పేదల కన్నీటికి విలువ కట్టలేం.. ఏడాదిలోపే ఇందిరమ్మ ఇళ్ల తాళాలు అందిస్తాం_

*పేదల కన్నీటికి విలువ కట్టలేం.. ఏడాదిలోపే ఇందిరమ్మ ఇళ్ల తాళాలు అందిస్తాం*

*పేదవాడి సొంతింటి కలను సాకారం చేయడమే ప్రజా ప్రభుత్వ లక్ష్యం*

*రాష్ట్ర రెవెన్యూ, హౌసింగ్‌, స‌మాచార పౌర‌సంబంధాల శాఖ మంత్రి పొంగులేటి శ్రీ‌నివాస‌రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 29:

ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం పేదవాడి కష్టం తెలిసిన ఇందిరమ్మ ప్రభుత్వమని, పేద కుటుంబాలకు సొంతింటి కలను సాకారం చేయాలన్న సంకల్పంతో ఇందిరమ్మ ఇళ్ల నిర్మాణాన్ని ప్రతిష్టాత్మకంగా చేపట్టామని రాష్ట్ర రెవెన్యూ, హౌసింగ్‌, స‌మాచార పౌర‌సంబంధాల శాఖ మంత్రి పొంగులేటి శ్రీ‌నివాస‌రెడ్డి అన్నారు.పేదవాడు తన జీవితకాలంలో ఒక్కసారైనా సొంత ఇంటిని చూసుకోవాలన్న ఆకాంక్షను నెరవేర్చడమే ప్రభుత్వ లక్ష్యమని చెప్పారు. క్యూఆర్/కోర్ ప్రాంతంలో ప్రభుత్వానికి చెందిన వివిధ శాఖల భూములను గుర్తించి, వాటిని హౌసింగ్ శాఖకు బదలాయించి పేదల కోసం గ్రౌండ్ ప్లస్ టెన్ అంతస్తుల అపార్ట్‌మెంట్లు నిర్మించాలని నిర్ణయించినట్లు తెలిపారు. నాంప‌ల్లి శాస‌న‌స‌భ నియోజ‌క‌వ‌ర్గంలోని రెడ్ హిల్స్ లో మంగ‌ళ‌వారం ఇందిర‌మ్మ ట‌వ‌ర్స్ నిర్మాణానికి మంత్రి పొంగులేటి స‌హ‌చ‌ర మంత్రి అజారుద్దీన్‌, ఎంపీ అనిల్ కుమార్ యాద‌వ్‌, ఎమ్మెల్యే మాజిద్ హుస్సేన్‌తో క‌లిసి శంకుస్ధాప‌న చేశారు. ఈ సంద‌ర్భంగా ఏర్పాటైన స‌భ‌లో ఆయ‌న ముఖ్యఅతిధిగా పాల్గొని ప్ర‌సంగించారు.మ‌హాన‌గ‌రంలో ఒక్కో ఎకరం భూమి విలువ రూ.200 కోట్లు, రూ.250 కోట్లు ఉన్నా.. ఆ భూమి ద్వారా ప్రభుత్వానికి ఆదాయం సమకూర్చడం కంటే పేద కుటుంబానికి ఒక సొంత ఇల్లు ఇవ్వడమే ప్రజా ప్రభుత్వ ఉద్దేశమని స్పష్టం చేశారు. ఈరోజు పారదర్శకంగా నిర్వహించిన డ్రాలో 480 మంది లబ్ధిదారులను ఎంపిక చేశామని, మిగిలిన వారికి రెండో, మూడో, నాలుగో విడతల్లోనూ ఇళ్లు అందిస్తామని తెలిపారు. ఈ ప్రాంతంలోని మొత్తం 20 నియోజకవర్గాల్లో భూములను గుర్తించామని, సుమారు 16–17 ప్రాంతాల్లో టెండర్ ప్రక్రియ పూర్తయిందని, త్వరలోనే నిర్మాణ పనులు ప్రారంభమవుతాయని చెప్పారు.

**ఏడాదిలోపే ఇంటి తాళాలు**

ప్రస్తుతం నిర్మిస్తున్న ఒక్కో అపార్ట్‌మెంట్ విలువ సుమారు రూ.80 లక్షల నుంచి రూ.కోటి వరకు ఉంటుందని మంత్రి తెలిపారు. రెండు, మూడు సంవత్సరాల సమయం తీసుకోకుండా ఒక ఏడాదిలోపే నిర్మాణాలు పూర్తి చేసి, ఇదే వేదిక నుంచి లబ్ధిదారులకు ఇంటి తాళాలు అందిస్తానని హామీ ఇచ్చారు.గతంలో మాదిరిగా కేవలం సర్టిఫికెట్లు ఇచ్చి వదిలేయకుండా.. అవసరమైతే పిల్లల చదువులు, వివాహాలు వంటి కుటుంబ అవసరాల కోసం రుణం పొందే అవకాశం ఉండేలా ఇళ్లను రూపాయి కమిషన్ లేకుండా, రిజిస్ట్రేషన్ ఛార్జీలు లేకుండా నేరుగా లబ్ధిదారుల పేర్లపై రిజిస్ట్రేషన్ చేయించే చర్యలు తీసుకుంటామని చెప్పారు.

**డ్రైనేజీ సమస్యకు శాశ్వత పరిష్కారం**

టవర్స్‌లో నివసించే కుటుంబాలకు డ్రైనేజీ సమస్య తలెత్తకుండా చర్యలు తీసుకోవాలని అధికారులను అక్కడికక్కడే ఆదేశించారు. నిర్మాణ ప్రాంతంలోని డ్రైనేజీని మెయిన్ ట్రంక్ లైన్‌కు అనుసంధానం చేసే బాధ్యతను హౌసింగ్ శాఖ తీసుకుంటుందని తెలిపారు.ఇళ్ల నిర్మాణంలో లబ్ధిదారుల భాగస్వామ్యాన్ని కూడా నిర్ధారిస్తామని చెప్పారు. వారానికి ఒక రోజు లబ్ధిదారులకు నిర్మాణ ప్రదేశాన్ని సందర్శించే అవకాశం కల్పించి, తమ ఇల్లు నాణ్యతతో నిర్మిస్తున్నారా లేదా అన్నది స్వయంగా పరిశీలించుకునే అవకాశం ఇస్తామని మంత్రి  తెలిపారు.

**నగరానికి దూరంగా ఇళ్లు కట్టి పేదలను ఇబ్బంది పెట్టం**

గత ప్రభుత్వాలు నగరంలో పేదలు నివసించే ప్రాంతాలకు 30–40 కిలోమీటర్ల దూరంలో ఇళ్లు నిర్మించడం వల్ల జీవనోపాధి కోసం వారు తీవ్ర ఇబ్బందులు ఎదుర్కొన్నారని మంత్రి విమర్శించారు. పేదల జీవనోపాధి, పిల్లల చదువులు, కుటుంబ అవసరాలను దృష్టిలో పెట్టుకుని ఇళ్ల నిర్మాణ ప్రాంతాలను ఎంపిక చేస్తున్నామని చెప్పారు. ఇందిరమ్మ ప్రభుత్వం అంటేనే ఇందిరమ్మ ఇల్లు. ప్రతి తండాలో, ప్రతి గూడెంలో, ప్రతి డివిజన్‌లో, ప్రతి వార్డులో పేదలకు ఇళ్లు నిర్మించి చూపిస్తాం” అని మంత్రి స్పష్టం చేశారు.గత ప్రభుత్వం పదేళ్లలో చేసిన ఇళ్ల నిర్మాణం కంటే ప్రజా ప్రభుత్వం తొలి విడతలోనే రెట్టింపు ఇళ్లు నిర్మించి చూపిస్తుందని మంత్రి అన్నారు. పేదల సొంతింటి కలను ఎన్నికల హామీగా కాకుండా, ప్రభుత్వ బాధ్యతగా భావించి అమలు చేస్తున్నామని తెలిపారు.ఇప్పటికే ఎంపికైన 480 మంది లబ్ధిదారులకు మంత్రి అభినందనలు తెలియజేస్తూ, రాబోయే రోజుల్లో రెండో, మూడో, నాలుగో విడతలను ప్రారంభించి, ఎన్నికలలోపు నాలుగు విడతల ఇళ్ల నిర్మాణాన్ని పూర్తి చేసి లబ్ధిదారులకు తాళాలు అందిస్తామని హామీ ఇచ్చారు.

కార్య‌క్ర‌మంలో భాగంగా మంత్రి పొంగులేటి ల‌క్కీడ్రాలో విజేత‌లైన ల‌బ్దిదారుల‌కు ఇళ్ల నెంబ‌ర్ల కేటాయిస్తూ వారి పేర్ల‌ను ప్ర‌క‌టించారు. మంత్రి చేతుల మీదుగా  మాదేసు ల‌త అనే మ‌హిళ‌కు  డ్రాలో ఇందిర‌మ్మ ఎ ట‌వ‌ర్ లోని 801 ఇంటిని కేటాయిస్తూ ప్ర‌క‌ట‌న చేశారు.ఈ కార్య‌క్ర‌మంలో గృహ‌నిర్మాణ శాఖ ఎండీ విపి గౌత‌మ్‌,   క‌లెక్ట‌ర్ ప్రియాంక అలా త‌దిత‌రులు పాల్గొన్నారు.

ఉద్యోగులు.. క్రీడ‌లు, క‌ళ‌ల‌పై ఆస‌క్తి పెంచుకోవాలి - మంత్రి జూప‌ల్లి కృష్ణారావు_

*ఉద్యోగులు.. క్రీడ‌లు, క‌ళ‌ల‌పై ఆస‌క్తి పెంచుకోవాలి - మంత్రి జూప‌ల్లి కృష్ణారావు*

బాపట్ల కృష్ణమోహన్, మీడియా టుడే, సెప్టెంబర్ 29:

ఉద్యోగులు విధులను సమర్థంగా నిర్వర్తించడంతో పాటు క్రీడలు, కళలు, సాంస్కృతిక కార్యక్రమాలపై ఆసక్తి పెంచుకోవాలని పర్యాటక, సాంస్కృతిక శాఖ మంత్రి జూపల్లి కృష్ణారావు అన్నారు. డా. బీఆర్‌ అంబేడ్కర్‌ తెలంగాణ సచివాలయ అసోసియేషన్‌ ఆధ్వర్యంలో నిర్వహించిన సచివాలయ సాంస్కృతిక ఉత్సవానికి మంత్రి జూపల్లి కృష్ణారావు, స్పెషల్‌ సీఎస్‌ మహేష్‌ దత్‌ హెక్కా హాజరయ్యారు.ఈ సందర్భంగా మంత్రి మాట్లాడుతూ.. ఉద్యోగులు నిత్యం ఎంతో బిజీగా, పని ఒత్తిడితో విధులు నిర్వర్తిస్తుంటారని తెలిపారు. ఉద్యోగి పని సామర్థ్యంతో పాటు శారీరక, మానసిక ఆరోగ్యం కూడా ముఖ్యమన్నారు.  క్రీడ‌లు, కళలు, సాహిత్యం, సంగీతం, నృత్యం మనసుకు శారీర‌క‌, మానసిక ఉల్లాసాన్ని అందిస్తాయని మంత్రి అన్నారు. సచివాలయంలో పనిచేస్తున్న ఉద్యోగులు, సిబ్బందిలో దాగి ఉన్న కళా ప్రతిభను వెలికితీసేందుకు ఇలాంటి కార్యక్రమాలు ఎంతో దోహదపడతాయని తెలిపారు. ఉద్యోగులు కేవలం ఫైళ్లు, విధులు, బాధ్యతలకే పరిమితం కాకుండా తమలోని సృజనాత్మకతను కూడా వెలికితీయాలని సూచించారు. గెలుపు, ఓటమి కంటే కార్యక్రమాల్లో పాల్గొనడం, తమ ప్రతిభను ప్రదర్శించడం, సహోద్యోగులతో కలిసి ఆనందాన్ని పంచుకోవడం ముఖ్యమని చెప్పారు. ఉద్యోగుల్లో ఉత్సాహాన్ని పెంచేందుకు త‌ర‌చుగా సాంస్కృతిక కార్యక్రమాలు నిర్వహించుకోవాలని జూపల్లి సూచించారు. ఉద్యోగులు బాగా పనిచేస్తే దాని ప్రభావం ప్రభుత్వ పనితీరు, ప్రజలకు అందే సేవలపై ఉంటుందని అన్నారు. విధులతో పాటు ఆటలు, క్రీడలు, పాటలపై ఆసక్తి పెంచుకోవడం వల్ల ఉద్యోగుల్లో కొత్త ఉత్సాహం వస్తుందని పేర్కొన్నారు.

**ప్రాచీన సంస్కృతిని కాపాడుకోవాలి**

భారతదేశానికి ఎంతో ప్రాచీనమైన సంస్కృతి, సంప్రదాయాలు, కళలు ఉన్నాయని మంత్రి తెలిపారు. విదేశాల్లో స్థిరపడిన భారతీయులు సైతం తమ పిల్లలకు భారతీయ కళలు, సంస్కృతిని నేర్పిస్తున్నారని గుర్తుచేశారు. ఉద్యోగ బాధ్యతలను నిర్వర్తిస్తూనే మన పూర్వీకులు అందించిన కళలు, సంస్కృతి, సంప్రదాయాలను కాపాడుకోవాల్సిన బాధ్యత ప్రతి ఒక్కరిపైనా ఉందన్నారు.

**పాటలే ఉద్యమానికి స్ఫూర్తి**

ప్రత్యేక తెలంగాణ రాష్ట్ర సాధన ఉద్యమాన్ని మంత్రి గుర్తుచేసుకున్నారు. 2011లో ఎమ్మెల్యే, మంత్రి పదవులకు రాజీనామా చేసి ప్రత్యేక రాష్ట్ర సాధన కోసం పాదయాత్ర చేపట్టిన సమయంలో ఆట‌పాటలే తనకు ఎంతో స్ఫూర్తినిచ్చాయని తెలిపారు. తెలంగాణ రాష్ట్రం సిద్ధించి ప్రజలు సుఖ సంతోషాలతో జీవించాలని ఎంతో మంది ప్రాణత్యాగాలు చేశారని అన్నారు. వారి త్యాగాలను స్మరించుకుంటూ వారి అడుగుజాడల్లో నడవాలని ఆకాంక్షించారు.ఉద్యోగుల సంక్షేమానికి ప్రజా ప్రభుత్వం కట్టుబడి ఉందని మంత్రి స్పష్టం చేశారు. ఉద్యోగులు చేపట్టే సాంస్కృతిక కార్యక్రమాలకు సాంస్కృతిక శాఖ తరఫున అవసరమైన సహకారం అందిస్తామని తెలిపారు.

కార్యక్రమంలో సంగీత దర్శకుడు రాధాకృష్ణ, తెలంగాణ సచివాలయ ఎంప్లాయీస్‌ అసోసియేషన్‌ అధ్యక్షుడు గిరి శ్రీనివాస్‌రెడ్డి, ప్రధాన కార్యదర్శి జే. ప్రేమ్, ఉపాధ్యక్షుడు నవీన్‌కుమార్, కల్చరల్‌ సెక్రటరీ యామిని కనకతార తదితరులు పాల్గొన్నారు.

