"మీడియా ప్రకటన" _👉 ప్రవళిక ఆత్మహత్యపై ప్రభుత్వం రాజకీయం చేయడం సిగ్గుచేటు: బీఎస్పీ రాష్ట్ర అధ్యక్షులు డా.ఆర్.ఎస్.ప్రవీణ్ కుమార్_

                                                                                              *మీడియా ప్రకటన*

*తేదీ:15-10-2023*

*బెజ్జూర్, కొమురంభీం ఆసిఫాబాద్ జిల్లా*

*_👉 ప్రవళిక ఆత్మహత్యపై ప్రభుత్వం రాజకీయం చేయడం సిగ్గుచేటు: బీఎస్పీ రాష్ట్ర అధ్యక్షులు డా.ఆర్.ఎస్.ప్రవీణ్ కుమార్_*

*👉 టీఎస్పీఎస్సీ చైర్మన్, సభ్యుల కాల్ డేటా సంభాషణలు బయట పెట్టాలి*

*ప్రవళిక ఆత్మహత్యపై పోలీసులను అడ్డంపెట్టుకొని ముఖ్యమంత్రి కేసీఆర్, కేటీఆర్,కవితలు మృతురాలి క్యారెక్టర్ అసాసినేషన్ చేస్తూ,వ్యక్తిగత దూషణలు చేయడాన్ని తీవ్రంగా ఖండిస్తున్నట్లు బహుజన్ సమాజ్ పార్టీ రాష్ట్ర అధ్యక్షులు డా.ఆర్.ఎస్.ప్రవీణ్ కుమార్ అన్నారు. ప్రవళిక ఆత్మహత్యపై పోలీసులు వ్యవహరిస్తున్న తీరును ఖండించారు. ఈ మేరకు ఓ వీడియో విడుదల చేశారు.ప్రవళిక ఆత్మహత్య అనంతరం పోలీసులు వ్యవహరిస్తున్న తీరు పలు అనుమానాలకు తావిస్తుందన్నారు. విషాదకరమైన పరిస్థితుల్లో కుటుంబానికి బాసటగా నిలవాల్సిన ప్రభుత్వం ఆమె వాట్సాప్ చాటింగ్ వివరాలు బయటపెట్టి, రాజకీయం చేయడాన్ని తప్పుబట్టారు.* 

*టీఎస్పీఎస్సీ  పేపర్ లీకేజీ చేసి వేల కోట్ల రూపాయలకు పేపర్లు అమ్ముకొని చీకటి దందాకు తెరతీసిన టీఎస్పీఎస్సీ చైర్మన్, సభ్యులు కేసీఆర్, కేటీఆర్ లతో జరిపిన ఫోన్ సంభాషణల వివరాలను సిట్ అధికారులు ఎందుకు బయట పెట్టడం లేదని ప్రశ్నించారు. పోలీసులకు నిజంగా చిత్తశుద్ధి ఉంటే తక్షణమే వారి కాల్ డేటా వివరాలను బయట పెట్టాలని డిమాండ్ చేశారు. టీఎస్పీఎస్సీ చైర్మన్ కనీసం కాల్ డాటా తీసుకోలేని పోలీసులు కేవలం ఆరు గంటల్లనే మృతురాలి ఫోన్, వాట్సాప్ కాల్ డేటా ఎలా బయటకు తీశారని ప్రశ్నించారు. టెలికాం ప్రైవసీ నియమ నిబంధనలు పోలీసులు పాటించరా అని అన్నారు.*

*పేద వర్గాలకు చెందిన ఓ యువతి ఆత్మహత్యపై బీఆర్ఎస్ నేతలు మీడియాలో అబద్ధాలను ప్రచారం చేస్తూ రాజకీయంగా వాడుకుంటున్నారని విమర్శించారు. బీఎస్పీ వల్ల నిరుద్యోగులకు అన్యాయం జరిగిందని ప్రచారం చేస్తున్న బీఆర్ఎస్ నేతల తీరుపై మండిపడ్డారు.కేవలం బీఎస్పీ వలనే గ్రూప్-1 తో సహా 16 పరీక్షల పేపర్లు లీకేజీలు బయట పడ్డాయని, గ్రూప్ -II పరీక్షలు వాయిదా పడ్డాయని నిరుద్యోగులకు న్యాయం చేసే పార్టీ బీఎస్పీయేనన్నారు. బీఎస్పీ అధికారంలోకి వచ్చిన వెంటనే టీఎస్పీఎస్సీని రద్దు చేస్తూ తొలి సంతకం చేస్తామన్నారు.* *కేసీఆర్,కేటీఆర్ లు తెలంగాణ ఉద్యమకారులపై కక్షగట్టి ఏ విధంగా రాజకీయంగా దూరంగా పెట్టారో అదేవిధంగా నిరుద్యోగులను పోలీసులను అడ్డంపెట్టుకొని కక్ష సాధింపు చర్యలకు పాల్పడుతున్నారని విమర్శించారు.*

*#Pravalika #TSPSC #IamRSP #BSP4Telangana #KCRFailedTelangana* *#Justice2Unemployed #LiberateTelanganaAgain #BRSKilledPravalika @RSPraveenSwaero*   *@Praja_Snklpm*

Courtesy / Source by :

https://x.com/BSP4Telangana/status/1713444728971403535?t=kl7GQesrXwXYhWUrWis0CQ&s=08