*'సీఎం ప్రవాసీ ప్రజావాణి' వేదికపై గల్ఫ్ సోషల్ వర్కర్స్‌కు ప్రశంస*
*గల్ఫ్ కార్మికుల సమస్యల పరిష్కారంలో సామాజిక సేవకులు, సంఘాల పాత్ర కీలకం*
బాపట్ల కృష్ణమోహన్, మీడియా టుడే, సెప్టెంబర్ 30:
హైదరాబాద్ ప్రజాభవన్‌లోని ‘సీఎం ప్రవాసీ ప్రజావాణి’ వేదికపై గల్ఫ్ సామాజిక సేవకులు పొన్నం సత్యనారాయణ (దుబాయి), సౌదీ అరేబియా తెలుగు అసోసియేషన్ (సాటా) రియాద్ ప్రతినిధి ఖాజా ముజాములుద్దీన్‌కు మంగళవారం ప్రత్యేకంగా అభినందనలు, సత్కారం లభించింది.రాష్ట్ర ప్లానింగ్ బోర్డు వైస్ చైర్‌పర్సన్, 'సీఎం ప్రజావాణి' ఇన్‌చార్జి గద్వాల్ విజయలక్ష్మి, స్టేట్ నోడల్ ఆఫీసర్ కె. విద్యాసాగర్ ఇద్దరు సామాజిక సేవకులను అభినందించి శాలువాలతో సత్కరించారు.ఈ సందర్భంగా గల్ఫ్ కార్మికుల సమస్యల పరిష్కారంలో సామాజిక సేవకులు, ప్రవాస సంఘాల పాత్ర కీలకమని వారు పేర్కొన్నారు. ఎంబసీలు, కాన్సులేట్లతో సమన్వయం చేసుకుంటూ గల్ఫ్ కార్మికులకు అత్యవసర సమయాల్లో అందిస్తున్న సేవలను అభినందించారు.ఈ కార్యక్రమంలో తెలంగాణ ప్రభుత్వ ఎన్నారై అడ్వైజరీ కమిటీ వైస్ చైర్మన్ మంద భీంరెడ్డి, సీఎం ప్రవాసీ ప్రజావాణి లైజన్ ఆఫీసర్ భార్గవి నద్దునూరి, వాలంటీర్లు గంగుల మురళీధర్ రెడ్డి, మహమ్మద్ బషీర్ అహ్మద్, కెపి మహేష్ తదితరులు పాల్గొన్నారు.
No comments:
Post a Comment