*సెక్రటేరియట్ కు వెళ్లకుండా రేవంత్ ను అడ్డుకున్న పోలీసులు!*
హైదరాబాద్‌: ఓఆర్ఆర్ (ORR) లీజులో వెయ్యి కోట్ల అవినీతి జరిగిందని హెచ్ఎండీఏ ( HMDA) కమిషనర్‌కు ఫిర్యాదు చేసేందుకు కొత్త సచివాలయానికి బయలుదేరిన టీపీసీసీ అధ్యక్షుడు రేవంత్ రెడ్డిని పోలీసులు అడ్డుకున్నారు.నగరంలోని టెలిఫోన్‌ భవన్‌ దగ్గర రేవంత్ కారును ఆపివేశారు. దీంతో ఉద్రిక్తత పరిస్థితి నెలకొంది. సెక్రటేరియేట్‌కు ఎందుకు వెళ్లనివ్వడంలేదని రేవంత్ రెడ్డి పోలీసులతో వాగ్వాదానికి దిగారు. అపాయింట్‌మెంట్ లేదంటూ పోలీసులు సమాధానమివ్వడంపై రేవంత్ మండిపడ్డారు. ఒక ఎంపీగా తనకు అనుమతి ఏంటని నిలదీశారు. అయినప్పటికీ పోలీసులు వెనక్కి తగ్గలేదు. దీంతో అక్కడ పరిస్థితి ఉద్రిక్తతంగా మారింది. సెక్రటేరియేట్ వెళ్తున్న తనను ఎందుకు అడ్డుకుంటున్నారని, తాను రోడ్డుపై బైఠాయిస్తానని హెచ్చరించారు. కాగా
కాగా రేవంత్ నూతన సచివాలయానికి వస్తారనే సమాచారంతో అక్కడ కట్టుదిట్టమైన భద్రత ఏర్పాటు చేశారు. సచివాలయం దగ్గర భారీగా పోలీసుల మోహరించారు. విజిటర్స్ గేటును పోలీసులు మూసివేశారు.
*సుజీవన్ వావిలాల*🖋️
No comments:
Post a Comment