తెలంగాణలో 80 వేల మంది మైనారిటీ విద్యార్థుల కోసం ఏఐ(AI) విప్లవానికి శ్రీకారం చుట్టిన మంత్రి మహ్మద్ అజహరుద్దీన్_

*తెలంగాణలో 80 వేల మంది మైనారిటీ విద్యార్థుల కోసం ఏఐ(AI) విప్లవానికి శ్రీకారం చుట్టిన మంత్రి మహ్మద్ అజహరుద్దీన్*

బాపట్ల కృష్ణమోహన్, మీడియా టుడే, జులై 11:

భవిష్యత్ డిజిటల్ ఆర్థిక వ్యవస్థకు మైనారిటీ విద్యార్థులను సిద్ధం చేసే దిశగా తెలంగాణ ప్రభుత్వం మరో కీలక అడుగు వేసింది అని మైనారిటీల సంక్షేమం మరియు ప్రభుత్వ రంగ సంస్థల శాఖ మంత్రి మహ్మద్ అజహరుద్దీన్ అన్నారు.ఈ సందర్బంగా మంత్రి మాట్లాడుతూ ముఖ్యమంత్రి ఎ. రేవంత్ రెడ్డి నాయకత్వంలో రాష్ట్రవ్యాప్తంగా ఉన్న తెలంగాణ మైనారిటీస్ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ సొసైటీ (TMREIS) పరిధిలోని 205 పాఠశాలలు మరియు కళాశాలల్లో చదువుతున్న దాదాపు 80 వేల మంది విద్యార్థుల కోసం ఏఐ(AI) రెడీనెస్ మరియు డిజిటల్ సేఫ్టీ ప్రోగ్రామ్ ప్రారంభించబడింది అని చెప్పారు.MASK NextGen మరియు డాక్సా కన్సల్టింగ్ ప్రైవేట్ లిమిటెడ్ భాగస్వామ్యంతో 80 వేల మంది మైనారిటీ విద్యార్థుల కోసం తెలంగాణ ప్రభుత్వం భారీ ఏఐ(AI) సన్నద్ధత కార్యక్రమం ప్రారంభం చేశారు అని అన్నారు. ఈ కార్యక్రమాన్ని TMREIS, MASK NextGen మరియు డాక్సా కన్సల్టింగ్ ప్రైవేట్ లిమిటెడ్ (DCPL) సంయుక్త భాగస్వామ్యంతో అమలు చేయనున్నారు.ఈ కార్యక్రమాన్ని రాష్ట్రవ్యాప్తంగా విజయవంతంగా అమలు చేయడానికి డాక్సా కన్సల్టింగ్ ప్రైవేట్ లిమిటెడ్‌ను గ్లోబల్ ఇంప్లిమెంటేషన్ మరియు స్ట్రాటజిక్ పార్ట్నర్‌గా ఎంపిక చేశారు.ఈ కార్యక్రమం ఆగస్టు 15, 2026 నుండి ప్రారంభమవుతుంది. ఈ ప్రాజెక్టును ప్రభుత్వం మరియు విద్యార్థులకు ఎటువంటి ఆర్థిక భారం లేకుండా, సామాజిక బాధ్యతతో కూడిన భాగస్వామ్య విధానంలో పూర్తిగా ఉచితంగా అందించనున్నారు.మంత్రి మహ్మద్ అజహరుద్దీన్ మాట్లాడుతూ, మైనారిటీ విద్యార్థులు కృత్రిమ మేధస్సు వంటి అభివృద్ధి చెందుతున్న సాంకేతిక రంగాల్లో భవిష్యత్‌కు అవసరమైన నైపుణ్యాలు మరియు అవకాశాలను పొందేలా తెలంగాణ ప్రభుత్వం కట్టుబడి ఉందన్నారు."కృత్రిమ మేధస్సు భవిష్యత్తు. ఇది ప్రపంచాన్ని అపూర్వమైన వేగంతో మార్చుతోంది. ఈ సాంకేతిక విప్లవంలో మన విద్యార్థులు వెనుకబడకుండా ఉండేందుకు TMREIS విద్యాసంస్థల్లో ఏఐ AI విద్య మరియు డిజిటల్ సేఫ్టీ శిక్షణను ప్రవేశపెడుతున్నందుకు మేము గర్విస్తున్నాం అని అన్నారు."

"మేము MASK NextGen‌తో మూడు సంవత్సరాల భాగస్వామ్య ఒప్పందం కుదుర్చుకున్నాం.ఈ కార్యక్రమం ద్వారా విద్యార్థుల జ్ఞానం, డిజిటల్ అవగాహన, విమర్శనాత్మక ఆలోచనా సామర్థ్యం మరియు భవిష్యత్ ఉద్యోగ అవకాశాలు మరింత మెరుగుపడతాయని నాకు నమ్మకం ఉంది.ఏఐAI ఇప్పుడు శాశ్వత వాస్తవం. మన పిల్లలు ఈ రంగంలో నాయకులుగా ఎదగడానికి సిద్ధంగా ఉండాలి." మంత్రి మహ్మద్ అజహరుద్దీన్ మహిళా సాధికారత మరియు యువతులకు సమాన అవకాశాల కల్పనపై తెలంగాణ ప్రభుత్వం ప్రత్యేక దృష్టి సారిస్తోందని తెలిపారు."మహిళా సాధికారతకు మరియు మహిళల ఉపాధి అవకాశాల పెంపుకు తెలంగాణ ప్రభుత్వం అత్యంత ప్రాధాన్యత ఇస్తోంది. మన బాలికలు అత్యుత్తమ విద్యను పొందాలి, సాంకేతిక పరిజ్ఞానంపై ఆత్మవిశ్వాసం పెంపొందించుకోవాలి మరియు తమ తమ రంగాల్లో నాయకులుగా ఎదగాలి. బాలికల విజయానికి మార్గాలను సృష్టించడం మా అత్యున్నత ప్రాధాన్యతల్లో ఒకటి."ఏఐ AI రెడీనెస్ మరియు డిజిటల్ సేఫ్టీ కార్యక్రమం ద్వారా విద్యార్థులు భవిష్యత్ ఉద్యోగాలకు అవసరమైన కీలక నైపుణ్యాలను అభివృద్ధి చేసుకోవడంతో పాటు, సాంకేతికతను బాధ్యతాయుతంగా మరియు సురక్షితంగా వినియోగించే విధానాలను కూడా నేర్చుకుంటారని మంత్రి తెలిపారు. ఈ వినూత్న కార్యక్రమాన్ని సాకారం చేయడంలో కీలక పాత్ర పోషించిన MASK NextGen వ్యవస్థాపకురాలు మరియు CEO శ్రీమతి అవ్ని త్రివేది, డాక్సా కన్సల్టింగ్ ప్రైవేట్ లిమిటెడ్‌కు చెందిన శ్రీ జోసెఫ్ క్రిస్టోఫర్, TMREIS కార్యదర్శి శ్రీ బి. షఫియుల్లా మరియు TMREIS అధ్యక్షుడు శ్రీ ఫహీమ్ ఖురేషీ కృషిని మంత్రి ప్రత్యేకంగా అభినందించారు."విద్య మరియు సాంకేతికత ద్వారా మన పిల్లలను సాధికారులుగా తీర్చిదిద్దాలనే ఉమ్మడి దృక్పథంతో పనిచేసిన అన్ని భాగస్వాముల కృషి వల్లే ఈ కార్యక్రమం సాధ్యమైంది. ఈ కార్యక్రమం విజయవంతం కావడానికి మరియు మన విద్యార్థుల ఉజ్వల భవిష్యత్తు కోసం తెలంగాణ ప్రభుత్వం సంపూర్ణ సహకారం అందిస్తుంది." ఈ పాఠ్యాంశాన్ని గేమిఫైడ్ మరియు స్వీయ-అభ్యాస డిజిటల్ లెర్నింగ్ ప్లాట్‌ఫారమ్ ద్వారా అందించనున్నారు. ఇందులో కృత్రిమ మేధస్సు, డిజిటల్ భద్రత, ఇంగ్లీష్ కమ్యూనికేషన్, నాయకత్వ లక్షణాలు, విమర్శనాత్మక ఆలోచన మరియు ఆవిష్కరణలపై ఇంటరాక్టివ్ మాడ్యూల్స్ ఉంటాయి.ఈ కార్యక్రమం దేశంలో మైనారిటీ విద్యార్థుల కోసం చేపట్టబడుతున్న అతిపెద్ద AI విద్యా కార్యక్రమాల్లో ఒకటిగా నిలవనుంది. అంతేకాకుండా, తెలంగాణను సాంకేతికత, ఆవిష్కరణలు మరియు సమగ్ర అభివృద్ధికి గ్లోబల్ కేంద్రంగా తీర్చిదిద్దే ప్రయాణంలో ఇది మరో ముఖ్యమైన మైలురాయిగా నిలుస్తుంది.

అబిడ్స్ ఇస్కాన్ టెంపుల్ 50వ వార్షికోత్సవ వేడుకలకు టీపీసీసీ అధ్యక్షులు కు ఆహ్వానం_

*అబిడ్స్ ఇస్కాన్ టెంపుల్ 50వ వార్షికోత్సవ వేడుకలకు టీపీసీసీ అధ్యక్షులు కు ఆహ్వానం*

బాపట్ల కృష్ణమోహన్, మీడియా టుడే,జులై 10:

హైదరాబాద్‌లోని అబిడ్స్‌లో ఉన్న ఇస్కాన్ దేవాలయం (శ్రీ శ్రీ రాధా మదన్‌మోహన్ మందిర్)50వ వార్షికోత్సవ వేడుకలకు ముఖ్య అతిథులుగా హాజరుకావాలని టీపీసీసీ అధ్యక్షులు,ఎమ్మెల్సీ మహేష్ కుమార్ గౌడ్ కు వారి సతీమణినికి ఆలయ నిర్వాహకులు మర్యాదపూర్వకంగా ఆహ్వానించారు.ఈ సందర్భంగా వేడుకల ఆహ్వాన పత్రికను అందజేసి కార్యక్రమంలో పాల్గొనాల్సిందిగా కోరారు.ఈ ఆహ్వాన కార్యక్రమంలో రమ్యరావు పాల్గొన్నారు.ఒక ప్రముఖమైన, ప్రశాంతమైన ఆధ్యాత్మిక కేంద్రం ఈ టెంపుల్. ఇది నాంపల్లి స్టేషన్ రోడ్డులో, జి. పుల్లారెడ్డి స్వీట్స్‌కు సరిగ్గా ఎదురుగా ఉంది.1976లో స్థాపించబడి, శ్రీల ప్రభుపాదచే ప్రారంభించబడిన ఈ దేవాలయం శ్రీకృష్ణునికి అంకితం చేయబడింది. ఇది నిత్య భక్తి, భగవద్గీత బోధనలు మరియు ధ్యానానికి ఒక ప్రధాన కేంద్రంగా పనిచేస్తుంది.

మంత్రి దామోదర్ రాజనర్సింహ ను మర్యాదపూర్వకంగా కలిసిన ఉప్పల్ ఎమ్మెల్యే బండారి లక్ష్మారెడ్డి_

*మంత్రి దామోదర్ రాజనర్సింహ ను మర్యాదపూర్వకంగా కలిసిన ఉప్పల్ ఎమ్మెల్యే బండారి లక్ష్మారెడ్డి*

బాపట్ల కృష్ణమోహన్, మీడియా టుడే,జులై 10:

రాష్ట్ర వైద్య, ఆరోగ్య శాఖ మంత్రి శ్రీ సి. దామోదర్ రాజనర్సింహ ను ఉప్పల్ ఎమ్మెల్యే బండారి లక్ష్మారెడ్డి మర్యాదపూర్వకంగా కలిశారు.ఈ సందర్భంగా ఉప్పల్ నియోజకవర్గంలోని పలు పేద మరియు మధ్యతరగతి ప్రజలకు మెరుగైన వైద్య సేవలు అందుబాటులోకి తీసుకురావాలనే లక్ష్యంతో బస్తీ దవాఖానల ఏర్పాటు కోసం వినతిపత్రాన్ని మంత్రికి అందజేశారు.ఉప్పల్ నియోజకవర్గ పరిధిలోని పలు కాలనీల్లో బస్తీ దవాఖానలు ఏర్పాటు చేయాలని కోరారు.ఈ దవాఖానల ద్వారా పేద ప్రజలకు ఉచిత వైద్య పరీక్షలు, ప్రాథమిక చికిత్సలు, అవసరమైన మందులు సకాలంలో అందించడంతో పాటు ఆరోగ్య సేవలు మరింత చేరువ అవుతాయని ఎమ్మెల్యే వివరించారు.వినతిపత్రాన్ని స్వీకరించిన మంత్రి దామోదర్ రాజనర్సింహ, ప్రతిపాదనను సానుకూలంగా పరిశీలించి అవసరమైన చర్యలు తీసుకుంటామని హామీ ఇచ్చారు. ప్రజలకు నాణ్యమైన వైద్య సేవలు అందించేందుకు ప్రభుత్వం కట్టుబడి ఉందని మంత్రి పేర్కొన్నారు.

ప్రభుత్వ ఉద్యోగాలు చేస్తూ మరణించిన వారి కుటుంబసభ్యులకు ఉద్యోగం _

హైదరాబాద్ ఆశాడ బోనాల ఉత్సవాలు తెలంగాణ గంగా-జమున తెహజీబ్‌కు ప్రతీక_

*హైదరాబాద్ ఆశాడ బోనాల ఉత్సవాలు తెలంగాణ గంగా-జమున తెహజీబ్‌కు ప్రతీక*

*గోల్కొండ బోనాలు తెలంగాణ సంస్కృతి, సంప్రదాయాలకు ప్రతీక*

*బోనాల ఉత్సవాల సమన్వయ సమావేశంలో అధికారులకు మంత్రి కొండా సురేఖ దిశా నిర్దేశం*

బాపట్ల కృష్ణమోహన్, మీడియా టుడే, జులై 10:

పండుగల సందర్భాల్లో హిందూ, ముస్లిం సమాజాల పరస్పర సహకారం,వారు ప్రదర్శించే లౌకిక స్ఫూర్తి యావత్ దేశానికి గొప్ప సందేశాన్ని ఇస్తున్నది.జూలై 16 నుంచి ప్రారంభమయ్యే ఆషాడ బోనాల ఉత్సవాల్లో తొలి బోనం గోల్కొండ జగదాంబికా మహంకాళి అమ్మవారికి సమర్పించడం ఆనయితీగా వస్తున్నది.భక్తులు సంతోషంగా అమ్మవారిని దర్శించుకుని, నిండు మనసుతో ప్రభుత్వాన్ని దీవించి, సంతృప్తిగా ఇళ్లకు తిరిగి వెళ్లేలా అన్ని ప్రభుత్వ శాఖలు కలసికట్టుగా పని చేయాలి. దైవానికే అంకితమైన శివసత్తులకు బోనాల సమర్పణలో  అన్ని శాఖలు సహకరించాలి.గోల్కొండ కోటలో జరిగిన జగదాంబికా మహంకాళి అమ్మవారి బోనాల ఉత్సవాల సమన్వయ సమావేశంలో అధికారులకు మంత్రి కొండా సురేఖ దిశా నిర్దేశం చేశారు.అధికారులు, పలువురు ప్రజాప్రతినిధులతో కలిసి ఆషాడ బోనాల జాతర పోస్టర్, బ్రోచర్ ను ఆవిష్కరించిన మంత్రి కొండా సురేఖ గారు.హైదరాబాద్ లో ప్రతి ఏటా నిర్వహించే ఆశాడ బోనాల ఉత్సవాలు ఇక్కడి గంగా జమున తెహజీబ్ ప్రత్యేకతను చాటుతాయని అటవీ, పర్యావరణ, దేవాదాయ ధర్మాదాయ శాఖామాత్యులు శ్రీమతి కొండా సురేఖ గారు అన్నారు. హైదరాబాద్ సికింద్రాబాద్ జంట నగరాల్లో బోనాల ఉత్సవాల నిర్వహణ, ముస్లిం పండుగల సందర్భాల్లో హిందూ, ముస్లిం సమాజాల పరస్పర సహకారం,  వారు ప్రదర్శించే లౌకిక స్ఫూర్తి యావత్ దేశానికి గొప్ప సందేశాన్ని ఇస్తున్నదని మంత్రి అన్నారు.