త‌మ్మిడికుంట‌తో పాటు సున్నం చెరువును ప‌రిశీలించిన‌ హైడ్రా క‌మిష‌న‌ర్‌_

*చెరువుల ప‌రిస‌రాల‌నూ అభివృద్ధి చేయండి*

*త‌మ్మిడికుంట‌తో పాటు సున్నం చెరువును ప‌రిశీలించిన‌ హైడ్రా క‌మిష‌న‌ర్‌*

బాపట్ల కృష్ణమోహన్, మీడియా టుడే, సెప్టెంబర్ 29:

సున్నం చెరువుతో పాటు.. త‌మ్మిడికుంట ప‌రిస‌రాల‌ను అభివృద్ధి చేయాల‌ని హైడ్రా క‌మిష‌న‌ర్ ఏవీ రంగ‌నాథ్ అధికారుల‌ను ఆదేశించారు. చెరువుల్లో పూడిక పూర్తి స్థాయిలో తొల‌గించ‌డంతో పాటు.. లోతు పెంచ‌డం ప‌ట్ల సంతృప్తి వ్య‌క్తం చేసిన హైడ్రా క‌మిష‌న‌ర్‌.. చెరువుల చెంత చేప‌ట్టాల్సిన అభివృద్ధి ప‌నుల‌పై దృష్టి సారించాల‌ని సూచించారు. చెరువుల‌ చుట్టూ బ‌ల‌మైన ఫెన్సింగ్‌, చుట్టూ పాత్‌వే, గ్రీన‌రీ పెంచే ప‌నుల‌ను మంగ‌ళ‌వారం క్షేత్ర స్థాయిలో ప‌రిశీలించారు. ద‌స‌రా పండ‌గ రోజుల్లో ఈ రెండు చెరువులను ముఖ్య‌మంత్రి రేవంత్‌రెడ్డి ప్రారంభించ‌నున్న నేప‌థ్యంలో చెరువుల అభివృద్ధిని స‌మీక్షించారు. సున్నం చెరువు ఇన్‌లెట్ కాలువ‌తో పాటు.. అక్క‌డ క‌ల్వ‌ర్టు నిర్మించి ర‌హ‌దారి నిర్మాణ ప‌నులు వెంట‌నే పూర్తి చేయాల‌ని హైడ్రా క‌మిష‌న‌ర్ అధికారుల‌ను ఆదేశించారు. గాయ‌త్రిన‌గ‌ర్‌, బోర‌బండ ప్రాంతాల నుంచి చెరువుకు వ‌చ్చే దారుల‌ను కూడా అభివృద్ధి చేయాల‌ని సూచించారు. చెరువు అభివృద్ధితో పాటు.. ప‌రిస‌రాల‌ను కూడా సుంద‌రంగా తీర్చి దిద్దాల్సిన‌వ‌స‌రం ఉంద‌న్నారు. సున్నం చెరువుకు ఆనుకుని ఉన్న ఆంజ‌నేయ గుడి అభివృద్ధిని కూడా ప‌రిశీలించారు. ఒక‌ప్ప‌టి సున్నం చెరువుకు - నేటికీ ఎంతో మార్పు క‌నిపించింద‌ని.. స్థానికులు ఈ సంద‌ర్భంగా హైడ్రా క‌మిష‌న‌ర్‌ను క‌ల‌సి అభినందించారు. పూర్తి స్థాయిలో నీరుంటే మ‌రింత న‌య‌న‌మ‌నోహ‌రంగా ఉండేద‌ని పేర్కొన్నారు. ఎన్నో ఆటంకాల‌ను, అవ‌రోధాల‌ను అధిగ‌మించి చెరువును ఇంత సుంద‌రంగా తీర్చిదిద్దిన హైడ్రాకు అభినంద‌న‌లు తెలిపారు. ఎన్ క‌న్వెన్ష‌న్‌ను తొల‌గించి త‌మ్మిడి కుంటను అభివృద్ధి చేసిన తీరును కూడా ప‌లువురు ఈ సంద‌ర్భంగా మెచ్చుకున్నారు. త్వ‌ర‌లో ప్రారంభానికి సిద్ధం చేస్తున్న ఈ రెండు చెరువుల చెంత చేప‌ట్టాల్సిన అభివృద్ధి ప‌న‌ల‌పై హైడ్రా క‌మిష‌న‌ర్ ఏవీ రంగ‌నాథ్ గారు.. సీఎంసీ క‌మిష‌న‌ర్ శ్రీ‌మ‌తి సృజ‌న స‌మీక్షించారు. సీఎంసీ కార్యాల‌యంలో జ‌రిగిన ఈ స‌మీక్ష‌లో సీఎంసీ, హైడ్రా అధికారులు కూడా  పాల్గొన్నారు.

అసోం దినపత్రిక ‘PratidinMediaNetwork’ ఆధ్వర్యంలో న్యూఢిల్లీలో నిర్వహించిన ‘TheConclave2026’ కార్యక్రమంలో ముఖ్యమంత్రి పాల్గొన్నారు_

*ఓటర్ల జాబితా సవరణ SIR ప్రక్రియలో అర్హులైన ఓటర్ల హక్కులు పరిరక్షించబడేలా చూడాలని ముఖ్యమంత్రి రేవంత్ రెడ్డి స్పష్టం చేశారు.*

*అసోం దినపత్రిక ‘PratidinMediaNetwork’ ఆధ్వర్యంలో న్యూఢిల్లీలో నిర్వహించిన ‘TheConclave2026’ కార్యక్రమంలో ముఖ్యమంత్రి  పాల్గొన్నారు.*

బాపట్ల కృష్ణమోహన్, మీడియా టుడే, సెప్టెంబర్ 28:

ప్రజాస్వామ్యంలో ఎవరు పరిపాలించాలన్నది ప్రజలే నిర్ణయిస్తారని, ఓటు హక్కు ప్రజాస్వామ్యానికి మూలస్తంభమని ముఖ్యమంత్రి రేవంత్ రెడ్డి అన్నారు.దేశంలో జనాభా పెరుగుతున్న సమయంలో ఓటర్ల సంఖ్యలో తగ్గుదల ఎలా జరుగుతుందని ప్రశ్నించారు. ఓటర్ల జాబితా నుంచి పేర్ల తొలగింపు, అర్హతల నిర్ధారణ వంటి ప్రక్రియలు స్పష్టంగా, ప్రజలకు అర్థమయ్యేలా ఉండాలన్నారు. ఓటు హక్కు విషయంలో ఎలాంటి అనుమానాలకు తావులేకుండా చర్యలు ఉండాలని పేర్కొన్నారు.అసోం దినపత్రిక ‘PratidinMediaNetwork’ ఆధ్వర్యంలో న్యూఢిల్లీలో నిర్వహించిన ‘TheConclave2026’ కార్యక్రమంలో ముఖ్యమంత్రి  పాల్గొన్నారు. ‘India’s Next Chapter’ అంశంపై జరిగిన చర్చలో దేశ భవిష్యత్ దిశ, విద్య, నైపుణ్యాభివృద్ధి, తెలంగాణ అభివృద్ధి ప్రణాళికలు, మెట్రో రైలు విస్తరణ, రీజినల్ రింగ్ రోడ్డు, నియోజకవర్గాల పునర్విభజన (డీలిమిటేషన్), ఓటర్ల జాబితా సవరణకు సంబంధించిన సర్ SIR తదితర అంశాలపై విస్తృతంగా మాట్లాడారు.దేశ అభివృద్ధిలో అన్ని రాష్ట్రాలకు సమాన అవకాశాలు కల్పించాల్సిన అవసరం ఉందని చెప్పారు. ఒక రాష్ట్రంలో ఉన్న సామర్థ్యాన్ని అక్కడి స్థానిక వనరులు, మానవ వనరులతోనే అభివృద్ధి చేసే విధంగా కేంద్రం ప్రోత్సహించాలని పేర్కొన్నారు.

తెలంగాణ కు సంబంధించిన ప్రాజెక్టులకు కేంద్రం నుంచి తగిన మద్దతు లభిస్తే రాష్ట్రం మరింత వేగంగా అభివృద్ధి చెందుతుందని అన్నారు. హైదరాబాద్ మెట్రో రైలు విస్తరణ, రీజినల్ రింగ్ రోడ్డు, జాతీయ రహదారులు వంటి కేంద్రం వద్ద సుదీర్ఘకాలంగా పెండింగ్‌లో ఉన్న కీలక ప్రాజెక్టుల విషయాన్ని ప్రస్తావించారు.

నియోజకవర్గాల డెలిమిటేషన్ అంశాన్ని ప్రస్తావిస్తూ, జనాభా నియంత్రణను విజయవంతంగా అమలు చేసిన దక్షిణాది రాష్ట్రాలకు భవిష్యత్తులో రాజకీయంగా నష్టం కలగకుండా చూడాల్సిన అవసరం ఉందన్నారు. 1976లో నియోజకవర్గాల సంఖ్యను స్థిరీకరించిన నిర్ణయం, ఆ తర్వాత జరిగిన పరిణామాలను ప్రస్తావించారు. జనాభా నియంత్రణలో ముందున్న రాష్ట్రాల ప్రాతినిధ్యం తగ్గే పరిస్థితి రాకూడదని అన్నారు.

దేశ రాజకీయాల్లో సంఖ్యాబలం కీలకమని, లోక్‌సభలో దక్షిణాది రాష్ట్రాల ప్రాతినిధ్యం తగ్గితే జాతీయ విధానాల రూపకల్పనలో దక్షిణాది రాష్ట్రాల వాదన బలహీనపడుతుందని విశ్లేషించారు.తెలంగాణను.. విద్య, నైపుణ్యాలు, పెట్టుబడులు, మౌలిక వసతుల ఆధారంగా అభివృద్ధి చేసి, దేశ ప్రగతిలో రాష్ట్రాన్ని కీలక భాగస్వామిగా నిలపాలన్నదే తమ ప్రభుత్వ లక్ష్యమని ముఖ్యమంత్రి గారు తెలిపారు. యువతకు విద్యతో పాటు అవసరమైన నైపుణ్యాలు అందించాలన్నది ప్రభుత్వ లక్ష్యమని చెప్పారు.ప్రభుత్వ పాఠశాలల్లో ఇంగ్లీష్ మీడియం, నర్సరీ విద్య వంటి అంశాలపై ప్రజల నుంచి వచ్చిన అభిప్రాయాలను పరిగణనలోకి తీసుకుని విద్యా రంగంలో సంస్కరణలకు శ్రీకారం చుట్టామని చెప్పారు. ప్రాంతీయ భాషతో పాటు ఇంగ్లీష్ భాషపై పట్టు సాధించేలా విద్యా విధానాన్ని రూపొందించాల్సిన అవసరం ఉందన్నారు.నర్సరీ నుంచి 12వ తరగతి వరకు విద్యతో పాటు భాష, కమ్యూనికేషన్ నైపుణ్యాలను పెంపొందించాల్సిన అవసరం ఉందని, ఉద్యోగావకాశాల పరంగా ఇంగ్లీష్ కీలకమైన భాషగా మారిందని పేర్కొన్నారు.

కార్మికుల స్వయం ఉపాధి, సామాజిక భద్రతను ప్రభుత్వం కాపాడాలి - మానవ హక్కుల వేదిక డిమాండ్,Human Rights Forum_

*ప్రెస్ నోట్*

*స్వచ్ఛ ఆటో, టిప్పర్ కార్మిక వ్యవస్థను ప్రైవేటు సంస్థ రాంకీకి అప్పగించవద్దు*

*కార్మికుల స్వయం ఉపాధి, సామాజిక భద్రతను ప్రభుత్వం కాపాడాలి - మానవ హక్కుల వేదిక డిమాండ్,Human Rights Forum*

బాపట్ల కృష్ణమోహన్, మీడియా టుడే, సెప్టెంబర్ 28:

హైదరాబాద్ నగరంలో ప్రజల ఇళ్ల నుంచి, దుకాణాలు, హోటళ్లు, ఇతర వాణిజ్య, సంస్థల నుంచి ప్రతిరోజూ చెత్తను సేకరించి, జీహెచ్‌ఎంసీ నిర్దేశించిన ప్రాంతాలకు తరలించే స్వచ్ఛ ఆటోలు, టిప్పర్లు, ట్రాలీల కార్మిక వ్యవస్థను ప్రైవేటు సంస్థకు అప్పగించే చర్యలను ప్రభుత్వం నిలిపివేయాలని మానవ హక్కుల వేదిక డిమాండ్ చేస్తోంది.గత రెండు దశాబ్దాలుగా హైదరాబాద్‌లో చెత్త సేకరణ, తరలింపు కోసం ఈ విధానం అమలులో ఉంది. గత ప్రభుత్వం సబ్సిడీపై దళిత, వెనుకబడిన వర్గాలకు చెందిన కార్మికులకు సుమారు 4,750 స్వచ్ఛ చెత్త తరలింపు వాహనాలను అందించింది. 

ఈరంగం లో ఉపాధికి అవకాశం ఉందని,

నిరుద్యోగులు 

గత 20 సంవత్సరాల్లో సుమారు 15,000 మంది కార్మికులు స్వంతంగా ఆటోలు, ట్రాలీలు తదితర వాహనాలను సమకూర్చుకుని చెత్త సేకరణ, తరలింపు ద్వారా స్వయం ఉపాధి పొందుతున్నారు.ఈ కార్మికులు ప్రజల ఇళ్ల నుంచి, దుకాణాలు, హోటళ్లు, ఇతర సంస్థల నుంచి చెత్తను సేకరించి, అందుకోసం కొంత తీసుకుంటూ తమ జీవనోపాధిని కొనసాగిస్తున్నారు. 

ఈ విధంగా వారు తమ స్వంత శ్రమ,ఆర్థిక వనరులు సమకూర్చుకొని,

దాదాపు 10 వేల వాహనాలను ఖరీదు చేసి,

ఒక వికేంద్రీకృత చెత్త సేకరణ, తరలింపు వ్యవస్థను ఏర్పరచుకున్నారు.ప్రస్తుతం సేకరించిన చెత్తను జీహెచ్‌ఎంసీ నిర్దేశించిన ప్రాంతాలకు తరలించిన అనంతరం, అక్కడి నుంచి *రాంకీ ఎన్విరో ఇంజనీర్స్* సంస్థకు చెందిన వాహనాల ద్వారా జవహర్‌నగర్‌లోని ప్రధాన డంపింగ్ యార్డుకు తరలిస్తున్నారు.అయితే, కాంగ్రెస్ ప్రభుత్వం ఇప్పటికే ఉన్న ఈ స్వచ్ఛ ఆటో, టిప్పర్ కార్మిక స్వయం ఉపాధి వ్యవస్థను, అందులో ఆధారపడి జీవిస్తున్న వేలాది మంది కార్మికులతో సహా, ఒక ప్రైవేటు సంస్థకు అప్పగించే ప్రయత్నం చేస్తు oదని తెలుస్తోంది. ఈ చర్య అమలైతే, తమ స్వంత శ్రమతో ఏర్పరచుకున్న స్వయం ఉపాధి అవకాశాలను కోల్పోయే ప్రమాదం కార్మికులకు ఏర్పడుతుంది. అంతేకాకుండా వారి జీవనోపాధి, సామాజిక భద్రతపై తీవ్ర ప్రభావం పడే అవకాశం ఉంది.తమను మున్సిపల్ శాఖ ఆధీనంలోనే కొనసాగించాలని, తమ ఉపాధికి భద్రత కల్పించడంతో పాటు పెన్షన్, ఆరోగ్య భద్రత, బీమా తదితర సామాజిక భద్రతా సౌకర్యాలతో కూడిన వ్యవస్థను ఏర్పాటు చేయాలని స్వచ్ఛ ఆటో, టిప్పర్ కార్మికులు కొంతకాలంగా ఆందోళన చేస్తున్నారు.ప్రజారోగ్యం, పారిశుద్ధ్యం వంటి కీలకమైన ప్రజా సేవలను నిర్వహిస్తున్న కార్మికుల జీవనోపాధిని ప్రైవేటీకరణ పేరుతో దెబ్బతీయడం చాలా అన్యాయం. ఇప్పటికే తమ స్వంత శ్రమ,స్వంత పెట్టుబడితో ఏర్పరచుకున్న ఈ కార్మికుల స్వయం ఉపాధి వ్యవస్థను మరింత బలోపేతం చేయాల్సిన బాధ్యత ప్రభుత్వంపై ఉంది. స్వచ్ఛ ఆటో, టిప్పర్, ట్రాలీ కార్మిక వ్యవస్థను రాంకీ వంటి ప్రైవేటు సంస్థకు అప్పగించవద్దని;

ఈ కార్మికులు నిర్మించుకున్న వ్యవస్థ ను, మరింత పటిష్టం చేయాలని,

వారికి ఆరోగ్య బీమా, ప్రమాద బీమా, పెన్షన్ తదితర సామాజిక భద్రతా సౌకర్యాలతో కూడిన సమగ్ర సంక్షేమ వ్యవస్థను ఏర్పాటు చేయాలని,

చెత్త సేకరణ, తరలింపు రంగంలో పనిచేస్తున్న వేలాది మంది కార్మికుల జీవనోపాధికి ప్రభుత్వం పూర్తి రక్షణ కల్పించాలని

మానవ హక్కుల వేదిక తెలంగాణ ప్రభుత్వాన్ని డిమాండ్ చేస్తుంది.

