24 గంటల్లో.. 4 లక్షల కేసులు: కరోనా మళ్లీ..!!

Courtesy by : తొలివెలుగు మీడియా website

దక్షిణ కొరియాలో కరోనా విజృంభిస్తోంది. గడిచిన 24 గంటల్లో దేశంలో రికార్డు స్థాయిలో కరోనా కేసులు నమోదయ్యాయి. కేవలం ఒక్క రోజులోనే 4,00,741 కొవిడ్ కేసులు నమోదైనట్టు అధికారులు వెల్లడించారు. దీంతో దేశంలో ఇప్పటి వరకు మొత్తం కరోనా కేసుల సంఖ్య 7,629,275 కు చేరినట్టు అధికారులు తెలిపారు.

అంతకు ముందు రోజు కొవిడ్ కేసుల సంఖ్య 362,329గా ఉందని అధికారులు తెలిపారు. ఒక్క రోజులో నాలుగు లక్షలకు పైగా కేసులు నమోదుకావడం పట్ల అధికారులు ఆందోళన చెందుతున్నారు.

ఒమిక్రాన్ వేరియంట్ వల్ల సియోల్ మెట్రోపాలిటన్ ప్రాంతంలో ఇటీవల కరోనా కేసులు మళ్లీ నమోదవుతున్నట్టు అధికారలు వెల్లడించారు. కొత్తగా నమోదైన కేసుల్లో 81,395 సియోల్ నుంచే నమోదవ్వడం ఆందోళన కలిగిస్తోంది.

ఇక కొత్తగా జియోంగ్గీ ప్రావిన్స్ లో 94,806, పశ్చిమ ఓడరేవు నగరమైన ఇంచియాన్‌లో 28,453 కొవిడ్ కేసులు నమోదైనట్టు అధికారులు పేర్కొన్నారు. తాజాగా వైరస్ బారిన పడి 293 మంది మరణించడం అధికారులను కలవర పెడుతోంది.