ఈ రోజు హైదరాబాద్ లోని గోల్కొండ కోటలోని జగదాంబికా అమ్మవారి దేవస్థానంలో మంత్రి కొండా సురేఖ గారి ఆధ్వర్యంలో బోనాల ఉత్సవాల సమన్వయ సమావేశం  జరిగింది. ఈ సమావేశంలో  బోనాల ఉత్సవాల నిర్వహణ ఏర్పాట్ల పై సంబంధిత అధికారులకు మంత్రి సురేఖ దిశానిర్దేశం చేశారు.ఈ కార్యక్రమంలో కార్వాన్ ఎమ్మెల్యే కౌసర్ మొహియుద్దీన్‌,  దేవాదాయ శాఖ డైరెక్టర్ హనుమంతరావు, సాంస్కృతిక శాఖ డైరెక్టర్ ఏనుగు నరసింహారెడ్డి, పోలీస్, ట్రాఫిక్, విద్యుత్, వైద్య ఆరోగ్యశాఖ, జిహెచ్ఎంసి, ఐ అండ్ పి ఆర్ తదితర శాఖలకు చెందిన పలువురు అధికారులు పాల్గొన్నారు.ఈ సందర్భంగా మంత్రి కొండా సురేఖ గారు గోల్కొండ జగదాంబికా అమ్మవారి చారిత్రక నేపథ్యాన్ని వివరించారు. అనంతరం వారు మాట్లాడుతూ,  జూలై 16 నుంచి ప్రారంభమయ్యే ఆషాడ బోనాల ఉత్సవాల్లో తొలి బోనం గోల్కొండ జగదాంబికా మహంకాళి అమ్మవారికి సమర్పించడం ఆనయితీగా వస్తున్నదని అన్నారు.  జూలై 16 నుంచి ఆగస్టు 13 వరకు జరిగే గోల్కొండ బోనాల ఉత్సవాలకు లక్షలాది మంది భక్తులు హాజరయ్యే అవకాశం ఉన్నందున అన్ని శాఖలు సంపూర్ణ సమన్వయంతో పనిచేసి ఎలాంటి అవాంఛనీయ సంఘటనలు చోటుచేసుకోకుండా పకడ్బందీ ఏర్పాట్లు చేయాలని మంత్రి అధికారులను ఆదేశించారు.జూలై 16న లంగర్ హౌస్ కూడలి నుంచి ప్రారంభమయ్యే అమ్మవారి బోనం సమర్పణ, తొట్టెలు రథం ఊరేగింపు, మెట్ల పూజకు అవసరమైన అన్ని ఏర్పాట్లు సకాలంలో పూర్తి చేయాలని అధికారులకు సూచించారు. గోల్కొండ జగదాంబిక మహంకాళి అమ్మవారికి జూలై 16, 19, 23, 26, 30, ఆగష్టు 2,6,9,13 తేదీల్లో నిర్వహించే ఉత్సవాల్లో భక్తులకు ఎలాంటి అంతరాయం కలగకుండా ట్రాఫిక్, పార్కింగ్, క్యూ లైన్లు, బారికేడ్లు, తాగునీరు, విద్యుత్, పారిశుద్ధ్యం, వైద్య సేవలు, అగ్నిమాపక, ప్రత్యేక బస్సులు తదితర ఏర్పాట్లు సమగ్రంగా ఉండాలని స్పష్టం చేశారు.

దేవాలయ ప్రాంగణంతో పాటు పరిసర ప్రాంతాల్లో పరిశుభ్రతకు అత్యంత ప్రాధాన్యం ఇవ్వాలని, మొబైల్ టాయిలెట్లు, తాగునీటి కేంద్రాలు, వైద్య శిబిరాలు, 108 అంబులెన్స్ సేవలు నిరంతరం అందుబాటులో ఉండేలా చూడాలని అధికారులకు ఆదేశించారు.భక్తులకు ఏ చిన్న అసౌకర్యం కలగకుండా 

గోల్కొండ కోట పరిధిలోని రహదారులు, మెట్లు, విద్యుత్ దీపాలు, హైమాస్ట్ లైట్లు, సూచిక బోర్డులు, షెడ్లు తదితర సౌకర్యాలు ముందుగానే సిద్ధం చేయాలని సంబంధిత శాఖలకు సూచించారు. అలాగే భక్తుల దర్శనం సాఫీగా సాగేందుకు దేవాదాయ శాఖ ప్రత్యేక కార్యాచరణతో పనిచేయాలని ఆదేశించారు.బోనాల ఉత్సవాలు కొనసాగినన్ని రోజులు పోలీస్ శాఖ కంట్రోల్ రూమ్ ఏర్పాటు చేసి, అన్ని శాఖలు పరస్పర సమన్వయంతో పనిచేయాలని మంత్రి సూచించారు. భక్తుల భద్రత, సౌకర్యాల విషయంలో ఎలాంటి నిర్లక్ష్యం ఉండకూడదని స్పష్టం చేశారు.  అనుమానితుల ఫొటోలతోకూడిన వాల్ పోస్టర్లను ప్రదర్శిస్తూ భక్తులను అప్రమత్తం చేయాలని సూచించారు. జిహెచ్ఎంసి కాలపరిమితిని నిర్దేశించుకుని పనులు సకాలంలో పూర్తి చేయాలని మంత్రి నిర్దేశించారు. విద్యుత్ శాఖ కరెంటు వైరింగ్ విషయంలో జాగ్రత్తలు తీసుకోవాలని మంత్రి హెచ్చరించారు. పరిశుభ్రత విషయంలో రాజీ పడొద్దని సూచించారు. చిన్న పిల్లలు, వృద్ధులు గర్భిణీలు బాలింతల విషయంలో అన్ని శాఖలు ప్రత్యేకంగా జాగ్రత్తలు తీసుకోవాలని మంత్రి కొండ సురేఖ ఆదేశించారు.దైవానికే అంకితమైన శివసత్తులకు బోనాల సమర్పణ సమయంలో ఎలాంటి ఇబ్బందులు కలగకుండా అన్ని శాఖలు సహకరించాలని మంత్రి సురేఖ ఆదేశించారు. భక్తులు సంతోషంగా అమ్మవారిని దర్శించుకుని, నిండు మనసుతో ప్రభుత్వాన్ని దీవించి, సంతృప్తిగా ఇళ్లకు తిరిగి వెళ్లేలా అన్ని ప్రభుత్వ శాఖలు కలసికట్టుగా పని చేయాలని మంత్రి సురేఖ గారు ఆదేశించారు. గోల్కొండ బోనాలు తెలంగాణ సంస్కృతి, సంప్రదాయాలకు ప్రతీకగా నిలిచే మహోత్సవమని పేర్కొన్న మంత్రి కొండా సురేఖ, రాష్ట్ర ప్రభుత్వం భక్తులకు అత్యుత్తమ సౌకర్యాలు కల్పించేందుకు అన్ని విధాలా కట్టుబడి ఉందని తెలిపారు.ఈ సందర్భంగా  అధికారులు, పలువురు ప్రజాప్రతినిధులతో కలిసి ఆషాడ బోనాల జాతర పోస్టర్, బ్రోచర్ ను మంత్రి కొండా సురేఖ గారు ఆవిష్కరించారు. గోల్కొండ జగదాంబికా అమ్మవారి దేవస్థానానికి వచ్చిన మంత్రి కొండా సురేఖ గారికి ఆలయ అర్చకులు పూర్ణకుంభ స్వాగతం పలికారు. మంత్రి సురేఖ గారు ఈ సందర్భంగా అక్కడ నిర్వహించిన పూజా కార్యక్రమంలో పాల్గొన్నారు. జగదాంబికా అమ్మవారి ఆశీస్సులతో తెలంగాణ రాష్ట్రం సమృద్ధిగా వర్షాలతో, పాడిపంటలతో పచ్చగా వుండాలని, ప్రజలు సుఖ సంతోషాలతో వర్ధిల్లాలని మంత్రి కొండా సురేఖ అమ్మవారిని ప్రార్థించారు.

ఆర్టిఐ లైబ్రరీ డాట్ ఇన్ RTILibrary.in వారి వినూత్న బహుమతులు అందుకోండి_

*ఆర్టిఐ లైబ్రరీ డాట్ ఇన్ RTILibrary.in వారి వినూత్న బహుమతులు అందుకోండి*

బాపట్ల కృష్ణమోహన్, మీడియా టుడే, జులై 09:

ఈ నెల (జూలై) నుండి *ఆర్టిఐ లైబ్రరీ డాట్ ఇన్*(RTILibrary.in) వెబ్‌సైట్‌కు సమాచారాన్ని అందించే సభ్యులు, వారు ప్రచురించిన సమాచారానికి వచ్చిన వీక్షణల (Views) ఆధారంగా 60,000 రూపాయలు నుండి 1,00,000 వరకు బహుమతులు పొందే అవకాశం కల్పించారు నిర్వాహకులు.

*ఎలా పాల్గొనాలి?*

• ఆర్టిఐ లైబ్రరీ డాట్ ఇన్ RTILibrary.in  వెబ్‌సైట్‌ను సందర్శించి ప్రజా ప్రయోజనానికి సంబంధించిన అంశాలను గుర్తించండి.

• ఆ అంశాలకు సంబంధించిన సమాచారం, పత్రాలు మరియు రికార్డులను సేకరించి వెబ్‌సైట్‌లో అప్‌లోడ్ చేయండి.

• నెలవారీ వీక్షణల ఆధారిత బహుమతులతో పాటు, ఆ నెలలో అత్యధిక సంఖ్యలో నాణ్యమైన RTI దరఖాస్తులు మరియు సమాచారాన్ని అప్‌లోడ్ చేసిన సభ్యులకు ప్రత్యేక బహుమతులు కూడా అందజేయబడతాయి.

• మీ సమాచారం ఎక్కువ మంది వీక్షించి, ప్రజల్లో ఎక్కువ ఆదరణ పొందిన కొద్దీ మరింత పెద్ద మొత్తంలో నెలవారీ బహుమతులు పొందే అవకాశం ఉంటుంది.

పారదర్శకత కోసం వెబ్‌సైట్ ఆదాయ (Revenue) వివరాలు మరియు బహుమతుల పంపిణీ వివరాలను ఈ వాట్సాప్ గ్రూపులో ఎప్పటికప్పుడు పంచుకుంటాము.ఈ బహుమతులను డా. జయప్రకాశ్ నారాయణ్ (జేపీ), ఎంపీలు, ఎమ్మెల్యేలు, మంత్రులు, RTI ఉద్యమకారులు, జర్నలిస్టులు, పదవీ విరమణ చేసిన అధికారులు మరియు సమాజంలోని ఇతర ప్రముఖుల చేతుల మీదుగా అందజేయడానికి ప్రయత్నం జరుగుతోంది అని నిర్వాహకులు తెలిపారు.మీరు RTI గురించి ఏ విషయంపై ఫైల్ చేయాలనుకుంటున్నారో వివరించండి. మేము దానిని సరైన అధికార సంస్థ, విభాగం మరియు విషయానికి స్వయంచాలకంగా వర్గీకరిస్తాము అని తెలిపారు.*RTILibrary.in *ఆర్టిఐ లైబ్రరీ డాట్ ఇన్*  ద్వారా విలువైన ప్రజా సమాచారాన్ని అందరికీ అందుబాటులోకి తీసుకువచ్చి, పారదర్శకత, జవాబుదారీతనం మరియు ప్రజా చైతన్యాన్ని పెంపొందించడానికి మనందరం కలిసి పనిచేద్దాం అని అన్నారు.

*గమనిక*: ఈ వెబ్‌సైట్ ప్రస్తుతం అభివృద్ధి దశలో ఉంది మరియు అనేక కొత్త సదుపాయాలు త్వరలో అందుబాటులోకి రానున్నాయి. మీకు ఏదైనా సమస్య ఎదురైతే, దయచేసి admin@rtiarchive.in కు తెలియజేయవచ్చు అని అన్నారు.

తాడిచెర్ల కోల్ బ్లాక్ -2 ను సింగరేణి సంస్థకు కేటాయించిన కేంద్రం_

*తాడిచెర్ల కోల్ బ్లాక్ -2 ను సింగరేణి సంస్థకు కేటాయించిన కేంద్రం*

బాపట్ల కృష్ణమోహన్, మీడియా టుడే, జులై 09:

తాడిచెర్ల కోల్ బ్లాక్-II ను ఎలాంటి బిడ్డింగ్ లేకుండా నేరుగా కేంద్ర ప్రభుత్వం సింగరేణి సంస్థకు కేటాయించినందుకు ప్రధాన మంత్రి శ్రీ నరేంద్ర మోదీ గారికి బొగ్గు గనుల శాఖ మంత్రి కిషన్ రెడ్డి కి ధన్యవాదాలు తెలిపిన బిజెపి రాష్ట్ర ఉపాధ్యక్షులు రఘునాథ్ వెరబెల్లి.ఈ సందర్బంగా బీజేపీ రాష్ట్ర కార్యాలయం ఎదుట మోదీ చిత్రపటానికి పాలాభిషేకం చేశారు.ఈరోజు శంషాబాద్ విమానాశ్రయంలో పలు కార్యక్రమాలలో పాల్గొనేందుకు రాష్ట్రానికి చేరుకున్న కేంద్ర ఆరోగ్య శాఖ మంత్రివర్యులు జెపి నడ్డా కు మరియు బొగ్గు గనుల శాఖ మంత్రి కిషన్ రెడ్డి కి ఘనస్వాగతం పలికి  సింగరేణి కి తడిచేర్ల-2 కోల్ బ్లాక్ కేటాయించి నందుకు కిషన్ రెడ్డి కి ధన్యవాదాలు తెలిపిన బీజేపీ  రాష్ట్ర ఉపాధ్యక్షులు రఘునాథ్ వెరబెల్లి మరియు దుర్గం అశోక్, కందుల సంధ్యారాణి, సునీల్ రెడ్డి,  ముకేశ్ గౌడ్, అందుగుల శ్రీనివాస్, పూనమ్ చంద్ తదితరులు.

