సాయుధ పోరాట యోధుడు.... బూర్గుల నర్సింగరావు గారు కన్నుమూత

హైదరాబాద్ : 18/01/2021

*సాయుధ పోరాట యోధుడు....  బూర్గుల నర్సింగరావు గారు  కన్నుమూత!*

తెలంగాణ సాయుధ పోరాట యోధుడు బూర్గుల నర్సింగరావు(89) కన్నుమూశారు. అనారోగ్య కారణాలతో హైదరాబాద్‌లోని ఓ ఆస్పత్రిలో చికిత్స పొందుతూ ఆయన తుదిశ్వాస విడిచారు. బూర్గుల నర్సింగరావు మృతి పట్ల మంత్రి కేటీఆర్‌ సంతాపం తెలిపారు. విద్యార్థి ఉద్యమాలకు నాయకత్వం వహించిన యోధుడు బూర్గుల అని ఆయన కొనియాడారు. తెలంగాణ ఉద్యమం తొలిదశ నుంచి మలిదశ దాకా బూర్గుల పోరాడారన్నారు. తెలంగాణకు ఆయన సేవలు చిరస్మరణీయమని వివరించారు.

నర్సింగరావు మృతిపట్ల సీపీఐ నేత నారాయణ కూడా సంతాపం ప్రకటించారు. నర్సింగరావు తెలంగాణ ఉద్యమంలో సైనికుడిగా నిలబడ్డారన్నారు. కమ్యూనిస్టు ఉద్యమ పురోభివృద్ధిలో పెద్దదిక్కుగా ఉండేవారన్నారు.

ఆయన మృతి కమ్యూనిస్టు పార్టీకి తీరనిలోటు అని పేర్కొన్నారు. ఈయనతో పాటు సురవరం సుధాకర్‌రెడ్డి, చాడ వెంకట్‌రెడ్డి తదితర సీపీఐ నేతలు సంతాపం వ్యక్తం చేశారు.

*link Media 🖋️*

https://prajasankalpam1.blogspot.com/