ర,రాష్ట్ర ప్రభుత్వాలు పాత్రికేయుల సేవలను గుర్తించి తగిన గుర్తింపుతో పాటు నామినేటెడ్ పదవుల్లో సముచిత అవకాశాలు కల్పించాలని కోరారు.మీడియా టుడే హైదరాబాద్ బ్యూరో,జర్నలిస్ట్ జాతీయ అవార్డు గ్రహీత, ఉత్తమ జర్నలిస్ట్ అవార్డు గ్రహీత బాపట్ల కృష్ణమోహన్ మాట్లాడుతూ జర్నలిస్టుల మధ్య పరస్పర గౌరవం,సహకారం,ఐక్యత పెంపొందినప్పుడే వృత్తిపరమైన సమస్యలపై సమర్థవంతంగా పోరాడగలమని అన్నారు.మహిళా పాత్రికేయులును ప్రోత్సహించాలన్నారు.అంబెడ్కర్ ఆశయాలను చెప్పుకొని కొందరు పెద్దలు నిర్వీర్యం చేస్తున్నారని ఆగ్రహం వ్యక్తం చేశారు.సమస్య మీదా పరిష్కారం నాది అనేలా ప్రతి యొక్కరికి అందుబాటులో ఉంటానని ఈ మహాసభలో సూచించారు.ప్రజాస్వామ్యంలో మీడియా పాత్ర ఎంతో కీలకమని,ఆ పాత్రను మరింత బాధ్యతాయుతంగా నిర్వహించేందుకు జర్నలిస్టులకు భద్రత,గౌరవం,ప్రభుత్వ గుర్తింపు అవసరమని పేర్కొన్నారు.వైబ్ న్యూస్ బ్యూరో శ్రీధర్ యాలాల మాట్లాడుతూ అణగారిన వర్గాల సమస్యలను వెలుగులోకి తీసుకురావడంలో దళిత జర్నలిస్టుల పాత్ర కీలకమని, వారి వృత్తిపరమైన భద్రత, సామాజిక గౌరవం కోసం ప్రతి ఒక్కరూ మద్దతుగా నిలవాలని అన్నారు.నమస్తే తెలంగాణ సికింద్రాబాద్ కంటోన్మెంట్ సీనియర్ రిపోర్టర్ శ్రీకాంత్,మేకర్తి దినపత్రిక ప్రతినిధి కె.అన్నమ్మ,ఆర్.యన్.యన్ 24 న్యూస్ సీఈఓ కె.నవజీవన్,టీఐ 20 న్యూస్ సీఈఓ కె.అరుణ తదితరులు కూడా జర్నలిస్టుల ఐక్యత, మహిళా పాత్రికేయుల భాగస్వామ్యం,వృత్తిపరమైన గౌరవం,హక్కుల పరిరక్షణ ఆవశ్యకతపై తమ అభిప్రాయాలను వెల్లడించారు.ఈ మహాసభలు కేవలం ఒక సంఘ సమావేశంగా కాకుండా దళిత జర్నలిస్టుల సమస్యలను చర్చించే,భవిష్యత్ ఉద్యమ కార్యాచరణకు దిశానిర్దేశం చేసే వేదికగా నిలిచాయి.జర్నలిస్టులందరూ పరస్పర సహకారంతో ముందుకు సాగాలని, మహిళా పాత్రికేయులకు సముచిత ప్రాధాన్యత కల్పించాలని,అంబేడ్కర్ ఆశయాల సాధనకు ప్రతి ఒక్కరూ కృషి చేయాలని సభలో పిలుపునిచ్చారు.మహాసభకు విచ్చేసిన ప్రముఖులు,జర్నలిస్టులు, అతిథులను నిర్వాహకులు శాలువాలు,మెమెంటోలతో ఘనంగా సత్కరించారు.సభ విజయవంతానికి కృషి చేసిన దాతలు, సహాయకులు, ఫోరమ్ నాయకులకు ప్రత్యేక కృతజ్ఞతలు తెలిపారు.
==========
*మహాసభ నిర్వహణలో కీలక బాధ్యతలు నిర్వహించిన వారు:*

- కాసపోగు జాన్ – దళిత జర్నలిస్టుల ఫోరమ్ వ్యవస్థాపక అధ్యక్షులు
- ఎ.డేవిడ్ – రాష్ట్ర ప్రధాన కార్యదర్శి
- అక్కారపు రత్నకుమార్ – తెలంగాణ,ఆంధ్రప్రదేశ్ వర్కింగ్ ప్రెసిడెంట్
- యాదగిరి – తెలంగాణ రాష్ట్ర అధ్యక్షులు
- యం.డి.రాజ్ – ఆంధ్రప్రదేశ్ రాష్ట్ర అధ్యక్షులు
- మీసాల ఎల్లేష్ – DJF ఉపాధ్యక్షులు
- రామని అశోక్ – సంగారెడ్డి జిల్లా అధ్యక్షులు
- కె.నవీన్ కుమార్ – సంగారెడ్డి జిల్లా ప్రధాన కార్యదర్శి.
==========
*మహాసభ ఇచ్చిన సందేశం ఒక్కటే:*
జర్నలిస్టుల మధ్య కుల, ప్రాంత, సంస్థాగత భేదాలు ఉండకూడదు. హక్కుల విషయంలో అందరూ ఒక్కటిగా నిలవాలి. దళిత జర్నలిస్టులపై వివక్షను ప్రశ్నించాలి.మహిళా పాత్రికేయులను ఉద్యమంలో భాగస్వాములను చేయాలి. ప్రభుత్వాలు జర్నలిస్టుల సేవలను గుర్తించి తగిన గౌరవం, భద్రత,అవకాశాలు కల్పించాలి.
కలం బలహీనుల పక్షాన నిలవాలి.ఐక్యత హక్కుల సాధనకు ఆయుధం కావాలి.అంబేడ్కర్ ఆశయాలు ఆచరణలోకి రావాలి పిలుపునిచ్చారు.చివరిలో వ్యవస్థాపకులు కాసపోగు జాన్,ప్రధాన కార్యదర్శి ఎ.డేవిడ్,దళిత జర్నలిస్ట్ ఫోరమ్ సభ్యులతో,ముఖ్య అతిథులతో కేక్ ను కట్ చేసి సంబరాలతో వేదిక సూపర్ సక్సెస్ ను చేయడం లో జాన్,డేవిడ్,ఎల్లేష్,సంగారెడ్డి కమిటీ విజయవంతం చేశారు.ఈ కార్యక్రమంలో దళిత జర్నలిస్ట్ ఫోరమ్ సభ్యులు,సీనియర్ పాత్రికేయులు పాల్గొన్నారు.

ఇజ్రాయెల్–తెలంగాణ బిజినెస్ మీట్‌ను వ్యతిరేకించినందుకు SIO నేతల నిర్భంధాలా??_

*పత్రికా ప్రకటన* 

*ఇజ్రాయెల్–తెలంగాణ బిజినెస్ మీట్‌ను వ్యతిరేకించినందుకు SIO నేతల నిర్భంధాలా??*

*టి-హబ్‌లో ఇజ్రాయెల్–తెలంగాణ బిజినెస్ మీట్‌ను వ్యతిరేకించినందుకు ఎస్.ఐ.ఓ SIO తెలంగాణ నాయకులను రాత్రిపూట అక్రమంగా నిర్బంధించడాన్ని మానవ హక్కుల వేదిక  HRF తీవ్రంగా ఖండిస్తోంది*

హైదరాబాద్ బ్యూరో బాపట్ల కృష్ణమోహన్, మీడియా టుడే, నవంబర్ 16:

నవంబర్ 16, 2026న టి-హబ్ T-Hub వేదికగా జరగనున్న ఇజ్రాయెల్–తెలంగాణ బిజినెస్ మీట్ నేపథ్యంలో, స్టూడెంట్స్ ఇస్లామిక్ ఆర్గనైజేషన్ SIO తెలంగాణ నాయకులను ఎటువంటి వారెంట్ లేకుండా రాత్రిపూట హైదరాబాద్ సిటీ మీర్  చౌక్ పోలీసులు నిర్బంధించడాన్ని మానవ హక్కుల వేదిక HRF తీవ్రంగా ఖండిస్తోంది. పోలీసుల ఈ దుందుడుకు, ఏకపక్ష మరియు అప్రజాస్వామిక చర్య అత్యంత గర్హనీయం.ఇజ్రాయెల్ కంపెనీలతో రాష్ట్ర ప్రభుత్వం ప్రోత్సహిస్తున్న వాణిజ్య సంబంధాలపై సూత్రప్రాయమైన వ్యతిరేకతను వ్యక్తం చేసిన విద్యార్థి నాయకుల గొంతు నొక్కడానికి, ముందస్తుగా, ఎటువంటి వారెంట్లు లేకుండా నిర్బంధాలకు పాల్పడటం భావ ప్రకటనా స్వేచ్ఛ అనే ప్రాథమిక హక్కుపై జరిగిన  దాడి. రాజ్యాంగబద్ధమైన ప్రజాస్వామ్యంలో, ప్రజా సంస్థలు ప్రభుత్వ రంగ సంస్థల పనితీరును గమనిస్తూ విమర్శించడం జరగాలి. . శాంతియుత ప్రజాస్వామ్య వ్యతిరేకతను శాంతిభద్రతల సమస్యగా పరిగణించడం అనేది రాష్ట్ర నిఘా మరియు పోలీసుల బెదిరింపు సంస్కృతికి నిదర్శనం.పౌరులు తమ అభిప్రాయాలను వ్యక్తం చేసినంత మాత్రాన పోలీసులు ముందస్తు నిర్బంధాలను Preventive Detention ప్రయోగించకూడదు. ఇటువంటి హక్కుల ఉల్లంఘనలు పునరావృతం కాకుండా చూడాలని తెలంగాణ ప్రభుత్వాన్ని మేము కోరుతున్నాము.

**ఎం. సురేష్ బాబు**
అధ్యక్షుడు,
మానవ హక్కుల వేదిక (HRF) - హైదరాబాద్
**సంజీవ్*
ప్రధాన కార్యదర్శి,
మానవ హక్కుల వేదిక (HRF) - హైదరాబాద్

పదిహేనేళ్ల ప్రస్థానం ఒక సంస్థ విజయం మాత్రమే కాదు..దాని వెనుక పనిచేసిన ప్రతి కలానికి దక్కిన గౌరవం_


*అక్షరానికి అభిమానం..జర్నలిజానికి గౌరవాభిషేకం.*

**మీడియా టుడే 15 వసంతాల వేడుకల్లో జర్నలిస్టుల సంక్షేమం,సామాజిక బాధ్యతకు పెద్దపీట.**

- హైదరాబాద్ బ్యూరో బాపట్ల కృష్ణమోహన్ ప్రత్యేక కవితల ఫ్రేమ్ ప్రధాన ఆకర్షణగా నిలిచింది.
- మీడియా టుడే అధినేత కే.కోటేశ్వరరావు విజన్‌ కు ప్రశంసలు..
- పాశం యాదగిరి సందేశం..బ్యూరో బాపట్ల కృష్ణమోహన్ ఆధ్వర్యంలో ప్రత్యేక కవితా ఫ్రేముల ప్రదర్శన వేడుకలకు హైలైట్.

హైదరాబాద్ బ్యూరో బాపట్ల కృష్ణమోహన్ ,మీడియా టుడే నవంబర్ 16:

పదిహేనేళ్ల అక్షర ప్రస్థానం ఎన్నో సామాజిక పరిణామాలకు వేదిక.ప్రజా సమస్యలపై ప్రశ్నించే కలం.జర్నలిజం విలువలను కాపాడాలనే సంకల్పం.ఇలా మీడియా రంగంలో తనదైన గుర్తింపును సంపాదించుకున్న మీడియా టుడే సంస్థ 15వ వార్షికోత్సవ వేడుకలు హైదరాబాద్ కోఠి ఐ.యం.ఏ అసోసియేషన్ ప్రధాన కార్యాలయంలో ఘనంగా నిర్వహించారు.జర్నలిస్టుల సంక్షేమం,వృత్తిపరమైన నిజాయితీ,సామాజిక బాధ్యత,ప్రజా సమస్యలపై నిబద్ధత,ఆధునిక డిజిటల్ జర్నలిజం వంటి అంశాలపై ప్రముఖులు దిశానిర్దేశం చేశారు.మీడియా టుడే పత్రికా  అధినేత కే.కోటేశ్వరరావు నాయకత్వం,జర్నలిస్టుల పట్ల ఆయన చూపుతున్న ప్రోత్సాహం,సంస్థ అభివృద్ధి కోసం చేస్తున్న కృషి ఈ వేడుకల్లో ప్రత్యేకంగా చర్చనీయాంశమయ్యాయి.

*జర్నలిస్టుల సంక్షేమానికి కేంద్ర ప్రభుత్వ భరోసా:*

కార్యక్రమంలో పాల్గొన్న పీఐబీ మీడియా కమ్యూనికేషన్ అధికారి గాయత్రి దేవి కేంద్ర ప్రభుత్వం అమలు చేస్తున్న జర్నలిస్ట్ వెల్ఫేర్ స్కీమ్‌పై అవగాహన కల్పించారు.విధి నిర్వహణలో ప్రమాదాలు,అనారోగ్య సమస్యలు, అత్యవసర పరిస్థితులు ఎదుర్కొనే జర్నలిస్టులకు అందించే ఆర్థిక సహాయం,అర్హతలు,దరఖాస్తు విధానం,అవసరమైన ధ్రువపత్రాల గురించి వివరించారు.అర్హతలు,కేసు తీవ్రత ఆధారంగా గరిష్ఠంగా రూ.5 లక్షల వరకు ఆర్థిక సహాయం అందించే అవకాశం ఉందని తెలిపారు.జర్నలిస్టులు ప్రభుత్వ సంక్షేమ పథకాలపై అవగాహన పెంచుకోవాలని సూచించారు.

**నిజాయితీకి *పెద్దపీట..బ్లాక్‌మెయిలింగ్‌కు తావులేదు:*

మీడియా టుడే చైర్మన్ కే.కోటేశ్వరరావు మాట్లాడుతూ సంస్థ 15 సంవత్సరాల ప్రస్థానంలో ప్రతి జర్నలిస్టు,బ్యూరో ప్రతినిధి,స్టాఫ్ రిపోర్టర్,సబ్ ఎడిటర్ కృషి ఎంతో కీలకమన్నారు. ప్రజా సమస్యలు,సామాజిక పరిణామాలు, రాజకీయ అంశాలపై వాస్తవాలను విశ్లేషణాత్మకంగా ప్రజలకు చేరవేయాలని సూచించారు.వార్తా ప్రచురణలో జర్నలిస్టులకు తగిన స్వేచ్ఛ కల్పించడంతోపాటు విధి నిర్వహణలో ఎదురయ్యే సమస్యలకు సంస్థ అండగా ఉంటుందని భరోసా ఇచ్చారు.
వృత్తిలో నిజాయితీ,నిబద్ధతే జర్నలిస్టుకు అసలైన గుర్తింపునిస్తాయని,సంస్థ పేరును వ్యక్తిగత ప్రయోజనాలకు ఉపయోగించుకోవడం, బెదిరింపులు,బ్లాక్‌మెయిలింగ్ వంటి చర్యలకు ఎట్టి పరిస్థితుల్లోనూ ప్రోత్సాహం ఉండదని స్పష్టం చేశారు.సంస్థ అభివృద్ధిలో భాగస్వాములైన ప్రతి ఒక్కరి కృషిని గుర్తిస్తూ,వారి సమస్యలను తెలుసుకోవడం తన బాధ్యతగా భావిస్తున్నట్లు పేర్కొన్నారు.