"క్విడ్ ప్రో కో" ఇచ్చిపుచ్చుకునే ఒప్పందం ద్వారా కేటీఆర్ అవినీతికి పాల్పడ్డారు_

*కవిత సంచలన ఆరోపణలు*

*"క్విడ్ ప్రో కో" ఇచ్చిపుచ్చుకునే ఒప్పందం ద్వారా కేటీఆర్ అవినీతికి పాల్పడ్డారు*

*ముఖ్యమంత్రి రేవంత్ రెడ్డికి నీటి మీద కనీస అవగాహన లేదు*

బాపట్ల కృష్ణమోహన్, మీడియా టుడే, జులై 09:

“బి.ఆర్.ఎస్ పార్టీ బ్యాంకు ఖాతాల్లోని రూ.1,400 కోట్లు ఆంధ్ర కాంట్రాక్టర్ల నుండి ఇచ్చిపుచ్చుకునే పద్ధతిలో వచ్చాయి.అది అవినీతి సొమ్ము మరియు దానిని తెలంగాణ అమరవీరుల కుటుంబాలకు ఒక్కొక్కరికి రూ.1 కోటి చొప్పున పంపిణీ చేయాలి.ఆంధ్రోళ్ల పైసలతో బతుకుతున్న బీఆర్ఎస్ పార్టీ అని తెలంగాణ రాష్ట్ర సేన (టీఆర్ఎస్) అధ్యక్షురాలు కల్వకుంట్ల కవిత అన్నారు.నేను బ్రతికి ఉన్నంత వరకు బి.ఆర్.ఎస్ లో చేరను.ప్రదీప్ కన్స్ట్రక్షన్స్‌తో జరిగిన "క్విడ్ ప్రో కో" ఇచ్చిపుచ్చుకునే ఒప్పందం ద్వారా కేటీఆర్ అవినీతికి పాల్పడ్డారు.హరీష్ రావు కంపెనీ శ్రీ చైతన్య విద్యాసంస్థలకు పాలు సరఫరా చేస్తుంది. 500 మందికి పైగా విద్యార్థులు ఉన్న అన్ని ప్రైవేట్ విద్యాసంస్థలు విజయ డెయిరీ నుండి పాలు కొనుగోలు చేయడాన్ని ప్రభుత్వం తప్పనిసరి చేయాలి.ఈ కళాశాలలు భారీ ఫీజులు వసూలు చేయడం లేదా?.ది పయనీర్‌ను బి.ఆర్.ఎస్ స్వాధీనం చేసుకుంది.188 కోట్లు పెట్టి "ది పయనీర్‌" ఇంగ్లీష్ పేపర్ ను కేటీఆర్ కొన్నాడు.అంటే ఎంత అవినీతి సొమ్ము ఉందొ అర్ధం అవుతుంది.అందులో వచ్చేదేదీ నమ్మకండి.ఫీనిక్స్ ను కేటీఆర్, హరీష్ రావు పోషించి, రక్షించలేదా? ఈ ఫీనిక్స్ అనే వ్యక్తి ఎవరు? అతను తెలంగాణకు చెందినవాడా లేక ఆంధ్రకు చెందినవాడా?.కేసీఆర్ ప్రభుత్వం మరియు హరీష్ రావు కేటాయించిన అన్ని భూములను మేము సమీక్షిస్తాము. కాంగ్రెస్ ప్రభుత్వం ఆంధ్ర కాంట్రాక్టర్లకు. అటువంటి భూమిలోని ప్రతి చదరపు గజం తిరిగి తీసుకోబడుతుంది.

పార్టీ పెట్టుకుని నా పని నేను చేసుకుంటూ ముందుకు సాగుతుంటే, మా పార్టీతో ఎలాంటి భయం లేదు అని చెప్పే బీఆర్ఎస్ నాయకులే ఎన్నికల సంఘానికి వెయ్యికి పైగా ఫిర్యాదులు చేసి తమ అభద్రతాభావాన్ని బయటపెట్టుకున్నారు.సింగరేణిలో డింపెడెంట్ ఉద్యోగాల కోసం కచ్చితంగా నెలకు రెండుసార్లు మెడికల్ బోర్డు పెట్టి పెండింగ్ లో ఉన్న డింపెండెంట్ ఉద్యోగాలు క్లియర్ చేయాలి. మెడికల్ బోర్డు పెడతామంటూ అనుబంధ సంఘాలతో లీకులు ఇచ్చుడు కాదు, ప్రభుత్వం తరఫున స్పష్టమైన ప్రకటన చేయాలి. లేదంటే ప్రజాస్వామ్యయుతంగా నిరాహార దీక్ష చేస్తా.అధికారులు చెప్పిందే మాట్లాడటం తప్ప, ముఖ్యమంత్రి రేవంత్ రెడ్డికి నీటి మీద కనీస అవగాహన లేదు. మేడిగడ్డతో సంబంధం లేకుండా అరకిలోమీటర్ రాళ్ల గోడ కట్టి కన్నెపల్లి పంప్ హౌస్ నుంచి నీటిని ఎత్తిపోసుకునే అవకాశం ఉన్నప్పటికీ అహంకారం, గత ప్రభుత్వంపై కక్షతో రైతులకు అన్యాయం చేస్తున్నారు.

"రండి… మన హక్కులను కాపాడుకుందాం!”_

*“రండి… మన హక్కులను కాపాడుకుందాం!”*

*చేప పిల్లల పంపిణీ, కాంట్రాక్టుల పేరుతో జరుగుతున్న అవినీతిపై ముదిరాజ్ చైతన్య వేదిక ఆధ్వర్యంలో జూలై 18న మత్స్య శాఖ హెడ్ ఆఫీస్ ముట్టడి*

బాపట్ల కృష్ణమోహన్, మీడియా టుడే, జులై 08:

తెలంగాణ రాష్ట్రంలో చేప పిల్లల పంపిణీ, చేప పిల్లల కాంట్రాక్టుల పేరుతో జరుగుతున్న అవినీతి, అక్రమాలు, దోపిడీకి నిరసనగా ముదిరాజ్ చైతన్య వేదిక – తెలంగాణ ఆధ్వర్యంలో “హలో ముదిరాజ్ – ఛలో మత్స్య శాఖ ముట్టడి” కార్యక్రమాన్ని నిర్వహిస్తున్నట్లు సంస్థ నాయకులు తెలిపారు.

ఈ కార్యక్రమం 2026 జూలై 18వ తేదీ (శనివారం) ఉదయం 11:00 గంటలకు హైదరాబాద్‌లోని మత్స్య శాఖ హెడ్ ఆఫీస్ వద్ద నిర్వహించనున్నట్లు వెల్లడించారు.రాష్ట్రంలోని సంప్రదాయ మత్స్యకారుల హక్కులను కాలరాస్తూ, చేప పిల్లల పంపిణీ, కాంట్రాక్టుల ప్రక్రియలో అవినీతి, మధ్యవర్తుల పెత్తనం, అక్రమాలకు పాల్పడుతున్న వారిపై ప్రభుత్వం వెంటనే చర్యలు తీసుకోవాలని వారు డిమాండ్ చేశారు. సంప్రదాయ మత్స్యకారుల జీవనోపాధిని దెబ్బతీసే విధానాలను నిలిపివేసి, పారదర్శకంగా చేప పిల్లల పంపిణీ చేపట్టాలని కోరారు.ఈ ముట్టడి కార్యక్రమానికి రాష్ట్రంలోని ముదిరాజ్, గంగపుత్ర, బెస్త, వడబలిజ, అగ్నికుల క్షత్రియ తదితర సంప్రదాయ మత్స్యకార సంఘాల నాయకులు, యువత, మహిళలు, ప్రజాప్రతినిధులు, సామాజిక కార్యకర్తలు పెద్ద ఎత్తున పాల్గొని విజయవంతం చేయాలని ముదిరాజ్ చైతన్య వేదిక పిలుపునిచ్చింది.

*కార్యక్రమం వివరాలు:*

* కార్యక్రమం: హలో ముదిరాజ్ – ఛలో మత్స్య శాఖ ముట్టడి

* తేదీ: 18-07-2026 (శనివారం)

* సమయం: ఉదయం 11:00 గంటలకు

* వేదిక: మత్స్య శాఖ హెడ్ ఆఫీస్, హైదరాబాద్

* ఆయోజకులు: ముదిరాజ్ చైతన్య వేదిక – తెలంగాణ

*సంప్రదించవలసిన ఫోన్ నంబర్: 9963240519*

కేబీఆర్ జాతీయ పార్క్ పరిరక్షణ కోసం సుప్రీం కోర్ట్ ఇచ్చిన ఆదేశాలను గౌరవిస్తలేరు ?_

*కేబీఆర్ జాతీయ పార్క్ పరిరక్షణ కోసం సుప్రీం కోర్ట్ ఇచ్చిన ఆదేశాలను గౌరవిస్తలేరు ?*

*ఇది తీవ్ర ఆగ్రహం కలిగిస్తోంది*

*ఇది హృదయ విదారకం - సేవ్ కేబీఆర్ సంస్థ*

బాపట్ల కృష్ణమోహన్, మీడియా టుడే, జులై 08:

హైదరాబాద్ వాసులు పర్యావరణ ప్రేమికులు సంతోషపడ్డారు కేబీఆర్ జాతీయ పార్క్ చుట్టూ ఉన్న చెట్లను సుప్రీం కోర్టు(మే 18, 2026 నాటి స్టే ఆర్డర్) రక్షించిందని అని.కానీ ప్రస్తుతం అక్కడి పరిస్థితులు గమనిస్తే ఆలా లేవు. రేవంత్ రెడ్డి పాలన చట్టబద్ధమైన పాలన  ఇస్తుంది అని మేము నమ్మాము అని సేవ్ కేబీఆర్ సంస్థ సభ్యులు అన్నారు. కానీ, ఇప్పుడు నిద్రలేవగానే అవే చెట్ల చుట్టూ ఎక్స్‌కవేటర్లు తవ్వుతుండటాన్ని చూస్తున్నాము.చెట్టు అంటే కేవలం దాని కాండం మాత్రమే కాదు. దాని వేర్లు, దాని కింద ఉన్న నేల, మరియు చుట్టుపక్కల ఉన్న పర్యావరణ వ్యవస్థ దానిని సజీవంగా ఉంచుతాయి. చెట్టును అలాగే వదిలేసి, వీటికి ఆటంకం కలిగిస్తే, సుప్రీం కోర్టు ఆదేశాన్ని నిజంగా గౌరవిస్తున్నారా—లేక కేవలం ఒక సాంకేతిక అంశంగా పరిగణిస్తున్నారా?.

జస్టిస్‌లు బి.వి. నాగారత్న మరియు ఉజ్జల్ భూయాన్‌లతో కూడిన ధర్మాసనం ద్వారా, కేబీఆర్ జాతీయ పార్క్ చుట్టూ ఉన్న 25–35 మీటర్ల పర్యావరణ సున్నిత ప్రాంతంలో చెట్లను నరకవద్దని సుప్రీం కోర్టు ఆదేశించింది. అయినప్పటికీ, హైదరాబాద్ వాసులు ఈ రోజు చూస్తున్న దృశ్యాలు, ఆ రక్షణను దాని నిజమైన స్ఫూర్తితో గౌరవిస్తున్నారా లేదా అనే దానిపై తీవ్రమైన ప్రశ్నలను లేవనెత్తుతున్నాయి.

ఇది ఇకపై ఒక ప్రజా అభివృద్ధి ప్రాజెక్టులా అనిపించడం లేదు. పర్యావరణ ఆందోళనలు, ప్రజా వ్యతిరేకత, మరియు న్యాయపరమైన జోక్యం ఉన్నప్పటికీ, హెచ్-సిటీ ఫ్లైఓవర్లను ఎలాగైనా పూర్తి చేయాలనే ఒక దురుద్దేశపూరిత ప్రయత్నంలా ఇది అనిపిస్తోంది.

గౌరవనీయ ప్రధానమంత్రి నరేంద్రమోదీ, తెలంగాణ ముఖ్యమంత్రి రేవంత్ రెడ్డి, జీహెచ్‌ఎంసీ కమీషనర్, జీహెచ్‌ఎంసీ ఆన్‌లైన్, తెలంగాణ సీఎంఓ, ఎంఓ ఈఎఫ్‌సీసీ,రాహుల్‌గాంధీ, ఐఎన్‌సీ ఇండియా మరియు సంబంధిత అధికారులందరికీ మా విజ్ఞప్తి: దయచేసి సుప్రీంకోర్టు ఉత్తర్వులను అక్షర రూపంలోనూ, స్ఫూర్తి రూపంలోనూ గౌరవించేలా చూడండి.హైదరాబాద్ యొక్క చివరి గొప్ప పచ్చని ఊపిరితిత్తులకు రక్షణ అవసరం—కాంక్రీటు కింద నెమ్మదిగా మరణించడం కాదు.

నిరంజన్ ఇక లేడనే వార్త నా హృదయాన్ని తీవ్రంగా కలచివేసింది - ఏపీ డిప్యుటీ సీఎం పవన్ కళ్యాణ్_

*నిరంజన్ ఇక లేడనే వార్త నా హృదయాన్ని తీవ్రంగా కలచివేసింది - ఏపీ డిప్యుటీ సీఎం పవన్ కళ్యాణ్*

బాపట్ల కృష్ణమోహన్, మీడియా టుడే, జులై 08:

కొద్ది రోజుల క్రితం హనుమకొండలో నిరంజన్ ఇంటికి వెళ్లి కలిసిన ఆ క్షణాలు ఇంకా నా మదిలో సజీవంగానే ఉన్నాయి అని ఏపీ డిప్యుటీ సీఎం పవన్ కళ్యాణ్ అన్నారు.తీవ్రమైన అనారోగ్యంతో పోరాడుతూనే నా కోసం ఎదురుచూసిన ఆ చిన్నారి… నన్ను చూడగానే అతని ముఖంపై విరిసిన ఆ చిరునవ్వు… ఇవన్నీ ఎప్పటికీ మరువలేని జ్ఞాపకాలుగా నిలిచిపోతాయి.అతని శరీరం వ్యాధితో పోరాడినా, అతని మనసు మాత్రం అపారమైన ధైర్యంతో నిలిచింది. అంతటి బాధను అనుభవిస్తూ కూడా జీవితం పట్ల అతను చూపిన ఆశ, ఆత్మవిశ్వాసం ఎంతో విలువైనవి. అలాంటి ధైర్యవంతుడైన చిన్నారి ఇంత త్వరగా మనల్ని విడిచి వెళ్లిపోవడం ఎంతో బాధాకరం. నిరంజన్ కుటుంబ సభ్యులకు నా ప్రగాఢ సానుభూతిని తెలియజేస్తున్నాను. తీరని దుఃఖాన్ని భరించే శక్తిని భగవంతుడు వారికి ప్రసాదించాలని ప్రార్థిస్తున్నాను.