*ఎస్. జీవన్ కుమార్,ఉభయ రాష్ట్రాల సమన్వయ కమిటీ సభ్యుడు*

*డా. తిరుపతయ్య,రాష్ట్ర ప్రధాన కార్యదర్శి*

*సంజీవ్,నగర ప్రధాన కార్యదర్శి*

ప్రపంచ పర్యాటక దినోత్సవ శుభాకాంక్షలు - ముఖ్యమంత్రి రేవంత్ రెడ్డి_

*ప్రపంచ పర్యాటక దినోత్సవ శుభాకాంక్షలు - ముఖ్యమంత్రి రేవంత్ రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 27:

ప్రపంచ పర్యాటక దినోత్సవం సందర్భంగా తెలంగాణ ప్రజలకు, దేశ విదేశాల నుంచి మన రాష్ట్రాన్ని సందర్శిస్తున్న పర్యాటకులకు ముఖ్యమంత్రి ఎ. రేవంత్ రెడ్డి శుభాకాంక్షలు తెలియజేశారు.“తెలంగాణకు ఉన్న అపారమైన సహజ, సాంస్కృతిక, చారిత్రక, ఆధ్యాత్మిక సంపదను ప్రపంచ పర్యాటక పటంలో మరింత ఉన్నత స్థానంలో నిలపాలన్నది ప్రజాప్రభుత్వ సంకల్పం. చారిత్రక కట్టడాలు, దేవాలయాలు, కోటలు, జలపాతాలు, అటవీ ప్రాంతాలు, వన్యప్రాణి అభయారణ్యాలు, చెరువులు, జానపద కళలు, పండుగలు తెలంగాణ ప్రత్యేకతను చాటుతున్నాయి.

రామప్ప, వరంగల్, యాదాద్రి, భద్రాద్రి, అలంపూర్, మేడారం, హైదరాబాద్‌లోని చారిత్రక కట్టడాలు వంటి అనేక ప్రాంతాలను సమగ్రంగా అభివృద్ధి చేసి దేశ, విదేశీ పర్యాటకులను ఆకర్షించేందుకు ప్రభుత్వం కృషి చేస్తోంది.

తెలంగాణ టూరిజం పాలసీ 2025-30 ద్వారా పర్యాటక రంగంలో పెట్టుబడులకు ప్రోత్సాహం కల్పిస్తూ, కొత్త పర్యాటక ప్రాజెక్టులు, అడ్వెంచర్ టూరిజం, క్యారవాన్ పార్కులు, వే-సైడ్ అమినిటీస్, ఎకో టూరిజం తదితర రంగాల్లో ప్రైవేట్ పెట్టుబడులకు అనుకూల వాతావరణాన్ని కల్పిస్తున్నాం. ఎకో టూరిజం, టెంపుల్ టూరిజం, మెడికల్ టూరిజంతో పాటు వారసత్వ పర్యాటకానికి ప్రత్యేక ప్రాధాన్యత ఇస్తున్నాం.

పర్యాటకులకు మెరుగైన వసతులు, సౌకర్యవంతమైన ప్రయాణం, నాణ్యమైన సేవలు అందించడంతో పాటు స్థానిక యువతకు ఉపాధి అవకాశాలు కల్పించడం మా ప్రభుత్వ ప్రధాన లక్ష్యాల్లో ఒకటి. పర్యాటక రంగంలో పెట్టుబడులను ఆకర్షించి తెలంగాణను దేశంలోనే ప్రముఖ పర్యాటక గమ్యస్థానంగా తీర్చిదిద్దేందుకు ప్రభుత్వం నిరంతరం కృషి చేస్తోంది.తెలంగాణ పర్యాటక రంగ అభివృద్ధిలో స్థానిక ప్రజలు, పర్యాటక రంగ సంస్థలు, హోటళ్లు, ట్రావెల్ ఏజెన్సీలు, కళాకారులు, హస్తకళాకారులు, యువత భాగస్వామ్యం ఎంతో కీలకం. మన వారసత్వాన్ని కాపాడుకుంటూ, ప్రకృతిని పరిరక్షిస్తూ, స్థానిక సంస్కృతికి గౌరవం ఇస్తూ స్థిరమైన పర్యాటక అభివృద్ధిని సాధిద్దాం.

తెలంగాణకు వచ్చే ప్రతి పర్యాటకుడికి ఆత్మీయ స్వాగతం పలుకుతూ, మన రాష్ట్ర ప్రత్యేకతలను ప్రపంచానికి చాటుదాం. తెలంగాణను ప్రపంచ స్థాయి పర్యాటక గమ్యస్థానంగా తీర్చిదిద్దే ప్రయాణంలో ప్రతి ఒక్కరూ భాగస్వాములు కావాలని కోరుతున్నాను” అని ముఖ్యమంత్రి గారు ఒక సందేశంలో పేర్కొన్నారు.

రేబీస్ వ్యాధి ఎంత ప్రమాదకరమైనదో, ఎలా నివారించ వచ్చో ,టీకాల ప్రాధాన్యత గురించి ప్రజల్లో అనగాహన పెంపొందిచడం మన లక్ష్యం_

*ప్రపంచ రేబీస్ దినోత్సవం*

*కుక్క కాటును నిర్లక్ష్యం చేయవద్దు వెంటనే యాంటీ రేబీస్ టీకా వేయించుకోవాలి - అనురాధ రావు బాలల హక్కుల సంఘం*

బాపట్ల కృష్ణమోహన్, మీడియా టుడే, సెప్టెంబర్ 27:

2007 వ సంవత్సరం నుండి ప్రతి సంవత్సరం సెప్టెంబర్ 28న ప్రపంచం అంతట ప్రపంచ రేబీస్ దినోత్సవం జరుపుకుంటారు.రేబీస్ వ్యాధి నివారణ టీకాను కనుగొన్న శాస్త్ర వేత్త లూయిస్ పాశ్చర్ వర్ధంతిని పురస్కరించుకుని ప్రతి సoll Sep 28న ప్రపంచ రేబీస్ దినోత్సవం జరుకుంటున్నాం రేబీస్ వ్యాధి ఎంత ప్రమాదకరమైనదో, ఎలా నివారించ వచ్చో ,టీకాల ప్రాధాన్యత గురించి  ప్రజల్లో అనగాహన పెంపొందిచడం లక్ష్యం.2026 సం॥ థీం "స్ట్రాంగర్ టుగెదర్" 2030 నాటికి  కుక్కల కాటు వల్ల వచ్చె రేబోస్ వల్ల మనుషులు చనిపోకుండా పూర్తిగా నివారించడం లక్ష్యం - Zero by 2030

భారత దేశంలో ఏటా సుమారు 37 లక్షల నుండి 47 లక్షల వరకు కుక్క కాటు కేసులు నమోదు అవుతున్నాయి. 

పశుధన్ ప్రహరి నివేదికల ప్రకారం

2025-2026 సంవత్సరాల్లో 40.44 లక్షల కేసులు 2025 లో నమోదు. 2026 మొదటి ఆరు నెలల్లో 30.4 కేసులు నమోదు.తెలంగాణలో చూస్తే ప్రతిరోజు 300 కేసులు నమోదు, సంవత్సరానికి సుమారు 1.22 లక్షల కేసులు నమోదు. The lancet ప్రతికలో ప్రచురితం అయిన 5700 పైగా మానవ రేబీస్ మరణాలు అని నిర్ధారణ.తెలంగాణలో13 నుండి 20 వరకు అధికారిక మరణాలు నమోదు

మరణాలకు ప్రధాన కారణాలు -

కుక్క కరిచిన వెంటనే చాలా వరకు చిన్న గాయం అని నిరక్ష్యం చేయడం, నాటు వైద్యం చేయించుకోవడం. వ్యాక్సిన్ వేయించుకోక పోవడం,యాంటి రేబీస్ వ్యాక్సిన్ పూర్తి డోసులను తీసుకోకపోవడం. 0, 3, 7, 14 & 28వ రోజు తీసుకొవాలి. టికాకు చిన్న పిల్లలకు తొడ భాగంలో ఇవ్వాలి. నడుము మీద, సీటు భాగంలో ఇవ్వకూడదు.గాయం తీవ్రంగా ఉండి, రక్తం వస్తే టీకాతో పాటు, రేబీస్ ఇమ్యునోగ్లోబులిన్ ఇంజక్షన్ గాయం చుట్టు ఇస్తారు.కుక్క కరిచిన వెంటనే మంచినీటితో శుభ్ర పరిచి, హాస్పిటల్ తీసుకెళ్లి వైద్యం చేయించాలి, ఆలస్యం చేయకూడదు. రేబీస్ గురించి భయం కాదు, అవగాహన అవసరం.చిన్న నిరక్ష్యం ప్రమాదం కావచ్చు.ఈ విషయం తల్లిదండ్రులు అప్రమత్తంగా ఉండాలి,అవగాహనతో మెలగాలి.కుక్కల దగ్గరకు వెళ్లి ఆటలు ఆడకూడదు అని చెప్పాలి. పెంపుడు కుక్క కరిచినా,గీరిన,నిర్లక్ష్యం చేయకుండా వెంటనే డాక్టర్లను సంప్రదించాలి. పిల్లలను కాపాడడం మనందరి బాధ్యత.

ప్రభుత్వ పాఠశాలలను బలోపేతం చేయాలి - తెలంగాణ పీపుల్స్ ఫ్రంట్ TPF_

*ప్రెస్ నోట్* 

*ప్రభుత్వ పాఠశాలలను బలోపేతం చేయాలి - తెలంగాణ పీపుల్స్ ఫ్రంట్ TPF*

*ప్రైవేట్ పాఠశాలల ఫీజులకు నియంత్రణ అవసరం*

*విద్యకు బడ్జెట్‌లో 18 శాతం కేటాయించాలి*

బాపట్ల కృష్ణమోహన్, మీడియా టుడే, సెప్టెంబర్ 26: 

ప్రభుత్వ పాఠశాలలను బలోపేతం చేయడంతో పాటు ప్రైవేట్ పాఠశాలల ఫీజులను నియంత్రించాలని, విద్యారంగానికి రాష్ట్ర వార్షిక బడ్జెట్‌లో 18 శాతం నిధులు కేటాయించాలని వక్తలు డిమాండ్ చేశారు. తెలంగాణ పీపుల్స్ ఫ్రంట్ TPF ఆధ్వర్యంలో ప్రైవేట్ పాఠశాలల ఫీజుల నియంత్రణ, తెలంగాణ పబ్లిక్ స్కూల్స్ ఏర్పాటు, ప్రభుత్వ పాఠశాలల బలోపేతం తదితర అంశాలపై నల్లగొండ లో రౌండ్ టేబుల్ సమావేశం నిర్వహించారు.ఈ కార్యక్రమానికి మాజీ ఎమ్మెల్సీ నర్సిరెడ్డి సభాధ్యక్షత వహించారు. సమావేశంలో విద్యారంగంలో నెలకొన్న సమస్యలు, ప్రభుత్వ పాఠశాలల పరిస్థితి, ప్రైవేట్ పాఠశాలల్లో పెరుగుతున్న ఫీజుల భారం, విద్యకు ప్రభుత్వ బడ్జెట్‌లో తగిన ప్రాధాన్యత కల్పించాల్సిన అవసరంపై విస్తృతంగా చర్చించారు.ఈ సందర్భంగా తెలంగాణ జేఏసీ నల్లగొండ జిల్లా చైర్మన్ యంపల్ల పురుషోత్తం రెడ్డి మాట్లాడుతూ, మార్పు గురించి మాట్లాడే ముందు మార్పును మన నుంచే ప్రారంభించాల్సిన అవసరం ఉందన్నారు. తమ ఊరు ఊటుకూరులోని ప్రభుత్వ ప్రాథమిక పాఠశాలలో ప్రస్తుతం కేవలం 15 మంది విద్యార్థులు మాత్రమే ఉన్నారని, అందులో తన ఇద్దరు కుమారులు కూడా ఉన్నారని తెలిపారు.తాను తన పిల్లలను ప్రైవేట్ పాఠశాలలో చదివించే స్థోమత ఉన్నప్పటికీ, తమ గ్రామంలోని ప్రభుత్వ పాఠశాల మూతపడే పరిస్థితిని గుర్తించి, ప్రభుత్వ విద్యను కాపాడాలనే ఉద్దేశంతో తన ఇద్దరు కుమారులను ఊటుకూరు ప్రభుత్వ పాఠశాలలో చేర్పించినట్లు చెప్పారు.“ప్రభుత్వ పాఠశాలలను కాపాడాలని ఒకవైపు మాట్లాడి.. మన పిల్లలను మాత్రం ప్రైవేట్ పాఠశాలలకు పంపిస్తే మన మాటలకు, చేతలకు విలువ ఉండదు. మార్పు మన నుంచే ప్రారంభం కావాలి. మనం ఆచరించినప్పుడే సమాజం మన మాటలను విశ్వసిస్తుంది” అని పురుషోత్తం రెడ్డి పేర్కొన్నారు.

రాష్ట్రంలో మూతపడిన ప్రభుత్వ పాఠశాలలను తిరిగి తెరిపించేందుకు ప్రభుత్వం చర్యలు తీసుకోవాలని ఆయన కోరారు. 2245 పాఠశాలలు మూతపడిన అంశాన్ని ప్రభుత్వం సీరియస్‌గా పరిగణించి, వాటి పరిస్థితిపై సమగ్ర సమీక్ష నిర్వహించాలని డిమాండ్ చేశారు. ప్రతి గ్రామంలోని ప్రభుత్వ పాఠశాలను సందర్శించి సమస్యలను గుర్తించేలా తెలంగాణ పీపుల్స్ ఫ్రంట్ ఆధ్వర్యంలో కార్యాచరణ చేపట్టాలని సూచించారు.ప్రతి పల్లెలో ప్రభుత్వ పాఠశాలల పరిస్థితిని అధ్యయనం చేసి, అవసరమైన మౌలిక వసతులు, ఉపాధ్యాయుల నియామకం, నాణ్యమైన విద్య తదితర అంశాలపై ప్రజలతో కలిసి ప్రభుత్వంపై ఒత్తిడి తీసుకురావాలని ఆయన కోరారు.

*“ప్రభుత్వ బడి బతకాలి – ప్రతి పేద బిడ్డ భవిష్యత్తు వెలగాలి. ప్రైవేట్ ఫీజుల భారం తగ్గాలి – ప్రభుత్వ విద్య బలోపేతం కావాలి. మూసివేసిన బడులు తెరవాలి – ప్రతి పల్లెలో విద్య వెలగాలి” అని ఆయన అన్నారు.*

ఈ రౌండ్ టేబుల్ సమావేశంలో ప్రొఫెసర్ పద్మజా షా, టీపీఎఫ్ ఫౌండర్ ఆకునూరి మురళి, మాజీ ఐఏఎస్, ఎం.వి. రెడ్డి, మాజీ ఐఏఎస్, ఎం. చంపాలాల్, మాజీ ఐఏఎస్, సృజనా యాదవ్, ముప్పూరి కుమారన్న, నిఖిల్ విజయకృష్ణ, పాలకూరి అశోక్ కుమార్, తెలంగాణ జేఏసీ నల్లగొండ జిల్లా చైర్మన్ యంపల్ల పురుషోత్తం రెడ్డి తదితరులు పాల్గొన్నారు.