*పేదల కన్నీళ్లు..ప్రకృతి పరిరక్షణ..జర్నలిస్టుల బాధ్యతపై సీనియర్ జర్నలిస్ట్ పాశం యాదగిరి పిలుపు:*

ఈ వార్షికోత్సవ వేడుకలకు ముఖ్య అతిథిగా హాజరైన సీనియర్ జర్నలిస్ట్,ఉద్యమ నేత పాశం యాదగిరి తన ప్రసంగంలో జర్నలిజం హుందాతనం,సామాజిక బాధ్యత, ప్రజా సమస్యల ప్రాధాన్యతపై విలువైన అభిప్రాయాలను వెల్లడించారు.
పత్రికలు గోరంత విషయాన్ని కొండంతగా చూపించడం కంటే, పేద ప్రజలు ఎదుర్కొంటున్న సమస్యలను వెలుగులోకి తీసుకురావడమే అసలైన జర్నలిజమని పేర్కొన్నారు. సమాజంలో అణగారిన వర్గాలు, పేద కుటుంబాలు, సామాన్య ప్రజల కష్టాలు, రైతుల సమస్యలు, జీవన పోరాటాలు వార్తల్లో తగిన ప్రాధాన్యత పొందాలని సూచించారు.ప్రజల కన్నీళ్లను అక్షరాలుగా మార్చి, పాలకుల దృష్టికి సమస్యలను తీసుకెళ్లే బాధ్యత జర్నలిస్టులపై ఉందన్నారు.రానున్న కాలంలో ప్రకృతి వైపరీత్యాలు,పర్యావరణ కాలుష్యం,వాతావరణ మార్పులు, ప్రకృతి సమతుల్యతకు ఎదురవుతున్న ముప్పులపై మీడియా ప్రత్యేక దృష్టి సారించాల్సిన అవసరం ఉందన్నారు. ప్రకృతిని కాపాడుకోవడం భవిష్యత్ తరాల మనుగడకు ఎంతో అవసరమని, పర్యావరణ పరిరక్షణపై ప్రజల్లో చైతన్యం కలిగించే కథనాలు రావాలని సూచించారు.జర్నలిజం అంటే కేవలం వార్తలను సేకరించి ప్రచురించడం మాత్రమే కాదని,సమాజానికి దిశానిర్దేశం చేసే బాధ్యతాయుతమైన వృత్తి అని పేర్కొన్నారు.ప్రతి జర్నలిస్టు తన వృత్తిలో హుందాతనం,నైతిక విలువలు, నిజాయితీని పాటించాలని,వ్యక్తిగత ప్రయోజనాలకు కాకుండా ప్రజా ప్రయోజనాలకు ప్రాధాన్యత ఇవ్వాలని హితవు పలికారు.డిజిటల్ యుగంలో మారుతున్న మీడియా విధానాలకు అనుగుణంగా జర్నలిస్టులు తమ నైపుణ్యాలను పెంపొందించుకోవాలని సూచించారు.

*అధినేత కోటేశ్వరరావు దూరదృష్టి..15 ఏళ్ల సంస్థాగత ప్రస్థానానికి పునాది:*

మీడియా టుడే అధినేత కే.కోటేశ్వరరావు గురించి పలువురు అతిథులు ప్రత్యేకంగా ప్రస్తావించారు.ఎన్నో ఒడిదుడుకులను ఎదుర్కొంటూ ఒక మీడియా సంస్థను పదిహేనేళ్లపాటు కొనసాగించడం వెనుక పట్టుదల,కార్యదక్షత,సంస్థ పట్ల నిబద్ధత ఉన్నాయని కొనియాడారు.సంస్థ అభివృద్ధి అంటే కేవలం పత్రిక విస్తరణ మాత్రమే కాకుండా, అందులో పనిచేసే ప్రతి జర్నలిస్టుకు గుర్తింపు,ప్రోత్సాహం,వృత్తిపరమైన గౌరవం కల్పించడం కూడా ముఖ్యమనే దృక్పథం మీడియా టుడే ప్రస్థానంలో కనిపిస్తోందని పేర్కొన్నారు.సంస్థలోని ప్రతి విభాగం సమన్వయంతో పనిచేసినప్పుడే పాఠకులకు నాణ్యమైన వార్తలు అందుతాయని,ఈ దిశగా అధినేత చేస్తున్న కృషి అభినందనీయమని తెలిపారు.

*హైదరాబాద్ బ్యూరో బాపట్ల కృష్ణమోహన్ చొరవ కవితా ఫ్రేముతో వేడుకలకు ప్రత్యేక కళ:*

మీడియా టుడే 15వ వార్షికోత్సవ వేడుకల్లో ప్రత్యేక ఆకర్షణగా నిలిచిన అంశం హైదరాబాద్ బ్యూరో చీఫ్ బాపట్ల కృష్ణమోహన్ ఆధ్వర్యంలో రూపొందించిన వినూత్న కవితా ఫ్రేము ప్రధాన ఆకర్షణ గా నిలిచిందని సీనియర్ పాత్రికేయులు ప్రశంసలతో అభినందించారు.మీడియా టుడే హైదరాబాద్ బ్యూరో చీఫ్‌గా,జర్నలిస్ట్ ఫైటర్‌గా తాజా కథనాలతో రోజు రోజుకు పరిణతి చెందుతూ,సంస్థ కార్యక్రమాల్లో చురుకైన పాత్ర పోషిస్తున్న బాపట్ల కృష్ణమోహన్,సంస్థ 15 ఏళ్ల ప్రస్థానాన్ని మరింత ప్రత్యేకంగా గుర్తుండిపోయేలా చేయాలనే ఆలోచనతో సృజనాత్మక కార్యక్రమానికి కొత్తగా శ్రీకారం చుట్టారు.ఆయన ప్రత్యేక చొరవతో సీనియర్ ఫ్రీలాన్స్ పొయట్ జర్నలిస్ట్,జర్నలిస్ట్ జాతీయ అవార్డు గ్రహీత విజయసంకల్పం ప్రసాద్, ఫ్రీలాన్స్ పొయట్ జర్నలిస్ట్, ఫ్యామిలీ మోటివేటర్, గ్లోబల్ హ్యూమన్ రైట్స్ ఉమెన్స్ వింగ్ తెలంగాణ రాష్ట్ర ప్రధాన కార్యదర్శి నీలాజ్యోతి,ఫ్రీలాన్స్ జర్నలిస్ట్, సైకాలజిస్ట్, జీవిత సాఫల్య అవార్డు గ్రహీత, సోషల్ వర్కర్ టి. రాధికా రాణి,తిరుపతి సంయుక్త పర్యవేక్షణలో ఈ ప్రత్యేక రూపకల్పనలు సిద్ధమయ్యాయి.
మీడియా టుడే సంస్థ ఆశయాలు,విజయాలు, 15 సంవత్సరాల ప్రయాణం,అధినేత కే.కోటేశ్వరరావు వ్యక్తిత్వం,నాయకత్వ లక్షణాలు, భవిష్యత్ మీడియా దిశగా ఆయనకున్న విజన్‌ను ప్రతిబింబించేలా ప్రత్యేక కవితాత్మక అక్షరాలను ఫ్రేముల రూపంలో రూపొందించారు.అంతేకాకుండా సంస్థ కోసం నిరంతరం శ్రమిస్తున్న ప్రతి జర్నలిస్టు,బ్యూరో చీఫ్,స్టాఫ్ రిపోర్టర్,సబ్ ఎడిటర్,మండల ప్రతినిధి ప్రాముఖ్యతను గుర్తుచేసేలా ఈ ప్రత్యేక రూపకల్పనలను తీర్చిదిద్దడం విశేషం.వార్త వెనుక ఉన్న క్షేత్రస్థాయి కృషి,అక్షరాల వెనుక ఉన్న ఆలోచన,సంస్థ విజయాల వెనుక ఉన్న సమష్టి శ్రమను కవిత్వం ద్వారా హైదరాబాద్ బ్యూరో బాపట్ల కృష్ణమోహన్ సరికొత్తగా అక్షర రూపంలో ఆవిష్కరించడం జరిగింది.ఈ ప్రత్యేక కవితా ఫ్రేములను వేడుకలకు హాజరైన విశిష్ట అతిథుల చేతుల మీదుగా అందించడం కార్యక్రమానికి మరింత ప్రత్యేకతను తీసుకొచ్చింది.

*సీనియర్ జర్నలిస్ట్ పాశం యాదగిరి ప్రత్యేక కవితా ఫ్రేముపై హర్షం - ప్రశంసలు:*

బాపట్ల కృష్ణమోహన్ ప్రత్యేక చొరవతో  విజయసంకల్పం ప్రసాద్,నీలా జ్యోతి సంయుక్త పర్యవేక్షణలో రూపొందించిన ఈ కవితా ఫ్రేము వార్షికోత్సవ వేడుకలకు సూపర్ హైలైట్‌గా నిలిచాయి.సంస్థ ప్రస్థానాన్ని,అధినేత విశిష్టతను,జర్నలిస్టుల సేవలను కవితాత్మకంగా ఆవిష్కరించిన ఈ ప్రయత్నాన్ని సీనియర్ జర్నలిస్ట్,ఉద్యమ నేత,ముఖ్య అతిథి పాశం యాదగిరి ప్రత్యేకంగా ప్రశంసించడం విశేషం.

ఒక సంస్థ వార్షికోత్సవాన్ని కేవలం వేడుకగా కాకుండా,దాని ఆశయాలు,విజయాలు,నాయకత్వం,జర్నలిస్టుల సమష్టి కృషిని అక్షర రూపంలో గుర్తుచేసేలా రూపొందించడం అభినందనీయమని ఆయన ప్రశంసించినట్లు నిర్వాహకులు తెలిపారు. ఈ ప్రత్యేక కార్యక్రమం మీడియా టుడే 15వ వార్షికోత్సవానికి మరింత హుందాతనాన్ని, సృజనాత్మక గుర్తింపును తీసుకొచ్చింది.

*డిజిటల్ జర్నలిజం దిశగా అడుగులు:*

మీడియా టుడే బ్యూరో చీఫ్ ఎ.ఎం. రాజురెడ్డి మాట్లాడుతూ ఆధునిక సాంకేతిక పరిజ్ఞానాన్ని అందిపుచ్చుకుంటూ సంస్థ ముందుకు సాగుతోందన్నారు.డిజిటల్ మీడియా ప్రాధాన్యత పెరుగుతున్న నేపథ్యంలో ప్రతి జర్నలిస్టు కొత్త సాంకేతికతను నేర్చుకోవాలని సూచించారు.వార్తల సేకరణలో స్వతంత్రత,వాస్తవ నిర్ధారణ,విశ్లేషణాత్మక దృక్పథం అవసరమన్నారు.

*అనం చిన్ని,సోమయ్య,సిపిఐ నారాయణ,రాములు ప్రత్యేక సూచనలు- సలహాలు:*
తెలంగాణ జర్నలిస్టు సంక్షేమ సంఘం రాష్ట్ర అధ్యక్షుడు ఆనంచిన్ని వెంకటేశ్వరరావు పరిశోధనాత్మక కథనాల ప్రాధాన్యతను వివరించారు.సీపీఐ సీనియర్ నాయకుడు నారాయణ జర్నలిజంలో ఎదురవుతున్న సవాళ్లు, బెదిరింపులపై ఆందోళన వ్యక్తం చేశారు. బీసీ కమిషన్ మాజీ చైర్మన్ బీఎస్ రాములు సంస్థ చైర్మన్ కోటేశ్వరరావు కృషిని అభినందించారు. మామిడి సోమయ్య జర్నలిస్టుల సమస్యల పరిష్కారానికి ఐక్యంగా పోరాడాలని పిలుపునిచ్చారు.

*జర్నలిస్టులకు ఘన సన్మానం..ఆత్మీయ సమ్మేళనంగా వేడుకలు:*

కార్యక్రమంలో చైర్మన్ కోటేశ్వరరావు వివిధ జిల్లాల నుంచి వచ్చిన బ్యూరో ప్రతినిధులు,స్టాఫ్ రిపోర్టర్లు,మండల విలేకరులను పేరుపేరునా పలకరిస్తూ వారి సమస్యలను తెలుసుకున్నారు.సంస్థ అభివృద్ధిలో ప్రతి ఒక్కరి పాత్రను గుర్తుచేస్తూ అభినందించారు.అనంతరం వివిధ జిల్లాల నుంచి హాజరైన పాత్రికేయులకు ప్రత్యేక సన్మానాలు నిర్వహించారు.మీడియా టుడే బ్యూరో చీఫ్ ఎ.ఎం. రాజురెడ్డి వ్యాఖ్యాతగా వ్యవహరించగా,వివిధ జిల్లాల ప్రతినిధులు,బ్యూరో సభ్యులు,స్టాఫ్ రిపోర్టర్లు,పాత్రికేయులు పాల్గొన్నారు.

**పదిహేనేళ్ల ప్రస్థానం ఒక సంస్థ విజయం మాత్రమే కాదు..దాని వెనుక పనిచేసిన ప్రతి కలానికి దక్కిన గౌరవం.**

అధినేత దూరదృష్టి, జర్నలిస్టుల సమష్టి కృషి, ప్రజా సమస్యలపై ప్రశ్నించే నిబద్ధత, సృజనాత్మక ఆలోచనల సమ్మేళనంగా మీడియా టుడే 15వ వార్షికోత్సవం నిలిచింది.ముఖ్యంగా బాపట్ల కృష్ణమోహన్ చొరవతో విజయసంకల్పం ప్రసాద్,ఫ్రీలాన్స్ పొయట్ నీలాజ్యోతి పర్యవేక్షణలో రూపొందిన ప్రత్యేక కవితా ఫ్రేములు ఈ వేడుకలకు మరపురాని ప్రత్యేక ఆకర్షణగా నిలిచాయి.అక్షరానికి గౌరవం. జర్నలిస్టుకు గుర్తింపు.సమాజానికి బాధ్యత అనే సందేశంతో మీడియా టుడే మరిన్ని విజయవంతమైన వసంతాల వైపు అడుగులు వేస్తోంది. ఈ కార్యక్రమంలో పలువురు మీడియా టుడే మీడియా ప్రతినిధులు, సీనియర్ పాత్రికేయులు పాల్గొన్నారు.