ప్రియమైన నిరంజన్… నువ్వు చూపించిన చిరునవ్వు,  ధైర్యం, నువ్వు పంచిన ప్రేమ నా హృదయంలో ఎప్పటికీ నిలిచిపోతాయి. నీ ఆత్మకు శాంతి చేకూరాలని భగవంతుడిని ప్రార్థిస్తున్నాను.

*నిరంజన్ అంత్యక్రియలకు హాజరైన జనసేన నాయకులు, కార్యకర్తలు*

జనసేన అధ్యక్షులు,ఏపీ డిప్యుటీ సీఎం పవన్ కళ్యాణ్ అబిమాని నిరంజన్ అంత్యక్రియలు వరంగల్ జిల్లా, హన్మకొండలో బుధవారం జరిగాయి. జనసేన నాయకులు, కార్యకర్తలు నిరంజన్ అంత్యక్రియలకు హాజరయ్యారు. జనసేన ప్రధాన కార్యదర్శి శ్రీ తాళ్ళూరి రామ్, తెలంగాణ రాష్ట్ర ఇన్చార్జ్ శ్రీ నేమూరి శంకర్ గౌడ్, వరంగల్ కోఅర్డినేటర్ ఎం. దామోదర్ రెడ్డి ఫొన్ ద్వారా నిరంజన్ తల్లిదండ్రులతో మాట్లాడి సంతాపం వ్యక్తం చేశారు. వరంగల్ జిల్లా నాయకులు గడ్డం రాకేష్, మేరుగు శివకోటియాదవ్, గాదే పృద్వి, బర్ల శివ నిరంజన్ కుటుంబ సభ్యులను పరామర్శించి ప్రగాఢ సానుభూతిని తెలియజేశారు. స్థానిక నాయకులు కందికొండ రామ్ చరణ్, ఎలబోయిన డేవిడ్, అజ్మీర రాజేందర్, అనుదీప్, సురేష్, అభిలాష్, దయాకర్, అంజి, శివాజీ, శ్రావణ్ తదితరులు పాల్గొన్నారు.

కాళేశ్వరం ప్రాజెక్టు గురించి సీఎం రేవంత్ రెడ్డి _

తెలంగాణ రాష్ట్రంలో పర్యాటక ప్రాంతాలను అభివృద్ధి చేస్తాం - సీఎం రేవంత్ రెడ్డి

సింగ‌రేణిని గ‌త ప‌దేళ్లు బీఆర్ఎస్ దోచుకుంటే.. ఇప్పుడు కాంగ్రెస్ ప్ర‌భుత్వం కూడా అదే బాట‌లో న‌డుస్తోంది_

*సింగ‌రేణిని గ‌త ప‌దేళ్లు బీఆర్ఎస్ దోచుకుంటే.. ఇప్పుడు కాంగ్రెస్ ప్ర‌భుత్వం కూడా అదే బాట‌లో న‌డుస్తోంది*

*తెలంగాణ రాష్ట్ర ప్రభుత్వం సింగరేణి సంస్థకు 52 వేల కోట్ల రూపాయల బకాయిలు*

*1600 కోట్ల రూపాయల విలువైన 40 లక్షల టన్నుల బొగ్గు మాయం*

*కేంద్ర మంత్రి జి.కిషన్ రెడ్డి ని కలిసిన  తెలంగాణ రాష్ట్ర బీజేపీ పార్టీ ప్రతినిధుల బృందం* 

బాపట్ల కృష్ణమోహన్, మీడియా టుడే, జులై 06:

తెలంగాణ రాష్ట్ర ప్రభుత్వం సింగరేణి సంస్థకు 52 వేల కోట్ల రూపాయల బకాయిలు ఉండటం మరియు 1600 కోట్ల రూపాయల విలువైన 40 లక్షల టన్నుల బొగ్గు మాయమవడంతో పాటు వేల కోట్ల బ‌కాయిలు చెల్లించ‌క‌పోవ‌డం వ‌ల్ల కార్మికుల‌కు క‌నీస వ‌స‌తులు నోచుకోక ఇబ్బందులు పడుతున్నారు అని సింగ‌రేణిని గ‌త ప‌దేళ్లు బీఆర్ఎస్ దోచుకుంటే.. ఇప్పుడు కాంగ్రెస్ ప్ర‌భుత్వం కూడా అదే బాట‌లో న‌డుస్తోంది అని సింగరేణి సంస్థ సంస్థను ఆర్ధిక నష్టాలు తీర్చడానికి తాడిచర్ల కోల్ బ్లాక్- II ను సింగరేణి సంస్థకు కేటాయించాలని బీజేపీ ప్రతినిధుల బృందం కేంద్ర కేంద్ర బొగ్గుల గనుల శాఖ మంత్రి కిషన్ రెడ్డి ని మర్యాదపూర్వకంగా కలిసి వినతి పత్రం అందజేయడం జరిగింది.ఈరోజు మంత్రి జి.కిషన్ రెడ్డి ని కలిసిన వారిలో బీజేపీ రాష్ట్ర కోశాధికారి వాసుదేవ్, శ్రీధర్ రెడ్డి, 6 జిల్లాల బీజేపీ అధ్యక్షులు, MLA గా పోటీ చేసిన బీజేపీ అభ్యర్థులు ఉన్నారు.

పరిపాలనలో మరింత పారదర్శకత కోసం వ్యవస్థను పూర్తిస్థాయిలో డిజిటలైజ్ చేయాలని ముఖ్యమంత్రి రేవంత్ రెడ్డి అధికారులను ఆదేశించారు_

*పరిపాలనలో మరింత పారదర్శకత కోసం వ్యవస్థను పూర్తిస్థాయిలో డిజిటలైజ్ చేయాలని ముఖ్యమంత్రి రేవంత్ రెడ్డి అధికారులను ఆదేశించారు*

బాపట్ల కృష్ణమోహన్, మీడియా టుడే, జులై 07:

రాష్ట్రంలో డిజిటల్ గవర్నెన్స్ దిశగా సమగ్ర ప్రణాళికలను సిద్ధం చేసి అవసరమైన మేరకు చట్టాలను రూపొందించాలని ముఖ్యమంత్రి రేవంత్ రెడ్డి అన్నారు.రాష్ట్రంలో కాంట్రాక్టు, ఔట్‌సోర్సింగ్ ఉద్యోగుల సమస్యలపై ముఖ్యమంత్రి గారు #MCRHRD లోని బోధి పెవిలియన్‌లో ఉన్నతాధికారులతో సమీక్షించారు. ప్రజలకు మెరుగైన సేవలను అందించడంతో పాటు సంక్షేమ పథకాలు నేరుగా లబ్ధిదారులకు చేరే విధంగా #DigitalGovernance అమలు చేయాలని సూచించారు.ప్రభుత్వ ఉద్యోగులతో పాటు కాంట్రాక్టు, ఔట్‌సోర్సింగ్ ఉద్యోగులకు 1వ తారీఖున జీతాలు అందించేలా వివరాలను పూర్తిగా డిజిటలైజ్ చేయాలని స్పష్టంగా చెప్పారు. వివిధ విభాగాలలోని కాంట్రాక్టు, ఔట్ సోర్సింగ్ ఉద్యోగులు, జీతాలు, బ్యాంక్ అకౌంట్ వివరాలను డిజిటలైజ్ చేయాలన్నారు.రాష్ట్రంలో దాదాపు 4,800 కాంట్రాక్టు, ఔట్ సోర్సింగ్ ఏజెన్సీలు ఉండగా, ఇందులో 4,300 ఏజెన్సీలు ఉద్యోగులకు ఈఎస్ఐ, పీఎఫ్ చెల్లించడం లేదని అధికారులు ముఖ్యమంత్రి గారి దృష్టికి తెచ్చారు. ఏజెన్సీలకు ప్రభుత్వం చెల్లింపులు చేసినా, ఉద్యోగులకు సమయానికి జీతాలు చెల్లించడం లేదని తెలిపారు.ఈ అంశాన్ని తీవ్రంగా పరిగణించి అలాంటి ఏజెన్సీలపై కఠిన చర్యలు తీసుకోవాలని ఈ సందర్భంగా ముఖ్యమంత్రి గారు అధికారులను ఆదేశించారు. డిజిటల్ గవర్నెన్స్‌తో ఇలాంటి సమస్యలకు చెక్ పెట్టాలని సూచించారు. కాంట్రాక్టు, ఔట్ సోర్సింగ్ ఉద్యోగులకు 1 నుంచి గరిష్టంగా 5వ తేదీలోగా పారదర్శకంగా జీతాలు చెల్లింపులు జరిపేందుకు డిజిటల్ గవర్నెన్స్ ఉపయోగపడుతుందని అన్నారు. అందుకే పూర్తి వివరాలను డిజిటలైజ్ చేయాలని తెలిపారు.

ప్రభుత్వం నుంచి చెల్లింపులు జరిగినప్పటికీ సమయానికి ఉద్యోగులకు జీతాలు చెల్లించని కాంట్రాక్ట్, ఔట్ సోర్సింగ్ ఏజెన్సీలపై కఠిన చర్యలు తీసుకోవాలని సూచించారు. దీనిపై పూర్తిస్థాయిలో కసరత్తు చేసేందుకు వీలుగా ఒక ఉన్నత స్థాయి కమిటీని నియమించాలని ముఖ్యమంత్రి గారు సూచించారు. ఈ కమిటీ 100 రోజుల్లో నివేదిక సమర్పించి ఈ అంశాన్ని ఒక కొలిక్కి తీసుకురావాలని ఆదేశించారు.హెల్త్ కార్డులు, ఇతర బెనిఫిట్స్ అమలు చేసేందుకు ప్రభుత్వ ఉద్యోగుల వివరాలను కూడా డిజిటలైజ్ చేయాలని సూచించారు. నిరంతరం మానీటరింగ్ చేసేందుకు ఆర్థిక శాఖ విభాగం ఆధ్వర్యంలో ఒక ప్రత్యేక వ్యవస్థను ఏర్పాటు చేసుకోవాలని చెప్పారు.ఈ సమావేశంలో ఎంపీ వెంనరేందర్ రెడ్డి , సలహాదారు కె. రామకృష్ణారావు,తెలంగాణ ప్రభుత్వ ప్రధానకార్యదర్శి సంజయ్ జాజు , MA&UD ప్రత్యేక ప్రధాన కార్యదర్శి జయేష్ రంజన్, హెచ్‌ఆర్‌డీ వైస్ చైర్మన్ శాంతి కుమారి గారితో పాటు ఇతర ఉన్నతాధికారులు పాల్గొన్నారు.

సిఎంసి పరిధిలోని మణికొండ వార్డు నెం.127 సరిహద్దులలో ఉన్న వ్యత్యాసాన్ని సరిచేసి సమర్థవంతమైన పౌర పరిపాలనను నిర్ధారించవలెనని విజ్ఞప్తి_

*సిఎంసి పరిధిలోని మణికొండ వార్డు నెం.127 సరిహద్దులలో ఉన్న వ్యత్యాసాన్ని సరిచేసి సమర్థవంతమైన పౌర పరిపాలనను నిర్ధారించవలెనని విజ్ఞప్తి*

*ధూళిపాళ సీతారాం అధ్యక్షులు పంచవటి రెసిడెంట్స్ వెల్ఫేర్ అసోసియేషన్(RWA),వ్యవస్థాపక అధ్యక్షులు ది సిటిజన్స్ కౌన్సిల్*

బాపట్ల కృష్ణమోహన్, మీడియా టుడే, జులై 07:

మెట్రోపాలిటన్ ఏరియా అండ్ అర్బన్ డెవలప్‌మెంట్ ప్రత్యేక ప్రధాన కార్యదర్శి మరియు ప్రభుత్వ ప్రత్యేక ప్రధాన కార్యదర్శి జయేష్ రంజన్ సర్ నమస్కారం.సిఎంసి పరిధిలోని మణికొండ వార్డు నెం. 127కు సంబంధించిన సరిహద్దు వ్యత్యాసం (Boundary Discrepancy) అనేక సంవత్సరాలుగా పరిష్కారం కాకపోవడంతో స్థానిక ప్రజలు తీవ్ర ఇబ్బందులు ఎదుర్కొంటున్నారు. దీనివల్ల పారిశుద్ధ్యం సహా పలు మున్సిపల్ సేవల అందజేతలో అయోమయం ఏర్పడి సమర్థవంతమైన పౌర పరిపాలన దెబ్బతింటోంది. ఈ విషయాన్ని మీ దృష్టికి తీసుకువస్తున్నాను. మున్సిపల్ పునర్వ్యవస్థీకరణకు ముందు మొత్తం పంచవటి కాలనీ అప్పటి మణికొండ గ్రామ పంచాయతీ పరిధిలో ఉండేది. అనంతరం అదే ప్రాంతం అప్పటి మణికొండ మున్సిపాలిటీ పరిధిలో కొనసాగింది. దీనికి సంబంధించిన అధికారిక గెజిట్ నోటిఫికేషన్‌లో కూడా సంబంధిత సరిహద్దులు స్పష్టంగా పేర్కొనబడ్డాయి. అయితే ప్రస్తుతం క్షేత్రస్థాయిలో అమలవుతున్న సరిహద్దులు గెజిట్‌లో పేర్కొన్న విధంగా లేకపోవడంతో అనవసర పరిపాలనా గందరగోళం నెలకొంది.