గణేష్ నిమజ్జనాన్ని పరిశీలించిన హైడ్రా కమిషనర్ ఏవీ రంగనాథ్_

*గ‌ణేష్ నిమ‌జ్జ‌నం సేవ‌ల్లో హైడ్రా*

*గణేష్ నిమజ్జనాన్ని పరిశీలించిన హైడ్రా కమిషనర్  ఏవీ రంగనాథ్*

*ప‌హారాలో 234 మంది హైడ్రా స్విమ్మ‌ర్లు*

*వీరికి తోడు 51 డీఆర్ఎఫ్ బృందాలు*

బాపట్ల కృష్ణమోహన్, మీడియా టుడే, సెప్టెంబర్ 26:

నిమజ్జన ఘాట్ వద్ద ఖైరతాబాద్ మహాగణపతికి ప్రత్యేక పూజలు చేసిన హైడ్రా కమిషనర్ ఏవీ రంగనాథ్. నిమజ్జనానికి ముందు జరిగిన ప్రత్యేక పూజల్లో పాల్గొన్న హైడ్రా కమిషనర్.హైడ్రా కమిషనర్ తో పాటు అడిషనల్ డైరెక్టర్ వర్ల పాపయ్య,RFO జయప్రకాష్, SFO చంద్రశేఖర్ బాబు కూడా ప్రత్యేక నిమజ్జన పూజల్లో పాల్గొన్నారు.NTR మార్గంలోని HYDRAA  కంట్రోల్ రూమ్ వేదిక నుంచి నిమజ్జనాన్ని పరిశీలించిన హైడ్రా కమిషనర్.హైడ్రా బోట్స్ పహారాను పరిశీలించిన హైడ్రా కమిషనర్.భక్తిశ్రద్ధలతో పూజలనంత‌రం గణనాథుడి నిమజ్జన కార్యక్రమంలో న‌గ‌ర ప్ర‌జ‌లు భక్తులు అధిక సంఖ్యలో పాల్గొన్నారు అని తెలిపారు. ఇప్ప‌టికే కొన్ని విగ్ర‌హాలు నిమ‌జ్జ‌నం పూర్తి చేయ‌గా.. శుక్ర‌వారం ప్ర‌ధాన నిమ‌జ్జ‌న ఘ‌ట్టం ప్రారంభం అయింది అని అన్నారు.ఇంకా ఈరోజు అంటే శనివారం కూడా నిమజ్జనం కొనసాగుతుంది అని తెలిపారు. భక్తుల ఆధ్యాత్మిక ఉత్సాహానికి ఎలాంటి ఇబ్బంది కలగకుండా హైడ్రా ఏర్పాట్లు చేసింది. కూక‌ట్ ప‌ల్లి ఐడీఎల్ చెరువు అభివృద్ధి ప‌నులు పూర్త‌వ్వ‌న‌ప్ప‌టికీ.. గ‌ణేష్ నిమ‌జ్జ‌నానికి ఎలాంటి ఇబ్బంది లేకుండా.. ఏకంగా 25 అడుగుల మేర చెరువును త‌వ్వి నిమ‌జ్జ‌నాలు సాఫీగా సాగేలా ఏర్పాట్లు చేసింది హైడ్రా అని తెలిపారు. ఈ ఏర్పాట్లు ఇలా ఉండ‌గా.. హుస్సేన్‌సాగ‌ర్‌తో పాటు నిమ‌జ్జ‌నం పెద్ద సంఖ్య‌లో జ‌రిగే చెరువుల‌లో హైడ్రా స్విమ్మ‌ర్ల‌ను రంగంలోకి దించింది. హుస్సేన్‌సాగ‌ర్లో మూడు షిఫ్టుల‌లో చెరి 50 మంది చొప్పున మొత్తం 150 మంది స్విమ్మ‌ర్ల‌ను అందుబాటులోకి తెచ్చింది అని అన్నారు. సైబ‌రాబాద్ మున్సిప‌ల్ కార్పొరేష‌న్ ప‌రిధిలో మ‌రో 84 మంది స్విమ్మ‌ర్ల‌ను విధుల్లో ఉంచింది. వీరికి అద‌నంగా 51 డీఆర్ ఎఫ్ బృందాలు నిమ‌గ్న‌మ‌య్యాయి.కూకట్పల్లి IDL చెరువులో గణేష్ నిమజ్జనాలను హైడ్రా కమిషనర్ ఏవీ రంగనాథ్ పరిశీలించారు. మూసపేట గణపతి ఉత్సవ కమిటీ అభ్యర్థన మేరకు నిమజ్జనానికి ముందు గణపతికి ప్రత్యేక పూజలు నిర్వహించారు.గ‌ణేష్ నిమజ్జన కార్యక్రమాలు ప్రశాంతంగా, సురక్షితంగా జరిగేలా మిగ‌తా శాఖ‌ల‌తో  క‌లిసి హైడ్రా చ‌ర్య‌లు తీసుకుంటోంద‌ని హైడ్రా క‌మిష‌న‌ర్ ఏవీ రంగ‌నాథ్  తెలిపారు.నిమజ్జనం పూర్తయ్యేవరకు అన్ని శాఖలతో హైడ్రా అధికారులు, సిబ్బంది సమన్వయంగా పని చేయాలని సూచించిన హైడ్రా కమిషనర్.

తెలంగాణ ఈగల్ EAGLE బృందానికి ఉత్తమ ANTF అవార్డు_

*ఇటీవల న్యూఢిల్లీలో జరిగిన 3వ జాతీయ యాంటీ నార్కోటిక్స్ టాస్క్ ఫోర్స్ ANTF అధిపతుల సదస్సులో ఉత్తమ ANTF అవార్డు అందుకున్న ఈగల్ EAGLE బృందాన్ని తెలంగాణ డీజీపీ శ్రీ సి.వీ. ఆనంద్, ఐపీఎస్, సన్మానించారు.*

బాపట్ల కృష్ణమోహన్, మీడియా టుడే, సెప్టెంబర్ 26:

అరెస్టులు, ఆస్తుల స్వాధీనం, అంతర్జాతీయ దర్యాప్తులు, డార్క్ వెబ్ విశ్లేషణ, భారీ మొత్తంలో మాదకద్రవ్యాల స్వాధీనం వంటి ఆరు కీలక ప్రమాణాల్లో ఈగల్ బృందం అత్యుత్తమ ప్రతిభ కనబరిచిందని తెలంగాణ డీజీపీ  సి.వీ. ఆనంద్, ఐపీఎస్ పేర్కొన్నారు.మాదకద్రవ్యాల కేసుల్లో ఈగల్ బృందం ఒక్కో కేసుకు సగటున 3.7 అరెస్టులు సాధించిందని, ఇది జాతీయ సగటు 1.3తో పోలిస్తే దాదాపు మూడు రెట్లు ఎక్కువని ఆయన వెల్లడించారు. అలాగే 500 కిలోలకు పైగా మాదకద్రవ్యాలకు సంబంధించిన 15కు పైగా కేసులు నమోదు చేసినట్లు తెలిపారు.ఇదే స్ఫూర్తితో పనితీరును కొనసాగిస్తూ, మిగిలిన విభాగాల్లోనూ మరింత మెరుగైన ఫలితాలు సాధించాలని డీజీపీ బృందాన్ని ప్రోత్సహించారు. అక్రమంగా నిర్వహిస్తున్న మాదకద్రవ్యాల తయారీ కేంద్రాలు, డార్క్ వెబ్ ఆధారిత డ్రగ్ డీల్స్‌పై నిఘాను మరింత ముమ్మరం చేస్తామని తెలిపారు.మాదకద్రవ్యాలపై పోరాటాన్ని మరింత బలోపేతం చేసేందుకు మానవ వనరులు, సాంకేతిక పరిజ్ఞానం పరంగా ఈగల్ బృందానికి పూర్తి సహకారం అందిస్తామని సి.వీ. ఆనంద్, ఐపీఎస్, హామీ ఇచ్చారు.

తెలంగాణ ప్రభుత్వం GO MS 135ను జారీ చేసి, తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో (TG-TMARS) ను ఏర్పాటు చేసింది_

*తెలంగాణ ప్రభుత్వం GO MS 135ను జారీ చేసి, తెలంగాణ ట్రాఫిక్ మేనేజ్‌మెంట్,  రోడ్ అండ్ రైల్ సేఫ్టీ బ్యూరో (TG-TMARS) ను ఏర్పాటు చేసింది*

బాపట్ల కృష్ణమోహన్, మీడియా టుడే, సెప్టెంబర్ 25:

రాష్ట్రంలో నిత్యం ఎదురవుతున్న ట్రాఫిక్ సమస్యలకు శాశ్వత పరిష్కారం చూపడంతో పాటు రోడ్డు ప్రమాదాలను అరికట్టేందుకు ముఖ్యమంత్రి రేవంత్ రెడ్డి కీలక నిర్ణయం తీసుకున్నారు.ట్రాఫిక్ నిర్వహణ అంటే కేవలం చలానాలు విధించడం, వసూలు చేయడమే కాకుండా, శాస్త్రీయ పద్ధతుల్లో ట్రాఫిక్‌ను నియంత్రించడం, అత్యవసర వైద్య సాయం అందించడమే లక్ష్యంగా 'తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో' (TG-TMARS)ను ఏర్పాటు చేశారు.'రాష్ట్ర రోడ్డు భద్రతా మండలి' పరిధిలో ఈ కొత్త వ్యవస్థ ముఖ్యమంత్రి పరిధిలో పనిచేస్తుంది. ఆ మేరకు ప్రభుత్వం ఉత్తర్వులు (జీవో 135) జారీచేసింది. ఈ ప్రత్యేక విభాగం అదనపు డీజీపీ ADGP లేదా ఐజీపీ IGP స్థాయి అధికారి నేతృత్వంలో హైదరాబాద్ కేంద్రంగా పనిచేస్తుంది. 

*ఈ బ్యూరోకి  ఏడీజీ /IG స్థాయి అధికారి డైరెక్టర్‌గా ఉంటారు, కింది విభాగాలను కలిగి ఉంటుంది:*

*(a)*: ఎన్‌ఫోర్స్‌మెంట్ మరియు అవగాహన కార్యక్రమాల ద్వారా ట్రాఫిక్ మేనేజ్మెంట్ విభాగం.

*(b)*: రోడ్డు మరియు రైలు భద్రత విభాగం.

*(c)*: పరిపాలనా విభాగం.

*(d)*: విజిలెన్స్ మరియు ప్రమాణాల విభాగం.

రాష్ట్రంలోని 32 వేల కిలోమీటర్లకు పైగా ఉన్న రహదారులు, 1.8 కోట్లకు పైగా ఉన్న వాహనాల రాకపోకలను ఈ బ్యూరో పర్యవేక్షిస్తుంది. రోడ్డు రవాణాతో పాటు మెట్రో, రైల్వే భద్రతను కూడా ఈ విభాగానికే అప్పగించారు.బాధితుల ప్రాణాలు కాపాడేందుకు ప్రతీ పోలీస్ స్టేషన్‌లో 24 గంటలూ అందుబాటులో ఉండేలా ఒక 'రోడ్ యాక్సిడెంట్ రెస్పాన్స్ ఆఫీసర్'ను నియమిస్తారు. ప్రమాదం జరిగిన వెంటనే క్షతగాత్రులను 'గోల్డెన్ అవర్'లో ఆసుపత్రికి తరలించడం వీరి బాధ్యత.అలాగే ఔటర్ రింగ్ రోడ్డు (#ORR), 50 కిలోమీటర్ల కంటే ఎక్కువ ఉన్న హైవేలపై స్పీడ్ డిటెక్టర్లు, అత్యాధునిక కెమెరాలతో కూడిన 'హైవే పెట్రోలింగ్ యూనిట్లు' ఏర్పాటు చేసి నిరంతరం పహారా ఇస్తారు. ఈ వ్యవస్థ నిర్వహణ కోసం ప్రత్యేకంగా 'ట్రాఫిక్ మేనేజ్‌మెంట్ ఫండ్'ను ఏర్పాటు చేశారు. పోలీసులకు వచ్చే ట్రాఫిక్ జరిమానాల్లో 40% మొత్తాన్ని నేరుగా ఈ నిధికే మళ్లిస్తారు. ఈ నిధులను సిబ్బంది శిక్షణ, అధునాతన సాంకేతికత, పెట్రోలింగ్ వాహనాలు మరియు రహదారుల అత్యవసర మరమ్మతుల కోసం ఉపయోగిస్తారు.రాష్ట్రవ్యాప్తంగా ట్రాఫిక్ ఎన్‌ఫోర్స్‌మెంట్, ఇంజినీరింగ్, అవగాహన కార్యక్రమాలు, అత్యవసర స్పందన వ్యవస్థలను ఒకే ప్రమాణాలతో అమలు చేయడం ఈ బ్యూరో ప్రధాన ఉద్దేశ్యం.అలాగే ప్రమాదాలు, మరణాలను తగ్గించేందుకు రాష్ట్రంలోని అన్ని జాతీయ రహదారులు, ఇతర ప్రధాన రహదారులు, ORRపై పెట్రోలింగ్ మరియు భద్రతను మరింత పెంచడం కూడా దీని లక్ష్యం.సుప్రీంకోర్టు ఆదేశాల మేరకు ట్రాఫిక్ మేనేజ్‌మెంట్ ఫండ్ ఏర్పాటు చేయబడింది. పోలీసుల ద్వారా వసూలు చేసే కాంపౌండింగ్ జరిమానాల్లో 40 శాతం ఈ నిధికి జమ చేయబడుతుంది. సంబంధిత జిల్లాలు మరియు కమిషనరేట్ల ట్రాఫిక్ విభాగాలు తమ సంబంధిత యూనిట్ అధికారుల ఆపరేషనల్ నియంత్రణలోనే కొనసాగుతాయి. అయితే రాష్ట్రవ్యాప్తంగా ఏకరీతి విధానాలు అమలయ్యేలా TG-TMARS బ్యూరో ఇచ్చే ఆదేశాలను అవి అమలు చేస్తాయి.తెలంగాణ రాష్ట్ర ప్రభుత్వం తీసుకున్న మరో ముందడుగు. ఈ అత్యంత అవసరమైన సంస్కరణను ముందుకు తీసుకెళ్లిన గౌరవ ముఖ్యమంత్రి రేవంత్ రెడ్డి కి మా కృతజ్ఞతలు అని తెలంగాణ రాష్ట్ర డీజీపీ సి.వి. ఆనంద్ ఐపీఎస్ అన్నారు. నాలుగు కమిషనరేట్ల పరిధిలోనే కాకుండా రాష్ట్రవ్యాప్తంగా ట్రాఫిక్ నిర్వహణను మరింత మెరుగుపరిచేందుకు, రోడ్డు ప్రమాదాలు మరియు మరణాలను తగ్గించేందుకు మేము కృషి చేస్తాము అని డీజీపీ తెలిపారు..

తెలంగాణలో కాంగ్రెస్ పార్టీ ఫెయిల్, రేవంత్ రెడ్డి పరిపాలన చాతగాని ముఖ్యమంత్రి - ఆమ్ ఆద్మీ పార్టీ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు_

*తెలంగాణలో కాంగ్రెస్ పార్టీ ఫెయిల్, రేవంత్ రెడ్డి  పరిపాలన చాతగాని ముఖ్యమంత్రి - ఆమ్ ఆద్మీ పార్టీ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు*

బాపట్ల కృష్ణమోహన్, మీడియా టుడే, సెప్టెంబర్ 25:

ఆదిలాబాద్ రాజీవ్ గాంధీ ఇన్‌స్టిట్యూట్ ఆఫ్ మెడికల్ సైన్సెస్ ఘటనపై ఆమ్ ఆద్మీ పార్టీ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు  ప్రధాన డిమాండ్లు.

*(1)*: RIMS అగ్ని ప్రమాదంపై సమగ్ర, స్వతంత్ర విచారణ వెంటనే జరిపించాలి.

*(2)*: ఎంతమంది శిశువులు మృతి చెందారు, ఎంతమంది గాయపడ్డారు, ఎంతమంది రక్షించబడ్డారు అనే పూర్తి వివరాలను ప్రభుత్వం వెంటనే వెల్లడించాలి.

*(3)*: నిర్లక్ష్యానికి బాధ్యులైన అధికారులను గుర్తించి, వారిపై కఠిన చర్యలు తీసుకోవాలి.

*(4)*: దాదాపు ఏడాది క్రితమే సిద్ధమైన 22 పడకల కొత్త SNCU ఎందుకు వినియోగంలోకి రాలేదో ప్రభుత్వం సమాధానం చెప్పాలి.

*(5)*: తెలంగాణలోని అన్ని ప్రభుత్వ ఆసుపత్రుల్లో తక్షణమే ఫైర్ సేఫ్టీ, విద్యుత్, AC, ఆక్సిజన్ మరియు ఎమర్జెన్సీ వ్యవస్థలపై ప్రత్యేక ఆడిట్ నిర్వహించాలి.

*(6)*: మృతి చెందిన నవజాత శిశువుల కుటుంబాలకు తగిన పరిహారం, పూర్తి ప్రభుత్వ సహాయం అందించాలి.