Wednesday, November 18, 2026

సమ్మక్క సాగర్ బ్యారేజీ ఎన్‌ఓసీ కోసం ఛత్తీస్‌గఢ్ ప్రభుత్వం కు రేవంత్ రెడ్డి విజ్ఞప్తి_

*సమ్మక్క సాగర్ బ్యారేజీ ఎన్‌ఓసీ కోసం ఛత్తీస్‌గఢ్ ప్రభుత్వం కు రేవంత్ రెడ్డి విజ్ఞప్తి*

బాపట్ల కృష్ణమోహన్ హైదరాబాద్ బ్యూరో, మీడియా టుడే, నవంబర్ 17:

ములుగు జిల్లా తుపాకులగూడెం వద్ద గోదావరి నదిపై బహుళ ప్రయోజనాల సమ్మక్క సాగర్ బ్యారేజీకి సంబంధించి వెంటనే నిరభ్యంతర పత్రం జారీ చేయాలని ముఖ్యమంత్రి రేవంత్ రెడ్డి ఛత్తీస్‌గఢ్‌ ముఖ్యమంత్రి   విష్ణుదేవ్ సాయితో విజ్ఞప్తి చేశారు.ముఖ్యమంత్రి  నీటిపారుదల శాఖ మంత్రి ఉత్తమ్ కుమార్ రెడ్డితో కలిసి రాయ్‌పూర్‌లో ఛత్తీస్‌గఢ్ ముఖ్యమంత్రి విష్ణుదేవ్ సాయి గారితో సమావేశమయ్యారు. ఈ సందర్భంగా సమ్మక్క సాగర్ ప్రాజెక్టుకు సంబంధించిన వివరాలను తెలియజేసి ఎన్‌ఓసీ జారీ చేయాలని కోరారు.ఈ విషయంలో ఛత్తీస్‌గఢ్‌ ముఖ్యమంత్రి సానుకూలంగా స్పందించారు. ఎన్‌ఓసీ ప్రక్రియను త్వరగా పూర్తి చేస్తామని హామీ ఇచ్చారు.
ఎల్‌నినో ప్రభావం, వర్షాభావ పరిస్థితుల నేపథ్యంలో తెలంగాణలో నీటి అవసరాలు పెరిగే అవకాశం ఉందని ముఖ్యమంత్రి సమగ్రంగా వివరించారు. సమ్మక్క సాగర్‌ బ్యారేజీలో నీటిని నిల్వ చేసుకునేందుకు అనుమతి ఇవ్వాలని విజ్ఞప్తి చేశారు. ప్రాజెక్టుకు సంబంధించిన మిగిలిన అనుమతులకూ సహకరించాలని కోరారు.
తొలుత కాంతనపల్లి వద్ద ప్రతిపాదించిన ఈ ప్రాజెక్టు వల్ల ఆ ప్రాంతంలో 11,408 ఎకరాల భూమి ముంపునకు గురయ్యే అవకాశం ఉందని అంచనా వేశారు. తద్వారా 17 ఆదివాసీ గ్రామాల ముంపుతో పాటు భద్రత, మౌలిక సదుపాయాలపై కూడా ప్రభావం పడుతుందని గుర్తించారు. దాంతో ముంపు ప్రాంతాన్ని తగ్గించేందుకు బ్యారేజీ నిర్మాణ ప్రదేశాన్ని తుపాకులగూడెంకు మార్చారు.
ప్రాజెక్టు అధ్యయనం కోసం ఛత్తీస్‌గఢ్‌ ప్రభుత్వం కోరిన మేరకు రూ. 9.883 కోట్లను తెలంగాణ ప్రభుత్వం ఏప్రిల్‌లోనే చెల్లించింది. ఐఐటీ ఖరగ్‌పూర్‌ తన నివేదికను జూలై 30న ఛత్తీస్‌గఢ్‌ ప్రభుత్వానికి సమర్పించింది.తుపాకులగూడెం వద్ద చేపట్టడం వల్ల ఛత్తీస్‌గఢ్‌లో సుమారు 33 ఎకరాలు ముంపునకు గురవుతాయని ఐఐటీ ఖరగ్‌పూర్‌ అధ్యయనంతో తేలింది. భారీ వరదల సమయంలో కూడా ప్రభావిత ప్రాంతం వంద ఎకరాలకు మించదు.ములుగు జిల్లా తుపాకులగూడెం వద్ద సమ్మక్క సాగర్‌ బ్యారేజీ నిర్మాణం పూర్తయింది. బ్యారేజీలో పూర్తిస్థాయి నీటి మట్టం ప్లస్83 మీటర్ల వద్ద దీని నిల్వ సామర్థ్యం 6.94 టీఎంసీలు. కరువు ప్రభావిత, వెనుకబడిన, గిరిజన ప్రాంతాల సాగు, తాగునీటి అవసరాలకు గోదావరి జలాలను వినియోగించాలనేది ఈ ప్రాజెక్టు లక్ష్యం.ఛత్తీస్‌గఢ్‌లో భూసేకరణ, పరిహారం, పునరావాసానికి అవసరమైన నిధులను నిబంధనల ప్రకారం చెల్లించేందుకు తెలంగాణ ప్రభుత్వం సిద్ధంగా ఉందని ముఖ్యమంత్రి తెలిపారు.
ప్రాజెక్టు నిర్మాణం పూర్తయిన నేపథ్యంలో  ప్రజా ప్రయోజనాల దృష్ట్యా ఎన్‌ఓసీని త్వరగా జారీ చేయాలని కోరారు. మిగిలిన అనుమతుల ప్రక్రియను కూడా వేగవంతం చేయాలని ఈ సందర్భంగా విజ్ఞప్తి చేశారు.

డీఎస్పీలు, అదనపు ఎస్పీల దీర్ఘకాలిక పదోన్నతుల సమస్య పరిష్కారం అయింది_

*డీఎస్పీలు, అదనపు ఎస్పీల దీర్ఘకాలిక పదోన్నతుల సమస్య పరిష్కారం అయింది*

*ప్రమోషన్ల ప్రక్రియకు డీజీపీ సీవీ ఆనంద్ చొరవతో మార్గం సుగమమైంది.*

బాపట్ల కృష్ణమోహన్ హైదరాబాద్ బ్యూరో, మీడియా టుడే, నవంబర్ 17:

1991,95, 96 బ్యాచ్‌లకు చెందిన డీఎస్పీలు, అదనపు ఎస్పీలుగా పనిచేస్తున్న అధికారులకు వివిధ కారణాల వలన చాలా కాలంగా ప్రమోషన్స్ రాలేదు. దీర్ఘకాలంగా పెండింగ్‌లో ఉన్న ఈ పదోన్నతుల సమస్య ఎట్టకేలకు పరిష్కారమయ్యింది. 
సీనియారిటీ వివాదాలు, కోర్టు కేసుల కారణంగా ఏళ్లుగా నిలిచిపోయిన ప్రమోషన్ల ప్రక్రియకు డీజీపీ సీవీ ఆనంద్ చొరవతో మార్గం సుగమమైంది.
ఇది సంబంధిత అధికారులకు ఎంతో ఊరటనిచ్చే పరిణామం.
గతంలో ఈ అధికారులతో నిర్వహించిన సమావేశంలో పదోన్నతులకు సంబంధించి ఉన్న సంక్లిష్టతలను వారికి వివరించి, అందరికీ ఆమోదయోగ్యమైన పరిష్కారం కనుగొనేందుకు నమ్మకంతో, సహకరించాలని కోరాను అని డీజీపీ సీవీ ఆనంద్ తెలిపారు.
అందుకు స్పందించిన అధికారులందరూ న్యాయస్థానాల్లోని  తమ కేసులను ఉపసంహరించుకున్నారు. డీజీపీ నిర్ణయాలపై తమకు పూర్తి విశ్వాసం ఉందని, తమకు అనుకూలంగా నిర్ణయం రాకపోయినా న్యాయపరమైన చర్యలకు వెళ్లబోమని అఫిడవిట్లు సమర్పించారు. ఈ విధంగా 100 శాతం మంది అధికారులు అంగీకారం తెలిపిన నేపథ్యంలో, తదుపరి కార్యాచరణను ముందుకు తీసుకెళ్లేందుకు ఈరోజు మరోసారి వారితో డీజీపీ సీవీ ఆనంద్ సమావేశమయ్యారు.
గత కొన్ని నెలలుగా డీజీపీ కార్యాలయం, ఐజీ పర్సనల్ తో కూడిన కమిటీ సీనియారిటీ జాబితాలు, సీనియారిటీకి సంబంధించిన వ్యత్యాసాలు, ప్రభుత్వ ఉత్తర్వులు జీఓ లు పెండింగ్‌లో ఉన్న కోర్ట్ కేసులను సమగ్రంగా పరిశీలించి, అందరికీ ఆమోదయోగ్యమైన పరిష్కారం కోసం విస్తృత కసరత్తు చేసింది. ఈరోజు కమిటీ చేసిన సిఫార్సులను అధికారులకు వివరించాను. అందుబాటులో ఉన్న ఖాళీలతో పాటు, తొలిసారిగా ప్రతి అధికారి వారీగా ప్రతిపాదించిన పదోన్నతి, పదోన్నతి తేదీ వివరాలను వారి ముందుంచాను అని డీజీపీ అన్నారు.కమిటీ సిఫార్సులకు అధికారులందరూ ఏకగ్రీవంగా అంగీకరించడంతో సుదీర్ఘకాలంగా కొనసాగుతున్న ప్రతిష్టంభనకు తెరపడింది. ఈ కసరత్తు చేపట్టి ఉండకపోతే, ఈ అధికారుల్లో చాలామంది తమకు రావాల్సిన పదోన్నతులు పొందకుండానే ప్రస్తుత హోదాల్లో పదవీ విరమణ చేయాల్సి వచ్చేది. ప్రభుత్వానికి ఈ వివరాలను తెలియజేసిన అనంతరం, దశలవారీగా పదోన్నతుల ప్రక్రియ చేపడతాం. తొలుత 1991 బ్యాచ్‌తో ఈ ప్రక్రియ ప్రారంభమవుతుంది.
ఈ ప్రక్రియలో సహకరించిన అధికారులను అభినందిస్తున్నాను అని డీజీపీ సీవీ ఆనంద్ అన్నారు.

Monday, November 16, 2026

చిన్నారులందరికి బాలల దినోత్సవ శుభాకాంక్షలు - అనురాధ రావు బాలలహక్కుల సంఘం ప్రెసిడెంట్_

*చిన్నారులందరికి బాలల దినోత్సవ శుభాకాంక్షలు - అనురాధ రావు బాలలహక్కుల సంఘం ప్రెసిడెంట్*

బాపట్ల కృష్ణమోహన్, మీడియా టుడే, నవంబర్ 13:

14 నవంబర్ అంటే మనకు గుర్తుకు వచ్చేది బాలలు.
పుట్టిన ప్రతి బిడ్డ ఆరోగ్యంగా, సంతోషంగా పెరగాలి,మంచి విద్య, సమాన అవకాశాలు పొందాలి. పిల్లలందరు సమానమే కదా ! 
పేద, ధనిక భేదం లేదు, చిన్నారులందరు సమానము. కానీ వాస్తవం ఏంటి?
పిల్లలకు అవసరమైన ప్రాథమిక వస్తువులపై పన్నుల భారం ఎందుకు?ధనిక వర్గాల పిల్లలకు, పేద వర్గాల పిల్లలకు ఆకలి, అనారోగ్యం, పరిశుభ్రత ఒక్కటే. వారి ఆర్థిక పరిస్థితిని బట్టి మారదు. పిల్లలకు పాలు, పాలపొడి, డైపర్లు, పాల బాటిళ్లు,నిప్పల్స్, అవసరమైన మందులు అన్ని కూడా కావల్సినవే, అవేమి విలాస వస్తువులు కాదు. ప్రాథమిక అవసరాలు. వీటిపై GST ని పూర్తిగా నిషేదించడం ప్రభుత్వ బాధ్యత. కొందరు పిల్లలకు లాక్టోజ్ పడదు. వారికి లాక్టోజ్ ఫ్రీ ఇన్ఫంట్ ఫార్ములా ఇవ్వాల్సిన పరిస్థితి వస్తుంది. HSN 1901 కింద వచ్చే ఫార్ములా పై 12శాతం - 18శాతం 
అది విలాస వస్తువు కాదు, వారికి కడుపు నింపే ఆహరం. 
కొందరు పిల్లలకు తల్లిపాలు రాక, ఫార్ములా పై ఆధారపడతారు, కొందరు పుట్టగానే తల్లిని కోల్పోయిన పిల్లలు ఉంటారు. వారికి ఖచ్చితంగా పాల ఫార్ములా కావాలి.శుభ్రత కోసం డైపర్లు కావాలి, ఎదైన క్లాత్ ఉపయోగిస్తే డెలికేట్ ఉన్న పిల్లలకు ఇన్ఫెక్షన్లు రావోచ్చు, మళ్లీ అదనపు మందులు కొనాలి. ఇలా పిల్లలకు అవసరమైన అన్నిటి పై  GST ని ఎత్తివేయాలి. డపైర్స్ - 5శాతం 
ఫిడింగ్ బాటిల్ నిప్పల్స్ పై 5శాతం,పాల ఫార్ములా - 5శాతం,స్పెషల్ ఫార్ములా . 12-18శాతం .GST 
పిల్లల మందులపై 5శాతం GST.
ఇవన్ని ధనిక వర్గాలు భరించ గలుగుతారు కాని మనం పేద ప్రజల పిల్లల గురించి ఆలోచించాలి. ఎక్కువ కొనుగొలు చేసేది పేద ప్రజలు,వీరి సంఖ్యఅధికం. అవి చిన్నారుల విలాస వస్తువులు కావు. నేను బోమ్మల గురించి,ఇతర వస్తువుల గురించి అడగడం లేదు. కాబట్టి 0శాతం GST స్లాబ్ లోకి తీసుకురావాలని, ఈ 2027 బడ్జెట్లో పిల్లల నిత్యావసర వస్తువుల పై 0శాతం GST చేయాలి బాలల హక్కుల సంఘం కేంద్రప్రభుత్వాన్ని డిమాండ్ చేస్తున్నది. ప్రతి సంవత్సరం బడ్జెట్ ను Feb 1న ఉదయం 11గంటలకు కేంద్ర ఆర్థిక మంత్రి పార్లమెంటులో ప్రవేశపెడతారు. దీనికోసం  ప్రణాళికలను ఆగస్టు నుండే సిద్దం చేస్తారు.పన్నుల మార్పు, కొత్త పధకాల కేటాయింపులు అన్ని డిసెంబర్ మాసంలో జరుగుతాయి. పిల్లలే దేశ సంపద,ఆ సంపదను రక్షించు కోవాల్సిన బాధ్యత ప్రభుత్వానిదే.
వారి తరపున మనం మన గొంతు వినిపిద్దాం.

జర్నలిస్టుల గౌరవానికి వేదికగా మీడియా టుడే 15వ వార్షికోత్సవం!_

*ప్రెస్ నోట్*
జర్నలిస్టుల గౌరవానికి వేదికగా మీడియా టుడే 15వ వార్షికోత్సవం!

● నవంబర్ 15న హైదరాబాద్‌లో వేడుకలు.. రాష్ట్ర మంత్రులు, మీడియా అకాడమీ చైర్మన్‌కు ఆహ్వానాలు

● 33 జిల్లాల నుంచి జర్నలిస్టుల సమ్మేళనం.. ప్రతి విలేకరికి ఘన సన్మానం

● క్షేత్రస్థాయి విలేకరుల సమస్యలు, సంక్షేమానికి ప్రాధాన్యం కల్పించాలనే ఆకాంక్ష

నవంబర్ 13: 
ప్రజా సమస్యలను వెలుగులోకి తీసుకువస్తూ ప్రజలకు, ప్రభుత్వానికి మధ్య వారధిగా నిలుస్తున్న జర్నలిస్టుల సేవలను గుర్తించి గౌరవించాలనే లక్ష్యంతో మీడియా టుడే దినపత్రిక 15వ వార్షికోత్సవ వేడుకలను ఘనంగా నిర్వహించేందుకు ఏర్పాట్లు చేస్తోంది. నవంబర్ 15, 2026 (ఆదివారం) ఉదయం 10:30 గంటలకు హైదరాబాద్‌లోని కోటి ఉమెన్స్ కాలేజీ సమీపంలోని ఐఎంఏ ట్రస్ట్ భవనంలో ఈ వేడుకలు జరగనున్నాయి.

**ప్రముఖులకు ప్రత్యేక ఆహ్వానాలు**

ఈ వేడుకలకు ముఖ్య అతిథులుగా హాజరుకావాలని కోరుతూ రాష్ట్ర వైద్య, ఆరోగ్య, కుటుంబ సంక్షేమ శాఖ మంత్రి సి. దామోదర రాజనర్సింహ, పశుసంవర్ధక, పాడిపరిశ్రమ అభివృద్ధి, మత్స్య, క్రీడలు, యువజన సర్వీసుల శాఖ మంత్రి డాక్టర్ వాకిటి శ్రీహరి, రవాణా, బీసీ సంక్షేమ శాఖ మంత్రి పొన్నం ప్రభాకర్ గౌడ్, తెలంగాణ మీడియా అకాడమీ చైర్మన్, సీనియర్ జర్నలిస్టు కె. శ్రీనివాస్ రెడ్డికి సంస్థ యాజమాన్యం తరఫున ప్రత్యేక ఆహ్వానాలు అందించారు.

