టీనేజర్లకు టీకా.. మొదటిరోజు రికార్డ్

Courtesy by తొలివెలుగు మీడియా ట్విట్టర్ : January 3, 2022 at 7:36 pm

కరోనా కట్టడిలో భాగంగా టీనేజర్లకు టీకాలను ప్రారంభించింది కేంద్రం. తొలిరోజు రికార్డ్ స్థాయిలో పంపిణీ జరిగింది. దేశవ్యాప్తంగా సోమవారం 15 నుంచి 18 ఏళ్ల వయసు గల 37.84 లక్షల మందికి కరోనా మొదటి డోసులు వేశారు. ఈ మేరకు కేంద్ర ఆరోగ్యశాఖ ప్రకటన చేసింది.

టీనేజర్లకు కొవాగ్జిన్ టీకాను మాత్రమే వేస్తున్నారు. తొలి డోసు వేసుకున్న 4 వారాల తర్వాత రెండో డోస్‌ వేస్తారు. స్కూల్స్‌, కాలేజీలకు వెళ్లిన విద్యార్థులు టీకాలు పొందేందుకు వీలుగా మధ్యాహ్నం 3 గంటల తర్వాత కూడా వ్యాక్సిన్‌ వేసేలా చర్యలు చేపట్టింది ఆరోగ్యశాఖ. కోవిన్ పోర్టల్‌ లో 12 లక్షలకు పైగా పిల్లలు తమ పేర్లను రిజిస్టర్ చేసుకున్నారు.

ఇక జనవరి 10 నుంచి దేశవ్యాప్తంగా బూస్టర్‌ డోస్‌ పంపిణీ చేయనున్నారు. ముందుగా సీనియర్‌ సిటిజన్స్‌, ఫ్రంట్‌ లైన్‌ వారియర్స్‌ కు మూడో డోసు అందించనున్నారు.