*(7)*: ఆరోగ్యశాఖ మంత్రి దామోదర్ రాజనర్సింహ రిమ్స్ RIMS ఘటనపై పూర్తి వివరాలతో ప్రజలకు సమాధానం చెప్పాలి.

నవజాత శిశువుల ప్రాణాలకు కూడా భద్రత కల్పించలేని పరిస్థితి ఎందుకు వచ్చింది? ఇది కేవలం రిమ్స్ RIMS సమస్య కాదు - తెలంగాణ ప్రభుత్వ ఆరోగ్య వ్యవస్థపై ఉన్న తీవ్రమైన ప్రశ్న. ప్రజల ప్రాణాలతో రాజీ పడే పరిస్థితిని ఆప్ సహించదు. మీ పార్టీ ఎమ్మెల్సీ విజయశాంతి గారు కూడా లక్షల లక్షలు దోచుకుంటున్నారు గవర్నమెంట్ హాస్పటల్ సదుపాయం బాగాలేదు అని ప్రశ్నించడం జరిగింది. మరి దామోదర్ రాజా నరసింహ గారు వైద్యశాఖ మంత్రిగా ఉండి మీరు ఏం చేస్తున్నారు అని చెప్పేసి ఆప్ ప్రశ్నిస్తుంది అని అన్నారు.

గణేశ్‌ నిమజ్జనం, శోభాయాత్ర వేళ శాంతిభద్రతలకు విఘాతం కలిగిస్తే ఏమాత్రం ఉపేక్షించేది లేదు - హైదరాబాద్ సీపీ వి.సి.సజ్జనార్ ఐపీఎస్_

*గణేశ్‌ నిమజ్జనం, శోభాయాత్ర వేళ శాంతిభద్రతలకు విఘాతం కలిగిస్తే ఏమాత్రం ఉపేక్షించేది లేదు - హైదరాబాద్ సీపీ వి.సి.సజ్జనార్  ఐపీఎస్*

బాపట్ల కృష్ణమోహన్, మీడియా టుడే, సెప్టెంబర్ 24:

సోషల్‌ మీడియాలో పాత వీడియోలు, వదంతులతో సమాజంలో చిచ్చుపెట్టాలని చూసే వారిపై మా నిఘా ఉంటుంది.అసత్య ప్రచారాలను ఎప్పటికప్పుడు ఫ్యాక్ట్‌ చెక్‌ చేసి నిజాలు నిగ్గుతేలుస్తాం.. విద్వేషాలు రెచ్చగొట్టేవారిపై చట్టపరంగా చర్యలు తీసుకుంటాం.ఉత్సవాల పేరిట అసభ్యకర పాటలు, అశ్లీల నృత్యాలతో పండుగ పవిత్రతను దెబ్బతీస్తే.. రికార్డైన దృశ్యాల ఆధారంగా తర్వాతైనా సరే కఠిన చర్యలు తప్పవు. ఈ పవిత్ర వేడుకలను భక్తిశ్రద్ధలతో, ప్రశాంత వాతావరణంలో జరుపుకోవాలని.. పుకార్లను నమ్మకుండా శాంతిభద్రతల పరిరక్షణలో పోలీసులకు సహకరించాలని నగర ప్రజలకు విజ్ఞప్తి చేస్తున్నాం.

సుప్రీంకోర్టు తీర్పు.. కాంగ్రెస్–బీఆర్ఎస్ పార్టీలకు చెంపపెట్టు - కేంద్ర మంత్రి జి. కిషన్ రెడ్డి_

*సుప్రీంకోర్టు తీర్పు.. కాంగ్రెస్–బీఆర్ఎస్ పార్టీలకు చెంపపెట్టు - కేంద్ర మంత్రి జి. కిషన్ రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 24:

పార్టీ ఫిరాయింపులకు పాల్పడి ప్రజాతీర్పును అపహాస్యం చేసిన దానం నాగేందర్ గారి అనర్హతను సమర్థిస్తూ తెలంగాణ హైకోర్టు ఇచ్చిన తీర్పును సుప్రీంకోర్టు సమర్థించడాన్ని మనస్ఫూర్తిగా స్వాగతిస్తున్నాను అని కేంద్ర బొగ్గు మరియు గనుల శాఖ మంత్రి జి. కిషన్ రెడ్డి అన్నారు.ఒక పార్టీ గుర్తుపై ప్రజల ఓట్లతో ఎమ్మెల్యేగా గెలిచి.. ఆ పదవిలో కొనసాగుతూనే మరో పార్టీ అభ్యర్థిగా లోక్‌సభ ఎన్నికల్లో పోటీ చేయడం పార్టీ ఫిరాయింపుల నిరోధక చట్టానికి విరుద్ధం అని అన్నారు.ఈ వ్యవహారంలో ప్రజాతీర్పును కాలరాయడంలో కాంగ్రెస్, బీఆర్ఎస్ పార్టీల రాజకీయాలకు సమాన బాధ్యత ఉంది. ఒకరు పార్టీ ఫిరాయింపులకు తలుపులు తెరిస్తే.. మరొకరు అదే బాటలో.. ప్రజాభీష్టాన్ని అపహాస్యం చేయడంలో మరో రెండడుగులు ముందుకేశారు అని అన్నారు. ఇప్పుడు, ఖైరతాబాద్ అసెంబ్లీకి మళ్లీ ఎన్నికలు జరగనున్నాయి. ఖైరతాబాద్ ఓటర్లు ఇప్పుడు తమ తీర్పుతో ఈ రెండు పార్టీలకు సరైన సమాధానాన్ని ఇవ్వబోతున్నారు. రానున్న ఉప ఎన్నికలో బీజేపీ గెలుపు తథ్యం.సత్యమేవ జయతే!

ముఖ్యమంత్రి హోదాలో ప్రజలను తప్పుదోవ పట్టిస్తున్న రేవంత్ రెడ్డి - మాజీ మంత్రి, ఎమ్మెల్యే జగదీష్ రెడ్డి_

*ముఖ్యమంత్రి హోదాలో ప్రజలను తప్పుదోవ పట్టిస్తున్న రేవంత్ రెడ్డి - మాజీ మంత్రి, ఎమ్మెల్యే జగదీష్ రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 24:

తెలంగాణలో గ్రేడ్ 9 G9 బొగ్గు దొరకదని నిన్న రివ్యూ మీటింగ్‌లో పచ్చి అబద్ధాలు ఆడిన సీఎం రేవంత్ రెడ్డి అని మాజీ మంత్రి, ఎమ్మెల్యే జగదీష్ రెడ్డి అన్నారు.అసలు G9 బొగ్గు లేకుండానే బీఆర్ఎస్ ప్రభుత్వం ఆ రకం బొగ్గుతో ప్లాంట్‌ను నడిపిస్తామని ఒప్పందం ఎలా చేసిందంటూ నిన్న మీడియా సాక్షిగా తప్పుడు ప్రచారం చేసిన ముఖ్యమంత్రి రేవంత్ రెడ్డి అని అన్నారు.బీఆర్ఎస్ నాయకుల పవర్ ప్లాంట్ సందర్శనలో రేవంత్ రెడ్డి చెప్పినవి పచ్చి అబద్ధాలని నిరూపించిన జెన్‌కో ఇంజనీర్లు అని అన్నారు.G9 బొగ్గు సరఫరా చేస్తామని సింగరేణి చెప్పడంతోనే ఆనాడు ఆ రకం బొగ్గుతో యాదాద్రి థర్మల్ పవర్ ప్లాంట్ నడిపేందుకు ఒప్పందం చేసుకున్నామని, వాస్తవానికి G7 నుంచి G13 వరకు టెక్నాలజీ ఉందని జగదీష్ రెడ్డికి తెలిపిన ఇంజనీర్లు.కానీ ఇప్పుడు ఉన్నపళంగా సింగరేణి G9 బొగ్గు సరఫరా చేయడం ఆపేసిందని తెలిపిన అధికారులు. దాదాపు 15 నుంచి 20 రోజుల విద్యుత్ ఉత్పత్తికి సరిపడా బొగ్గు నిల్వలు ఉంచాల్సిన నేపథ్యంలో యాదాద్రి థర్మల్ పవర్ ప్లాంట్‌లో కేవలం 4 రోజులకే బొగ్గు నిల్వలు ఉన్నాయని తెలిపిన ఇంజనీర్లు.మొత్తానికి బీఆర్ఎస్ నాయకుల పవర్ ప్లాంట్ సందర్శన కారణంగా, G9 బొగ్గుపై, బీఆర్ఎస్ పార్టీ ఒప్పందంపై తన అనుకూల మీడియాతో సీఎం రేవంత్ రెడ్డి చేయించిన దుష్ప్రచారం బట్టబయలైంది.ముఖ్యమంత్రి రేవంత్ రెడ్డి సింగరేణిలో వస్తున్న మంచి బొగ్గును ఏపీలో తన గురువు చంద్రబాబుకి, కర్ణాటకలో ఉన్న కాంగ్రెస్ ప్రభుత్వానికి పంపిస్తున్నాడు.దీని వల్లే ఇబ్బంది అయింది తప్ప వేరే ఎలాంటి కారణం లేదు అని జగదీష్ రెడ్డి అన్నారు.ఈ రాష్ట్రంలో విద్యుత్ సంక్షోభానికి కారణం ముఖ్యమంత్రి, ఉపముఖ్యమంత్రి, మంత్రులే అని అన్నారు.పూర్తి స్థాయిలో విద్యుత్ సరఫరా చేయాలని డిమాండ్ చేస్తున్నాము.. లేకుంటే ఈ కాంగ్రెస్ ప్రభుత్వాన్ని వదిలిపెట్టము అని హెచ్చరించారు.

రాష్ట్ర మహిళా కమిషన్ చైర్మన్ నేరెళ్ల శారద గారికి ఘన సన్మానం చేసిన దేవస్థానం చైర్మన్ ఇంగిలే రామారావు_

*ప్రెస్ నోట్  ఇల్లంతకుంట*

*రాష్ట్ర మహిళా కమిషన్ చైర్మన్ నేరెళ్ల శారద గారికి ఘన సన్మానం చేసిన దేవస్థానం చైర్మన్ ఇంగిలే రామారావు*

బాపట్ల కృష్ణమోహన్, మీడియా టుడే, సెప్టెంబర్ 24:

ఈరోజు హైదరాబాద్ బుద్ధ భవన్ లో రెండవసారి తెలంగాణ రాష్ట్ర మహిళా కమిషన్ చైర్మన్ గా శ్రీమతి నేరెళ్ల శారద గారు  పదవి బాధ్యతలు స్వీకరించిన సందర్భంగా, వారిని మర్యాదపూర్వకంగా కలిసి అభినందనలు తెలియజేసి శాలువాతో సన్మానం చేసి శ్రీ సీతారామచంద్రస్వామి దేవస్థానం మెమొంటో మరియు ముత్యాల తలంబ్రాలు చైర్మెన్ రామారావు అందజేయడం జరిగింది.ఈ కార్యక్రమంలో డీసీసీ కార్యదర్శి మేక మల్ల అశోక్, మడిపల్లి గ్రామ సర్పంచ్ మేకమళ్ళ తిరుమల వెంకటేష్, ఏ ఏం సి డైరెక్టర్ ఎగ్గేటి సదానందం తదితరులు పాల్గొన్నారు.

నషా ముక్త భారత్ లక్ష్య సాధనలో తెలంగాణ ఈగల్ ఫోర్స్‌కు జాతీయ స్థాయి గుర్తింపు_

*“నషా ముక్త భారత్ లక్ష్య సాధనలో తెలంగాణ ఈగల్ ఫోర్స్‌కు జాతీయ స్థాయి గుర్తింపు*

*నార్కోటిక్స్ టాస్క్ ఫోర్స్ ANTF 3వ జాతీయ సదస్సులో తెలంగాణ ఈగల్ ఫోర్స్ డైరెక్టర్ సందీప్ శాండిల్య అత్యుత్తమ అవార్డును అందుకోవడం అభినందనీయం - సీఎం రేవంత్ రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 23:

మాదకద్రవ్యాల నియంత్రణలో దేశంలోనే అత్యుత్తమ ప్రతిభ కనబరిచిన తెలంగాణ ఈగల్ ఫోర్స్‌కు ముఖ్యమంత్రి  రేవంత్ రెడ్డి అభినందనలు తెలిపారు. మాదకద్రవ్యాల విక్రయం, వినియోగాన్ని సమూలంగా నిర్మూలించాలనే లక్ష్యంతో తెలంగాణ ప్రభుత్వం చేపట్టిన చర్యలకు ఈగల్ ఫోర్స్ సాధించిన జాతీయ స్థాయి గుర్తింపు నిదర్శనమని పేర్కొన్నారు.రాష్ట్రాలు, కేంద్ర పాలిత ప్రాంతాల యాంటీ నార్కోటిక్స్ టాస్క్ ఫోర్స్ ANTF 3వ జాతీయ సదస్సులో  తెలంగాణ ఈగల్ ఫోర్స్ @EAGLE_TELANGANA డైరెక్టర్ సందీప్ శాండిల్య అత్యుత్తమ అవార్డును అందుకోవడం రాష్ట్ర పోలీసు శాఖకు, తెలంగాణ రాష్ట్రానికి గర్వకారణమని ముఖ్యమంత్రి పేర్కొన్నారు. తెలంగాణ యాంటీ నార్కోటిక్స్ టాస్క్‌ఫోర్స్ TGANB ఆధ్వర్యంలో రాష్ట్రంలో డ్రగ్స్ మరియు గంజాయి అక్రమ రవాణాను అరికట్టడానికి ఏర్పాటు చేసిన ప్రత్యేక పోలీసు విభాగమే EAGLE FORCE Telangana ఈగల్ ఫోర్స్ తెలంగాణ.మాదకద్రవ్యాల నియంత్రణలో తెలంగాణ అనుసరిస్తున్న సమర్థవంతమైన విధానాలకు ఈ జాతీయ గుర్తింపు మరింత ప్రోత్సాహాన్ని అందిస్తుందని తెలిపారు.మాదకద్రవ్యాల మహమ్మారిని అరికట్టడం కేవలం పోలీసు వ్యవస్థ బాధ్యత మాత్రమే కాదని, యువతను డ్రగ్స్ బారిన పడకుండా కాపాడటం ప్రతి కుటుంబం, ప్రతి పాఠశాల, ప్రతి సంస్థ, ప్రతి పౌరుడి సమిష్టి బాధ్యత అని ముఖ్యమంత్రి గారు పేర్కొన్నారు.యువతే రాష్ట్రానికి, దేశానికి భవిష్యత్తు అని పేర్కొంటూ, మాదకద్రవ్యాల ప్రభావం నుంచి యువతను రక్షించేందుకు తల్లిదండ్రులు, ఉపాధ్యాయులు, స్వచ్ఛంద సంస్థలు, వివిధ సంఘాలు, ఉద్యోగులు, ప్రజాప్రతినిధులు, ప్రజలు సహకరించాలని పిలుపునిచ్చారు.సమాజంలోని ప్రతి ఒక్కరూ అప్రమత్తంగా ఉండి, డ్రగ్స్‌ విక్రయం, వినియోగంపై సమాచారాన్ని సంబంధిత అధికారుల దృష్టికి తీసుకురావాలని కోరారు.

“నషా ముక్త భారత్ లక్ష్యాన్ని సాధించేందుకు తెలంగాణ నుంచి బలమైన అడుగు పడాలి. 2029 డిసెంబర్ నాటికి డ్రగ్స్ రహిత తెలంగాణను నిర్మించే దిశగా ఈగల్ ఫోర్స్ మరింత దృఢ సంకల్పంతో పనిచేయాలి” అని ముఖ్యమంత్రి ఆకాంక్షించారు.మాదకద్రవ్యాలపై పోరాటాన్ని మరింత విస్తృతం చేస్తూ, యువతను చైతన్యపరచడం, డ్రగ్స్ అక్రమ రవాణా మరియు విక్రయాలపై ఉక్కుపాదం మోపడం, మాదకద్రవ్యాల వినియోగాన్ని అరికట్టడం ద్వారా సురక్షితమైన, ఆరోగ్యకరమైన, డ్రగ్స్ రహిత తెలంగాణ నిర్మాణానికి ప్రభుత్వం కట్టుబడి ఉందని ముఖ్యమంత్రి స్పష్టం చేశారు.