**జర్నలిస్టుల సేవలకు గుర్తింపు**

జర్నలిజం రంగంలో క్షేత్రస్థాయిలో పనిచేస్తున్న విలేకరులు ఎన్నో సవాళ్లను ఎదుర్కొంటూ ప్రజా సమస్యలను వెలుగులోకి తీసుకువస్తున్నారు. ఎండ, వాన, రాత్రి, పగలు అనే తేడా లేకుండా విధులు నిర్వహిస్తున్న జర్నలిస్టులకు తగిన గుర్తింపు, గౌరవం, భరోసా కల్పించాల్సిన అవసరం ఉంది. ముఖ్యంగా మండల, గ్రామీణ స్థాయిలో పనిచేస్తున్న విలేకరుల వృత్తిపరమైన సమస్యలు, సంక్షేమ అంశాలపై ప్రత్యేక దృష్టి సారించాలనే ఆకాంక్ష వ్యక్తమవుతోంది.

ఈ నేపథ్యంలో మీడియా టుడే 15వ వార్షికోత్సవాన్ని కేవలం వేడుకగా కాకుండా జర్నలిస్టుల ఐక్యత, ఆత్మగౌరవం, పరస్పర సహకారానికి వేదికగా నిర్వహిస్తోంది. కార్యక్రమానికి హాజరయ్యే ప్రతి విలేకరిని ఘనంగా సన్మానించేందుకు ప్రత్యేక ఏర్పాట్లు చేస్తున్నారు.

**33 జిల్లాల నుంచి జర్నలిస్టుల సమ్మేళనం**

తెలంగాణలోని 33 జిల్లాల నుంచి మీడియా టుడే సిబ్బంది విలేకరులు, జిల్లా బ్యూరో బాధ్యులు, మండల విలేకరులు, అక్రిడిటేషన్ కలిగిన జర్నలిస్టులు పెద్ద సంఖ్యలో పాల్గొనాలని యాజమాన్యం కోరింది. ప్రతి అక్రిడిటేషన్ కలిగిన విలేకరి తమ పరిధిలోని ఇద్దరు మండల విలేకరులను ఆహ్వానించి కార్యక్రమానికి తీసుకురావాలని సూచించింది. ప్రతి జిల్లా నుంచి కనీసం పది మంది విలేకరులు హాజరయ్యేలా సమన్వయంతో కృషి చేయాలని విజ్ఞప్తి చేసింది.

**డాక్టర్ కె. కోటేశ్వరరావు నాయకత్వంలో 15 ఏళ్ల ప్రస్థానం**

మీడియా టుడే జాతీయ తెలుగు దినపత్రిక, ఆంగ్ల దినపత్రిక, మీడియా టుడే టీవీ, ఎన్‌24 న్యూస్ సంస్థల చైర్మన్, మేనేజింగ్ డైరెక్టర్, ఆల్ ఇండియా వర్కింగ్ జర్నలిస్ట్స్ అసోసియేషన్ (ఏడబ్ల్యూజేఏ) జాతీయ అధ్యక్షుడు డాక్టర్ కె. కోటేశ్వరరావు (కేకేఆర్) నాయకత్వంలో సంస్థ 15 ఏళ్ల ప్రస్థానాన్ని కొనసాగిస్తోంది. రాష్ట్రవ్యాప్తంగా పనిచేస్తున్న జర్నలిస్టులను ఒకే వేదికపైకి తీసుకువచ్చి, వారి సేవలకు గుర్తింపు, గౌరవం కల్పించాలనే ఉద్దేశంతో ఈ వేడుకలను నిర్వహిస్తున్నారు.

ఈ కార్యక్రమంలో మీడియా టుడే తెలంగాణ రాష్ట్ర నేర విభాగం ఇన్‌చార్జి ప్రసాద్, హైదరాబాద్ బ్యూరో బాధ్యుడు బాపట్ల కృష్ణమోహన్ తదితరులు పాల్గొని ఏర్పాట్లను సమన్వయం చేస్తున్నారు.

సంస్థ అభివృద్ధితో పాటు క్షేత్రస్థాయి విలేకరుల సంక్షేమం, వృత్తిపరమైన భద్రత, గుర్తింపు, గౌరవం వంటి అంశాలకు భవిష్యత్తులో మరింత ప్రాధాన్యం లభించాలని జర్నలిస్టులు ఆకాంక్షిస్తున్నారు. 15 ఏళ్ల ప్రస్థానానికి గుర్తుగా నిర్వహిస్తున్న ఈ వేడుకలు జర్నలిస్టుల మధ్య ఐక్యతను పెంపొందించి, మీడియా టుడే భవిష్యత్తు ప్రయాణానికి కొత్త ఉత్సాహాన్ని అందిస్తాయని ఆశిస్తున్నారు.

మీడియా టుడే యాజమాన్యం తరఫున చైర్మన్, మేనేజింగ్ డైరెక్టర్ డాక్టర్ కె. కోటేశ్వరరావు రాష్ట్రవ్యాప్తంగా ఉన్న జర్నలిస్టులందరూ ఈ వేడుకల్లో పాల్గొని విజయవంతం చేయాలని కోరారు.

అక్షరాల అంబరాన KKR సంతకం | జర్నలిస్టుల గుండెల్లో గౌరవ పతాకం!_

**అక్షరాల అంబరాన KKR సంతకం | జర్నలిస్టుల గుండెల్లో గౌరవ పతాకం!**

డాక్టర్ కే. కోటేశ్వరరావు (KKR) | చైర్మన్ & మేనేజింగ్ డైరెక్టర్ – మీడియా టుడే సంస్థలు | జాతీయ వ్యవస్థాపక అధ్యక్షులు – ఆల్ ఇండియా వర్కింగ్ జర్నలిస్ట్స్ అసోసియేషన్.

కలం కదిలితే కథకు ప్రాణం | కవనం పలికితే భావానికి రూపం | వార్త వెలువడితే ప్రజలకు న్యాయం | జర్నలిస్టుకు గౌరవం దక్కితే వృత్తికే వైభవం.

అక్షరాలే ఆలయాలుగా |ఆలోచనలే ఆయుధాలుగా |నిజాలే నినాదాలుగా | ప్రజాస్వామ్యమే ప్రస్థానంగా సాగుతున్న *మీడియా టుడే* ప్రయాణంలో *పదిహేనేళ్ల* సంబరం.ఇది కాలం జరిపే వేడుక కాదు,కలాలు సాధించిన విజయాలకు కీర్తి కిరీటం.

తెలుగు పత్రికా రంగంలో తనదైన గుర్తింపుతో జాతీయ తెలుగు దినపత్రికగా,ఇంగ్లీష్ డైలీ న్యూస్ పత్రికగా,మీడియా టుడే టీవీగా,N24 న్యూస్‌ గా విస్తరించిన మీడియా సంస్థల ప్రస్థానం ఎన్నో వార్తలకు వేదికగా,ఎందరో పాత్రికేయులకు అండగా నిలిచిన అక్షర అనుబంధం.ఆ ప్రస్థానానికి సారథి *KKR.* ఆలోచనలో విశాలత | ఆచరణలో హుందాతనం | మాటలో మాధుర్యం | మనసులో మానవత్వం | పదవిలో బాధ్యత | పాత్రికేయుల పట్ల ఆత్మీయత.

*డాక్టర్ కే.కోటేశ్వరరావు* అంటే ఒక పేరు మాత్రమే కాదు జర్నలిస్టుల సమస్యలపై స్పందించే స్వరం.వారి హక్కుల కోసం నిలబడే సంకల్పం.వారి కష్టాలకు విలువనిచ్చే వ్యక్తిత్వం. మీడియా టుడే చైర్మన్ & మేనేజింగ్ డైరెక్టర్‌గా,AWJA జాతీయ వ్యవస్థాపక అధ్యక్షులుగా పాత్రికేయుల ఐక్యత,సంక్షేమం,ఆత్మగౌరవం కోసం ఆయన సాగిస్తున్న కృషి ప్రశంసనీయం.

జర్నలిస్టు రాసే వార్త వెనుక ఎంతటి శ్రమ ఉందో తెలిసిన మనసు.విధి నిర్వహణలో ఎదురయ్యే సవాళ్లు తెలిసిన అనుభవం.సమస్య వచ్చినప్పుడు స్పందించాలనే బాధ్యత.కలం పట్టిన చేతికి గౌరవం దక్కాలనే ఆకాంక్ష.ఇవన్నీ కలిసినప్పుడే నాయకత్వం ఒక వ్యక్తిత్వమవుతుంది.

పదవి ఉంటేనే నాయకుడు కాదు   పది మందికి అండగా నిలిస్తేనే నిజమైన నాయకుడు.హోదా ఉంటేనే గౌరవం కాదు ఎదుటివారి గౌరవాన్ని కాపాడితేనే హుందాతనం.ఆ విలువలకు ప్రాధాన్యతనిస్తూ ముందుకు సాగుతున్న *KKR* గారికి అక్షరాభినందనలు.

ఇప్పుడు రాబోతోంది నవంబర్ పదిహేను | అక్షరాల ఆనందానికి మరో పండుగ రోజు | హైదరాబాద్ గుండెల్లో జర్నలిస్టుల జాతర | *మీడియా టుడే* కుటుంబానికి మరచిపోలేని మధుర జ్ఞాపకం.

2026 నవంబర్ 15,ఆదివారం ఉదయం 10:30 గంటలకు హైదరాబాద్‌లోని కోటి,ఉమెన్స్ కాలేజీ సమీపంలోని IMA ట్రస్ట్ బిల్డింగ్‌లో జరగనున్న 15వ వార్షికోత్సవ వేడుకలు పాత్రికేయుల ఆత్మీయ సమ్మేళనంగా రూపుదిద్దుకోనున్నాయి.

తెలంగాణలోని 33 జిల్లాల నుంచి తరలివచ్చే స్టాఫ్ రిపోర్టర్లు,బ్యూరో ఇన్‌చార్జిలు,మీడియా టుడే కుటుంబ సభ్యులందరికీ యాజమాన్యం తరఫున ఘన సన్మానం,గౌరవప్రదమైన పురస్కారాలు అందించేందుకు ప్రత్యేక ఏర్పాట్లు చేయడం ఈ వేడుకల ప్రత్యేకత.

ఎన్నో ఊళ్లలో తిరిగిన అడుగులకు | ఎన్నో వార్తలు మోసిన భుజాలకు | ఎన్నో నిజాలు వెలుగులోకి తెచ్చిన కలాలకు | ఈ సన్మానం ఒక మధురమైన జ్ఞాపకం.

జిల్లాలు ముప్పై మూడు అయినా మనసులన్నీ ఒక్కటే |బాధ్యతలు వేర్వేరు అయినా బాట ఒక్కటే | కలాలు ఎన్నో అయినా లక్ష్యం ఒక్కటే | ప్రజల పక్షాన నిలవడమే పాత్రికేయుడి నిజమైన గెలుపు.

సన్మానం అంటే శాలువా కాదు శ్రమకు ఇచ్చే సంతకం | పురస్కారం అంటే జ్ఞాపిక కాదు  ప్రతిభకు పెట్టే పట్టాభిషేకం | వేదిక అంటే నాలుగు గోడలు కాదు వృత్తి గౌరవం వెల్లివిరిసే ఆత్మీయ లోకం.

*పదిహేనేళ్ల* ప్రయాణం మరో పదిహేను విజయాలకు పునాది కావాలి.*మీడియా టుడే* కీర్తి మరింత దూరం వినిపించాలి.జర్నలిస్టుల జీవితాల్లో గౌరవం,భద్రత,సంక్షేమం కొత్త వెలుగులు నింపాలి.

అక్షరానికి అలుపు లేదు | ఆశయానికి అంతం లేదు | నిజం కోసం నడిచే కలానికి ఓటమి లేదు | ఆ కలాన్ని గౌరవించే సంస్థకు విజయాలకు కొదవ లేదు.*మీడియా టుడే* పదిహేనేళ్ల ప్రస్థానానికి అక్షర నీరాజనం డాక్టర్ కే.కోటేశ్వరరావు గారికి హృదయపూర్వక అభినందనం.తెలంగాణ, ఆంధ్రప్రదేశ్ లోని ప్రతి పాత్రికేయ మిత్రుడికీ ఆత్మీయ అభివందన సుస్వాగత శుభాకాంక్షలు.
--------------------
PRESENTATION BY
--------------------
విజయసంకల్పం ప్రసాద్
సీనియర్ ఫ్రీలాన్స్ పొయట్ జర్నలిస్ట్ | ఉత్తమ కలం యోధ అవార్డు గ్రహీత | జర్నలిస్ట్ జాతీయ పురస్కార గ్రహీత | సోషల్ ఫైటర్ | హైదరాబాద్ | తిరుపతి.
--------------
బాపట్ల కృష్ణ మోహన్
జర్నలిస్ట్ అవార్డు గ్రహీత | జర్నలిస్ట్ జాతీయ పురస్కార అవార్డు గ్రహీత | తెలుగు మాధురీ పురస్కారం అవార్డు గ్రహీత | మీడియా టుడే జాతీయ తెలుగు దినపత్రిక హైదరాబాద్ బ్యూరో | అల్ ఇండియా వర్కింగ్ జర్నలిస్ట్స్ అసోసియేషన్ AWJA సోషల్ మీడియా కన్వినర్ ఆంధ్రప్రదేశ్ & తెలంగాణ | ప్రజాసంకల్పం స్వచ్చంద సంస్థ & యూట్యూబ్ ఛానెల్  ఫౌండర్ | మానవ హక్కుల బాద్యులు(HRF) | సామాజిక కార్యకర్త | హైదరాబాద్
-----------
నీలాజ్యోతి
ఫ్రీలాన్స్ పొయట్ జర్నలిస్ట్ | రాష్ట్ర ప్రధాన కార్యదర్శి – మహిళా విభాగం, గ్లోబల్ హ్యూమన్ రైట్స్ | డివిజనల్ జనరల్ సెక్రటరీ – ఇంటర్నేషనల్ వైశ్య ఫెడరేషన్ | ఫ్యామిలీ మోటివేటర్ | రిజిస్టర్డ్ డిప్లొమా ఇన్ జనరల్ నర్సింగ్ & మిడ్వైఫరీ | తెలంగాణ.
----------
T.రాధికా రాణి 
ఫ్రీలాన్స్ జర్నలిస్ట్ | సైకాలజిస్ట్ | జీవిత సాపల్య అవార్డు గ్రహిత | సోషల్ వర్కర్ | తిరుపతి.

మీడియా టుడే పదిహేనేళ్ల ప్రస్థానానికి అక్షర నీరాజనం డాక్టర్ కే. కోటేశ్వరరావు గారికి హృదయపూర్వక అభినందనం_

*మీడియా టుడే పదిహేనేళ్ల ప్రస్థానానికి అక్షర నీరాజనం డాక్టర్ కే. కోటేశ్వరరావు గారికి హృదయపూర్వక అభినందనం*

*బాపట్ల కృష్ణమోహన్ - మీడియా టుడే హైదరాబాద్ బ్యూరో*

బాపట్ల కృష్ణమోహన్, మీడియా టుడే, నవంబర్ 14:

అక్షరాలే ఆలయాలుగా,ఆలోచనలే ఆయుధాలుగా, నిజాలే నినాదాలుగా, ప్రజాస్వామ్యంమే ప్రస్తానంగా సాగుతున్న *మీడియా టుడే* ప్రయాణంలో *పదిహేనేళ్ల సంబరం*.

నిత్య సత్యాన్ని, ప్రజల గొంతుకను, వార్తలను ఎప్పటికప్పుడు నిర్భయంగా అందిస్తూ విజయవంతంగా 15వ వార్షికోత్సవ వేడుకలు చేసుకుంటున్న సందర్బంగా మీడియా టుడే చైర్మన్ అండ్ మేనేజింగ్ డైరెక్టర్ డాక్టర్ కే. కోటేశ్వరరావు గారికి మరియు మీడియా టుడే న్యూస్ పేపర్ బృందానికి హృదయపూర్వక 15వ వార్షికోత్సవ శుభాకాంక్షలు! రాబోయే రోజుల్లో మరిన్ని శిఖరాలను అధిరోహించాలని కోరుకుంటున్నాను.

