ప్రభుత్వ పాఠశాలలు, గురుకులాల విద్యార్థినీ విద్యార్థులకు సాఫ్ట్ స్కిల్స్

ప్రభుత్వ పాఠశాలలు, గురుకులాల్లో చదువుతోన్న విద్యార్థినీ విద్యార్థులకు నాణ్యమైన విద్యతో పాటు సాఫ్ట్ స్కిల్స్ నేర్పించే దిశగా కార్యాచరణ చేపట్టాలని ముఖ్యమంత్రి @revanth_anumula గారు అధికారులకు సూచించారు. రంగారెడ్డి జిల్లా నందిగామ మండలంలోని కన్హా గ్రామంలోని కన్హా శాంతివనాన్ని సందర్శించిన ముఖ్యమంత్రి గారు అక్కడ చిన్నారులు, విద్యార్థులు నేర్చుకుంటున్న సాఫ్ట్ స్కిల్స్ కు సంబంధించిన వివరాలను అడిగి తెలుసుకున్నారు. కళ్లకు గంతలు కట్టుకుని రంగులను గుర్తించడం, పదాలను చదవడం వంటి స్కిల్స్ ను ప్రదర్శించిన అక్కడి విద్యార్థులను ముఖ్యమంత్రి గారు అభినందించారు.

@kanhashantivan నిర్వాహకులు, శ్రీ రామ్ చంద్ర మిషన్‌ అధ్యక్షులు, హర్ట్ ఫుల్ నెస్ గ్లోబల్ గైడ్, ఆధ్యాత్మికవేత్త గౌరవ @kamleshdaaji గారు స్వయంగా ముఖ్యమంత్రి రేవంత్ రెడ్డి గారికి స్వాగతం పలికి వనమంతా తిప్పి చూపించారు. కన్హా శాంతివనం ఆవరణలోని ట్రీ కన్జర్వేషన్ సెంటర్ లో వివిధ రకాల వంగడాల అభివృద్ధి, మొక్కల పెంపకానికి సంబంధించిన విధానాలను శాంతి వనం నిర్వాహకులు సీఎం గారికి వివరించారు. శాంతి వనంలో ప్రత్యేకంగా ఏర్పాటు చేసిన రెయిన్ ఫారెస్ట్ ను,  మెడిటేషన్ సెంటర్ హలును సందర్శించిన సీఎం గారు అక్కడ ఒక మొక్కను నాటారు.

ఈ కార్యక్రమంలో సీఎం సలహాదారు @Vemnarenderredy గారు, ప్రభుత్వ సలహాదారు శ్రీనివాసరాజు గారు, ఎమ్మెల్యేలు వీర్లపల్లి శంకర్ గారు, కాలే యాదయ్య గారు, ఉన్నతాధికారులు పాల్గొన్నారు. #TelanganaRising 

Courtesy / Source by :  https://x.com/TelanganaCMO/status/1873357987953467658?t=Dyce2FN3R9O2pDrx4Eg9_Q&s=19