_పరమశివుణ్ని పెళ్లి చేసుకున్న యువతి_

*_పరమశివుణ్ని పెళ్లి చేసుకున్న యువతి_*

Courtesy by : _(అనంచిన్ని వెంకటేశ్వరరావు, పరిశోధన పాత్రికేయులు, 9440000009)_

*_ఉత్తర్‌ప్రదేశ్‌లోని ఝాన్సీ జిల్లాకు చెందిన ఓ యువతి పరమశివుడిని పెళ్లి చేసుకుంది. భగవంతుడిపై భక్తితో ఆయన్ను భర్తగా స్వీకరిచించింది. ఈ ఘటన స్థానికంగా చర్చనీయంగా మారింది. అన్నపూర్ణ కాలనీకి చెందిన యువతి, ఆమె తల్లిదండ్రులు.. చాలా ఏళ్లుగా బ్రహ్మకుమారి సంస్థతో అనుబంధాన్ని కలిగి ఉన్నారు. శివుడిపై మమకారాన్ని పెంచుకున్న వారి కుమార్తె ఆయన్నే పెళ్లి చేసుకోవాలనుకుంది. అందుకు తల్లిదండ్రులు కూడా అంగీకరించడంతో జీవితాన్ని పరమశివుడికి అంకితం చేయాలని ఆ యువతి నిశ్చయించుకుంది. ఈ వివాహాన్ని సంప్రదాయాల ప్రకారం నిర్వహించాలనుకున్న ఆ యువతి కుటుంబసభ్యులు నెల ముందుగానే ఏర్పాట్లను ప్రారంభించారు. ఆహ్వాన పత్రికలు ముద్రించి బంధువులందరికీ పంచారు. ఆదివారం పరమశివుడితో ఆ యువతి పెళ్లి జరిపించారు. అనంతరం భోజన ఏర్పాట్లు కూడా చేశారు._*