Saturday, November 14, 2026

చిన్నారులందరికి బాలల దినోత్సవ శుభాకాంక్షలు - అనురాధ రావు బాలలహక్కుల సంఘం ప్రెసిడెంట్_

*చిన్నారులందరికి బాలల దినోత్సవ శుభాకాంక్షలు - అనురాధ రావు బాలలహక్కుల సంఘం ప్రెసిడెంట్*

బాపట్ల కృష్ణమోహన్, మీడియా టుడే, నవంబర్ 13:

14 నవంబర్ అంటే మనకు గుర్తుకు వచ్చేది బాలలు.
పుట్టిన ప్రతి బిడ్డ ఆరోగ్యంగా, సంతోషంగా పెరగాలి,మంచి విద్య, సమాన అవకాశాలు పొందాలి. పిల్లలందరు సమానమే కదా ! 
పేద, ధనిక భేదం లేదు, చిన్నారులందరు సమానము. కానీ వాస్తవం ఏంటి?
పిల్లలకు అవసరమైన ప్రాథమిక వస్తువులపై పన్నుల భారం ఎందుకు?ధనిక వర్గాల పిల్లలకు, పేద వర్గాల పిల్లలకు ఆకలి, అనారోగ్యం, పరిశుభ్రత ఒక్కటే. వారి ఆర్థిక పరిస్థితిని బట్టి మారదు. పిల్లలకు పాలు, పాలపొడి, డైపర్లు, పాల బాటిళ్లు,నిప్పల్స్, అవసరమైన మందులు అన్ని కూడా కావల్సినవే, అవేమి విలాస వస్తువులు కాదు. ప్రాథమిక అవసరాలు. వీటిపై GST ని పూర్తిగా నిషేదించడం ప్రభుత్వ బాధ్యత. కొందరు పిల్లలకు లాక్టోజ్ పడదు. వారికి లాక్టోజ్ ఫ్రీ ఇన్ఫంట్ ఫార్ములా ఇవ్వాల్సిన పరిస్థితి వస్తుంది. HSN 1901 కింద వచ్చే ఫార్ములా పై 12శాతం - 18శాతం 
అది విలాస వస్తువు కాదు, వారికి కడుపు నింపే ఆహరం. 
కొందరు పిల్లలకు తల్లిపాలు రాక, ఫార్ములా పై ఆధారపడతారు, కొందరు పుట్టగానే తల్లిని కోల్పోయిన పిల్లలు ఉంటారు. వారికి ఖచ్చితంగా పాల ఫార్ములా కావాలి.శుభ్రత కోసం డైపర్లు కావాలి, ఎదైన క్లాత్ ఉపయోగిస్తే డెలికేట్ ఉన్న పిల్లలకు ఇన్ఫెక్షన్లు రావోచ్చు, మళ్లీ అదనపు మందులు కొనాలి. ఇలా పిల్లలకు అవసరమైన అన్నిటి పై  GST ని ఎత్తివేయాలి. డపైర్స్ - 5శాతం 
ఫిడింగ్ బాటిల్ నిప్పల్స్ పై 5శాతం,పాల ఫార్ములా - 5శాతం,స్పెషల్ ఫార్ములా . 12-18శాతం .GST 
పిల్లల మందులపై 5శాతం GST.
ఇవన్ని ధనిక వర్గాలు భరించ గలుగుతారు కాని మనం పేద ప్రజల పిల్లల గురించి ఆలోచించాలి. ఎక్కువ కొనుగొలు చేసేది పేద ప్రజలు,వీరి సంఖ్యఅధికం. అవి చిన్నారుల విలాస వస్తువులు కావు. నేను బోమ్మల గురించి,ఇతర వస్తువుల గురించి అడగడం లేదు. కాబట్టి 0శాతం GST స్లాబ్ లోకి తీసుకురావాలని, ఈ 2027 బడ్జెట్లో పిల్లల నిత్యావసర వస్తువుల పై 0శాతం GST చేయాలి బాలల హక్కుల సంఘం కేంద్రప్రభుత్వాన్ని డిమాండ్ చేస్తున్నది. ప్రతి సంవత్సరం బడ్జెట్ ను Feb 1న ఉదయం 11గంటలకు కేంద్ర ఆర్థిక మంత్రి పార్లమెంటులో ప్రవేశపెడతారు. దీనికోసం  ప్రణాళికలను ఆగస్టు నుండే సిద్దం చేస్తారు.పన్నుల మార్పు, కొత్త పధకాల కేటాయింపులు అన్ని డిసెంబర్ మాసంలో జరుగుతాయి. పిల్లలే దేశ సంపద,ఆ సంపదను రక్షించు కోవాల్సిన బాధ్యత ప్రభుత్వానిదే.
వారి తరపున మనం మన గొంతు వినిపిద్దాం.

తెలంగాణ రాష్ట్ర ప్రభుత్వం పేద పిల్లలకు గుక్కెడు బువ్వ పెట్టలేక పోతాంది - తెలంగాణ జనసేన పార్టీ_

*తెలంగాణ రాష్ట్ర ప్రభుత్వం పేద పిల్లలకు గుక్కెడు బువ్వ  పెట్టలేక పోతాంది - తెలంగాణ జనసేన పార్టీ*

బాపట్ల కృష్ణమోహన్, మీడియా టుడే, నవంబర్ 13:

ప్రపంచ స్థాయి ప్రభుత్వ విద్య అంటూ గొప్పలు చెబుతున్న తెలంగాణ రాష్ట్ర ప్రభుత్వం పేద పిల్లలకు గుక్కెడు బువ్వ  పెట్టలేక పోతాంది. గౌరవ ముఖ్యమంత్రి చేతుల మీదుగా అట్టహాలంగా ప్రారంభమైన ఆరుట్ల తెలంగాణ పబ్లిక్ స్కూల్‌లోని పేద విద్యార్థులకు 22 రోజులుగా అల్పాహారం అందించలేని పరిస్థితి నెలకొన్నదన్న తెలిసింది అని తెలంగాణ రాష్ట్ర జనసేన పార్టీ సోషల్ మీడియా వేదికగా రాష్ట్ర ప్రభుత్వంపై తీవ్ర విమర్శలు చేసింది.ముఖ్యమంత్రి చేతుల మీదుగా అట్టహాసంగా ప్రారంభమైన ఆరుట్ల తెలంగాణ పబ్లిక్ స్కూల్‌లోని పేద విద్యార్థులకు 22 రోజులుగా అల్పాహారం, బ్రేక్‌ఫాస్ట్ అందించడం లేదని తెలంగాణ జనసేన పార్టీ ఎక్స్ ఖాతా ద్వారా విమర్శించింది.ఆగస్టు నుంచి బిల్లులు పెండింగ్‌లో ఉండగా, సెప్టెంబర్ నుంచి నిధులు విడుదల కాలేదు. పిల్లలు ఆకలితో ఉండకూడదని ఉపాధ్యాయులే అప్పులు చేసి పథకాన్ని కొనసాగించగా, సరుకులు, కూరగాయలకు కలిపి రూ.10 లక్షల బకాయిలు పేరుకు పోయాయని అంటున్నారు. ఆకలికి అలమడిస్తోన్న పిల్లలకు అప్పు చేసైనా అన్నం పెట్టాలనే ఆలోచన చేసిన హెడ్‌మాస్టర్‌పై చర్యలకు హెచ్చరికలు జారీ చేయడం చాలా బాధాకరం.
తక్షణమే పెండింగ్ బకాయిలు విడుదల చేసి, విద్యార్థులకు అల్పాహార పథకాన్ని వెంటనే పునరుద్ధరించాలి. పిల్లల కోసం అప్పులు చేసిన హెడ్‌మాస్టర్‌పై కక్షసాధింపు చర్యలను నిలిపివేయాలి అని తెలంగాణ రాష్ట్ర జనసేన పార్టీ తెలిపింది.

హైదరాబాద్ నగర కొత్త కొత్వాల్,పోలీస్ కమిషనర్ గా సీనియర్ ఐపీఎస్ అధికారి మహేష్ మురళీధర్ భగవత్ ఐపీఎస్_


*హైదరాబాద్ నగర కొత్త కొత్వాల్,పోలీస్ కమిషనర్ గా సీనియర్ ఐపీఎస్ అధికారి మహేష్ మురళీధర్ భగవత్ ఐపీఎస్*

బాపట్ల కృష్ణమోహన్, మీడియా టుడే, నవంబర్ 13:

1995 బ్యాచ్‌కు చెందిన ఐపీఎస్ అధికారి డా. మహేష్ మురళీధర్ భగవత్, ఐపీఎస్, ఈ రోజు 13 నవంబర్ 2026 న బంజారా హిల్స్‌లోని టీజీఐసీసీసీలో హైదరాబాద్ నగర పోలీస్ కమిషనర్,సీపీహైడ్‌సిటీ గా బాధ్యతలు స్వీకరించారు. 1847లో ప్రారంభమైన హైదరాబాద్ కొత్వాల్ వ్యవస్థలో ఆయన 63వ కమిషనర్‌గా బాధ్యతలు చేపట్టారు. పటిష్టమైన శాంతిభద్రతలు, మహిళల భద్రత, సైబర్ నేరాల నివారణ, ట్రాఫిక్ నిర్వహణ మరియు అవినీతి పట్ల సున్నా సహనంతో కూడిన పౌర కేంద్రీకృత పోలీసింగ్ ఆయన ముఖ్య ప్రాధాన్యతలలో ఉన్నాయి.నగరవ్యాప్తంగా పోలీసింగ్‌ను బలోపేతం చేయడానికి మరియు కీలక సవాళ్లను పరిష్కరించడానికి ఆయన సీనియర్ అధికారులతో చర్చలు కూడా జరిపారు.హైదరాబాద్ సీపీగా నియమితులు కాకముందు మహేష్ భగవత్ తెలంగాణ శాంతిభద్రతల విభాగం లా అండ్ ఆర్డర్  డీజీపీగా పనిచేశారు.

Friday, November 13, 2026

రుణ వసూలు వేధింపుల ఫిర్యాదులను నిర్లక్ష్యం చేయొద్దు — పోలీసు సిబ్బందికి తప్పనిసరి శిక్షణ ఇవ్వాలి_

*ప్రెస్ నోట్*

*అప్పు వివాదం సివిల్ కావచ్చు… బెదిరింపులు, బ్లాక్‌మెయిల్ సివిల్ కావు!*

*రుణ వసూలు వేధింపుల ఫిర్యాదులను నిర్లక్ష్యం చేయొద్దు — పోలీసు సిబ్బందికి తప్పనిసరి శిక్షణ ఇవ్వాలి*

*న్యాయవాది, సామాజిక కార్యకర్త వి. రవికృష్ణ డిమాండ్*

బాపట్ల కృష్ణమోహన్, మీడియా టుడే, నవంబర్ 10:

రుణ వసూలు వేధింపుల నుంచి రక్షణ కోరుతూ పోలీసులను ఆశ్రయించే బాధితులను తప్పుపట్టడం, ఫిర్యాదులో పేర్కొన్న నేరపూరిత చర్యలను పరిశీలించకుండా ఇది సివిల్ విషయం అంటూ పక్కన పెట్టడం సమర్థనీయం కాదని న్యాయవాది, సామాజిక కార్యకర్త వి. రవికృష్ణ అన్నారు. రుణ ఒప్పందానికి సంబంధించిన వివాదాలను, వసూలు పేరుతో జరిగే క్రిమినల్ చర్యలను వేర్వేరుగా పరిశీలించాలని స్పష్టం చేశారు.
అప్పు తీసుకున్న వ్యక్తికి చెల్లుబాటయ్యే బకాయిని చెల్లించాల్సిన బాధ్యత ఉంటుంది. అదే వ్యక్తికి బెదిరింపులు, బలవంతపు వసూళ్లు, అశ్లీల చిత్రాల బ్లాక్‌మెయిల్ నుంచి రక్షణ పొందే హక్కు కూడా ఉంటుంది. అప్పు ఉందనే కారణంతో ఆ హక్కును నిరాకరించలేరు అని పేర్కొన్నారు.

