జమ్మూ, పాక్ మధ్య సొరంగం..!
జమ్ముకశ్మీర్‌ సాంబా ప్రాంతంలోని అంతర్జాతీయ సరిహద్దు వెంబడి.. భారీ సొరంగాన్ని సరిహద్దు భద్రతా దళం(బీఎస్ఎఫ్) గుర్తించింది. ఈ సొరంగం ఇటీవలె తవ్వినట్లు తెలుస్తుందని అధికారులు వెల్లడించారు. అలాగే, పాక్ నుంచి సొరంగం దాదాపు 150 మీటర్ల పొడవు ఉంటుందని అంచనా వేస్తున్నారు.ఇటీవల దాడికి పాల్పడిన పాకిస్థాన్ జైషే మహ్మద్ ఉగ్రముఠాకు చెందిన ఇద్దరు సూసైడ్ బాంబర్లు.. దీనిగుండా భారత్లోకి చొరబడినట్లు అధికారులు అనుమానిస్తున్నారు. అమర్నాథ్ యాత్రకు అంతరాయం కలిగించేందుకు పాక్ ముష్కరుల కుట్రలో భాగంగానే సొరంగం తవ్వారని భావిస్తున్నారు
ఏప్రిల్ 22న సుంజ్వాన్ ప్రాంతంలో ఇద్దరు సూసైడ్ బాంబర్లు.. పుల్వామా తరహా దాడికి తెగబడ్డారు. సీఐఎస్ఎఫ్ బలగాలు ప్రయాణిస్తున్న బస్సు లక్ష్యంగా తుపాకులు, గ్రనేడ్లతో విరుచుకుపడగా.. ఓ ఏఎస్సై ప్రాణాలు కోల్పోయారు. అదే రోజు బలగాలు జరిపిన ఎన్కౌంటర్లో ఆ ఇద్దరు ఉగ్రవాదులు హతమయ్యారు. ఇది జరిగిన 14 రోజులకు సొరంగాన్ని గుర్తించారు అధికారులు.
No comments:
Post a Comment