హైదరాబాద్‌లో Syneos Health వారి కొత్త గ్లోబల్ లైఫ్ సైన్సెస్ అండ్ టెక్నాలజీ సెంటర్‌ను ప్రారంభించిన మంత్రి దుద్దిల్ల శ్రీధర్ బాబు_

*హైదరాబాద్‌లో Syneos Health వారి కొత్త గ్లోబల్ లైఫ్ సైన్సెస్ అండ్ టెక్నాలజీ సెంటర్‌ను ప్రారంభించిన మంత్రి దుద్దిల్ల శ్రీధర్ బాబు*

బాపట్ల కృష్ణమోహన్, మీడియా టుడే, సెప్టెంబర్ 23:

బయోఫార్మా, వ్యాక్సిన్‌లు, పరిశోధన మరియు తయారీ రంగాలలో బలమైన పునాదితో, దశాబ్దాలుగా హైదరాబాద్ లైఫ్ సైన్సెస్ ప్రస్థానం మొదలైంది అని మంత్రి దుద్దిల్ల శ్రీధర్ బాబు అన్నారు.ఇప్పుడు ఈ వ్యవస్థ అభివృద్ధి చెందుతున్న తీరు ఎంతో ఉత్సాహాన్ని కలిగిస్తోంది. ప్రపంచవ్యాప్త కంపెనీలు అధునాతన ఆర్ అండ్ డి, క్లినికల్ డెవలప్‌మెంట్, డేటా, ఏఐ మరియు టెక్నాలజీ సామర్థ్యాలను నగరానికి తీసుకురావడాన్ని మనం చూస్తున్నాము అని అన్నారు. ఆరోగ్య సంరక్షణ భవిష్యత్తును నిర్మించడానికి లైఫ్ సైన్సెస్, ఏఐ, డేటా, ఇంజనీరింగ్ మరియు అధునాతన టెక్నాలజీని ఒకచోట చేర్చడమే తదుపరి అధ్యాయం.Syneos Health వారి కొత్త 137,000 చదరపు అడుగుల కేంద్రం, ఆసియాలోనే అతిపెద్దదిగా మరియు ప్రపంచవ్యాప్తంగా మూడవ అతిపెద్దదిగా, ఈ పరిణామానికి ఒక బలమైన ఉదాహరణ.సియోస్ హెల్త్ Syneos Health అమెరికాకు చెందిన ప్రముఖ బయోఫార్మాస్యూటికల్ సొల్యూషన్స్ సంస్థ.ఇది క్లినికల్ డెవలప్‌మెంట్, బయోఫార్మాస్యూటికల్ నైపుణ్యం, ఏఐ, డేటా మరియు టెక్నాలజీని ఒకచోట చేర్చుతుంది. హైదరాబాద్‌లోని బృందాలు ప్రపంచవ్యాప్త ఔషధ అభివృద్ధికి మద్దతు ఇస్తాయి అని మంత్రి దుద్దిల్ల శ్రీధర్ బాబు అన్నారు.Syneos Health ఈ వ్యవస్థలో చేరడంతో, ప్రపంచంలోని టాప్ ఐదు CROలలో నాలుగు ఇప్పుడు నగరంలో తమ ఉనికిని కలిగి ఉన్నాయి. ఇది గ్లోబల్ క్లినికల్ రీసెర్చ్ మరియు లైఫ్ సైన్సెస్‌లో హైదరాబాద్ స్థానాన్ని మరింత బలోపేతం చేస్తుంది.AI-ఆధారిత లైఫ్ సైన్సెస్ కోసం హైదరాబాద్ ఒక గ్లోబల్ టెస్ట్‌బెడ్‌గా మారాలన్నది మా దార్శనికత. ఇక్కడ శాస్త్రవేత్తలు, సాంకేతిక నిపుణులు కలిసి పనిచేస్తారు, పరిశోధన ప్రయోగశాల నుండి పరిశ్రమకు వేగంగా చేరుకుంటుంది, మరియు గ్లోబల్ కంపెనీలు ఇక్కడి నుండి అత్యున్నత విలువ కలిగిన సామర్థ్యాలను నిర్మించుకుంటాయి అని తెలిపారు.నేను Syneos Health కు హైదరాబాద్‌కు హృదయపూర్వకంగా స్వాగతం పలుకుతున్నాను.ప్రపంచ వ్యాప్తంగా ఉన్న వినియోగదారులు మరియు రోగుల కోసం ఈ కంపెనీ ఇక్కడ ప్రత్యేక నైపుణ్యం గల ప్రతిభను, అధునాతన సామర్థ్యాలను పెంపొందించుకోవడం కొనసాగిస్తుందని ఆశిస్తున్నాను అని అన్నారు.

రిమ్స్, ఆదిలాబాద్‌లో అగ్ని ప్రమాదంలో ముగ్గురు నవజాత శిశువుల మృతిపై నివేదిక కోరిన టీజీహెచ్‌ఆర్‌సీ_

*ప్రెస్ రిలీజ్* 

 *రిమ్స్, ఆదిలాబాద్‌లో అగ్ని ప్రమాదంలో ముగ్గురు నవజాత శిశువుల మృతిపై నివేదిక కోరిన టీజీహెచ్‌ఆర్‌సీ* 

బాపట్ల కృష్ణమోహన్,మీడియా టుడే,సెప్టెంబర్ 23:

తెలంగాణ మానవ హక్కుల కమిషన్ TGHRC గౌరవ చైర్‌పర్సన్ డా. జస్టిస్ షమీమ్ అక్తర్ నేతృత్వంలో, 2026 సెప్టెంబర్ 21వ తేదీ అర్ధరాత్రి సమయంలో ఆదిలాబాద్‌లోని రాజీవ్ గాంధీ ఇన్‌స్టిట్యూట్ ఆఫ్ మెడికల్ సైన్సెస్ రిమ్స్ RIMSలోని **స్పెషల్ న్యూబార్న్ కేర్ యూనిట్ SNCU**లో సంభవించిన విషాదకర అగ్ని ప్రమాదానికి సంబంధించి పలు పత్రికల్లో ప్రచురితమైన వార్తలపై కమిషన్ సుమోటోగా స్వీకరించింది.ఈ ఘటనపై 

*(1)*: డెక్కన్ క్రోనికల్ లో “3 infants die of smoke after AC fire in RIMS baby unit”; 

*(2)*: ది హిందూ లో “3 infants killed in fire accident at RIMS Adilabad: 25 rescued”; 

*(3)*: ది టైమ్స్ అఫ్ ఇండియా లో “3 preterm infants die after blaze at RIMS in Adilabad”; 

*(4)*: మన తెలంగాణ లో “రిమ్స్ లో అగ్ని ప్రమాదం”; 

*(5)*: దిశ లో “ముగ్గురు నవజాత శిశువులు మృతి”; 

*(6)*: నవ తెలంగాణ లో “ఆదిలాబాద్ రిమ్స్ అగ్ని ప్రమాదం”; 

*(7)*: సాక్షి లో “ఊపిరాడలె.. ప్రాణాలు నిలవలె”; 

*(8)*: నమస్తే తెలంగాణ లో “అంతులేని విషాదం. ఆదిలాబాద్ రిమ్స్‌లో షార్ట్ సర్క్యూట్.. ముగ్గురు పిల్లల దుర్మరణం”;

*(9)*: ఈనాడు లో “చికిత్సకు వస్తే ప్రాణాలే పోయాయి” అనే శీర్షికలతో వచ్చిన వార్తలను కమిషన్ పరిగణనలోకి తీసుకుంది.వార్తా కథనాల ప్రకారం, ఎయిర్ కండిషనింగ్ యూనిట్‌కు సంబంధించిన విద్యుత్ షార్ట్ సర్క్యూట్ కారణంగా అగ్ని ప్రమాదం సంభవించి, SNCUలో దట్టమైన పొగ వ్యాపించింది. ఆ సమయంలో సుమారు 27 మంది నవజాత మరియు ముందస్తుగా జన్మించిన శిశువులు చికిత్స పొందుతున్నట్లు వార్తలు పేర్కొన్నాయి. ఈ ఘటన అనంతరం ముగ్గురు నవజాత శిశువులు మృతి చెందగా, పలువురు శిశువులు పొగ మరియు శ్వాస సంబంధిత ఇబ్బందులకు గురైనట్లు, వారిని ఇతర వార్డులకు మరియు సమీపంలోని ఆసుపత్రులకు తరలించి చికిత్స అందించినట్లు వార్తా కథనాలు పేర్కొన్నాయి.

అదేవిధంగా, SNCUలోని ఎయిర్ కండిషనింగ్ మరియు విద్యుత్ వ్యవస్థల నిర్వహణ, ఫైర్ అలారాలు, అగ్నిమాపక పరికరాలు, అత్యవసర తరలింపు ఏర్పాట్లు మరియు ఇతర అగ్ని భద్రతా చర్యలపై కూడా వార్తా కథనాల్లో ఆందోళనలు వ్యక్తమయ్యాయి. అగ్ని భద్రతా సన్నద్ధత మరియు విద్యుత్ వ్యవస్థ నిర్వహణలో లోపాలు ఉన్నట్లు కొన్ని వార్తా కథనాలు పేర్కొన్నాయి.ఈ నేపథ్యంలో, అగ్ని ప్రమాదానికి దారితీసిన వాస్తవ పరిస్థితులు, శిశువుల మృతికి దారితీసిన కారణాలు, SNCUలో భద్రత మరియు నిర్వహణ ఏర్పాట్లు, ప్రమాద సమయంలో చేపట్టిన రక్షణ మరియు వైద్య చర్యలు, అలాగే ఈ ఘటనపై నిర్వహించిన విచారణకు సంబంధించిన అంశాలను నిర్ధారించుకోవడం అవసరమని కమిషన్ భావించింది.అందువల్ల, ఘటనకు సంబంధించిన సమగ్ర నివేదికను తెలంగాణ రాష్ట్ర ఆరోగ్య, వైద్య మరియు కుటుంబ సంక్షేమ శాఖ ముఖ్య కార్యదర్శి ప్రిన్సిపల్ సెక్రటరీ నుండి సమర్పించాల్సిందిగా కమిషన్ ఆదేశించింది. అగ్ని ప్రమాదానికి దారితీసిన పరిస్థితులు, SNCUలో భద్రత మరియు నిర్వహణ ఏర్పాట్లు, ప్రభావిత శిశువుల రక్షణ మరియు చికిత్సకు తీసుకున్న చర్యలు, అలాగే ఘటనపై నిర్వహించిన విచారణలో వెలువడిన అంశాలను నివేదికలో పొందుపరచాలని కోరింది.ఈ వ్యవహారాన్ని తదుపరి పరిశీలన నిమిత్తం 27.10.2026కు వాయిదా వేసింది.

పిల్లల రక్షణ సమాజంలో ఉన్న ప్రతి ఒక్కరి బాధ్యత - అనూరాధ రావు,బాలల హక్కుల సంఘం_

*డిల్లిలో జరుగుతున్న వరుస సంఘటనలు మనకు ఒక తీవ్రమైన హెచ్చరిక*

*పిల్లల రక్షణ సమాజంలో ఉన్న ప్రతి ఒక్కరి బాధ్యత - అనూరాధ రావు,బాలల హక్కుల సంఘం*

బాపట్ల కృష్ణమోహన్, మీడియా టుడే, సెప్టెంబర్ 22:

దేశ రాజధాని ఢిల్లీ లో నెల వ్యవధిలో 4 ఘటనలు చోటు చేసుకున్నాయి.ఢిల్లీ - దేశ రాజధాని నగరం అని ఎంతో గొప్పగా చెప్పు కుంటాం, కాని అమ్మయిలు బయటికి వెళితే క్షేమంగా ఇంటికి చేరడం చాలా కష్టం.ఇంకా ఎన్ని నిర్భయ ఘటనలను చూడాలి మనం?  

సెప్టెంబర్ 10వ తేదీన డిల్లి స్వరూప్ నగర్ లో 16 సంవత్సరాల అమ్మాయి టెంపోలో స్నేహితున్ని కలవడానికి వెళితే, అతను తన స్నేహితులను పిలిచి మద్యం సేవించి, ఆ అమ్మాయిని గ్యాంగ్ రేప్ చేసారు.వాళ్లలో ముగ్గురు మైనర్లే. ఆమె పోలీసులకు ఫిర్యాదు చేస్తాను అని చెప్పగానే కత్తితో పొడిచి చంపి,నిర్మానుష్య ప్రదేశంలో మూటకట్టి పడేశారు. 13వ తేదీన పోలీసులకు ఈ శవం దొరికింది.సిసి టీవీ పుటేజీ ఆధారంగా నిందితులను పట్టుకున్నారు.సౌత్ ఢిల్లి సిడిఆర్ చౌక్ దగ్గర పుట్ పాతపై నిద్రిస్తున్న 10 సంవత్సరాల పాపను క్యాబ్ డ్రైవర్ అపహరించి, రేప్ చేసి, రాళ్లతో కొట్టి చంపి పారిపోయాడు.

షాబాద్ డైరీ అపార్టమెంట్ దగ్గర 5 సంవత్సరాల పాపను 34 సంవత్సరాల వ్యక్తి బిస్కెట్లు ఇస్తానని ఇంట్లోకి పిలిచి రేప్ చేసిన ఘటన జరిగింది.అగస్టు చివరి వారంలో నోయిడా నుండి ఢీల్లీ కాశ్మీరీ గేట్  ప్రాంతానికి వెళుతున్న స్లీపర్ బస్సులో 16 సంవత్సరాల మైనర్ "బాలికపై గ్యాంగ్ రేప్ జరిగింది. అబ్బయిలను కూడా వదలడం లేదు, 12 సంవత్సరాల బాలుడిపై ధారుణంగా నలుగురు వ్యక్తులు రేప్ చేసి,కొట్టి ప్రాణాపాయ స్థితిలో వదిలేశారు.అన్ని కేసుల్లో కేసు నమోదు చేసి, అదుపులోకి తీసుకున్నారు పోలీసులు.

నేరం రుజువైతే POCSO చట్ట ప్రకారం శిక్ష పడుతుంది. ఇక్కడ ముగ్గురు మైనర్లకు జువెనైల్ చట్ట ప్రకారం 3 సంవత్సరాల శిక్ష పడుతుంది అని అంటున్నారు.వారిని Correction home లో పెడతారు.మనం పిల్లల భద్రత గురించి చూస్తే రక్షణ కల్పించడంలో మన వ్యవస్థ విఫలం అయింది అని చెప్ప వచ్చు.నేరం జరిగాక చర్యలు తీసుకోవడం కాదు, ముందస్తు భద్రత చర్యలు ఎంటి? 

ఈ ఘోరాలు కదులుత్తున్న బస్సులో, టెంపోల్ జరిగాయి. 

వాహనాలకు ఏదైన ఆలారం లాంటివి అమర్చడం వల్ల, దగ్గర పోలీస్స్టేషన్కు, పోలీసుల పెట్రోలింగ్ వాహనాలకు సమచారం అందే విధంగా పరికరాలను అమర్చాలి.

తల్లిదండ్రులు తప్పని సరి అలర్టుగా ఉండాలి. పిల్లలను ఒంటరిగా పంపిచాల్సి వస్తే తెలియని ప్రైవేట్ బస్సులు, వాహనాలు అవాయిడ్ చేయలి. ప్రభుత్వ రవాణా బస్సులు,మెట్రో ట్రైన్ లేదా రిజిస్టర్డ్ క్యాబ్ మాత్రమే ఉపయోగించాలి.మీరు ప్రయాణించే లోకేషన్ కుటుంబ సభ్యులకు షేర్ చేయాలి.