*(1)*: రుణ ఒప్పందం నేరపూరిత చర్యలకు అనుమతిపత్రం కాదు.రుణ మొత్తం, వడ్డీ, వాయిదాలు, బకాయిల లెక్కలకు సంబంధించిన వివాదాలను కోర్టులు, ఆర్బిట్రేషన్ లేదా ఇతర వర్తించే చట్టబద్ధ విధానాల ద్వారా పరిష్కరించుకోవచ్చని తెలిపారు. నిబంధనలకు అనుగుణంగా చెల్లింపు కోరడం, చట్టబద్ధమైన రికవరీ చేపట్టడం అనుమతించబడినప్పటికీ, బెదిరింపులు లేదా బలప్రయోగానికి పాల్పడే అధికారం రుణదాతకు గానీ, ఏజెంట్‌కు గానీ ఉండదన్నారు.
సివిల్ పరిష్కారం అందుబాటులో ఉందనే కారణంతో, అదే వ్యవహారంలో జరిగిన నేరపూరిత చర్యలను విస్మరించలేరు. ఫిర్యాదును లోన్ విషయం అనే ఒకే మాటతో మూసివేయకుండా, అందులో పేర్కొన్న ప్రతి చర్యను చట్టప్రకారం పరిశీలించాలి అని అన్నారు.
*(2)*: బెదిరింపులు, బలవంతపు వసూళ్లపై క్రిమినల్ చట్టం వర్తిస్తుంది.వ్యక్తి ప్రాణం, శరీరం, ఆస్తి లేదా పరువుకు హాని చేస్తామని భయపెట్టే చర్యలు, అవసరమైన నేర అంశాలు ఉన్నచోట భారతీయ న్యాయ సంహిత BNS సెక్షన్ 351 కింద క్రిమినల్ ఇంటిమిడేషన్ పరిధిలోకి రావచ్చని వివరించారు.హాని చేస్తామనే భయంతో నిజాయితీరహితంగా డబ్బు లేదా ఆస్తిని అప్పగించేలా చేసే చర్యలపై BNS సెక్షన్ 308 కింద ఎక్స్‌టార్షన్ నిబంధనలను పరిశీలించాల్సి ఉంటుందన్నారు. ప్రతి ఘటనలో చర్యల స్వభావం, ఉద్దేశం, ఆధారాలను బట్టి తగిన సెక్షన్లు వర్తింపజేయాలని స్పష్టం చేశారు.
*(3)*: మార్ఫింగ్ చిత్రాలతో బ్లాక్‌మెయిల్‌ను ‘రికవరీ’గా చూడకూడదు.బాధితుల ఫొటోలను మార్ఫింగ్ చేసి అశ్లీల రూపంలో వారి కాంటాక్టులకు పంపడం, పంపుతామని బెదిరించడం వంటి ఆరోపణలను అత్యంత తీవ్రంగా పరిగణించాలని కోరారు.
ఎలక్ట్రానిక్ రూపంలో అశ్లీల సమాచారాన్ని ప్రచురించడం లేదా పంపడంపై సమాచార సాంకేతిక చట్టం సెక్షన్ 67, లైంగికంగా స్పష్టమైన చర్యలు లేదా ప్రవర్తనను చూపే సమాచారం విషయంలో సెక్షన్ 67ఏ వర్తింపును సంబంధిత కంటెంట్ ఆధారంగా పరిశీలించాలన్నారు. కేవలం బెదిరింపు జరిగిందా, సమాచారం వాస్తవంగా పంపించారా అనే అంశాలను కూడా వేర్వేరుగా నిర్ధారించాలన్నారు.
*(4)*: అప్పు తీసుకున్నప్పుడు తెలియదా? అనేది రక్షణ కోరిన బాధితుడికి సమాధానం కాదు. లోన్ తీసుకున్నప్పుడు కట్టాలని తెలియదా? కట్టకపోతే వాళ్లు ఇంటికి వస్తారు వంటి వ్యాఖ్యలతో బాధితుడిని వెనక్కి పంపడం సరికాదన్నారు. చట్టబద్ధమైన సంప్రదింపునకు, ఇంటికి వచ్చి బెదిరించడం లేదా అవమానించడానికి మధ్య తేడాను గుర్తించాలన్నారు.
పోలీసులు అప్పు చెల్లింపుల వివాదాన్ని తీర్చాల్సిన అవసరం లేకపోవచ్చు. కానీ ఫిర్యాదులో నేరపూరిత చర్యలు ఉన్నాయా అని పరిశీలించి, చట్టప్రకారం స్పందించాల్సిన బాధ్యత ఉంటుంది. పోలీస్ స్టేషన్‌లో బాధితుడికి మరోసారి అవమానం ఎదురుకాకూడదు అని పేర్కొన్నారు.
*(5)*: ఫిర్యాదులపై BNSS ప్రకారం చర్యలు తీసుకోవాలి.
కాగ్నిజబుల్ నేరానికి సంబంధించిన సమాచారం అందినప్పుడు భారతీయ నాగరిక సురక్షా సంహిత BNSS సెక్షన్ 173 ప్రకారం వ్యవహరించాలని కోరారు. నేరం జరిగిన ప్రాంతం వేరనే కారణంతో అటువంటి సమాచారాన్ని స్వీకరించకుండా నిరాకరించకూడదన్నారు.
సెక్షన్ 173 (3) కింద ప్రాథమిక విచారణ అనుమతించే కేసుల్లో, చట్టం నిర్దేశించిన శిక్షా పరిధి, ఉన్నతాధికారి ముందస్తు అనుమతి, గడువు వంటి షరతులను పాటించాలని తెలిపారు. నాన్‌కాగ్నిజబుల్ అంశాలైతే వాటికీ వర్తించే విధానాన్ని అనుసరించాలన్నారు.ప్రతి ఫిర్యాదుకూ ఒకే విధమైన చర్య ఉంటుందని కాదు. కానీ ఫిర్యాదులోని ఆరోపణలను పరిశీలించకుండా సివిల్ అని తేల్చడం చట్టపరమైన పరిశీలనకు ప్రత్యామ్నాయం కాదు అని స్పష్టం చేశారు.
*(6)*: ఏజెంట్ల వెనుక ఉన్న బాధ్యతనూ పరిశీలించాలి.
RBI రికవరీ నియమాలు బెదిరింపులు, బహిరంగ అవమానం, కుటుంబ సభ్యులు స్నేహితుల గోప్యతకు భంగం, బెదిరించే లేదా అజ్ఞాత కాల్స్, పదేపదే ఫోన్ చేసి వేధించడం వంటి చర్యలను నిషేధిస్తున్నాయని గుర్తుచేశారు. రికవరీని అవుట్‌సోర్స్ చేసినంత మాత్రాన నియంత్రిత రుణదాత బాధ్యత తప్పదన్నారు.బ్యాంకు లేదా NBFCపై ఉండే నియంత్రణపరమైన బాధ్యతను, వ్యక్తులపై క్రిమినల్ బాధ్యతను వేర్వేరుగా పరిశీలించాలని తెలిపారు. ఏజెంట్లతోపాటు వేధింపులను ఆదేశించిన, ప్రోత్సహించిన లేదా తెలిసి అనుమతించిన అధికారుల పాత్రకు ఆధారాలు ఉంటే దర్యాప్తు చేయాలని కోరారు.
*(7)*: పోలీసు సిబ్బందికి తప్పనిసరి శిక్షణ రాష్ట్రవ్యాప్తంగా SOP అవసరం.
తెలంగాణ DGP, పోలీసు ఉన్నతాధికారులు ఈ కింది చర్యలు చేపట్టాలని రవికృష్ణ డిమాండ్ చేశారు:
*(a)*: హోంగార్డులు, రిసెప్షన్ సిబ్బంది, కానిస్టేబుళ్లు, ఎస్‌ఐలు, ఇన్‌స్పెక్టర్లకు సివిల్ వివాదాలు–క్రిమినల్ చర్యల మధ్య తేడాపై తప్పనిసరి శిక్షణ ఇవ్వాలి.
*(b)*: ఆర్థిక, మానసిక ఒత్తిడిలో ఉన్న బాధితులతో గౌరవంగా వ్యవహరించడం, ప్రమాదాన్ని గుర్తించి తక్షణ సహాయం అందించడంపై అవగాహన కల్పించాలి.
*(c)*: రుణ వసూలు వేధింపుల ఫిర్యాదులకు ప్రత్యేక ప్రామాణిక కార్యాచరణ విధానం—SOP జారీ చేయాలి.
*(d)*: కాల్ రికార్డులు, సందేశాలు, మార్ఫింగ్ చిత్రాలు, బ్యాంకు UPI లావాదేవీలు, ఏజెన్సీ ఆదేశాలు వంటి డిజిటల్ ఆధారాలను సకాలంలో భద్రపరచాలి.
*(e)*: నేరపూరిత ఆరోపణలను పరిశీలించకుండా ఫిర్యాదులు నిరాకరించడం లేదా మూసివేయడంపై ఉన్నతాధికారుల సమీక్ష ఉండాలి. నిర్లక్ష్యం నిర్ధారణ అయితే తగిన శాఖాపరమైన చర్యలు తీసుకోవాలి.
*(8)*: మరణాలపై ఆధారాలతో సమగ్ర విచారణ జరగాలి.రుణ వసూలు వేధింపులతో సంబంధం ఉందనే ఆరోపణలు వచ్చిన మరణాల్లో కమ్యూనికేషన్లు, ఆర్థిక లావాదేవీలు, రికవరీ సూచనలను పరిశీలించాలని కోరారు. ఆత్మహత్యకు ప్రేరేపణకు అవసరమైన చట్టపరమైన అంశాలు, ఉద్దేశం, సంబంధిత చర్యలు ఆధారాలతో నిర్ధారణ అయినచోట BNS సెక్షన్ 108 వర్తింపును పరిశీలించాలన్నారు. మరణం సంభవించిందనే ఒక్క కారణంతో నేరాన్ని నిర్ధారించకుండా, అన్ని కోణాల్లో నిష్పక్షపాత దర్యాప్తు జరపాలని తెలిపారు.వేధింపులు ఎదుర్కొంటున్న ప్రజలు ఆధారాలను భద్రపరచి పోలీసులకు, cybercrime.gov.in ద్వారా ఫిర్యాదు చేయాలని సూచించారు. ఆర్థిక సైబర్ మోసం జరిగితే వెంటనే 1930కు సమాచారం ఇవ్వాలన్నారు. నేరంపై ఫిర్యాదు చేయడానికి రుణదాత సమాధానం కోసం వేచి ఉండాల్సిన అవసరం లేదని తెలిపారు.బాధితుడు సహాయం కోరినప్పుడే వ్యవస్థ స్పందించాలి. ఒక ప్రాణం పోయిన తరువాత మాత్రమే చర్యలు ప్రారంభమయ్యే పరిస్థితి మారాలి. అప్పు చెల్లించాల్సిన బాధ్యతను గుర్తుచేస్తూనే, మనిషి ప్రాణం, గౌరవం, భద్రతను కాపాడటం పోలీసు వ్యవస్థ బాధ్యత అని రవికృష్ణ పేర్కొన్నారు.

గ్రూప్-1 మెయిన్స్ అవకతవకలపై టీజీపీఎస్సీ కార్యదర్శికి బీఆర్‌ఎస్ నేతల వినతిపత్రం_

*గ్రూప్-1 మెయిన్స్ అవకతవకలపై టీజీపీఎస్సీ కార్యదర్శికి బీఆర్‌ఎస్ నేతల వినతిపత్రం*

బాపట్ల కృష్ణమోహన్, మీడియా టుడే, నవంబర్ :9:
గ్రూప్-1 నియామక ప్రక్రియలో పారదర్శకత, జవాబుదారీతనం నిర్ధారించాలని కోరుతూ బీఆర్‌ఎస్ నాయకులు అభ్యర్థులతో కలిసి టీజీపీఎస్సీ  TGPSC కార్యదర్శి శ్రీమతి హరిత, ఐఏఎస్ కు వినతిపత్రం సమర్పించారు.ఈ కార్యక్రమంలో ఎమ్మెల్సీ డా. దాసోజు శ్రవణ్, బీఆర్‌ఎస్‌వీ రాష్ట్ర అధ్యక్షుడు గెల్లు శ్రీనివాస్ యాదవ్, నాయకులు తుంగ బాలు, సతీష్ ఉపేంద్ర, కొడంగల్ రవికుమార్, తదితరులు పాల్గొన్నారు.

**ప్రధాన డిమాండ్లు:**

*(1)*: స్వతంత్ర ఉన్నతస్థాయి విచారణ: తెలంగాణ స్టేట్ పోలీస్ అకాడమీలో శిక్షణ పొందుతున్న డీఎస్పీ ట్రైనీలలో దాదాపు 35 శాతం మంది విఫలమైనట్లు వచ్చిన వార్తల నేపథ్యాన్ని, అలాగే హైకోర్టు సింగిల్ జడ్జి ఇచ్చిన తీర్పును పరిగణనలోకి తీసుకుని సమగ్ర ఉన్నతస్థాయి సిట్టింగ్ జడ్జి తో విచారణ జరిపించాలి.

*(2)*: ఫోరెన్సిక్ ఆడిట్ మరియు పునఃపరిశీలన: గ్రూప్-1 మెయిన్స్ మూల్యాంకన రికార్డులపై ఫోరెన్సిక్ ఆడిట్ నిర్వహించి, జవాబు పత్రాలను పూర్తి పారదర్శకతతో పునఃపరిశీలించాలి.

*(3)*: అభ్యర్థులకు న్యాయం: నియామకాల్లో ప్రతిభకే ప్రాధాన్యతనిస్తూ, అర్హులైన ఏ ఒక్క అభ్యర్థికి అన్యాయం జరగకుండా తక్షణ చర్యలు తీసుకోవాలి.

అబ్దుల్ కలాం ఆజాద్ పేరు పలికే అర్హత కోల్పోయిన కాంగ్రెస్!_

*పత్రికా ప్రకటన*

*అబ్దుల్ కలాం ఆజాద్ పేరు పలికే అర్హత కోల్పోయిన కాంగ్రెస్!*

*అబ్దుల్ కలాం పేరుతో ఇంకా ఎన్ని రోజులు మోసం చేస్తారు...?*

*ఎండీ షబ్బీర్ - అధ్యక్షులు,తెలంగాణ రాష్ట్ర సంచారా ముస్లిం తెగల సంఘం*

బాపట్ల కృష్ణమోహన్, మీడియా టుడే, నవంబర్ 10:

మహనీయుడు మౌలానా అబుల్ కలాం ఆజాద్ పేరును ప్రస్తావిస్తూ జయంతి, వర్ధంతి కార్యక్రమాల్లో పూలమాలలు వేసి నివాళులర్పించడం మాత్రమే నిజమైన గౌరవం కాదు. ఆయన ఆశయాలకు అనుగుణంగా పేద విద్యార్థులకు విద్యావకాశాలు కల్పించి, వారి భవిష్యత్తుకు అండగా నిలబడినప్పుడే ఆయనకు నిజమైన నివాళి అర్పించినట్లవుతుంది. తెలంగాణలో అధికారంలోకి రాకముందు కాంగ్రెస్ పార్టీ తన మైనారిటీ డిక్లరేషన్‌లో *అబ్దుల్ కలాం తౌఫా-ఏ-తాలీమ్ పథకాన్ని* ప్రకటించింది. పదో తరగతి ఉత్తీర్ణులైన విద్యార్థులకు  రూ 10,000, ఇంటర్మీడియట్‌కు రూ 15,000, డిగ్రీకి రూ 25,000, పీజీకి రూ 1 లక్ష, ఎం.ఫిల్‌, పీహెచ్‌డీ పూర్తి చేసిన వారికి రూ 5 లక్షల ఆర్థిక సహాయం అందిస్తామని హామీ ఇచ్చింది.కానీ నేటికీ ఈ పథకం అమలుపై స్పష్టమైన కార్యాచరణ, అర్హతలు, దరఖాస్తుల ప్రక్రియ, నిధుల విడుదలకు సంబంధించిన వివరాలను ప్రభుత్వం ప్రకటించాల్సి ఉంది. పేద ముస్లిం విద్యార్థులు, వారి తల్లిదండ్రులు ఈ హామీ అమలు కోసం ఎదురుచూస్తున్నారు.

*ప్రభుత్వానికి మా సూటి ప్రశ్నలు:*

*(1)*: అబ్దుల్ కలాం తౌఫా - ఏ - తాలీమ్ పథకాన్ని ఎప్పుడు అమలు చేస్తారు?
*(2)*: ఈ పథకానికి ప్రత్యేకంగా ఎంత బడ్జెట్ కేటాయిస్తారు?
*(3)*: అర్హులైన విద్యార్థులకు ఆర్థిక సహాయం ఎప్పటి నుంచి అందిస్తారు?
*(4)*: పథకం అమలుకు సంబంధించిన అధికారిక ఉత్తర్వులు ఎప్పుడు విడుదల చేస్తారు?

ప్రభుత్వం ఇచ్చిన హామీలను మరిచిపోయి, జయంతి–వర్ధంతి కార్యక్రమాల్లో పూలమాలలు వేసి నివాళులర్పించడానికే పరిమితం కావడం సరిపోదు. *ఉత్తుత్తి జయంతి, వర్ధంతి ఆర్భాటాలను పక్కనపెట్టి, పేద విద్యార్థుల భవిష్యత్తు కోసం ఇచ్చిన హామీని అమలు చేయాలి.*
మౌలానా అబుల్ కలాం ఆజాద్ పేరు చెప్పే ప్రతి సందర్భంలో ఆయన ఆశయమైన విద్యాభివృద్ధిని గుర్తు పెట్టుకోవాలి. ఆయన పేరుతో ప్రకటించిన పథకాన్ని అమలు చేయకుండా ఇంకా ఎంతకాలం విద్యార్థులను నిరీక్షింపజేస్తారు?
*అబ్దుల్ కలాం ఆజాద్ పేరు పలికే అర్హతను నిలబెట్టుకోవాలంటే కాంగ్రెస్ ప్రభుత్వం ముందుగా ఇచ్చిన హామీని నిలబెట్టుకోవాలి.*
తక్షణమే తౌఫా - ఏ - తాలీమ్ పథకం అమలు తేదీని ప్రకటించి, నిధులు కేటాయించి, పేద ముస్లిం విద్యార్థులకు న్యాయం చేయాలని డిమాండ్ చేస్తున్నాం.
*ఎండీ షబ్బీర్*
ఫౌండర్,రాష్ట్ర వర్కింగ్ ప్రెసిడెంట్,
తెలంగాణ రాష్ట్ర సంచారా ముస్లిం తెగల సంఘం (బీసీ ఈ 1-14)

Tuesday, November 10, 2026

నవంబర్ 15లోగా గోదావరి అదనపు జలాల అనుసంధాన పనులు పూర్తి చేయాలి: జలమండలి ఎండీ అశోక్ రెడ్డి_

*నవంబర్ 15లోగా గోదావరి అదనపు జలాల అనుసంధాన పనులు పూర్తి చేయాలి: జలమండలి ఎండీ అశోక్ రెడ్డి*

బాపట్ల కృష్ణమోహన్, నవంబర్ 09:

ఎల్‌నినో పరిస్థితుల నేపథ్యంలో సింగూరు–మంజీరా జలవనరుల్లో నీటి లభ్యత తగ్గుతున్న దృష్ట్యా హైదరాబాద్ నగరానికి తాగునీటి సరఫరాలో అంతరాయాలు తలెత్తకుండా జలమండలి ముందస్తు చర్యలను వేగవంతం చేసింది. ఇందులో భాగంగా రోజుకు 40 మిలియన్ గ్యాలన్ల ఎంజీడీ గోదావరి అదనపు జలాలను నగరానికి తరలించేందుకు ఘన్ పూర్ వద్ద చేపడుతున్న పైప్‌లైన్ అనుసంధాన పనులను జలమండలి మేనేజింగ్ డైరెక్టర్ అశోక్ రెడ్డి సోమవారం పరిశీలించారు.ఈ సందర్భంగా పనుల పురోగతిని అధికారులను అడిగి తెలుసుకున్నారు. ఎట్టి పరిస్థితుల్లోనూ నవంబర్ 15వ తేదీలోగా పైప్‌లైన్ అనుసంధాన పనులు పూర్తి చేసి, గోదావరి జలాలను సరఫరా చేసేలా ఏర్పాట్లు చేయాలని ఆదేశించారు. నిర్దేశించిన గడువును ఒక్కరోజు కూడా పొడిగించే ప్రసక్తి లేదని స్పష్టం చేశారు.రెండు వైపుల నుంచి పైప్‌లైన్ పనులు చేపట్టాలి.
పైప్‌లైన్ నిర్మాణ పనులను రెండు వైపుల నుంచి సమాంతరంగా చేపట్టి, నిర్ణీత గడువులోగా అనుసంధానం చేయాలని ఎండీ ఆదేశించారు. ఏ నిర్మాణ సంస్థ ఎంత దూరం పైప్‌లైన్ ఏర్పాటు చేసిందనేది ముఖ్యం కాదని, పనులు పూర్తయి పైప్‌లైన్ అనుసంధానం కావడమే ప్రధాన లక్ష్యమని స్పష్టం చేశారు. పనుల పరిధికి సంబంధించిన బిల్లుల సర్దుబాటును తర్వాత పరిశీలించవచ్చని, ప్రస్తుతం పనుల పూర్తికే అత్యధిక ప్రాధాన్యం ఇవ్వాలని సూచించారు.