పంచవటి కాలనీ ప్రజలు ఎన్నో సంవత్సరాలుగా ముందుగా మణికొండ గ్రామ పంచాయతీకి, అనంతరం మణికొండ మున్సిపాలిటీకి, ప్రస్తుతం డిప్యుటీ కమీషనర్ నార్సింగి కార్యాలయం కు క్రమం తప్పకుండా ఆస్తి పన్నులు చెల్లిస్తున్నారు. ఒకే మున్సిపల్ సంస్థ పన్నులు వసూలు చేస్తున్నప్పుడు, పరిష్కారం కాని సరిహద్దు సమస్య కారణంగా పారిశుద్ధ్యం వంటి ప్రాథమిక పౌర సేవల కోసం ప్రజలు కార్యాలయాల చుట్టూ తిరగాల్సిన పరిస్థితి రావడం సమంజసం కాదు.ఈ సరిహద్దు నిర్ధారణలో ఏవైనా లోపాలు ఉన్నట్లయితే వాటిని గుర్తించి, ప్రభుత్వ దృష్టికి తీసుకెళ్లి, అవసరమైన సవరణలు చేయించడం సంబంధిత అధికారుల బాధ్యత. ప్రజల పన్నుల ద్వారా జీతాలు పొందుతున్న అధికారులు తమ విధులను నిర్వర్తించాల్సిన బాధ్యత కలిగి ఉంటారు. పరిపాలనా లోపాల వల్ల ప్రజలు ఇబ్బందులు పడటం ఏ విధంగానూ సమర్థనీయం కాదు.

ఈ విషయాన్ని వార్డు నెం. 127 సందర్శన సందర్భంగా కమిషనర్ గుమ్మల్ల శ్రీజన మేడం దృష్టికి కూడా తీసుకువెళ్లాం. అయినప్పటికీ ఇప్పటివరకు ఎటువంటి సరిదిద్దే చర్యలు చేపట్టలేదు.గౌరవ ముఖ్యమంత్రి రేవంత్ రెడ్డి క్యూర్ (CURE)ప్రాంతాన్ని సింగపూర్, టోక్యో, న్యూయార్క్ వంటి ప్రపంచ స్థాయి నగరాలతో పోటీపడే విధంగా అభివృద్ధి చేయాలనే దూరదృష్టితో ముందుకు సాగుతున్నారు. అలాంటి లక్ష్యం సాకారం కావాలంటే క్షేత్రస్థాయిలో ఎదురవుతున్న పౌర సమస్యలను వెంటనే పరిష్కరించడం, ప్రభుత్వ జోక్యం అవసరమైన అంశాలను సంబంధిత అధికారులు సమర్థవంతంగా ప్రభుత్వ దృష్టికి తీసుకువెళ్లడం అత్యంత అవసరం. ప్రస్తుతం ఉన్న ఈ సమస్య విధాన రూపకల్పనకు, క్షేత్రస్థాయి అమలుకు మధ్య ఉన్న అంతరాన్ని స్పష్టంగా తెలియజేస్తోంది.అందువల్ల, గెజిట్‌లో ప్రకటించిన సరిహద్దులను పరిశీలించి, అవసరమైతే క్షేత్రస్థాయిలో పరిశీలన నిర్వహించి, మణికొండ వార్డు నెం. 127లో ఉన్న సరిహద్దు వ్యత్యాసాన్ని సరిచేయడానికి తగిన ఆదేశాలు జారీ చేయవలసిందిగా మనవి చేస్తున్నాను. తద్వారా స్థానిక ప్రజలకు పారిశుద్ధ్యం సహా అన్ని మున్సిపల్ సేవలు ఎటువంటి పరిపాలనా గందరగోళం లేకుండా అందేలా చర్యలు తీసుకోవాలని ప్రార్థిస్తున్నాను.మీ పరిశీలనార్థం సంబంధిత గెజిట్ నోటిఫికేషన్ ప్రతిని జతపరచడం జరిగింది.ప్రజా ప్రయోజనాలను దృష్టిలో ఉంచుకొని ఈ దీర్ఘకాలిక సమస్యను మీ వ్యక్తిగత చొరవతో త్వరితగతిన పరిష్కరించవలసిందిగా వినయపూర్వకంగా కోరుతున్నాను.

ఫార్మా సిటీ & ఫ్యూచర్ సిటీ మాకొద్దు➡️ రైతులు

తెలంగాణ ముఖ్యమంత్రి అధికారాలపై CMO కార్యాలయం సమాధానం _

అనుమతిలేని కాలేజీలో చేరవద్దు _

బెంగుళూరులో రెండు సంవత్సరాల చిన్న పాపపై జరిగిన అమానుష ఘటన ప్రతి తల్లి తండ్రిని కలవర పెడుతోంది_

*రెండు సంవత్సరాల పాప ఏడస్తుంది అని వాషింగ్ మెషిన్ లో కూర్చో బెట్టిన డే కేర్ సెంటర్ సిబ్బంది*

*ఈమధ్య సోషియల్ మీడియాలో ఒక విడియో వైరల్ అవుతుంది*

*బెంగుళూరులో రెండు సంవత్సరాల చిన్న పాపపై జరిగిన అమానుష ఘటన ప్రతి తల్లి తండ్రిని కలవర పెడుతోంది*

*అనురాధ రావు అధ్యక్షురాలు - బాలల హక్కుల సంఘం*

బాపట్ల కృష్ణమోహన్, మీడియా టుడే, జులై 04:

ఉరుకు పరుగుల ప్రపంచంలో తల్లి తండ్రి ఇద్దరు పని చేస్తేనే పిల్లలకు అన్ని సమకూర్చగలరు.పిల్లలను తప్పనిసరిగా డే కేర్ సెంటర్స్ ల్లో వదలి వెళ్ళాల్సిన పరిస్థితి. ఈ సంఘటన వివరాల్లోకి వెళితే, 2 సంవత్సరాల పాప ఏడస్తుంది అని వాషింగ్ మెషిన్ లో కూర్చో బెట్టారు, టాయిలెట్ జెట్ తో నీటికి నోట్లో స్ప్రే చేయడం, బాత్ రూం లో బంధించడం చేశారు. 5 గురు ఆయాలను అదుపులోకి తీసుకున్నారు వారి పై జేజేయాక్ట్ సెక్షన్ 351 క్రిమినల్,నేరపూరిత బెదిరింపు BNS  ప్రకారం కేసులు నమోదు చేశారు.మన తెలుగు రాష్ట్రాలోని ఓ ఉన్న డే కేర్ సెంటర్లపై ప్రభుత్వం నిఘాఉంచుతోందా? 

ఉద్యోగులు తమ పిల్లలను డే కేర్ సెంటర్స్, ప్లే స్కూల్స్ కు పంపిస్తున్నారు. ఇవన్నీ ప్రభుత్వ అనుమతులతో నడుస్తున్నాయా? 

నగరం లో 500 ప్లే స్కూల్స్  గుర్తింపు లేకుండా నడుస్తున్నాయని ఈ మధ్య వార్తలొచ్చాయి. వీటిపై పై ఎలాంటి చర్యలు తీసుకుంటుంది ప్రభుత్వం. ఏదైనా సంఘటన జరిగేవరకు చూసి చూడనట్టు ఉంటుందా? గతంలో అనేక సంఘటనలు జరిగాయి, రెండు సంవత్సరాల పాప చపాతీ తింటుంటే గోంతులో అడ్డం పడి, పాప ఊపిరి ఆడక చనిపోయింది, ఆయా నిర్లక్ష్యం వల్లే ఈ సంఘటన జరిగింది.జీడిమెట్లలో 4 సంవత్సరాల పాప పై ఆయా అమానుషంగా దాడి చేసి, కొట్టి రోడ్డు పై వదిలేసింది,పాప ఏడుస్తూ ఉంది అని. 2025 డిసెంబర్ లో జరిగిన ఘటన ఇది.

మల్కాజిగిరి ఏరియాలో 3సంవత్సరాల బాబు ఆడుతూ తెరిచి ఉన్న సంపులో పడి చనిపోయాడు.సిబ్బంది నిర్లక్ష్యం వల్లే ఈ సంఘటన జరిగింది.

రంగారెడ్డి జిల్లాలో ఉపాధ్యాయుడు బాబు అల్లరి చేస్తున్నాడు అని నోటికి ప్లాస్టర్ వేసి, పెన్ తో కంటి దగ్గర గుచ్చాడు,ఈ సంఘటన Aug 2025లో జరిగింది.ఇలా చెప్పుకుంటు పోతే బోలెడు సంఘటనలు ఉన్నాయి.

ప్రభుత్వం ఏం చేయాలి,పేరేంట్స్ ఎలా చెక్ చేసుకోవాలి?

*తల్లితండ్రులు* - మీరు తప్పని సరిగా పిల్లలను ప్లే స్కూల్స్ కు పంపాలని అనుకుంటే,ముందు అది ప్రభుత్వ గుర్తింపు ఉందా అని చూడండి. అక్కడ వారు నడిపే సెంటర్లల్లో పని చేస్తున్న సిబ్బంది, శిక్షణ పొందిన వాళ్ళా? కాదా చెక్ చేసుకోండి.సిబ్బందిని తీసుకునేపుడు పోలిస్ వెరిఫికేషన్ చేయించారా లేదా?వారు పిల్లలను ఏవిధంగా చూస్తున్నారు గమనించాలి. నిజంగా వీరు పిల్లలను ప్రేమగా చూసుకుంటున్నారా? ప్యాషన్ తో నడిపిస్తున్నారా? లేక డబ్బుల కోసమేనా? ప్యాషన్ తో నడిపే వారు అన్ని జాగ్రత్తలు తీసుకుంటారు, పిల్లలను ప్రేమతో చూస్తారు.సీసీటీవీ లింక్ మీ ఫోన్స్ లో వచ్చే విధంగా చూసుకోండి. అక్కడ ఏ జరిగినా మీకు తక్షణమేు తెలుస్తుంది. సీసీటీవీ పని చేయడం లేదు, లింక్ ఇవ్వం అంటే ఖచ్చితంగా వీళ్లు పిల్లలను సరిగా చూడరు అని అర్ధం. కొన్ని సెంటర్లలో పిల్లలకు దగ్గు మందు ఇచ్చి పడుకో బెడతున్నారు అనే విషయం సోషియల్ మిడియాలో నడుస్తోంది. మీ పిల్లలను ఇంటికి తీసుకు రాగానే చెక్ చేసుకోవాలి, వంటిపై గాయం కాని గుర్తులు కానీ ఉన్నాయ అని చూడాలి. పిల్లల ప్రవర్తనలో మార్పు ఎమైనా ఉందా గమనించండి. పిల్లలతో మాట్లాడండి  ప్రతి రోజు, పిల్లలను ప్రేమగా అడగండి ఎలా ఉంది? ఎం చేశావు ఈ రోజు అని.ప్రభుత్వం తప్పనిసరిగా ప్రతి డే కేర్ సెంటర్ , ప్లే స్కూల్స్, తనిఖీలు నిర్వహించాలి, అనుమతి లేని వాటిని సీజ్ చేయాలి. సీసీటీవీ పర్యవేక్షణ తప్పని సరి, అక్కడ పని చేసే సిబ్బందికి పోలీస్ వెరిఫికేషను తప్పనిసరిగా ఉండాలి. శిక్షణ పొందిన సబ్బందిని తీసుకున్నారా? లేదా చెక్ చేయాలి. అనుమతులు జారి చేసేటపుడు డే కేర్ / ప్లే స్కూల్ లో సంపులు మూసి ఉన్నాయా లేదా చూడాలి. ఆడుకునే సమయం లో పిల్లలు సంపులో పడే ప్రమాదం ఉంది. ఆడుకోవడానికి ఆటస్థలం ఉందా లేదా చూడాలి.  

*ఒక నిర్లక్ష్యం - చిన్నారి జీవితాన్ని మార్చేస్తుంది*. 

ప్రతి చిన్నారి హక్కు సురక్షితమైన బాల్యాన్ని పొందడం. పిల్లలు భద్రత విషయంలో రాజీ పడకూడదు.చిన్నారుల హక్కులను కాపాడటం, వారికి ఉజ్వల భవిష్యత్తు ఇవ్వడం మన అందరి బాధ్యత.

జర్నలిస్టులను బెదిరించి నీ అంతు చూస్తానని బెదిరించిన కాంట్రాక్టర్_

*అవినీతి అక్రమాలను ప్రశ్నించే జర్నలిస్టులకు బెదిరింపులు* 

*బెదిరింపులకు పాల్పడిన కాచిగూడ కమేల కాంట్రాక్టర్ బషీర్ హుస్సేన్  పై ఫిర్యాదు*

*కాచిగూడ పోలీస్ స్టేషన్లో ఫిర్యాదు చేసిన అంబర్పేట్ ఎలక్ట్రానిక్ మీడియా అసోసియేషన్ అధ్యక్షుడు ఎండి సద్దాం హుస్సేన్*

బాపట్ల కృష్ణమోహన్, మీడియా టుడే, జులై 04:

జర్నలిస్ట్ వృత్తికి ఆటంకం కలిగించిన కాచిగూడ కమేల కాంట్రాక్టర్ బషీర్ హుస్సేన్  పై ఫిర్యాదు చేసిన అంబర్పేట్ ఎలక్ట్రానిక్ మీడియా అసోసియేషన్ అధ్యక్షుడు ఎండి సద్దాం హుస్సేన్ , ప్రవీణ్ ముదిరాజ్.కాచిగూడ పోలీస్ స్టేషన్లో ఎస్ హెచ్ ఓ రాజశేఖర్ కు ఫిర్యాదు చేశారు. ఫిర్యాదు స్వీకరించిన ఎస్ హెచ్ ఓ రాజశేఖర్ చట్టపరమైన చర్యలు తీసుకుంటామని తెలిపినట్లు సద్దాం చెప్పారు. ఈ సందర్భంగా సద్దాం మాట్లాడుతూ ఉదయం కమేల సమస్యలపై కమేళాకు సంబంధించిన వ్యాపారులు జర్నలిస్టులను పిలిచి తమ గోడును వినిపించారు. అదే సమయంలో కమెల కాంట్రాక్టర్ బషీర్ హుస్సేన్ నువ్వు ఎవరు వీడియోలు ఎందుకు తీస్తున్నావ్ అంటూ అడ్డుకున్నాడు అనంతరం నువ్వు ఎవరైతే నాకేంటి ఇక్కడ వీడియోలు ఫోటోలు తీయొద్దు అంటూ తీస్తే నీ అంతు చూస్తానని బెదిరించాడని తెలిపారు. అనంతరం వాట్సప్ ఫోన్ ద్వారా ఫోన్ చేసి నీ దగ్గర ఉన్న వీడియోలన్నీ డిలీట్ చెయ్ అంటూ బెదిరింపులకు పాల్పడినట్టు ఆయన తెలిపారు. డిలీట్ చెయ్యనియెడల నీ సంగతి చూస్తానంటూ బెదిరించాడని ఫిర్యాదుదారుడు సద్దాం తెలిపారు.