అపరిచితులతో అప్రమత్తంగా ఉండాలి, తెలియని వ్యక్తులు లిఫ్ట్ ఇస్తాం రమ్మని పిలిస్తే వద్దు అని చెప్పాలి. తినడానికి ఎదైనా ఇస్తే వద్దు అని చెప్పాలి. స్మార్ట్ ఫోన్లో బయటికి వెళ్లిన తర్వాత SOS emergency ఆన్ చేసుకోవాలి, ఏదైన సమస్య వస్తే  బటన్ ఒత్తితే ఆ సమాచారం తల్లిదండ్రుల ఫోన్ కు / పోలీసుస్టేషన్ కు అందుతుంది. కావల్సిన సహాయం అందుతుంది.అత్యవసర నంబర్స్ కు కాల్ చేయాలి 112 / 100 / 1091 / 1098

బాధితులకు న్యాయం జరగాలి, వారికి కావలస్సిన కౌన్సిలింగ్, వైద్యం అందాలి, ఆ కుటుంబాలకు అండగా ప్రభుత్వం ఉండాలి.

పిల్లల రక్షణ సమాజంలో ఉన్న ప్రతి ఒక్కరి బాధ్యత, కుటుంబం, పాఠశాలలు, పోలీసులు, ప్రభుత్వం అందరి బాధ్యత.

ఒక్క భూమి కోసం గ్రామంలో యుద్ధ వాతావరణమా_

*వృద్ధ దంపతుల భూమిపై దౌర్జన్యం!*

*30 మంది రౌడీలతో చొరబాటు యత్నం.. గ్రామంలో భయానక వాతావరణం సృష్టిస్తున్న కప్పల శ్రీనివాస్*

*వృద్ధ దంపతుల ప్రాణాలకు ముప్పు ఉందని ఆందోళన – పోలీసు రక్షణ కల్పించాలని డిమాండ్*

బాపట్ల కృష్ణమోహన్,మీడియా టుడే,సెప్టెంబర్ 22:

నల్లగొండ జిల్లా శాలిగౌరారం మండలం ఉట్కూర్ గ్రామంలో భూ వివాదం తీవ్ర ఉద్రిక్తతకు దారితీసింది, తమ భూమిని ఆక్రమించుకునేందుకు సుమారు 30 మందితో వచ్చి కడీలు పాతే ప్రయత్నం చేశారని 68 ఏళ్ల యంపల్ల శ్రీనివాస్ రెడ్డి, 62 ఏళ్ల యంపల్ల కమలమ్మ అనే వృద్ధ దంపతులు పోలీసులకు ఇచ్చిన ఫిర్యాదులో ఆరోపించారు. ఫిర్యాదు ప్రకారం, కప్పల శ్రీనివాస్ అనే వ్యక్తి భూమి బ్రోకర్‌గా వ్యవహరిస్తూ, మరికొందరిని వెంటబెట్టుకుని తమ భూమిలోకి బలవంతంగా ప్రవేశించి కడీలు పాతేందుకు ప్రయత్నించారని వారు ఆరోపించారు. రెండు కార్లు, ఒక ఆటోలో పెద్ద సంఖ్యలో వ్యక్తులు వచ్చి భూమిలోకి ప్రవేశించడం వల్ల ప్రశాంతంగా ఉన్న గ్రామంలో ఒక్కసారిగా ఉద్రిక్త పరిస్థితి నెలకొన్నదని ఫిర్యాదుదారులు పేర్కొన్నారు.“ఇది కేవలం భూ వివాదం కాదు.. వృద్ధ దంపతుల ప్రాణాలు, ఆస్తి రక్షణకు సంబంధించిన తీవ్రమైన సమస్య” అని వారు ఆందోళన వ్యక్తం చేశారు.తమ భూమికి సంబంధించిన హక్కులపై ఇప్పటికే నకిరేకల్ కోర్టులో O.S.No.153/2025, O.S.No.166/2025 కేసులు పెండింగ్‌లో ఉన్నాయని, కోర్టు పరిధిలో ఉన్న హక్కుల అంశాన్ని పోలీసులు నిర్ణయించాలని తాము కోరడం లేదని వృద్ధ దంపతులు స్పష్టం చేశారు. అయితే కోర్టు కేసులు పెండింగ్‌లో ఉండగానే తమ ఆధీనంలోని భూమిలోకి గుంపుగా వచ్చి కడీలు పాతడం, బెదిరించడం, బలవంతంగా ఆక్రమించుకునే ప్రయత్నం చేయడం మాత్రం చట్టవిరుద్ధమని వారు పేర్కొన్నారు.ఇదే భూమికి సంబంధించి O.S.No.135/2025 కూడా పెండింగ్‌లో ఉందని ఫిర్యాదులో పేర్కొన్నారు.

*“మమ్మల్ని చంపి భూమిని ఆక్రమించుకుంటారేమో” అనే భయం*

పెద్ద సంఖ్యలో వ్యక్తులను వెంటబెట్టుకుని పదేపదే భూమిలోకి వస్తే తమకు, తమ ఆస్తికి ప్రమాదం ఏర్పడే అవకాశం ఉందని వృద్ధ దంపతులు ఆందోళన వ్యక్తం చేశారు. తమపై దాడి చేసి ప్రాణహాని కలిగించి భూమిని స్వాధీనం చేసుకునే ప్రయత్నం జరుగుతుందేమోననే భయం తమను వెంటాడుతోందని వారు పోలీసులకు తెలిపారు.అయితే ప్రాణహాని జరుగుతుందని నిర్ధారితంగా చెప్పే పరిస్థితి లేదని, ఆ భయం తమకు కలుగుతోందనే విషయాన్ని మాత్రమే ఫిర్యాదుదారులు వెల్లడించారు.

*ఒక్క భూమి కోసం గ్రామంలో యుద్ధ వాతావరణమా?*

భూమిలోకి గుంపుగా చొరబడి కడీలు పాతే ప్రయత్నం చేయడం వల్ల గ్రామంలో శాంతిభద్రతలకు విఘాతం కలిగే పరిస్థితి ఏర్పడిందని ఫిర్యాదుదారులు ఆవేదన వ్యక్తం చేశారు.కోర్టులో భూ హక్కులపై పోరాటం కొనసాగుతుండగా.. బయట గుంపులు సమీకరించి బలప్రయోగంతో భూమిని స్వాధీనం చేసుకునే ప్రయత్నాలు జరిగితే చట్టపరిపాలనకు అర్థమేంటి? అని వారు ప్రశ్నించారు.వృద్ధ దంపతుల ఆరోపణలపై పోలీసులు సమగ్రంగా విచారణ జరిపి, నిజానిజాలు వెలికితీసి, తప్పు చేసిన వారిపై చట్టప్రకారం చర్యలు తీసుకోవాలని గ్రామస్తులు కోరుతున్నారు.

*సీనియర్ సిటిజన్స్ చట్టం కింద రక్షణ కోరిన వృద్ధ దంపతులు*

తాము 60 సంవత్సరాలు పైబడిన సీనియర్ సిటిజన్స్ కావడంతో మైంటెనెన్సు మరియు welfare of Parents and Senior Citizens Act, 2007లోని Section 22 ప్రకారం తమ జీవితం, ఆస్తికి రక్షణ కల్పించాలని వారు పోలీసులను కోరారు.తమ భూమిలోకి అక్రమంగా ఎవరూ ప్రవేశించకుండా ప్రత్యేక పోలీసు బీట్, పెట్రోలింగ్, ముందస్తు నిరోధక చర్యలు చేపట్టాలని విజ్ఞప్తి చేశారు.

*పోలీసుల ముందున్న కీలక ప్రశ్నలు*

*(1)*: 20-09-2026న నిజంగా ఎంతమంది వ్యక్తులు అక్కడికి వచ్చారు? 

*(2)*: భూమిలోకి ప్రవేశించి కడీలు పాతే ప్రయత్నం జరిగిందా?

*(3)*: ఎవరి ప్రోద్బలంతో ఈ ఘటన జరిగింది?

*(4)*: వృద్ధ దంపతులకు బెదిరింపులు చేశారా?

*(5)*: భవిష్యత్తులో శాంతిభద్రతలకు ముప్పు ఏర్పడే అవకాశం ఉందా?

*(6)*: గతంలో ఇచ్చిన ఫిర్యాదులపై ఏ చర్యలు తీసుకున్నారు?

ఈ ప్రశ్నలపై పోలీసులు నిష్పక్షపాతంగా విచారణ జరిపి వాస్తవాలను ప్రజల ముందుంచాలని ఫిర్యాదుదారులు కోరుతున్నారు.

భూమి హక్కును కోర్టు నిర్ణయించాలి.. బలప్రయోగంతో కాదు.వృద్ధుల ఆస్తిని చట్టం రక్షించాలి.. గుంపుల బలంతో కాదు.భూ వివాదానికి పరిష్కారం న్యాయస్థానంలో ఉండాలి.. రోడ్డుపై కాదు.

వృద్ధ దంపతుల ఫిర్యాదును అత్యంత సీరియస్‌గా పరిగణించి, వారి ప్రాణాలకు మరియు ఆస్తికి ఎటువంటి ముప్పు ఏర్పడకుండా ముందస్తు చర్యలు తీసుకోవాలని, 20-09-2026 ఘటనపై సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని వారు పోలీసు ఉన్నతాధికారులను కోరుతున్నారు

ఔత్సాహిక ఫిలిం మేకర్స్ విజ్ఞప్తి మేరకు అక్టోబర్ 2 వరకు గడువు పొడిగింపు_

*బతుకమ్మ యంగ్ ఫిలిం మేకర్స్ ఛాలెంజ్‌కు మంచి స్పందన*

*ఔత్సాహిక ఫిలిం మేకర్స్ విజ్ఞప్తి మేరకు అక్టోబర్ 2 వరకు గడువు పొడిగింపు-సమీక్షా సమావేశంలో నిర్ణయం* 

బాపట్ల కృష్ణమోహన్, మీడియా టుడే, సెప్టెంబర్ 22:

బతుకమ్మ యంగ్ ఫిలిం మేకర్స్ ఛాలెంజ్‌కు విశేష స్పందన లభిస్తోంది. ఈ నేపథ్యంలో ఔత్సాహిక ఫిలిం మేకర్స్ విజ్ఞప్తి మేరకు పోటీలో పాల్గొనే గడువును అక్టోబర్ 2  వరకు పొడిగించారు. సోమవారం ఎఫ్‌డీసీ కార్యాలయంలో తెలంగాణ ఫిల్మ్ డెవలప్‌మెంట్ కార్పొరేషన్ చైర్మన్ దిల్ రాజు, ఎఫ్‌డీసీ మేనేజింగ్ డైరెక్టర్ ఎం. ముకుంద రెడ్డి, ప్రభుత్వ క్రియేటివ్ డైరెక్టర్ కొండా రాజు, జ్యూరీ కమిటీ చైర్మన్ హరీష్ శంకర్ ఆధ్వర్యంలో నిర్వహించిన సమీక్షా సమావేశంలో ఈ నిర్ణయం తీసుకున్నారు.యువతలోని సృజనాత్మక ప్రతిభను ప్రోత్సహించడంతో పాటు, ఔత్సాహిక ఫిలిం మేకర్స్‌కు తమ ప్రతిభను చాటుకునేందుకు మరింత అవకాశం కల్పించాలనే ఉద్దేశంతో గడువును పొడిగించినట్లు తెలిపారు. ఈ సమావేశంలో మీడియా అకాడమీ చైర్మన్ కె. శ్రీనివాస్ రెడ్డి, తెలంగాణ సాంస్కృతిక సారథి చైర్‌పర్సన్ వెన్నెల గద్దర్, ఎఫ్‌డీసీ ఈడి. కిషోర్ బాబు, బీసీ స్టడీ సర్కిల్ డైరెక్టర్ మామిడి హరికృష్ణ, విమలక్క, కాసర్ల శ్యామ్, పొన్నం రవిచంద్ర, అనిల్ జీలా తదితరులు పాల్గొన్నారు.

రామంతాపూర్ మధురానగర్ వర్తక సంఘం గణేశ్ మండపం వద్ద అన్నదానం_

*రామంతాపూర్ మధురానగర్ వర్తక సంఘం గణేశ్ మండపం వద్ద అన్నదానం*

బాపట్ల కృష్ణమోహన్, మీడియా టుడే, సెప్టెంబర్ 22:

 

ఉప్పల్ అసెంబ్లీ నియోజకవర్గం రామంతపూర్ మధురానగర్ లో ప్రతి సంవత్సరం జరిపే వినాయక చవితి నవరాత్రులు *గణేశ్ ఉత్సవాలు*' చాలా వైభవంగా జరుగుతున్నాయి. ఉత్సవాల్లొ భాగంగా ఈ రోజు భక్తులకు, ప్రజలకు 'అన్న దానం' కార్య క్రమాన్ని భక్తి శ్రద్ధలతో నిర్వం చారు. ఈ అన్నదాన కార్యక్రమంకు చుట్టు ప్రక్కన ఉన్న కాలనీలు, బస్తీలకు చెందిన ప్రజలు  వచ్చి చాలా సంతృప్తి తో సంతోషగా భోజనం ఆరగించారు. మధురానగర్, పి.ఎస్. కాలనీ, భరత్ నగర్, రామ్ శంకర్ నగర్, గోఖలేనగర్, శ్రీని వాసపురం, గణేష్ నగర్  తదితర కాలనీల నుండి ప్రజలు,పెద్ద సంఖ్యలో వృద్ధులు, మహిళలు, షాపు యజమానులు, షాపుల్లో పని చేసే గుమస్తా కార్మికులు,రోడ్లు శుభ్రంచేసే మహిళా కార్మికులు ఈ కార్య క్రమానికి హాజరైనారు.రామంతాపూర్ వర్తక సంఘం సభ్యులు ఎస్.కె. బాషా, తారా చౌధరి, మల్యాల బాలయ్య, ఎం.శ్రీమన్నా రాయణ, ఎం.మురళి,

వినయ్, సునీల్ రాథోడ్,సంగం వేణు, కల్వచర్లమథు, మురికి శంకర్,మురికి శ్రీనివాస్ కొత్తపల్లిరమేశ్, భవాని శంకర్, 

జల్ల శ్రీనివాస్,రాసాని బాల స్వామి,శ్రీమతి తారా చంద్ మీనాదేవి,తూటాడి చంద్రకళ, డాగులూరు స్వాతి గార్ల  ఆధ్వర్యం లో అన్నదానం చక్కని క్రమశిక్షణ తో నిర్వ హించడం జరిగింది.

తెలంగాణ మలిదశ ఉద్యమంలో అంకితభావంతో సేవలందించిన రెండు కుటుంబాలకు ముఖ్యమంత్రి సహాయ నిధి నుంచి ఆర్థిక సహాయం - సీఎం రేవంత్ రెడ్డి_

*తెలంగాణ మలిదశ ఉద్యమంలో అంకితభావంతో సేవలందించిన రెండు కుటుంబాలకు ముఖ్యమంత్రి సహాయ నిధి నుంచి ఆర్థిక సహాయం - సీఎం రేవంత్ రెడ్డి*

బాపట్ల కృష్ణమోహన్, మీడియా టుడే, సెప్టెంబర్ 21:

తెలంగాణ మలిదశ ఉద్యమంలో అంకితభావంతో సేవలందించిన దివంగత లింగాల కేదారి, ఆయన భార్య దివంగత శ్రీమతి పుష్పలత కుటుంబ సభ్యులకు ముఖ్యమంత్రి సహాయ నిధి (#CMRF) నుంచి రూ. 10 లక్షల ఆర్థిక సాయం అందించాలని ముఖ్యమంత్రి ఎ. రేవంత్ రెడ్డి గారు అధికారులను ఆదేశించారు.తెలంగాణ మలిదశ ఉద్యమ సమయంలో లింగాల కేదారి, పుష్పలత అంకితభావంతో అందించిన సేవలను ముఖ్యమంత్రి గారు గుర్తు చేసుకున్నారు. కేదారి దంపతులు ఒక సాధారణ హోటల్ నడుపుతూ, అన్నం పరబ్రహ్మ స్వరూపమని, వృథా చేయకూడదని అవగాహన కల్పిస్తూ, సమాజం పట్ల ఎంతో బాధ్యతగా నడుచుకున్నారు. ఉద్యమ సమయంలో వీరు ఉచితంగా భోజనం, టిఫిన్లు, టీలు అందించారు.హనుమకొండలోని శాంతినగర్, పోస్టల్ కాలనీకి చెందిన లింగాల కేదారి 2026 సెప్టెంబర్ 9న, ఆయన భార్య పుష్పలత 2026 సెప్టెంబర్ 10న జరిగిన ఒక విషాదకర సంఘటనలో మృతి చెందారు. ముఖ్యమంత్రి ఆదేశాల మేరకు వారి కుటుంబాన్ని ఆదుకోవడానికి #CMRF నుంచి సీఎం ఓఎస్డీ రూ. 10 లక్షల ఆర్థిక సహాయాన్ని మంజూరు చేశారు.