**మూడు షిఫ్టుల్లో 24 గంటల పాటు పనులు**

పైప్‌లైన్ అనుసంధాన పనులను యుద్ధప్రాతిపదికన పూర్తి చేసేందుకు రోజుకు ఎనిమిది గంటల చొప్పున మూడు షిఫ్టుల్లో ప్రత్యేక కార్మిక బృందాలను ఏర్పాటు చేయాలని ఆదేశించారు. ప్రతి షిఫ్టుకు వేర్వేరు బృందాలను నియమించి, పగలు రాత్రి తేడా లేకుండా నిరంతరాయంగా పనులు కొనసాగించాలన్నారు. రాత్రివేళ పనులకు అవసరమైన ఫ్లడ్‌లైట్లు, యంత్ర సామగ్రి, ఇతర సౌకర్యాలను సమకూర్చుకోవాలని సూచించారు.రోడ్డు క్రాసింగ్ పనులను వెంటనే ప్రారంభించాలి: పైప్‌లైన్ అనుసంధానానికి కీలకమైన రోడ్డు క్రాసింగ్ పనులను అత్యంత ప్రాధాన్యంగా తీసుకోవాలని ఎండీ ఆదేశించారు. అవసరమైన అనుమతులు, భద్రతా ఏర్పాట్లతో రాత్రి నుంచే రోడ్డు కటింగ్ పనులు ప్రారంభించి, రెండు మూడు రోజుల్లో పైపుల ఏర్పాటుకు మార్గం సుగమం చేయాలని సూచించారు. ఇందుకోసం అదనంగా రెండు మూడు ప్రత్యేక కార్మిక బృందాలను రంగంలోకి దించాలని ఆదేశించారు.

**మిషన్ భగీరథ, అటవీశాఖలతో సమన్వయం**

గోదావరి జలాల తరలింపునకు చేపడుతున్న పనులను వేగవంతం చేసేందుకు మిషన్ భగీరథ, అటవీశాఖల అధికారులతో నిరంతరం సమన్వయం చేసుకోవాలని సూచించారు. పైప్‌లైన్ అనుసంధానానికి అవసరమైన సాంకేతిక సహకారం, యంత్రాలు, మానవ వనరులను ఆయా శాఖల సహకారంతో సమకూర్చుకోవాలని ఆదేశించారు.ప్రస్తుతం కొనసాగుతున్న గోదావరి ప్రాజెక్టు పనుల్లో నిమగ్నమైన సాంకేతిక నిపుణులు, కార్మిక బృందాలు, ఎక్స్‌కవేటర్లు, డ్రిల్లింగ్ యంత్రాలు, ఇతర భారీ యంత్ర సామగ్రిని అవసరమైన మేరకు ఈ పనులకు మళ్లించాలని సూచించారు. అవసరమైతే ఇతర ప్రాంతాల్లో కొనసాగుతున్న పనులను తాత్కాలికంగా నిలిపివేసి, అక్కడి యంత్రాలు, వాహనాలు, సిబ్బందిని ఈ ప్రాజెక్టుకు వినియోగించుకోవాలన్నారు.
నగర తాగునీటి సరఫరాకు ముందస్తు చర్యలు:
రాబోయే వేసవి కాలంలో తాగునీటి అవసరాలు పెరిగే అవకాశం ఉన్నందున అందుబాటులో ఉన్న జలవనరులను సమర్థంగా వినియోగించుకోవాలని ఎండీ సూచించారు. ముఖ్యంగా సింగూరు–మంజీరా జలవనరులపై ఆధారపడిన ప్రాంతాలకు ప్రత్యామ్నాయంగా గోదావరి జలాలను అందించే ఏర్పాట్లకు అత్యంత ప్రాధాన్యం ఇవ్వాలన్నారు.పైప్‌లైన్ అనుసంధాన పనుల పురోగతిని ప్రతిరోజూ పర్యవేక్షించాలని, ఎదురయ్యే సాంకేతిక సమస్యలను వెంటనే పరిష్కరించాలని అధికారులను ఆదేశించారు. ప్రాజెక్టు సకాలంలో పూర్తికావడం జలమండలి ప్రతిష్ఠకు సంబంధించిన అంశమని, అధికారులు, నిర్మాణ సంస్థలు పూర్తి బాధ్యతతో పనిచేయాలని స్పష్టం చేశారు.
నవంబర్ 15వ తేదీలోగా పైప్‌లైన్ అనుసంధాన పనులు పూర్తి చేసి, రోజుకు 40 ఎంజీడీల గోదావరి అదనపు జలాల సరఫరాకు మార్గం సుగమం చేయాలని ఎండీ అశోక్ రెడ్డి ఆదేశించారు.

విద్యుత్ షాక్‌కు గురై తీవ్రంగా గాయపడ్డ మున్సిపల్ కార్మికులు_

**విద్యుత్ షాక్‌కు గురై తీవ్రంగా గాయపడ్డ మున్సిపల్ కార్మికులు**

*విధి నిర్వహణలో విద్యుత్ షాక్‌కు గురై తీవ్రంగా గాయపడటం అత్యంత ఆందోళనకరం.*

*సీతారాం ధూళిపాళ వ్యవస్థాపక అధ్యక్షులు,ది సిటిజన్స్ కౌన్సిల్*

బాపట్ల కృష్ణమోహన్, మీడియా టుడే, నవంబర్ 08:

వార్డు 128, నెక్నాంపూర్ పరిధిలో ఔట్‌సోర్సింగ్ కార్మికులకు జరిగిన రెండు తీవ్రమైన విద్యుత్ ప్రమాదాలు – బాధ్యత నిర్ధారణ మరియు చట్టబద్ధమైన కార్మిక భద్రతా నిబంధనలు అమలు చేయాలని సీతారాం ధూళిపాళ వ్యవస్థాపక అధ్యక్షులు,ది సిటిజన్స్ కౌన్సిల్ అధికారులకు విజ్ఞప్తి చేశారు. వార్డు 128 పరిధిలో గత 48 గంటల్లో ఇద్దరు ఔట్‌సోర్సింగ్ మున్సిపల్ కార్మికులు విధి నిర్వహణలో విద్యుత్ షాక్‌కు గురై తీవ్రంగా గాయపడటం అత్యంత ఆందోళన కలిగించిందని సీతారాం ధూళిపాళ అన్నారు.ఈ ఘటనకు సంబందించి డిప్యూటీ కమిషనర్ ,నార్సింగి సర్కిల్ 45,
సైబరాబాద్ మున్సిపల్ కార్పొరేషన్ మరియు జోనల్ కమిషనర్, శేరిలింగంపల్లి జోన్, అసిస్టెంట్ మెడికల్ ఆఫీసర్ ఆఫ్ హెల్త్ AMOH, నార్సింగి సర్కిల్ 45, అధికారులకు అవసరమైన చర్యల నిమిత్తం తక్షణ జోక్యం చేసుకోవాలని విజ్ఞప్తి చేశారు.

**విద్యుత్ షాక్‌కు గురై తీవ్రంగా గాయపడ్డ మున్సిపల్ కార్మికులు**

*(1)*: శ్రీ ప్రవీణ్, పారిశుద్ధ్య కార్మికుడు, ఫ్రెండ్స్ కాలనీలోని మెడ్‌ప్లస్ సమీపంలో.

*(2)*: శ్రీ రాజు, విద్యుత్ నిర్వహణ కార్మికుడు,మణికొండ బస్‌స్టాప్ వద్ద.

ఇద్దరూ విధి నిర్వహణలో తగిన వ్యక్తిగత రక్షణ పరికరాలు PPE లేకుండానే పనిచేసినట్లు సమాచారం. వారి ESI మరియు ప్రమాద బీమా సదుపాయాలపై కూడా సందేహాలు వ్యక్తమవుతున్నాయి.ఈ ఘటనలపై వృత్తిపరమైన భద్రత,ఆరోగ్యం మరియు పని ప్రదేశంలో పరిస్థితుల కోడ్ 2020 సెక్షన్లు 6, 10, 23, 53, సాంఘిక భద్రతా కోడ్ 2020, విద్యుత్ చట్టం
2003 సెక్షన్ 53, CEA భద్రతా నిబంధనలు 2023 రెగ్యులేషన్ 21 - 2మరియు3, అలాగే వర్తించే మున్సిపల్ కాంట్రాక్టు నిబంధనల ప్రకారం విచారణ జరపాల్సిన అవసరం ఉంది.

**తక్షణమే క్రింది చర్యలు చేపట్టాలని కోరుతున్నాము**

*(1)*: భద్రతా లోపాలు మరియు పర్యవేక్షణ వైఫల్యాలకు సంబంధిత వారందరికీ షోకాజ్ నోటీసులు జారీ చేయాలి.
*(2)*: డిప్యూటీ కమిషనర్, AMOH మరియు సంబంధిత విద్యుత్ భద్రతా అధికారులతో తక్షణ సంయుక్త విచారణ జరిపించి వ్యక్తిగత, సంస్థాగత బాధ్యతలను నిర్ధారించాలి.
*(3)*: నార్సింగి సర్కిల్-45 పరిధిలో పనిచేస్తున్న ఔట్‌సోర్సింగ్ కార్మికులందరి EPF, ESI, ప్రమాద బీమా మరియు PPE నిబంధనల అమలు రికార్డులను తనిఖీ చేయాలి.
*(4)*: బాధితులిద్దరికీ తక్షణ వైద్య సహాయం అందించి, వర్తించే బీమా ప్రయోజనాలు మరియు చట్టబద్ధమైన పరిహారం మంజూరు చేయాలి.
*(5)*: ఉల్లంఘనలు నిర్ధారణ అయితే, నిబంధనల ప్రకారం కాంట్రాక్టు సంస్థపై జరిమానాలు, బిల్లుల నిలిపివేత మరియు బ్లాక్‌లిస్టింగ్ చర్యలు చేపట్టాలి.
*(6)*: అన్ని మున్సిపల్ పని ప్రదేశాల్లో “PPE లేకపోతే పని లేదు” అనే నిబంధనను కచ్చితంగా అమలు చేయాలి.

ఔట్‌సోర్సింగ్ విధానం పేరుతో మున్సిపల్ కార్పొరేషన్ లేదా బాధ్యతాయుత అధికారుల చట్టబద్ధమైన పర్యవేక్షణ బాధ్యతల నుంచి తప్పించుకోలేరు. కార్మికుల ప్రాణ భద్రత, గౌరవం మరియు సామాజిక భద్రత విషయంలో ఎలాంటి రాజీకి తావు లేదు.ఈ అంశంపై తక్షణ చర్యలు తీసుకొని, తీసుకున్న చర్యల నివేదికను సమర్పించాలని కోరుతున్నాము అని సీతారాం ధూళిపాళ అన్నారు.

భారత వాతావరణ శాఖ మాజీ శాస్త్రవేత్త ప్రొఫెసర్ పి.వి.జోసెఫ్ కన్నుమూశారు_

*భారత వాతావరణ శాఖ మాజీ శాస్త్రవేత్త ప్రొఫెసర్ పి.వి.జోసెఫ్ కన్నుమూశారు*

బాపట్ల కృష్ణమోహన్, మీడియా టుడే, నవంబర్ 09:

భారత వాతావరణ శాఖ IMD తో అనుబంధం ఉన్న ప్రముఖ వాతావరణ శాస్త్రవేత్త మరియు మార్గదర్శక వాతావరణ శాస్త్రవేత్త అయిన ప్రొఫెసర్ పి.వి.జోసెఫ్ గత శుక్రవారం 94 ఏళ్ల వయసులో తుదిశ్వాస విడిచారు. దీంతో భారత వాతావరణ, శాస్త్రీయ సమాజం తన అత్యంత విశిష్ట పండితులలో ఒకరిని కోల్పోయింది.భారత వేసవి రుతుపవన ప్రసరణలో ఒక ప్రాథమిక అంశమైన అల్పస్థాయి రుతుపవన జెట్ స్ట్రీమ్ LLJ పై ఆయన చేసిన మార్గదర్శక ఆవిష్కరణ మరియు పరిశోధనలకు గాను ప్రొఫెసర్ జోసెఫ్‌ను ఎప్పటికీ గుర్తుంచుకుంటారు.ఆయన చేసిన విశేష కృషి రుతుపవన గతిశీలత, ఆరంభ యంత్రాంగాలు, రాస్బీ తరంగాలు, మరియు సముద్ర-వాతావరణ పరస్పర చర్యలు మరియు అస్థిరతల గురించిన శాస్త్రీయ అవగాహనను గణనీయంగా సుసంపన్నం చేసింది.1957లో భారత వాతావరణ శాఖలో చేరిన ఆయన, అనేక దశాబ్దాల పాటు విశిష్టమైన వృత్తి జీవితాన్ని నిర్మించుకున్నారు. ఆయన 1979 నుండి 1989 వరకు ఐఎండి వాతావరణ శిక్షణా పాఠశాలకు డైరెక్టర్‌గా పనిచేశారు. ఈ సమయంలో ఆయన వాతావరణ శాస్త్రవేత్తల తరాలను తీర్చిదిద్దడంలోనూ, భారతదేశంలో వాతావరణ విద్య మరియు పరిశోధనల పునాదులను బలోపేతం చేయడంలోనూ కీలక పాత్ర పోషించారు. 1989లో ఐఎండి నుండి స్వచ్ఛంద పదవీ విరమణ చేసిన తర్వాత, ఆయన భారతదేశం మరియు యునైటెడ్ స్టేట్స్‌లోని పలు నియామకాల ద్వారా తన విద్యా మరియు శాస్త్రీయ కార్యకలాపాలను కొనసాగించారు. ఆయన కొచ్చిన్ యూనివర్సిటీ ఆఫ్ సైన్స్ అండ్ టెక్నాలజీ CUSAT లో ఎమెరిటస్ ప్రొఫెసర్‌గా కూడా పనిచేశారు.
నిష్ణాతుడైన విద్యావేత్త మరియు విస్తృత పరిశోధకుడైన ప్రొఫెసర్ జోసెఫ్, 1983లో పూణే విశ్వవిద్యాలయం నుండి పిహెచ్‌డి పట్టా పొందారు. ఆయన సుమారు 70 శాస్త్రీయ పరిశోధన ప్రచురణలను రచించి, వాతావరణ మరియు శీతోష్ణస్థితి శాస్త్రాలలో అమూల్యమైన కృషిని అందించారు.

