తెలంగాణ రాష్ట్ర మానవ హక్కుల కమిషన్ TGHRC పాత కేసు రికార్డుల తొలగింపు మరియు ధ్వంసానికి సంబంధించి జారీ చేసిన ప్రజా నోటీసు_

*తెలంగాణ రాష్ట్ర మానవ హక్కుల కమిషన్ TGHRC పాత కేసు రికార్డుల తొలగింపు మరియు ధ్వంసానికి సంబంధించి జారీ చేసిన ప్రజా నోటీసు*

బాపట్ల కృష్ణమోహన్, మీడియా టుడే, సెప్టెంబర్ 08:

తెలంగాణ మానవ హక్కుల కమిషన్ (TGHRC) కార్యదర్శి మరియు CEO జారీ చేసిన ప్రజా నోటీసును ఇందుమూలంగా జతపరుస్తున్నాము. కమిషన్‌లో పూర్తయిన పాత/పరిష్కరించబడిన కేసు రికార్డుల తొలగింపు (Weeding-out) ప్రక్రియ అనంతరం, మొత్తం 51,798 పాత/పరిష్కరించబడిన కేసు రికార్డులను ధ్వంసం చేయడం ప్రతిపాదించబడింది. వీటిలో తెలంగాణ రాష్ట్రానికి సంబంధించిన 16,730 రికార్డులు మరియు 12.08.2005 నుండి 20.03.2021 వరకు ఉన్న ఉమ్మడి ఆంధ్రప్రదేశ్ రాష్ట్రానికి సంబంధించిన 35,068 రికార్డులు ఉన్నాయి.ఈ ప్రజా నోటీసు ద్వారా సంబంధిత వ్యక్తులు తమ అభ్యంతరాలు, హక్కు/దావాలు లేదా వివరణ/స్పష్టీకరణకు సంబంధించిన అభ్యర్థనలను నోటీసు ప్రచురితమైన తేదీ నుండి 15 రోజులలోపు సమర్పించేందుకు అవకాశం కల్పించబడింది. అందువల్ల, ఈ నోటీసు ప్రజల హక్కులు మరియు ప్రయోజనాలకు సంబంధించిన ముఖ్యమైన అంశం కావడంతో, ప్రజా ప్రయోజనార్థం విస్తృత ప్రచారం అవసరం.కావున, జతపరచిన ప్రజా నోటీసును ప్రజలందరికీ సమాచారం అందేలా విస్తృత ప్రచారం కల్పించవలసిందిగా మనవి.