“పండుగ సాయన్న సేవా పురస్కారాలు – 2026”

*ప్రజా వీరుడు – తెలంగాణ బందూక్ పండుగ సాయన్న జయంతి (ఆగస్టు 08) సందర్భంగా*

*“పండుగ సాయన్న సేవా పురస్కారాలు – 2026”*

బాపట్ల కృష్ణమోహన్, మీడియా టుడే, జులై 04:

ప్రజల హక్కుల కోసం, సామాజిక న్యాయం కోసం, అణగారిన వర్గాల అభ్యున్నతి కోసం జీవితాన్ని అంకితం చేసిన ప్రజా వీరుడు – తెలంగాణ బందూక్ పండుగ సాయన్న ఆశయాలను స్ఫూర్తిగా తీసుకొని, ఆయన జయంతి (ఆగస్టు 08) సందర్భంగా పండుగ సాయన్న సేవా ట్రస్టు ఆధ్వర్యంలో “పండుగ సాయన్న సేవా పురస్కారాలు – 2026” ప్రదానం చేయనున్నట్లు ట్రస్టు నిర్వాహకులు తెలిపారు.తెలంగాణ రాష్ట్రంలో సామాజిక సేవ, విద్య, వైద్యం, సేవా కార్యక్రమాలు, సాంస్కృతిక రంగం, క్రీడలు, పర్యావరణ పరిరక్షణ తదితర రంగాల్లో విశిష్ట సేవలందిస్తున్న సేవామూర్తులను గుర్తించి, వారి సేవలను గౌరవించడం ఈ పురస్కారాల ప్రధాన ఉద్దేశ్యమని పేర్కొన్నారు.

సమాజానికి నిస్వార్థంగా సేవ చేస్తున్న వ్యక్తులు, సంస్థలు, సేవా సంస్థలు, ఉపాధ్యాయులు, వైద్యులు, కళాకారులు, క్రీడాకారులు, పర్యావరణ కార్యకర్తలు మరియు ఇతర రంగాల్లో విశేష కృషి చేసిన వారిని ఈ పురస్కారాలకు ఎంపిక చేయనున్నట్లు తెలిపారు.

*“సేవే లక్ష్యం… సమాజమే ధ్యేయం…”* అనే నినాదంతో, పండుగ సాయన్న ఆశయాలను భావితరాలకు చేర్చడం, సేవా భావాన్ని ప్రోత్సహించడం, సమాజానికి సేవ చేస్తున్న వ్యక్తులను గుర్తించి సత్కరించడం ఈ కార్యక్రమం ముఖ్య ఉద్దేశ్యమని ట్రస్టు వెల్లడించింది.

అర్హులైన వ్యక్తుల వివరాలను లేదా నామినేషన్లను పంపించాలని కోరుతూ, ఆసక్తి గల వారు క్రింది నంబర్లలో సంప్రదించాలని విజ్ఞప్తి చేశారు.

*సంప్రదించవలసిన ఫోన్ నంబర్లు:*

📞 9963240519

📞 +91 80081 29303

📞 +91 85002 58662

*పండుగ సాయన్న సేవా ట్రస్టు*

“సేవను గౌరవిద్దాం… సేవామూర్తులను సత్కరిద్దాం… పండుగ సాయన్న ఆశయాలను భావితరాలకు అందిద్దాం.”

_ఆదివాసీ, గిరిజన, మారుమూల‌, వెనుకబడిన జీపీల‌కు ప్రత్యేక వెసులుబాటు కల్పించాలి_

*కేంద్ర నిధుల కేటాయింపులో పన్నుల వసూళ్లే పనితీరుకు కొలమానం కాకూడదు - మంత్రి సీతక్*

*ఆదివాసీ, గిరిజన, మారుమూల‌, వెనుకబడిన జీపీల‌కు ప్రత్యేక వెసులుబాటు కల్పించాలి*

*స్థానిక అవసరాల కోసం అన్‌టైడ్ గ్రాంట్లను కొనసాగించాలి*

*16వ ఆర్థిక సంఘం జాతీయ వర్క్‌షాప్‌లో తెలంగాణ ప్రభుత్వ విజ్ఞప్తి*

బాపట్ల కృష్ణమోహన్, మీడియా టుడే, జులై 03:

16వ ఆర్థిక సంఘం ప్రతిపాదించిన పనితీరు ఆధారిత గ్రాంట్లు, ఓన్ సోర్స్ రెవిన్యూ వంటి నిబంధనల్లో ఆదివాసి, గిరిజన, షెడ్యూల్డ్ ప్రాంతాలు, వెనుకబడిన గ్రామ పంచాయతీలకు ప్రత్యేక వెసులుబాటు కల్పించాలని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి డా.ద‌న‌స‌రి అన‌సూయ సీతక్క కోరారు. గ్రామ పంచాయతీల పనితీరును కేవలం పన్నుల వసూళ్లతోనే అంచనా వేయకుండా, ప్రజలకు అందిస్తున్న సేవలు, పారిశుధ్యం, పారదర్శకత, డిజిటల్ పాలన, ప్రజల భాగస్వామ్యం వంటి అంశాలకు సమాన ప్రాధాన్యం ఇవ్వాలని విజ్ఞప్తి చేశారు.16వ ఆర్థిక సంఘం గ్రామీణ స్థానిక సంస్థల సిఫార్సులపై కేంద్ర పంచాయతీరాజ్ శాఖ మంత్రి రాజీవ్ రంజ‌న్ సింగ్ ఆధ్వర్యంలో నిర్వహించిన జాతీయ వర్క్‌షాప్‌లో మంత్రి సీతక్క తెలంగాణ ప్రభుత్వ అభిప్రాయాలను వివరించారు. స్పెష‌ల్ సీఎస్ దాన‌కిషోర్ తో పాటు ఇత‌ర రాష్ట్రాల మంత్రులు, అధికారులు ఈ స‌మావేశంలో పాల్గోన్నారు. ఈ సంద‌ర్భంగా మంత్రి సీత‌క్క మాట్లాడుతూ...జీపీల‌కు పనితీరు ఆధారిత గ్రాంట్లను తెలంగాణ ప్రభుత్వం స్వాగతిస్తోందని, అయితే ఆదాయ సామర్థ్యం తక్కువగా ఉన్న ఆదివాసీ, గిరిజన, మారుమూల ప్రాంతాల గ్రామ పంచాయతీలపై అదనపు పన్నుల భారం మోపే విధంగా నిబంధనలు ఉండకూడదన్నారు. అభివృద్ధిని ప్రజల ఆర్థిక స్థితితో ముడిపెట్టడం సమంజసం కాదని పేర్కొన్నారు.షెడ్యూల్డ్ ప్రాంతాల్లో అనేక గ్రామ పంచాయతీల జనాభా చాలా తక్కువగా ఉండటంతో వాటి సొంత ఆదాయ వనరులు కూడా పరిమితంగానే ఉంటాయని తెలిపారు. అలాంటి ప్రాంతాలకు ప్రత్యేక సడలింపులు ఇవ్వాలని, ఆదివాసీ, గిరిజన, షెడ్యూల్డ్ కులాల జనాభా అధికంగా ఉన్న గ్రామ పంచాయతీలు, మండల స్థాయి స్థానిక సంస్థలకు కూడా పనితీరు గ్రాంట్ల అర్హతలో వెసులుబాటు కల్పించాలని కోరారు. న్యాయస్థానాల్లో పెండింగ్‌లో ఉన్న కేసుల కారణంగా ఎన్నికలు జరగని 62 గ్రామ పంచాయతీలకు  కేంద్ర ప్ర‌భుత్వం అభివృద్ధి నిధులు నిలిపివేయడం వ‌ల్ల అక్క‌డి ప్రజలకు అన్యాయం జ‌రుగుతోంద‌ని పేర్కొన్నారు. కోర్టు ఆదేశాల వల్ల ఎన్నికలు ఆలస్యమైన ప్రత్యేక పరిస్థితుల్లో నిధులు కొనసాగించేలా నిబంధనలు ఉండాలని విజ్ఞప్తి చేశారు.ప్రతి గ్రామ అవసరం భిన్నంగా ఉంటుందని, అందువల్ల స్థానిక అవసరాలకు అనుగుణంగా గ్రామ సభలు నిర్ణయాలు తీసుకునేలా అన్‌టైడ్ బేసిక్ గ్రాంట్లను తగిన స్థాయిలో కొనసాగించాలని మంత్రి సీతక్క విజ్ఞప్తి చేశారు. డిజిటల్ గవర్నెన్స్, ఈ-గ్రామ్ స్వరాజ్, పీఎఫ్‌ఎంఎస్ వంటి వ్యవస్థలను తెలంగాణ ప్రభుత్వం స్వాగ‌తిస్తోంద‌ని... వాటి అమలుకు అవసరమైన శిక్షణ, సిబ్బంది, ఇంటర్నెట్ కనెక్టివిటీ, సాంకేతిక మౌలిక వసతులను మారుమూల గ్రామాల్లో కేంద్రం బలోపేతం చేయాలని కోరారు. 

షెడ్యూల్డ్ ప్రాంతాలు, వెనుకబడిన జిల్లాలు, భౌగోళికంగా క్లిష్టమైన ప్రాంతాల్లో ప్రజా సేవలను అంద‌చేసేందుకు అధిక వ్యయం అవుతున్నందున నిధుల కేటాయింపులో అలాంటి ప్రాంతాలకు ప్రత్యేక వెయిటేజ్ ఇవ్వాలని కోరారు. బలమైన గ్రామ పంచాయతీలు, బలమైన రాష్ట్రాలు కలిసి బలమైన భారత నిర్మాణానికి పునాది వేస్తాయని మంత్రి సీతక్క అన్నారు. బలమైన గ్రామ పంచాయతీలు, బలమైన రాష్ట్రాలు కలిసి బలమైన భారత నిర్మాణానికి పునాది వేస్తాయని మంత్రి సీతక్క అన్నారు. గ్రామీణ స్థానిక సంస్థలను మరింత బలోపేతం చేయాలంటే రాష్ట్రాలకు తగిన ఆర్థిక సామర్థ్యం ఉండాలని, సహకార సమాఖ్య స్ఫూర్తితో రాష్ట్రాలను బలోపేతం చేస్తూనే పంచాయతీలను మరింత శక్తివంతం చేసే విధంగా 16వ ఆర్థిక సంఘం సిఫార్సులు ఉండాలని మంత్రి సీత‌క్క సూచించారు.

_యువతను డ్రగ్స్ బారిన పడకుండా రక్షించడానికి హైదరాబాద్ సిటీ పోలీస్ కట్టుబడి ఉంది_

*అక్రమంగా గంజాయి కలిగి ఉండి విక్రయిస్తున్న ఇద్దరు నిందితుల అరెస్ట్*

*యువతను డ్రగ్స్ బారిన పడకుండా రక్షించడానికి హైదరాబాద్ సిటీ పోలీస్ కట్టుబడి ఉంది*

*ఇన్‌స్పెక్టర్ ఆఫ్ పోలీస్, భవానీ నగర్ పి.ఎస్*

బాపట్ల కృష్ణమోహన్, మీడియా టుడే, జులై 03:

భవానీ నగర్ పోలీసులు ఇద్దరు గంజాయి విక్రేతలను అరెస్ట్ చేశారు; 2.334 కిలోల గంజాయి, నగదు, వాహనం మరియు మొబైల్ ఫోన్లు స్వాధీనం. మాదకద్రవ్యాల అక్రమ రవాణా మరియు విక్రయాలకు వ్యతిరేకంగా కొనసాగిస్తున్న నిరంతర నిఘాలో భాగంగా, భవానీ నగర్ పోలీసులు మరియు చార్మినార్ జోన్ టాస్క్‌ఫోర్స్ సిబ్బంది సంయుక్తంగా అక్రమంగా గంజాయిని కలిగి ఉండి, రవాణా చేస్తున్న ఇద్దరు నిందితులను విజయవంతంగా పట్టుకున్నారు. భవానీ నగర్ పోలీస్ స్టేషన్‌లో ఎన్.డి.పి.ఎస్ (NDPS) యాక్ట్ కింద కేసు నమోదైంది. నిందితులను గౌరవ న్యాయస్థానం ముందు ప్రవేశపెట్టి, జ్యుడీషియల్ కస్టడీకి తరలించారు. ఈ కేసులో మాదకద్రవ్యాలను సరఫరా చేసిన ప్రధాన నిందితుడిని (Supplier) పట్టుకోవడానికి గాలింపు చర్యలు కొనసాగుతున్నాయి.

*ఘటన వివరాలు: నమ్మదగిన సమాచారం ప్రకారం..* 02.07.2026 నాడు భవానీ నగర్ పోలీసులు మరియు చార్మినార్ జోన్ టాస్క్‌ఫోర్స్ సిబ్బంది కలిసి భవానీ నగర్ పరిధిలోని తలాబ్‌కట్ట, రైల్వే ట్రాక్ పక్కన ఉన్న రోడ్ నంబర్ 0 వద్ద సంయుక్తంగా ప్రత్యేక ఆపరేషన్ చేపట్టారు. సాయంత్రం 16:10 గంటల సమయంలో, నంబర్ ప్లేట్ లేని ఎరుపు రంగు హోండా యాక్టివాపై ప్రయాణిస్తున్న ఇద్దరు వ్యక్తులు పోలీసులను చూసి పారిపోవడానికి ప్రయత్నించారు. పోలీసులు వారిని అదుపులోకి తీసుకుని, ఎన్.డి.పి.ఎస్ చట్టం ప్రకారం చట్టపరమైన నిబంధనలను అనుసరించి తనిఖీ చేయగా వారి వద్ద 2.334 కిలోల గంజాయి లభించింది. పాతబస్తీ ప్రాంతంలోని అవసరమున్న వినియోగదారులకు విక్రయించడానికి వారు ఈ గంజాయిని రవాణా చేస్తున్నట్లు తేలింది. స్వాధీనం చేసుకున్న 2.334 కిలోల గంజాయి మొత్తం విలువ సుమారు ₹54,900/- ఉంటుంది.

*దర్యాప్తు*: నిందితులు స్థానిక వినియోగదారుల కోసం చిన్న చిన్న ప్యాకెట్లను సిద్ధం చేసి గంజాయి విక్రయిస్తున్నట్లు పోలీసులకు అందిన ఖచ్చితమైన సమాచారం ఆధారంగా ఈ ఆపరేషన్ నిర్వహించారు. ప్రాథమిక విచారణలో నిందితులు ఈ గంజాయిని మహారాష్ట్రలోని నాగ్‌పూర్ నుండి ఒక సప్లయర్ ద్వారా సేకరించి, ఇక్కడ పంపిణీ చేయడానికి హైదరాబాద్ తీసుకువచ్చినట్లు వెల్లడైంది. నిందితులు దీనిని చిన్న ప్యాకెట్లుగా చేసి, స్థానిక వినియోగదారులకు విక్రయించడం ద్వారా అక్రమంగా డబ్బు సంపాదించాలని భావించారు. నిందితులు క్రమం తప్పకుండా మాదకద్రవ్యాల అక్రమ రవాణాకు పాల్పడుతూ, స్థానిక అలవాటుపడిన వినియోగదారులను లక్ష్యంగా చేసుకున్నట్లు దర్యాప్తులో స్పష్టమైంది. ఈ డ్రగ్ సప్లై నెట్‌వర్క్‌తో సంబంధం ఉన్న ప్రధాన సప్లయర్‌ను మరియు ఇతరులను గుర్తించి పట్టుకోవడానికి దర్యాప్తు కొనసాగుతోంది.