మంజూరైన ఆర్థిక సాయాన్ని అర్హులైన చట్టబద్ధ వారసులు, కుటుంబ సభ్యులకు అందించేలా చర్యలు తీసుకోవాలని హనుమకొండ కలెక్టర్ ను ఆదేశించారు.

**తెలంగాణ ప్రత్యేక రాష్ట్ర ఉద్యమ సమయంలో అదృశ్యమైన మండల రాజు కుటుంబానికి మానవతా దృక్పథంతో రూ. 5 లక్షల ఆర్థిక సాయం అందించాలని ముఖ్యమంత్రి  ఎ. రేవంత్ రెడ్డి ఆదేశించారు.**

భూపాలపల్లి నియోజకవర్గానికి చెందిన మండల సమ్మిరెడ్డి గారి కుమారుడు మండల రాజు (34) 20.06.2013న ప్రత్యేక తెలంగాణ ఉద్యమ సమయంలో అదృశ్యమయ్యాడు. ఈ విషయాన్ని ప్రస్తావిస్తూ జయశంకర్ భూపాలపల్లి నియోజకవర్గం ఎమ్మెల్యే గండ్ర సత్యనారాయణ రావు విజ్ఞప్తి మేరకు ఆ కుటుంబానికి ఆర్థిక సహాయం అందించాలని ముఖ్యమంత్రి ఆదేశించారు.తెలంగాణ ఉద్యమంలో మండల రాజు చురుకుగా పాల్గొన్నారని, ఈ క్రమంలో ఆయన అరెస్టై చర్లపల్లి కేంద్ర కారాగారంలో నిర్బంధించబడ్డారని, ఆ తర్వాత కాలంలో అదృశ్యమయ్యాడని ఎమ్మెల్యే తన లేఖలో పేర్కొన్నారు. మండల రాజు తన వృద్ధ తల్లిదండ్రులకు ఏకైక కుమారుడని, ప్రస్తుతం వారు తీవ్ర ఆర్థిక ఇబ్బందులను ఎదుర్కొంటున్నారని, రోజువారీ జీవనోపాధికి ఎలాంటి ఆధారం లేక ఇబ్బందులు పడుతున్నారని తెలిపారు.

తెలంగాణ అమరవీరుల కోటా కింద మానవతా దృక్పథంతో ఆయన తల్లిదండ్రులకు ఆర్థిక సాయం అందించాలని ఎమ్మెల్యే విజ్ఞప్తి మేరకు ముఖ్యమంత్రి జయశంకర్ భూపాలపల్లి జిల్లా గొర్లవీడు గ్రామానికి చెందిన మండల సమ్మి రెడ్డికి రూ. 5 లక్షలు ఆర్థిక సాయం మంజూరు చేయాలని అధికారులను ఆదేశించారు.

ప్రభుత్వ స్థలాల పరిరక్షణతో పాటు బస్టాండ్, బోరు ప్రజలకు అందుబాటులోకి తేవాలి - వేముల శ్రీను, రిపోర్టర్_

*ప్రెస్‌నోట్*

*శాలిగౌరారం మండలంలో ప్రజా సమస్యలపై అధికారులకు వినతి*

*ప్రభుత్వ స్థలాల పరిరక్షణతో పాటు బస్టాండ్, బోరు ప్రజలకు అందుబాటులోకి తేవాలి - వేముల శ్రీను, రిపోర్టర్*

బాపట్ల కృష్ణమోహన్, మీడియా టుడే,సెప్టెంబర్ 21: 

నల్గొండ జిల్లా శాలిగౌరారం మండలం ఊటుకూరు గ్రామంలో ప్రజా అవసరాల కోసం ఉన్న ప్రభుత్వ భూములు, బస్టాండ్, తాగునీటి సౌకర్యాలకు సంబంధించిన సమస్యలపై గ్రామ ప్రజల తరఫున వేముల శ్రీను మరియు మిత్రులు అధికారులకు వినతిపత్రం సమర్పించినట్లు తెలిపారు.

ఊటుకూరు గ్రామ కంఠం పరిధిలోని సర్వే నంబర్లు 43, 44లో ఉన్న ప్రభుత్వ భూమి, బస్టాండ్ మరియు గ్రామానికి చెందిన ప్యూరిఫైడ్ వాటర్ ప్లాంట్ మధ్య ఉన్న స్థలంపై ఆక్రమణల ఆరోపణలు ఉన్న నేపథ్యంలో అధికారులు స్థల పరిశీలన నిర్వహించి, ప్రభుత్వ భూమి హద్దులను నిర్ధారించి, ఆక్రమణలు ఉన్నట్లయితే చట్టప్రకారం చర్యలు తీసుకోవాలని గ్రామ ప్రజలు కోరారు అని వేముల శ్రీను అన్నారు.అదేవిధంగా బస్టాండ్ ఆవరణలో కిరాణా షాప్ పేరుతో బెల్ట్ షాప్ నిర్వహిస్తున్నట్లు వచ్చిన ఫిర్యాదులపై సంబంధిత అధికారులు విచారణ జరిపించాలని, ప్రజల సమక్షంలో బహిరంగంగా మద్యం సేవించడం వల్ల మహిళలు, చిన్నారులు, ప్రయాణికులు ఇబ్బందులు పడుతున్న పరిస్థితిని నివారించాలని కోరారు.బస్టాండ్ సమీపంలోని ప్రజా బోరు మోటార్, స్టార్టర్ తదితర పరికరాలు నిరుపయోగంగా ఉండటంతో పాటు బోరు వద్దకు వెళ్లే మార్గం కూడా అడ్డంకులకు గురైనట్లు గ్రామ ప్రజలు అధికారుల దృష్టికి తీసుకువచ్చారు. బోరును మరమ్మతు చేసి, దారిని తెరిపించి ప్రజలకు అందుబాటులోకి తీసుకురావాలని విజ్ఞప్తి చేశారు.

ఈ విషయాలపై నల్లగొండ జిల్లా కలెక్టర్, శాలిగౌరారం ఎంపీడీఓ, తహసీల్దార్, ఊటుకూరు విలేజ్ సెక్రటరీ తదితర అధికారులకు వినతిపత్రాలు అందజేసినట్లు తెలిపారు.అలాగే 21-09-2026న మండల స్థాయి ప్రజావాణిలో ఫిర్యాదు నమోదు చేయగా Ref.No. DNALG21092600034 కేటాయించబడిందని, ఫిర్యాదు శాలిగౌరారం మండల పంచాయతీ అధికారికి తదుపరి చర్యల కోసం పంపబడినట్లు వచ్చిన అధికారిక సందేశంలో పేర్కొనబడిందని తెలిపారు.

ప్రజా స్థలాలు ప్రజలకే చెందాలి  బస్టాండ్, తాగునీటి వనరులు ప్రజలకు అందుబాటులో ఉండాలి – ప్రభుత్వ భూముల పరిరక్షణకు అధికారులు చర్యలు తీసుకోవాలి అని గ్రామ ప్రజలు కోరారు అని శ్రీను తెలిపారు.

రాజ్యాంగంలోని పదో షెడ్యూల్‌ను కఠినంగా అమలు చేయాలి - ఆప్ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు_

*దానం నాగేందర్‌పై హైకోర్టు అనర్హత వేటు ప్రజాస్వామ్యానికి, రాజ్యాంగానికి న్యాయం గెలిచింది - ఆమ్ ఆద్మీ పార్టీ తెలంగాణ*

*రాజ్యాంగంలోని పదో షెడ్యూల్‌ను కఠినంగా అమలు చేయాలి - ఆప్ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు*

బాపట్ల కృష్ణమోహన్, మీడియా టుడే, సెప్టెంబర్ 20:

పార్టీ ఫిరాయింపులపై స్పీకర్ ఇచ్చిన ఉత్తర్వులను హైకోర్టు కొట్టివేయడం కీలక పరిణామం.మిగిలిన పార్టీ ఫిరాయింపు ఎమ్మెల్యేలపై కూడా తక్షణ చర్యలు తీసుకోవాలి అని ఆప్ తెలంగాణ రాష్ట్ర కన్వీనర్ మిస్ హేమా సుదర్శన్ జిల్లోజు అన్నారు.ఖైరతాబాద్ ఎమ్మెల్యే దానం నాగేందర్ పార్టీ ఫిరాయింపు వ్యవహారంలో తెలంగాణ హైకోర్టు ఇచ్చిన తీర్పును ఆప్ తెలంగాణ స్వాగతిస్తుందని ఆప్ తెలంగాణ రాష్ట్ర అధ్యక్షురాలు హేమా సుదర్శన్ జిల్లోజు తెలిపారు. బీఆర్‌ఎస్‌ తరఫున ఎమ్మెల్యేగా గెలిచిన దానం నాగేందర్ అనంతరం కాంగ్రెస్‌లో చేరడమే కాకుండా, 2024 లోక్‌సభ ఎన్నికల్లో కాంగ్రెస్ పార్టీ బీఫామ్‌పై సికింద్రాబాద్ లోక్‌సభ స్థానం నుంచి పోటీ చేసిన అంశాన్ని హైకోర్టు పరిగణనలోకి తీసుకుని, 2024 ఏప్రిల్ 23 నుంచే ఆయన ఎమ్మెల్యేగా అనర్హుడని ప్రకటించింది. అలాగే ఆయన పార్టీ మారలేదంటూ స్పీకర్ ఇచ్చిన ఉత్తర్వులను హైకోర్టు కొట్టివేసింది. ఖైరతాబాద్ అసెంబ్లీ స్థానం ఖాళీగా ఉన్నట్లు నోటిఫై చేసే విధంగా తీర్పు ప్రతిని ఎన్నికల సంఘానికి, అసెంబ్లీ స్పీకర్‌కు పంపాలని కూడా ఆదేశించింది. “న్యాయం గెలిచింది. రాజ్యాంగం గెలిచింది. పార్టీ ఫిరాయింపులపై ప్రజల్లో ఉన్న అనుమానాలకు ఈ తీర్పు ఒక ముఖ్యమైన రాజ్యాంగపరమైన సందేశం” అని ఆమె పేర్కొన్నారు. మిగిలిన ఎమ్మెల్యేలపై కూడా చర్యలు తీసుకోవాలి. 

**దానం నాగేందర్‌తో పాటు బీఆర్‌ఎస్‌ టికెట్‌పై గెలిచి కాంగ్రెస్‌లో చేరినట్లు అనర్హత పిటిషన్లు ఎదుర్కొన్న ఎమ్మెల్యేలు**

*(1)*: కడియం శ్రీహరి – స్టేషన్ ఘన్‌పూర్

*(2)*: పోచారం శ్రీనివాస్ రెడ్డి – బాన్సువాడ

*(3)*: తెల్లం వెంకట్రావు – భద్రాచలం

*(4)*: డాక్టర్ సంజయ్ కుమార్ – జగిత్యాల

*(5)*: అరికెపూడి గాంధీ – శేరిలింగంపల్లి

*(6)*: టి. ప్రకాశ్ గౌడ్ – రాజేంద్రనగర్

*(7)*: బండ్ల కృష్ణమోహన్ రెడ్డి – గద్వాల్

*(8)*: కాలే యాదయ్య – చేవెళ్ల

*(9)*: గూడెం మహిపాల్ రెడ్డి – పటాన్‌చెరు.

పేర్లు నమోదయ్యాయి.

వీరిలో గూడెం మహిపాల్‌రెడ్డి తిరిగి బీఆర్‌ఎస్‌లోకి వచ్చిన నేపథ్యంలో ఆయనను మినహాయించి మిగిలిన తొమ్మిది మందిపై చర్యలు కోరుతూ బీఆర్‌ఎస్‌ తరఫున హైకోర్టులో పిటిషన్లు దాఖలైనట్లు నివేదికలు పేర్కొంటున్నాయి. “ఒక ఎమ్మెల్యే విషయంలో హైకోర్టు స్పీకర్ ఉత్తర్వులను రద్దు చేసి అనర్హతను ప్రకటించిన నేపథ్యంలో, మిగిలిన పార్టీ ఫిరాయింపు కేసులను కూడా పారదర్శకంగా, రాజ్యాంగ నిబంధనలకు అనుగుణంగా త్వరితగతిన పరిష్కరించాలి. ప్రజలు ఎన్నుకున్న ప్రతినిధులు పార్టీ మారితే రాజ్యాంగంలోని పదో షెడ్యూల్‌ను గౌరవించాల్సిందే” అని ఆప్ తెలంగాణ డిమాండ్ చేస్తోంది.

ఆప్ తెలంగాణ డిమాండ్లు:

మిగిలిన పార్టీ ఫిరాయింపు ఎమ్మెల్యేల కేసులను తక్షణమే పరిష్కరించాలి.రాజ్యాంగంలోని పదో షెడ్యూల్‌ను కఠినంగా అమలు చేయాలి. పార్టీ ఫిరాయింపుల విషయంలో ప్రజలకు పూర్తి పారదర్శకత కల్పించాలి. ప్రజల తీర్పును గౌరవించే విధంగా ఎమ్మెల్యేలపై నిర్ణయాలు తీసుకోవాలి. పార్టీ ఫిరాయింపుల వల్ల ఏర్పడే రాజకీయ అస్థిరతకు అడ్డుకట్ట వేయాలి. “పార్టీ ఫిరాయింపులకు రాజకీయ లాభాల కోసం ప్రోత్సాహం ఇవ్వకుండా, రాజ్యాంగ విలువలు మరియు ప్రజాస్వామ్యాన్ని కాపాడాల్సిన బాధ్యత ప్రభుత్వానికీ, శాసనసభకీ ఉంది. ఈ విషయంలో ఆప్ తెలంగాణ ప్రజల తరఫున నిరంతరం ప్రశ్నిస్తూనే ఉంటుంది” అని ఆమె స్పష్టం చేశారు.

తపస్ ఆధ్వర్యంలో ఘనంగా జిల్లా ఉత్తమ ఉపాధ్యాయులుకు సన్మానం_

*పత్రికా ప్రకటన*

*తపస్ ఆధ్వర్యంలో ఘనంగా జిల్లా ఉత్తమ ఉపాధ్యాయులుకు సన్మానం*

*మరికల్ గ్రామ ఉపాధ్యాయులు కమ్మరి పాండురంగయ్య చారి మరియు సమాజ సేవకులు కాసోజు దివ్య ప్రభాకర చారికి సన్మానం*

బాపట్ల కృష్ణమోహన్, మీడియా టుడే, సెప్టెంబర్ 20:

వికారాబాద్ జిల్లా కేంద్రంలో విద్యా రంగంలో విశిష్ట సేవలు అందించిన ఉపాధ్యాయులను గుర్తించి తెలంగాణ ప్రాంత ఉపాధ్యాయ సంఘం ఆధ్వర్యంలో "గురువందనం " కార్యక్రమం నిర్వహించారు.జిల్లా స్థాయి ఉత్తమ ఉపాధ్యాయులుగా చౌడపూర్ మండలం మరికల్ ఉన్నత పాఠశాల లో చిత్రలేఖనం ఉపాధ్యాయులుగా పనిచేస్తున్న కమ్మరి పాండురంగయ్య చారి ,కొత్తపల్లి ఉన్నత పాఠశాలలో గణిత ఉపాధ్యాయులు సంగెం రమేష్,  కన్మన్ కాల్వ పాఠశాల ఉపాధ్యాయురాలు మంజులత, .మరికల్ పాఠశాలలో విద్యార్థులకు సహాయ సహకారాలు అందించిన సమాజ సేవకులు కాసోజు దివ్య ప్రభాకర చారికి శాసనమండలి సభ్యులు గౌరవనీయ AVN రెడ్డి చే సన్మానం చేసి అభినందించారు. పరిగి నియోజకవర్గం ,కొడంగల్ నియోజకవర్గం తాండూర్ నియోజకవర్గం, వికారాబాద్ నియోజకవర్గం లోని ఉత్తమ ఉపాధ్యాయులకు తపస్ నాయకులు సన్మానించారు.