**విజ్ఞాన శాస్త్రానికి ఆయన చేసిన విశేష కృషికి గుర్తింపుగా అనేక ప్రతిష్టాత్మక పురస్కారాలు లభించాయి, వాటిలో కొన్ని**

*(1)*: హరి ఓం ఆశ్రమ్ ప్రేరిత్ డా. విక్రమ్ సారాభాయ్ పరిశోధన పురస్కారం 1978.

*(2)*: వాతావరణ శాస్త్రం & సాంకేతికతలో జాతీయ పురస్కారం 2016.

*(3)*: సర్ గిల్బర్ట్ వాకర్ స్వర్ణ పతకం 2021.

భారత రుతుపవన పరిశోధనలో ఒక మహోన్నత వ్యక్తి అయిన ప్రొఫెసర్ పి. వి. జోసెఫ్, భారత వాతావరణ శాస్త్ర చరిత్రలో చెరగని ముద్ర వేసిన వారసత్వాన్ని వదిలి వెళ్లారు.ఆ దిగ్గజ శాస్త్రవేత్తకు భారత వాతావరణ శాఖ హృదయపూర్వక నివాళులు అర్పించింది.

జాతీయ న్యాయ సేవల దినోత్సవం_

*జాతీయ న్యాయ సేవల దినోత్సవం*

బాపట్ల కృష్ణమోహన్, మీడియా టుడే, నవంబర్ 09:

జాతీయ న్యాయ సేవల దినోత్సవం సందర్భంగా, శాసన విభాగం Legislative Department, న్యాయ మంత్రిత్వ శాఖ,సమాజంలోని అన్ని వర్గాల ప్రజలకు చట్టపరమైన అవగాహన Legal Awareness ఉండటం చాలా అవసరం అని తెలిపాయి.ప్రతి ఒక్కరూ తమ ప్రాథమిక హక్కులు మరియు రోజువారీ జీవితంలో ఉపయోగపడే ముఖ్యమైన చట్టాల గురించి తెలుసుకోవాలి అని తెలిపారు.
సమాజంలోని బలహీన మరియు వెనుకబడిన వర్గాలకు ఉచిత మరియు సమర్థవంతమైన న్యాయ సేవలను అందించడానికి 1987లో చేసిన 'లీగల్ సర్వీసెస్ అథారిటీస్ యాక్ట్' Legal Services Authorities Act, 1987 నవంబర్ 9, 1995 నుండి అమల్లోకి వచ్చింది. దీని జ్ఞాపకార్థం 1995 నుండి ఈ దినోత్సవాన్ని నిర్వహిస్తున్నారు. సామాజిక లేదా ఆర్థిక పరిస్థితులతో సంబంధం లేకుండా, న్యాయం పొందే హక్కు అందరికీ అందుబాటులో ఉండే సమాజం కోసం కృషి చేస్తూ, సమానత్వం, న్యాయం మరియు సమ్మిళితత్వం అనే ఆదర్శాల పట్ల మన నిబద్ధతను పునరుద్ధరించుకుందాం అని అన్నారు.

Monday, November 9, 2026

భాగవద్గీతే దారి చూపించింది_

నకిలీ ఆఫర్లను నిజమని నమ్మి ఇతర వాట్సాప్ గ్రూపులకు, బంధుమిత్రులకు ఫార్వర్డ్ చేసి ఇతరులనూ ముప్పులోకి నెట్టకండి_

*'దీపావళి కానుక' పేరుతో సైబర్ కేటుగాళ్ల వల.. ప్రజలారా అప్రమత్తం!*
*హైదరాబాద్ సిటీ పోలీస్ కమీషనర్ సజ్జనార్*

బాపట్ల కృష్ణమోహన్, మీడియా టుడే, నవంబర్ 07:

‘పేటీఎం దీపావళి కానుకగా అందరికీ రూ.1,000 నగదు ఇస్తోంది.. వెంటనే క్లెయిమ్ చేసుకోండి’ అంటూ సోషల్ మీడియాలో, ముఖ్యంగా వాట్సాప్‌లో వైరల్ అవుతున్న సందేశం పచ్చి మోసం. 
‘నేను ఫేక్ అనుకున్నా.. కానీ నిజంగానే రూ.1,000 వచ్చాయి.. మీరు ట్రై చేయండి’ అంటూ నమ్మించే రీతిలో కేటుగాళ్లు పన్నిన ఉచ్చు ఇది. 
పండుగ పూట ప్రజల అమాయకత్వాన్ని, ఆశను ఆసరాగా చేసుకుని సైబర్ ముఠాలు కాటేసేందుకు సిద్ధమయ్యాయి.ఇలాంటి సందేశాలతో పాటు వచ్చే అనుమానాస్పద లింకులను `akcxy.buzz` వంటి నకిలీ వెబ్‌సైట్లు పొరపాటున కూడా క్లిక్ చేయవద్దు. ఈ లింకుల ద్వారా మీ వ్యక్తిగత సమాచారం, బ్యాంకింగ్ వివరాలు దొంగిలించడమే కాకుండా.. మీ ప్రమేయం లేకుండానే బ్యాంకు ఖాతాలు ఖాళీ అయ్యే ప్రమాదం ఉంది. Jఏ ప్రముఖ సంస్థ కూడా అపరిచిత లింకుల ద్వారా ఉచితంగా నగదు పంపిణీ చేయదని ప్రతి ఒక్కరూ గుర్తించాలి.

*(1)*: గుర్తుతెలియని, అనుమానాస్పద వెబ్‌సైట్ లింకులపై క్లిక్ చేయకండి. 

*(2)*: నకిలీ ఆఫర్లను నిజమని నమ్మి ఇతర వాట్సాప్ గ్రూపులకు, బంధుమిత్రులకు ఫార్వర్డ్ చేసి ఇతరులనూ ముప్పులోకి నెట్టకండి.

*(3)*: ఎలాంటి సందర్భంలోనూ బ్యాంకింగ్ వివరాలు, యూపీఐ పిన్, ఓటీపీలను ఎవరితోనూ పంచుకోవద్దు.

*(4)*:  ఒకవేళ మోసపోతే వెంటనే ఏమాత్రం ఆలస్యం చేయకుండా జాతీయ సైబర్ క్రైమ్ హెల్ప్‌లైన్ నంబర్ **1930** కు ఫోన్ చేయండి లేదా cybercrime.gov.in వెబ్‌సైట్‌లో ఫిర్యాదు నమోదు చేయండి.

కేసీఆర్ ప్రభుత్వం చేసిన తప్పులు పునరావృతం కాకుండా ప్రాజెక్టులను కాపాడాలి - సీఎం రేవంత్ రెడ్డి_

*కేసీఆర్ ప్రభుత్వం చేసిన తప్పులు పునరావృతం కాకుండా ప్రాజెక్టులను కాపాడాలి - సీఎం రేవంత్ రెడ్డి*

బాపట్ల కృష్ణమోహన్, మీడియా టుడే, నవంబర్ 07:

కేంద్ర ప్రభుత్వ సంస్థలు, డ్యామ్ సేఫ్టీ నిపుణుల సూచనల ప్రకారమే కాళేశ్వరం ప్రాజెక్టులోని మేడిగడ్డ, అన్నారం, సుందిళ్ల బ్యారేజీల పునరుద్ధరణ పనులు చేపట్టాలని ముఖ్యమంత్రి రేవంత్ రెడ్డి అధికారులను ఆదేశించారు.దెబ్బతిన్న మూడు బ్యారేజీలను సురక్షితంగా తిరిగి వినియోగంలోకి తీసుకువచ్చేందుకు చేపట్టాల్సిన చర్యలపై మంత్రులు, నీటిపారుదల శాఖ అధికారులతో ముఖ్యమంత్రి సమీక్ష నిర్వహించారు. గత ప్రభుత్వం చేసిన తప్పులు పునరావృతం కాకుండా ప్రాజెక్టును కాపాడాల్సిన బాధ్యత ప్రభుత్వంపై ఉందని ఈ సందర్భంగా స్పష్టం చేశారు.
మేడిగడ్డ వద్ద నీళ్లున్నప్పటికీ వాటిని లిఫ్ట్ చేయడం లేదనే తప్పుడు ప్రచారాన్ని తిప్పికొట్టాలని మంత్రులకు సూచించారు. అక్కడ కనిపిస్తున్న నీటిని ప్రస్తుతం ఉన్న పరిస్థితుల్లో సాంకేతికంగా లిఫ్ట్ చేయడం సాధ్యం కాదని నీటిపారుదల శాఖ ఇంజనీర్లు ముఖ్యమంత్రి దృష్టికి తెచ్చారు.
మేడిగడ్డ నుంచి లిఫ్ట్ చేసిన నీళ్లు ఎల్లంపల్లికి చేరాలంటే అన్నారం, సుందిళ్ల బ్యారేజీల గేట్లను మూసివేయాల్సి ఉంటుందని పవర్‌పాయింట్ ప్రజెంటేషన్ ద్వారా వివరించారు. అయితే, నిర్మాణ లోపాలున్న అన్నారం, సుందిళ్ల బ్యారేజీల గేట్లను తెరిచే ఉంచాలని ఎన్‌డీఎస్‌ఏ హెచ్చరించిన విషయాన్ని గుర్తుచేశారు.దిగువ గోదావరి నీరు వృథాగా పోకుండా దేవాదుల, సీతారామ ఎత్తిపోతల పథకాల ద్వారా గతంలో ఎన్నడూ లేని విధంగా నీటిని లిఫ్ట్ చేసినట్లు ముఖ్యమంత్రి చెప్పారు. దీంతో ఉమ్మడి వరంగల్, నల్గొండ, ఖమ్మం జిల్లాల ఆయకట్టుకు సాగునీరు, తాగునీటిని అందించామన్నారు.గత ప్రభుత్వ హయాంలో దేవాదుల ద్వారా ఏడాదికి సగటున 9.57 టీఎంసీల నీటిని లిఫ్ట్ చేస్తే.. ఈ మూడేండ్లలో సగటున 18.13 టీఎంసీల నీటిని లిఫ్ట్ చేసినట్లు చెప్పారు. గతంతో పోలిస్తే 89 శాతం అధికంగా గోదావరి జలాలను వాడుకున్నట్లు వివరించారు. అక్టోబర్​ నాటికి దేవాదుల ద్వారా 16.71 టీఎంసీలు, సీతారామ ద్వారా 8.10 టీఎంసీలు లిఫ్ట్ చేసి 24.81 టీఎంసీల గోదావరి జలాలను సద్వినియోగం చేసుకున్నామని వివరించారు.
ఈ సమావేశంలో మూడు బ్యారేజీల పునరుద్ధరణకు రూపొందించిన ప్రణాళికను మంత్రి ఉత్తమ్ కుమార్ రెడ్డి, నీటిపారుదల శాఖ అధికారులు వివరించారు. ప్రజా ప్రభుత్వం అధికారంలోకి వచ్చిన తర్వాత రాష్ట్రంలో వ్యవసాయ విస్తీర్ణం పెరిగిందని, వరి దిగుబడిలో దేశంలోనే రికార్డు సాధించామని ముఖ్యమంత్రి గుర్తుచేశారు.గత ప్రభుత్వం చేసిన తప్పుల కారణంగానే మేడిగడ్డ కుంగిపోయిందని, బ్యారేజీల కుంగిపోవడానికి దారితీసిన కారణాలను వివరించారు. తుమ్మిడిట్టి వద్ద బ్యారేజీ నిర్మించి ప్రాణహిత ప్రాజెక్టును పూర్తి చేసి ఉంటే కరువు పరిస్థితుల్లోనూ ఇబ్బందులు ఉండేవి కావని, ప్రాణహిత నీటిని తక్కువ ఖర్చుతో ఎల్లంపల్లికి తీసుకువచ్చే అవకాశం ఉండేదని అన్నారు.మూడు బ్యారేజీల పునరుద్ధరణకు అత్యంత ప్రాధాన్యం ఇవ్వాలని, పనులను వేగవంతం చేయాలని ఈ సందర్భంగా  ముఖ్యమంత్రి గారు సూచించారు. బ్యారేజీల భద్రత విషయంలో ఎలాంటి రాజీ పడకుండా జాతీయ డ్యామ్ సేఫ్టీ అథారిటీ NDSA మార్గదర్శకాలకు అనుగుణంగా పనులు చేపట్టాలని స్పష్టం చేశారు. అవసరమైన అనుమతులను త్వరితగతిన పొందేందుకు కేంద్ర ప్రభుత్వ సంస్థలతో సమన్వయం చేసుకోవాలని అధికారులను ఆదేశించారు.మేడిగడ్డ బ్యారేజీ దెబ్బతిన్న తర్వాత మూడు బ్యారేజీల పరిస్థితిపై ప్రభుత్వం సమగ్ర అధ్యయనం చేయించినట్లు అధికారులు వివరించారు. జాతీయ స్థాయి నిపుణులు, కేంద్ర ప్రభుత్వ సాంకేతిక సంస్థల సహకారంతో అవసరమైన పరిశోధనలు పూర్తి చేసినట్లు తెలిపారు. పునరుద్ధరణకు సంబంధించిన ప్రాథమిక ప్రణాళికలకు కేంద్ర ప్రభుత్వం ఏర్పాటు చేసిన నిపుణుల కమిటీ ఇప్పటికే సూత్రప్రాయ ఆమోదం తెలిపిందని వివరించారు.
మూడు బ్యారేజీల పునరుద్ధరణ పనులకు దాదాపు రూ.4,193 కోట్ల అంచనాతో ప్రతిపాదనలు సిద్ధం చేసినట్లు అధికారులు తెలిపారు. నిర్మాణ లోపాలకు సంబంధించిన మరమ్మతుల వ్యయాన్ని నిర్మాణ సంస్థలే భరించేలా, అదనపు పనుల వ్యయాన్ని ప్రభుత్వం భరించేలా ప్రతిపాదించినట్లు వివరించారు. పనుల్లో జాప్యం జరగకుండా అన్ని ప్రక్రియలను సమాంతరంగా కొనసాగించాలని ముఖ్యమంత్రి గారు అధికారులను ఆదేశించారు.
పునరుద్ధరణ పనులకు సంబంధించిన తుది అనుమతులను ఈ నెలాఖరులోగా పొందేందుకు ప్రయత్నించాలని ముఖ్యమంత్రి ఆదేశించారు. ఈ ఏడాది చివరిలోగా పనులు ప్రారంభించాలన్నారు. బ్యారేజీల నీటి వినియోగ సామర్థ్యాన్ని పునరుద్ధరించే పనులతో పాటు రక్షణ పనులను రెండు దశలుగా విభజించుకోవాలని చెప్పారు.
బ్యారేజీల భద్రతకు సంబంధించిన ప్రమాణాలను కచ్చితంగా పాటించాలని, కేంద్ర ప్రభుత్వ సంస్థలు, నిర్మాణ సంస్థల మధ్య సమన్వయం ఉండాలని స్పష్టం చేశారు. ఈ సమావేశంలో నీటిపారుదల శాఖ కార్యదర్శి శ్రీధర్, టన్నెల్స్ అండ్ సేఫ్టీ కార్యదర్శి కల్నల్ పరీక్షిత్ మెహ్రా, జాయింట్ సెక్రటరీ శ్రీనివాస్ తో పాటు ఇతర అధికారులు  పాల్గొన్నారు.