*అరెస్టయిన నిందితుల వివరాలు:*

1. మహ్మద్ నశీర్ అలియాస్ చాకు నశీర్ అలియాస్ ఛోటీ చాకు (వయస్సు: 43 సంవత్సరాలు): భవానీ నగర్ పోలీస్ స్టేషన్ పరిధిలోని రౌడీషీటర్. ఇతను గతంలో గంజాయి అక్రమ రవాణా, ఆర్మ్స్ యాక్ట్, మరియు దొంగతనాలకు సంబంధించి 20 కేసుల్లో నిందితుడిగా ఉన్నాడు.

2. మహ్మద్ మెహరాజ్ అలీ అలియాస్ ఆమేర్ (వయస్సు: 24 సంవత్సరాలు): ఇతను కూడా గతంలో గోపాల్‌పురం పోలీస్ స్టేషన్ మరియు కుత్బుల్లాపూర్ ఎక్సైజ్ పోలీస్ స్టేషన్ పరిధిలో రెండు గంజాయి కేసుల్లో నిందితుడిగా ఉన్నాడు.

*స్వాధీనం చేసుకున్న సొత్తు:*

• 2.334 కిలోల గంజాయి

• గంజాయి ఉన్న 05 చిన్న ప్యాకెట్లు

• 06 ఖాళీ జిప్ లాక్ కవర్లు

• ₹6,000/- నగదు

• నంబర్ ప్లేట్ లేని ఒక ఎరుపు రంగు హోండా యాక్టివా వాహనం

• ఒక నోకియా కీప్యాడ్ మొబైల్ ఫోన్

• ఒక శామ్‌సంగ్ S22 ఆల్ట్రా మొబైల్ ఫోన్

ప్రజా విజ్ఞప్తి (Public Advisory):

• మాదకద్రవ్యాల అక్రమ రవాణా, విక్రయాలు మరియు వ్యవస్థీకృత నేరాల పట్ల హైదరాబాద్ సిటీ పోలీస్ 'జీరో టాలరెన్స్' (సహించేది లేదు) విధానాన్ని అనుసరిస్తుంది.

• మాదకద్రవ్యాల విక్రయం, రవాణా లేదా కలిగి ఉన్న వ్యక్తులపై ఎన్.డి.పి.ఎస్ చట్టం ప్రకారం కఠినమైన చట్టపరమైన చర్యలు తీసుకోబడతాయి.

• పౌరులు తమ ప్రాంతాలలో మాదకద్రవ్యాల రవాణా లేదా అనుమానాస్పద కార్యకలాపాలకు సంబంధించిన సమాచారాన్ని వెంటనే 100/112 నంబర్లకు డయల్ చేయడం ద్వారా గానీ లేదా సమీప పోలీస్ స్టేషన్‌ను సంప్రదించడం ద్వారా గానీ నివేదించాల్సిందిగా కోరుతున్నాము.

మాదకద్రవ్యాల మహమ్మారిని నిర్మూలించడానికి మరియు సమాజాన్ని, ముఖ్యంగా యువతను డ్రగ్స్ బారిన పడకుండా రక్షించడానికి హైదరాబాద్ సిటీ పోలీస్ కట్టుబడి ఉంది. మాదకద్రవ్యాల రవాణా మరియు విక్రయాలకు పాల్పడే వారందరిపై కఠినమైన చట్టపరమైన చర్యలు తీసుకోబడతాయి.

_ఉస్మానియా డాక్టర్లు తెలంగాణతో పాటు, యావత్ దేశానికే గర్వకారణమైన ఘనతను సాధించారు - ఆరోగ్య శాఖ మంత్రి దామోదర్ రాజనర్సింహ_

*“అవయవదానం… మహాదానం”*

*మల్టీ-విసెరల్ ట్రాన్స్‌ప్లాంటేషన్‌ను విజయవంతంగా నిర్వహించిన ఉస్మానియా జనరల్ హాస్పిటల్ డాక్టర్ మధుసూదన్ నేతృత్వంలోని ట్రాన్స్‌ప్లాంట్ బృందం*

*ఉస్మానియా డాక్టర్లు తెలంగాణతో పాటు, యావత్ దేశానికే గర్వకారణమైన ఘనతను సాధించారు - ఆరోగ్య శాఖ మంత్రి దామోదర్ రాజనర్సింహ*

బాపట్ల కృష్ణమోహన్, మీడియా టుడే, జులై 03:

భారత్‌లోనే తొలిసారిగా ప్రభుత్వ హాస్పిటల్‌లో ఒకే రోగికి, ఒకేసారి ఐదు అవయవాల (మల్టీ-విసెరల్) మార్పిడి శస్త్రచికిత్సను విజయవంతంగా నిర్వహించి దేశ వైద్య చరిత్రలో అరుదైన ఘనత సాధించిన ఉస్మానియా జనరల్ హాస్పిటల్ వైద్య బృందాన్ని రాష్ట్ర ఆరోగ్య శాఖ మంత్రి దామోదర్ రాజనర్సింహ శుక్రవారం డా. బి.ఆర్. అంబేద్కర్ తెలంగాణ సచివాలయంలో ఘనంగా సన్మానించారు. ఈ సందర్భంగా ట్రాన్స్‌ప్లాంట్ బృందానికి శాలువా కప్పి అభినందనలు తెలియజేశారు.ఈ సందర్భంగా మంత్రి మాట్లాడుతూ, ఉస్మానియా డాక్టర్లు తెలంగాణతో పాటు, యావత్ దేశానికే గర్వకారణమైన ఘనతను సాధించారని కొనియాడారు. ప్రపంచంలోనే అత్యంత క్లిష్టమైన శస్త్రచికిత్సల్లో ఒకటిగా భావించే మల్టీ-విసెరల్ ట్రాన్స్‌ప్లాంటేషన్‌ను విజయవంతంగా నిర్వహించడం అసాధారణ విజయమన్నారు.

డాక్టర్ మధుసూదన్ నేతృత్వంలోని ట్రాన్స్‌ప్లాంట్ బృందం 36 గంటల పాటు శ్రమించి ఈ అరుదైన శస్త్రచికిత్సను విజయవంతంగా నిర్వహించడం అసాధారణ విజయమని కొనియాడారు. ఈ చారిత్రాత్మక విజయానికి కృషి చేసిన ట్రాన్స్‌ప్లాంట్ సర్జన్లు, అనస్థీషియా నిపుణులు, గ్యాస్ట్రోఎంటరాలజిస్టులు, క్రిటికల్ కేర్ వైద్యులు, నర్సింగ్ సిబ్బంది, ట్రాన్స్‌ప్లాంట్ కోఆర్డినేటర్లు, ఇతర సిబ్బంది అందరికీ మంత్రి ప్రత్యేక అభినందనలు తెలిపారు.అలాగే, అవయవదానం ద్వారా మరో ప్రాణానికి జీవం పోసిన అవయవదాత కుటుంబ సభ్యుల సేవాభావాన్ని మంత్రి ప్రత్యేకంగా అభినందిస్తూ, “అవయవదానం… మహాదానం” అనే సందేశాన్ని ప్రతి ఒక్కరూ సమాజంలో విస్తృతంగా చాటి చెప్పాలని పిలుపునిచ్చారు.ముఖ్యమంత్రి రేవంత్ రెడ్డి గారి నాయకత్వంలో ప్రభుత్వ హాస్పిటల్స్‌ను కార్పొరేట్ హాస్పిటల్స్‌కు ధీటుగా, పోటీగా వైద్య సేవలు అందించే విధంగా తీర్చిదిద్దుతున్నామని మంత్రి పేర్కొన్నారు. ఈ రెండున్నర సంవత్సరాల్లో ఆరోగ్యశాఖలో సుమారు 15 వేల పోస్టులను భర్తీ చేశామని, తాజాగా మరో 6238 పోస్టులను మంజూరు చేశామని మంత్రి గుర్తు చేశారు.పాత భవనాలు, అద్దె భవానల్లో కొనసాగుతున్న హాస్పిటల్స్, మెడికల్ కాలేజీలకు కొత్త భవానలు నిర్మిస్తున్నామని తెలిపారు. రోగ నిర్దారణ కోసం అత్యాధునిక ఎక్విప్‌మెంట్, ఆపరేషన్ థియేటర్లు అందుబాటులోకి తీసుకొస్తున్నామని తెలిపారు.ప్రభుత్వ హాస్పిటల్స్‌లోనే ప్రజలకు అన్నిరకాల మెరుగైన వైద్య సేవలు అందించాలన్న ప్రభుత్వ లక్ష్యానికి అనుగుణంగా  డాక్టర్లు, వైద్య సిబ్బంది అంకితభావంతో పనిచేస్తూ జాతీయ స్థాయిలో తెలంగాణకు గుర్తింపు తీసుకొస్తున్నారని మంత్రి ప్రశంసించారు.

_భూ అక్రమణదారులకు అండ... సామాన్య రైతులకు చుక్కలు చూపుతున్నారనే ఆరోపణలు_

*శాలి గౌరారం తహసీల్దార్ కార్యాలయంలో అవినీతి రాజ్యమేలుతోందా?*

*భూ అక్రమణదారులకు అండ... సామాన్య రైతులకు చుక్కలు చూపుతున్నారనే ఆరోపణలు*

*లంచం ఇస్తేనే ఫైల్ కదులుతుందా?... జిల్లా కలెక్టర్, ఆర్డీవో ఆదేశాలకూ విలువ లేదా?*

బాపట్ల కృష్ణమోహన్, మీడియా టుడే, జులై 02:

నల్లగొండ జిల్లా శాలి గౌరారం తహసీల్దార్ కార్యాలయం ప్రస్తుతం అవినీతి, అక్రమాలు, లంచాల ఆరోపణలకు కేంద్రబిందువుగా మారిందని మండల వ్యాప్తంగా ప్రజలు, రైతులు తీవ్ర ఆవేదన వ్యక్తం చేస్తున్నారు. ప్రజలకు న్యాయం చేయాల్సిన రెవెన్యూ కార్యాలయం కొందరు భూ అక్రమణదారులకు రక్షణ కవచంగా మారిందనే ఆరోపణలు వెల్లువెత్తుతున్నాయి. మండల వ్యాప్తంగా ఉన్న అన్ని గ్రామాలలో ప్రభుత్వ భూములు భూ ఆక్రమణ దారుల చేతుల్లో ఉన్నా వారివద్ద ముడుపులు తీసుకొని చూసిచూడనట్లు వ్యవహారిస్తున్నారు.గతంలో అవినీతి ఆరోపణలు ఎదుర్కొని బదిలీపై వెళ్లిన ఎమ్మార్వో అనంతరం.. తహసీల్దార్ కార్యాలయంలో.. ఓ ముఖ్య అధికారి భూ వివాదాల్లో ఏకపక్షంగా వ్యవహరిస్తూ, నిజమైన రైతుల కంటే అక్రమ పట్టాదారులకే ప్రాధాన్యం ఇస్తున్నారనే విమర్శలు వినిపిస్తున్నాయి.మండలంలోని అనేక గ్రామాల్లో వాస్తవంగా భూమిని సాగు చేస్తున్న రైతుల పేర్లు రికార్డుల్లో లేకపోగా, భూమి కబ్జాలో లేని కొందరి పేర్లపై పట్టాలు కొనసాగుతున్నాయని బాధితులు ఆరోపిస్తున్నారు. ఈ విషయంపై ఎన్నిసార్లు ఫిర్యాదులు చేసినా పరిష్కారం చూపకుండా కాలయాపన చేస్తున్నారని వారు చెబుతున్నారు.

*"లంచం ఇస్తేనే పని... లేకపోతే నెలల తరబడి కార్యాలయం చుట్టూ తిరగాల్సిందే"* అనే పరిస్థితి నెలకొన్నదని పలువురు రైతులు ఆవేదన వ్యక్తం చేస్తున్నారు. అక్రమ పట్టాలు కలిగిన వారి వద్ద భారీ మొత్తంలో లంచాలు తీసుకుని, నిజమైన భూ హక్కుదారుల వద్ద పదిగుంటల భూమి కి పదిలక్షల రూపాయలు లంచం డిమాండ్ చేస్తూ రైతులను నిర్లక్ష్యం చేస్తున్నారనే ఆరోపణలు వినిపిస్తున్నాయి.జిల్లా కలెక్టర్ కార్యాలయం, ఆర్డీవో కార్యాలయం నుంచి వచ్చిన ఆదేశాలు, సూచనలను సైతం పట్టించుకోకుండా తన ఇష్టానుసారంగా వ్యవహరిస్తున్నారనే విమర్శలు వ్యక్తమవుతున్నాయి. ప్రస్తుతం విధుల్లో ఉన్న ఎమ్మార్వోపై కూడా ప్రభావం చూపుతూ, కార్యాలయంలో తాను చెప్పిందే తుది నిర్ణయంగా అమలు అవుతోందనే వాదనలు ప్రజల్లో వినిపిస్తున్నాయి.ఈ పరిస్థితులతో మండల వ్యాప్తంగా రైతులు, బాధితులు తీవ్ర ఆందోళనకు గురవుతున్నారు. ఎక్కడ ఫిర్యాదు చేసినా స్పందన లేక న్యాయం కోసం కార్యాలయాల చుట్టూ తిరుగుతున్నామని వారు ఆవేదన వ్యక్తం చేస్తున్నారు.

*మండల ప్రజల డిమాండ్లు:*

- శాలి గౌరారం తహసీల్దార్ కార్యాలయంలో జరుగుతున్నట్లు ఆరోపణలు ఉన్న అవినీతి వ్యవహారాలపై జిల్లా స్థాయి ప్రత్యేక విచారణ చేపట్టాలి.

- మండలంలోని అన్ని గ్రామాల భూ రికార్డులు, పట్టాలపై సమగ్ర పరిశీలన నిర్వహించాలి.

- అక్రమ పట్టాలు, భూ అక్రమాలకు బాధ్యులైన వారిపై చట్టపరమైన చర్యలు తీసుకోవాలి.

- నిజమైన భూమి హక్కుదారులకు వెంటనే న్యాయం చేయాలి.

- రెవెన్యూ కార్యాలయంలో పారదర్శక పరిపాలనను అమలు చేసి రైతుల విశ్వాసాన్ని పునరుద్ధరించాలి.

శాలి గౌరారం రెవెన్యూ కార్యాలయంపై వస్తున్న ఈ ఆరోపణల నేపథ్యంలో జిల్లా కలెక్టర్ వెంటనే స్పందించి స్వతంత్ర విచారణకు ఆదేశించి, వాస్తవాలను వెలికితీసి బాధ్యులపై కఠిన చర్యలు తీసుకోవాలని మండల ప్రజలు, రైతులు డిమాండ్ చేస్తున్నారు.

