*బుల్లెట్ బండి పెళ్లి కూతురు... భర్త ఏసీబీ వలకు చిక్కాడు*
హైదరాబాద్‌: బడంగ్‌పేట మున్సిపల్‌ కార్పొరేషన్‌ పట్టణ ప్రణాళిక అధికారి ఆకుల ఆశోక్‌ అవినీతి నిరోధక శాఖ (ఏసీబీ) అధికారుల వలకు చిక్కాడుప్రణాళికా విభాగంలో సూపర్‌వైజర్‌గా పనిచేస్తున్న అశోక్‌.. దేవేందర్‌రెడ్డి అనే వ్యక్తి నుంచి ఇంటి నిర్మాణం కోసం రూ.30 వేలు లంచం డిమాండ్‌ చేశాడు. ఆ మొత్తం నగదును తీసుకుంటుండగా ఏసీబీ అధికారులు దాడి చేసి పట్టుకున్నారు. మున్సిపల్‌ కార్పొరేషన్‌ కార్యాలయంతో పాటు అశోక్‌ నివాసంలోనూ ఏసీబీ అధికారులు సోదాలు కొనసాగించారు. 'బుల్లెట్ బండి' పాటకు డ్యాన్స్‌ చేసి సామాజిక మాధ్యమాల్లో వైరల్‌గా మారిన పెళ్లి కుమార్తె భర్తే ఈ అశోక్‌. ఈ సాంగ్‌తో అతడు కూడా సామాజిక మాధ్యమాల్లో ప్రచారంలోకి వచ్చిన విషయం తెలిసిందే.
*సుజీవన్ వావిలాల*🖋️
No comments:
Post a Comment