_నిల్వ ఉంచిన ఆహార పదార్థాల వల్ల తీవ్ర ఆరోగ్య సమస్యలు_

*కుళ్లిన చేపలు, రొయ్యల అక్రమ నిల్వ: నలుగురు నిందితుల అరెస్ట్*

*నిల్వ ఉంచిన ఆహార పదార్థాల వల్ల తీవ్ర ఆరోగ్య సమస్యలు*

*అడిషనల్ డిప్యూటీ కమిషనర్ ఆఫ్ పోలీస్ కార్యాలయం, కమిషనర్స్ టాస్క్‌ఫోర్స్, హైదరాబాద్ సిటీ*

బాపట్ల కృష్ణమోహన్, మీడియా టుడే, జులై 02:

కుళ్లిన చేపలు, రొయ్యల అక్రమ నిల్వ: నలుగురు నిందితుల అరెస్ట్. మంగళహాట్ పరిధిలో టాస్క్‌ఫోర్స్, స్థానిక పోలీసుల సంయుక్త దాడులు రూ. 90 వేల విలువైన నిల్వలు, సోడియం బైకార్బోనేట్ పౌడర్ స్వాధీనం. ప్రజల ఆరోగ్యానికి హాని కలిగిస్తూ, కుళ్లిన చేపలు మరియు రొయ్యలను రసాయనాలతో నిల్వ ఉంచి విక్రయిస్తున్న ఒక ముఠాను కమిషనర్స్ టాస్క్‌ఫోర్స్ గోల్కొండ బృందం, మంగళహాట్ పోలీసులతో కలిసి మంగళవారం రట్టు చేసింది. మంగళహాట్ పరిధిలోని మాచిపురా బైఠక్ వద్ద గల "తార ఫిషరీస్" దుకాణంపై నిర్వహించిన ఈ ఆకస్మిక దాడుల్లో నలుగురు నిందితులను పోలీసులు అదుపులోకి తీసుకున్నారు.ఈ కేసులో అరెస్టయిన నిందితులను శంకర్ సింగ్ (24, దుకాణ యజమాని), మాన్ సింగ్ (32, మార్కెటింగ్ సహాయకుడు), గులాబ్ సింగ్ (36, కార్మికుడు), రోహిత్ సింగ్ (31, దుకాణాన్ని అద్దెకు ఇచ్చిన వ్యక్తి)గా గుర్తించారు. నిందితుల నుంచి సుమారు రూ. 90,000 విలువైన 100 కిలోల పాడైపోయిన రొయ్యలు, 162 కిలోల వివిధ రకాల చేపలు (సాల్మన్, మారుల్), 6 బస్తాల ఉప్పు మరియు 10 కిలోల సోడియం బైకార్బోనేట్ పౌడర్‌ను పోలీసులు స్వాధీనం చేసుకున్నారు.కేసు వివరాల ప్రకారం, ప్రధాన నిందితుడు శంకర్ సింగ్ బేగంబజార్ మార్కెట్ నుండి తక్కువ ధరకే చేపలు, రొయ్యలను కొనుగోలు చేసేవాడు. జనావాసాల మధ్య ఉన్న తన దుకాణంలో ఏమాత్రం పరిశుభ్రత లేకుండా, కుళ్లిపోకుండా ఉండేందుకు మరియు దుర్వాసన రాకుండా నిరోధించడానికి సోడియం పౌడర్‌ను ఉపయోగించేవాడు. వీటిని ప్లాస్టిక్ టబ్బులు, డీప్ ఫ్రీజర్లలో నిల్వ ఉంచి, తాజా చేపలుగా భ్రమింపజేస్తూ శుభకార్యాలకు, ఈవెంట్లకు మరియు హోటళ్లకు సరఫరా చేస్తూ ప్రజల ప్రాణాలను ప్రమాదంలోకి నెట్టి లాభాలు గడిస్తున్నట్లు దర్యాప్తులో తేలింది. ఇలాంటి నిల్వ ఉంచిన ఆహార పదార్థాల వల్ల తీవ్ర ఆరోగ్య సమస్యలు తలెత్తుతాయని అధికారులు హెచ్చరించారు. పక్కా సమాచారంతో పోలీసులు ఈ సంయుక్త దాడి నిర్వహించి నిందితులను పట్టుకున్నారు.ఈ ఆపరేషన్ హైదరాబాద్ సిటీ కమిషనర్స్ టాస్క్‌ఫోర్స్ అడిషనల్ డీసీపీ అందె శ్రీనివాసరావు పర్యవేక్షణలో, గోల్కొండ జోన్ టాస్క్‌ఫోర్స్ ఇన్‌స్పెక్టర్ ఆర్. వెంకటేష్, మంగళహాట్ ఇన్‌స్పెక్టర్ ఎస్. రాఘవేంద్ర, సబ్-ఇన్‌స్పెక్టర్లు కె. వెంకటరమణ, ఎన్. నవీన్, ఆంజనేయులు మరియు సిబ్బంది ఆధ్వర్యంలో విజయవంతంగా నిర్వహించబడింది.

_బాలకార్మికులు లేని సమాజం కోసం మనవంతు కృషి చేద్దాం_

*ఆపరేషన్ ముస్కాన్*

*బాలకార్మికులు లేని సమాజం కోసం మనవంతు కృషి చేద్దాం*

*అనురాధ రావు అధ్యక్షురాలు - బాలల హక్కుల సంఘం*

బాపట్ల కృష్ణమోహన్, మీడియా టుడే, జులై 02:

July 1st నుండి 31 వరకు దేశ వ్యాప్తంగా Operation Muskan నిర్వహిస్తారు.ఇది ప్రత్యేక లక్ష్యంతో నిర్వహించే కార్యక్రమం, తప్పిపోయిన పిల్లలను గుర్తించడం,వీరిని రక్షించి వారి కుటుంబాలకు చేర్చడం, బాలల అక్రమరవాణా, బాల కార్మికులుగా మగ్గుతున్న చిన్నారులను, బిచ్చగాళ్ల ముఠాల్లో చిక్కుకున్న చిన్నారులను,వీధి బాలలను, భిక్షాటనం చేస్తున్న చిన్నారులను రెస్క్యూ చేయడం అని అనురాధ రావు - బాలల హక్కుల సంఘం అధ్యక్షురాలు అన్నారు.NCRB నివేదికల ప్రకారం భారత దేశం లో ప్రతి సంవత్సరం పదివేల పిల్లలు కనిపించకుండా పోతున్నారు, కొందరు దొరికినా, కొంతమంది పిల్లలు కనిపించడం లేదు. ప్రతి చిన్నారి వెనుక ఆ కుటుంబం ఆందోళన, బాధ, భయం ఉంటాయి. ఈ చిన్నారుల భవిష్యత్తు అంధకారం. తప్పిపోయిన చిన్నారులు - బాల కార్మికులుగా, అక్రమ రవాణా ముఠాల చేతుల్లో కొందరు, కొందరు రైల్వే స్టేషన్లో, బస్ స్టేషన్లో,వీధుల్లో భిక్షాటనం చేస్తూ, కొందరు చిన్నారులు ప్రమాదకర పరిస్థితుల్లో జివీస్తుంటారు. ఇది కేవలం ఒక పోలీస్ డ్రైవ్ కాదు, పిల్లల భద్రత కోసం దేశవ్యాప్తంగా జరిగే రక్షణ కార్యక్రమం. రక్షించిన చిన్నారులను child welfare committee ద్వారా పునరావాసం కల్పిస్తారు.

2025 సంవత్సరం ఆపరేషన్ ముస్కాన్లో 7678 చిన్నారులను రెస్క్యూ చేశారు.ఎక్కువగా రైల్వే స్టేషన్లో, బస్ స్టేషన్లో,ఇటుక బట్టీల వద్ద, మెకానిక్ షాపుల్లో, నిర్మాణ సంస్థ వద్ద, టీ స్టాల్స్ మరియు రిలిజియస్ ప్లేసులో రెస్క్యూ చేశారు.6718 మంది చిన్నారులు బాలకార్మికులు,357 మంది చిన్నారులు వీధి బాలలు,42 మంది చిన్నారులు భిక్షాటనం చేస్తూన్న వారు.తెలంగాణకు చెందిన చిన్నారులు 3891, ఇతర 12 రాష్ట్రాలకు చెందిన పిల్లలు,నెపాల్ నుంచి వచ్చిన పిల్లలు కూడా ఉన్నారు.

1713 ఎఫ్ ఐ ఆర్ నమోదు చేశారు,1718 మంది ఎంప్లాయర్స్/ట్రాఫికర్స్ పై కేసులు నమోదు చేశారు.మరి ఈ సంవత్సరం ఎంత మంది చిన్నారులు ఉన్నారో?

*తల్లితండ్రలకు సూచనలు ఇస్తున్నది బాలల హక్కుల సంఘం.*

1) పిల్లలకు మీ పోన్ నంబర్ గుర్తుండేలా నేర్పించండి.

2) పిల్లలను వంటరిగా వదలి పెట్టకండి.

3) జన సమూహ ప్రాంతాల్లో పిల్లలను ఒంటరిగా వదలకండి.

4 ) ఆరు బయట ఆడుతున్నారని, మీ పనుల్లో నిమగ్నం కావద్దు. వారిపై మీ దృష్టి ఉంచాలి.

5) పిల్లలు కనిపించక పోతే మీ సమీప పోలీస్ స్టేషన్ లో ఫిర్యాదు చేయండి, 24 గం॥ లు వేచి చూడాల్సిన పని లేదు, 

అప్రమత్తంగా ఉండాలి.

6) child line అందు బాటులో ఉంటుంది,ఎక్కడైన పిల్లలు బిక్షాటన చేస్తున్న, బాల కార్మికులుగా కనిపించిన వెంటనే 1098 కాల్ చేయండి లేదా దగ్గర్లోని పోలీస్ స్టేషన్లో చెప్పండి.

7) రెగ్యులర్ తనీఖీలు నిర్వహిస్తే సమస్య చాల వరకు తగ్గుతుంది . ఎక్కువగా పిల్లలు ఎక్కడ పని చేస్తుంటారో,ఆ స్థావరాలు, ఆ సంస్థ వివరాలు ప్రభుత్వం వద్ద ఉంటాయి,అంటే ఇటుక బట్టీలు, కావచ్చు, construction కంపెనీలు, గాజుల ఫ్యాక్టరీలు, ఇతర ప్యాక్టరీలు. వీటిపై రెగ్యులర్గా ఆకస్మిక తనిఖీలు నిర్వహించాలి, ట్రాఫికింగ్ ముఠాలను అదుపులోకి తీసుకోవాలి, బల్క్ బుకింగ్ చేస్తూన్న రైల్వే స్టేషన్లో,బస్ స్టేషన్లో సంబంధిత అధికారులను అప్రమత్తం చేయాలి. బాల కార్మికులను ఇతర రాష్ట్రాల నుండి తీసుకురావడానికి ఎక్కువగా రైల్వే ట్రాన్స్పోర్ట్ ఉపయోగిస్తారు. చెక్ పొస్ట్ల వద్ద తనిఖీలు నిర్వహించాలి.చిన్నారులను కాపాడడం సమాజం లో ఉన్న అందరి బాధ్యత. ప్రజల్లో అవగాహన కల్పించడానికి ప్రభుత్వం ఇంకా ముమ్మరం చేయాలి. ఇదొక మొక్కుబడి కార్యక్రమం కాకుండ బాలకార్మికులు లేని సమాజం కోసం మనవంతు కృషి చేద్దాం.

_తెలంగాణ అవినీతి నిరోధక శాఖ (ACB)కి ఒక వినయపూర్వక విజ్ఞప్తి_

*తెలంగాణ అవినీతి నిరోధక శాఖ (ACB)కి ఒక వినయపూర్వక విజ్ఞప్తి*

*వి. రవికృష్ణ - సామాజిక కార్యకర్త, న్యాయవాది*

బాపట్ల కృష్ణమోహన్, మీడియా టుడే, జులై 02:

ఇటీవల తెలంగాణ ACB వరుసగా ఆదాయానికి మించిన ఆస్తుల (Disproportionate Assets) కేసులు నమోదు చేస్తూ, భారీ మొత్తంలో నగదు, బంగారం, వజ్రాలు, భూములు, ఫ్లాట్లు, వాహనాలు తదితర ఆస్తులను గుర్తిస్తోంది. శామీర్‌పేట్ తహసీల్దార్ కేసుతో పాటు తాజాగా మరికొన్ని DA కేసులపై కూడా దర్యాప్తు కొనసాగుతోంది.అయితే, ఆస్తులు బయటపడ్డాయనే దానితోనే దర్యాప్తు ముగియకూడదు.

*ప్రధానంగా ఈ ప్రశ్నలకు సమాధానం కనుగొనాలి:*

1. ఈ అక్రమ సంపదకు మూలం ఏమిటి?

2. లంచాలు ఇచ్చిన వ్యక్తులు, రియల్ ఎస్టేట్ వ్యాపారులు, కాంట్రాక్టర్లు, మధ్యవర్తులు ఎవరు?

3. ప్రభుత్వ అనుమతులు, భూ వ్యవహారాలు లేదా ఇతర అధికారిక నిర్ణయాల ద్వారా ఎవరు అక్రమ లాభాలు పొందారు?

4. బినామీ పేర్లలో ఆస్తులు కొనుగోలు చేశారా? అయితే ఆ బినామీలు ఎవరు?

లంచం తీసుకున్న అధికారిపై మాత్రమే చర్యలు తీసుకుంటే అవినీతి వ్యవస్థ పూర్తిగా నిర్మూలించబడదు. లంచం ఇచ్చినవారు, అక్రమ డబ్బు సమకూర్చినవారు, బినామీలు, సహకరించిన వారిని కూడా చట్టం ముందు నిలబెట్టినప్పుడే అవినీతికి అడ్డుకట్ట పడుతుంది.అందువల్ల ప్రతి DA కేసులో "Follow the Money Trail" సూత్రాన్ని అనుసరిస్తూ అక్రమ ఆదాయం ఎక్కడి నుంచి వచ్చిందో, ఎవరి నుంచి వచ్చిందో, ఎవరెవరు లబ్ధి పొందారో సమగ్రంగా దర్యాప్తు చేసి, అందరిపైనా చట్టప్రకారం చర్యలు తీసుకోవాలని తెలంగాణ ACBను వినయపూర్వకంగా కోరుతున్నాను.

అవినీతి నిర్మూలన అంటే కేవలం అక్రమ ఆస్తులను స్వాధీనం చేసుకోవడం కాదు... ఆ అక్రమ సంపద వెనుక ఉన్న మొత్తం అవినీతి నెట్‌వర్క్‌ను బయటపెట్టడం.

రోహింగ్యాలకు అక్రమంగా సదుపాయాలు కల్పిస్తుంది ఎవరు ??